肥姐小食店

营业中

休息中

每次出嚟旺角我都一定會去搵肥姐，無論條隊有幾長，我都一定會排隊。 我真係佢嘅粉絲嚟㗎，佢咁多年來都屹立不倒，全靠佢嘅墨魚真係超級好食。其實嗰個墨魚本身就冇乜味，但係一加咗肥姐嘅秘製醬汁，成件事就唔同晒啦，根本呢個食物就只應天上有。再加埋甜醬芥辣，你都真係會食到嘩嘩聲。其實佢個雞賢都好出色，佢嘅雞腎好爽脆，而且係我嘅至愛。只係今次去食，佢已經賣晒，好傷心。下次我都一定會再排隊再買，幾長我都一定會排隊。建議早一啲去排隊，撞正放工時間，就會好長龍㗎喇。

基本上所有90後如果有去過旺角，都一定行經過呢一間小食店。 冇錯，就係肥姐小食好記得當年仲係5-6蚊一串雞腎，咁當年窮嘛，細蚊仔冇乜錢，所以成日淨係叫1-2串，或者同朋友share食，當年覺得好好食，因為食得出佢都算新鮮做，口感好好，好爽脆，同埋會食到一絲絲香甜😂😂😂。咁我一定會叫要芥辣醬，仲要重芥辣，企係街邊食，別有一番滋味。而家人大左，專登去重拾回憶，仲買左佢最貴既皇牌套餐，食當年完全唔敢買既既大生腸，明明都係一樣多芥辣，但自己一個係垃圾桶隔離拎住個口罩享用，已經感受唔到當年既味道😟，冇左個一絲香甜味，唔知係年紀問題定食物問題🥲。唉，人生沒有如果，最好既調味料果然只有饑餓以及思念。

同個friend 難得去旺角shopping，佢講咗好多次肥姐小食店好好食好出名，未掃過街嘅我都唔知佢講乜。去到就知，哦！原來係滷味店，仲要排晒長龍，心諗咩料呀。我唔食內臟，所以淨係揀咗雞手腳，再黐個friend嘅皇牌餐隻大墨魚黎試吓。見到隻雞腳嘅色諗起飲茶有籠嘢又係咁多色素😂上面jeet咗好多芥末。疫情吓個個都就咁企響街邊食，好啦🤡又幾好食喎，好有香港feel不過呢啲小食多滋味啦，多食擺明冇益😂

馳名肥姐小食，就算冇食過，經過旺角就一定見到好多人排隊，我幾乎冇見過冇人排隊嘅肥姐小食😂食咗無數咁多次，都係覺得皇牌組合最好食！有墨魚、細生腸、大雞腎，咁多年，味道依然冇變，都係咁好味😋

見好耐都無食，突然好大食一次🤣但每次去都排長龍，無意中發現可以係openrice落order，十分方便間中食一次，回味，買返屋企慢慢嘆😌呀媽教落~必須要甜、芥、豉一起~正😋👍

經過每次見到唔買都會心囉囉攣為咗令自己有覺好瞓😂😂就算食飽飯都要買返一盒返屋企買得多經驗自然多如果又唔係即場食咁如果個數量唔少其實滿$70就可以喺左邊直接購買唔需要排隊星期四假期前夕嘅晚上🌃唔算多人排隊最可惜嘅就係生腸同細生腸都已經賣晒冇記錯買滿$70以上就可以有盒👍🏽👍🏽汁另上如果住得遠仲可以加錢加冰🧊冰鎮返屋企腎 爽口彈牙大墨魚 鮮甜啖啖肉車程遠所以我哋返到屋企都仲凍其實買七串都唔算太多😆😆😆

細細個行旺角已經成日幫襯，咁多年都屹立不倒，就算封咗關一樣成日排隊難得今日經過見到唔洗排就沖去買懶得揀就叫個大王牌有大生腸，墨魚同雞腎，真係咁多年都咁好食，買完行埋一邊唔夠3分鐘又開始要排隊

以前中學出油麻地就一定會食肥姐已經超級耐冇食前牌經過見到即刻要買返個大皇牌只可以話依然咁出色！中學嘅味道返晒嚟🥰最鍾意食佢嘅生腸同墨魚超級爽口再加埋啲甜醬豉油芥辣真係冇得輸真係好鍾意食🥺🥺🥺

