肥妹小食

营业中

休息中

🍢肥妹小食小編口痕想食炸物🤡一於外賣一間trytry佢～唔覺唔覺叫左好多雞😂😂黃金單骨雞翼見議襯熱食～凍左味道有點怪怪(小編覺得)😂😂咖哩烏冬個汁黎到有點唔夠～變得撈埋烏冬每啖口感時有時冇🫣炸魚柳同炸雞塊仲有炸雲吞真係炸得幾好味🤤依三樣要試下佢～其他中規中矩好壞無咩特別盛惠💰$4xx好味指數(7級最佳)▁ ▂ ▃ ▄ ▅ —————————————————☻非專業食評·純個人口味☻—————————————————📍總結:打緊都想再食炸雲吞·雞塊·魚柳😂😂真係幾好味～不過咁邪惡久不久一餐好啦～身體健康先食得更多☝️😃

酸辣粉好好味😋 而家加左價，要$35 一碗，但個人認為都抵食酸辣粉份量大，湯底惹味，陪辣又夠麻😋我仲加左$9要條雞肉腸，本身expect 2條😿 因為$9都唔平，點知得一條，所以配菜唔抵食

貪方便諗住WhatsApp落單，每次落單後都會通知等候嘅時間最小係半個鐘以上，撞正夜晚繁忙時間等候一個鐘頭係最基本。食物選擇好多有炸物、串燒、粉面等，其實食物質素有保證嘅，但係溫馨提示炸雞髀/炸雞扒之類經常好早就已經冇得賣，食物新鮮熱辣，味道亦相當不錯

之前一直只幫襯佢炸髀，係好食嘅，只不過愈來愈貴 由於寶林粉仔已無左，突然又好想食油渣麵（粉仔）！又唔想離開將軍澳區⋯所以就試吓肥妹小食嘅油渣麵啦 落完單等一陣好快有得拎，但食落就有啲失望，油渣麵湯底勁淡，無味菜脯又比得小，無得加多啲，亦無辣菜脯揀不過豬油渣大大粒又多補返數，但始終都係以前寶林粉仔好食啲！而我朋友叫左酸辣粉，呢個反而幾正，湯底夠晒濃，係啲薯粉硬左小小，可以再煮軟身啲，酸辣粉值得一試。 同埋炸貢丸，炸野keep到水準。

趁住今日父親節外賣， 雖然等左一個鐘頭多啲，不過都明白大時大節需要等係正常。雖然外賣預左炸嘢係差少少，但個魚柳估唔到好味，魷魚穌都好味。個三杯雞入味，有香草，蒜嚟煮。小朋友就叫左咖哩雞排，唔會太辣好好食。（外賣好好，又分開包裝唔使整到雞扒林晒）店家好好送左罐可樂俾我。總括而言，呢間真係唔錯，希望再有多元化嘅麵食／飯選擇，＜始終油渣麵我麻麻＞要知道啱晒成家人口味好難，所以呢間會翻單。三杯雞飯 (唔辣 ) $56炸雞軟骨 $23炸魷魚鬚 $35日式咖哩炸雞扒飯 $56C餐炸魚著條$60PS: 跟手叫埋茶星人，喺隔離咋，千祈冇錯過。

平時都一直幫趁肥妹小食，whatsapp 落單夠方便，平日同假日都好，預早落單梗有好嘢食😋如題所言，個燒雞扒冇得唔試，每次打開外賣盒嗰浸食物香味湧出黎🤣流哂口水👍烤出黎既雞扒本身仲係 juicy 既，正到痺😁其他食物種類多，想飽肚有咖哩飯豬油渣面；佐酒小食好多選擇，一口牛，雞腎，牛仔骨，雞軟骨，魷魚鬚，炸薯格，等等等等。。。好多🤣🤣之前有好好味既多春魚，因為來貨問題，依家冇得吃😅希望之後有返貨啦🎉

光顧位於「將軍澳」的居屋「富康花園」商店街最大好處，就是交通極為方便，我在九龍乘搭港鐵前往「將軍澳」站，落車後經過「將軍澳廣場」地下出口，很快就到達「富康花園」入口。我剛剛從進入「富康花園」入口，就趕緊前往昨日仍未開門營業的目標油炸食品燒烤食店，但是很可惜，那間食店直至我離開「富康花園」為止，仍未開門營業。其實我之前已經在九龍購買了「咖喱牛腩飯」，直到「富康花園」之後我就只是想購買炸雞或者燒雞食品，所以我退而求其次，在「富康花園」裡面的小食店「肥妹小食」購買「燒雞扒」食品。我付款之後，站在「肥妹小食」店的廚房窗口外面，看着「肥妹小食」裡面疑似是女店主的人，跟另外一位廚房店員在「肥妹小食」廚房裡面，即場燒烤製作外型很厚實的「燒雞扒」。等到「肥妹小食」厚厚的「燒雞扒」被燒熟之後，「肥妹小食」廚房裡面的人，再用刀即時為「燒雞扒」切成很多份，讓「燒雞扒」保留原形，鋪在食店的外賣紙盤上面。等到「肥妹小食」製作完成「燒雞扒」食品後，我一收到「燒雞扒」製成品，立刻沿着「富康花園」另一個出口，沿着「香港單車館」和「文曲里公園」，返回「坑口」港鐵站跟西貢小巴站，坐車返回「西貢」。我立刻坐專綫小巴回到「西

某天見到食神妹妹在社交平台推介,所以自己特意入去一試。食神妹妹推介了黃金炸雞批。黃金即是鹹蛋黃！！！ 由於雞批塗上了鹹蛋黃，所以一口咬下就有一股鹹香的味道。加上火喉控制得好，肉汁慢慢從雞批流出來，十分美味。 不過佢十分邪惡，卡路里十分高。只能間中享受一下。另外，試了燒雞翅和燒牛舌，肉質十分嫩滑，味道頗佳。因唔想食太多熱氣之作，所以老闆娘將燒娃娃菜轉為上湯娃娃菜。 但估不到這個18元的娃娃菜都好好食。 正不過，由於所有食物都是即叫即做，所以製作需時！

兩口子搞浪漫永遠係金錢堆砌出黎但當兩口子係懶過乜浪漫就變得昂貴條女想食燒雞翼？洗鬼搞二人BBQ咩炸物類燒烤類油渣麵撈麵滷肉飯酸辣粉真係好多元化燒多春魚！正😬店主肥妹如有時間就會應客戶要求整野食，女人最喜歡食菜，唔想燒菜，肥妹整個個湯菜俾我燒池魚骨，脆香甜甜地似雞泡魚干牛脷飯，牛脷軟身得黎爽口之前食燒茄子🍆太好味食左幾口影相唔靚就冇影喇堆介架老實講，食境就唔好預佢，環境都真係街頭小食咁款，雖則冇冷氣，但衛生都ok架燒物就只限於晚市至有街坊就好方便喇兩條友大滿足都只係兩舊水無飯夫婦就最岩將佢列飯堂list喇

以前我有吃宵夜習慣，會光顧街邊小食，最愛吃油渣麵。但這幾年搬了出來，已經沒有吃宵夜。剛好附近找到一間有油渣麵吃的，於是試試，這屬於一間小店，已光顧了好幾次。這間油渣麵雖然不及小時候吃般濃味，但味道都不錯。我最喜歡麵的質感，粗身得來有些少彈牙口感，麵身都頗滑。油渣炸得少少香脆，吃起來不算太油膩，加上入味的冬菇，整體不錯。有時我會加上菜脯，菜脯少少鹹，用來調味很合適，因為如不加調味，平日吃濃味的朋友應該會覺得冇味。外賣自取或堂食一碗$25，外賣叫餐則$32，以這個價錢及質素，算是不錯的。