疫情好少出旺角，今日經過竟然得四個人排隊，點都要整返個大王牌套餐！大腸，大八爪加雞腎 彈牙，有鮮味，未食都唔記得自己有幾掛住呢個味道！可能因為而家冇咁多人，啲姐姐脾氣都冇咁暴躁，有禮貌之餘仲會同你問每一樣要分開袋定一袋過

嚟開旺角梗去肥姐度🤣冇食過肥姐冰鎮滷味..可以話係人生一大憾事🤫好幸運係𝚅𝚒𝚎𝚗𝚗中意食嘅野=肥肥中意💘 所以從來食好西嘅鐵腳都係肥肥🤫🍢肥姐好食在係個「醬」‼️㊙️黃芥茉醬、甜醬、甜豉油‼️如果個醬唔係咁特別,會失色不少‼️夠晒嗆‼️夠晒辣‼️ 唔中意甜醬嘅𝚅𝚒𝚎𝚗𝚗都覺得不能沒有「它」🤫🍢皇牌套餐ʜᴋᴅ$38 （墨魚火雞腎生腸）墨魚🦑夠爽口彈牙啊～冇鹼水味‼️新鮮‼️火雞腎🦃️ 係𝚅𝚒𝚎𝚗𝚗最愛~夠脆‼️夠爽口‼️唔係食香口膠‼️生腸 = 🐷豬嘅輸卵管～食 #港式滷味🍢必叫‼️🍢無論係尖沙咀定旺角,一定會幫襯肥姐同佢個仔！雖然食過好多間,但因為個「醬」無限♾️返啅🧡💛 所有外國朋友嚟香港🇭🇰𝚅𝚒𝚎𝚗𝚗必定帶佢哋嚟食🤣 老外係好抗拒食內臟都覺得𝗻𝗲𝗶 𝗵𝗼 𝗺𝗲𝗶💗𝗣.𝗦. 食咗咁多年..從來唔知幾錢嘅..但今日聽到後面個小妹妹🧍‍♀️(目測8歲）同爸爸對話就知啦👂咁細個都咁識食👍🏽如果大家中意俾個like支持下🤟🏽 𝗖𝗶𝗮𝗼~🍢肥姐小食店 (旺角)🍢旺角登打士街55號地下4A號舖

每次行過旺角的這間滷味都都好想食疫情下都不太想係街食嘢 不過都忍唔住！最簡單唔想挑選就叫大王牌套餐大生腸 大八爪魚 加串腎照樣一樣爽口、彈牙有鮮味出面真係好小地方的係鮮味的！推介！

肥姐小食真係好出名，次次經過都勁多人排隊，嚟到旺角一定要食，亦都食過好多次，次次好好食，保持到水準！🍴⭐️墨魚 $14墨魚好爽口彈牙，真係有墨魚味🤤入面有大大條墨魚腳，身，鬚。食得出係新鮮整，夠曬凍啊！加埋甜醬芥辣，甜甜辣辣，真係好perfect! 必食墨魚！🍴大生腸 $14大生腸都好爽口，冇異味。🍴⭐️豬頭肉 $10豬頭肉好爽口，冇異味，有皮有肉，食落都唔肥膩，質感就係爽口嘅豬手！🍴豬潤 $10感覺新鮮，有鮮味，冇血腥味，乾身爽口。推薦指數: 9/10Keep到水準又好食嘅港式滷味，每日新鮮即製賣完就收舖，暫時未揾到一間好食過佢！

由細食到大嘅港式滷味，長期間中都有想食嘅慾望😂😂，出開旺角梗係一定要去肥姐小食點到朝聖，我每次食黎食去都係嗰幾款今次少少哋買住5串先，麻油醬油，芥辣甜醬，是必須的，冇咗呢幾樣醬料完全唔係嗰回事😋😋而家因為疫情關係，今日去嘅時候都唔係太多人排隊，我大約排咗五個人就已經買到不過當然仍然係人氣，人流一個接一個，大部份人都買5串以上嘅外賣，肥姐真係有佢嘅魔力，都係我暫時食過滷味當中最好嘅我嘅心頭好😋😋買咗5串 $62返屋企慢慢嘆▪️生腸花▪️小生腸▪️墨魚▪️雞腳

肥姐相信大家一啲都唔陌生，喺旺角登打士街嗰頭就一定會見到好多人企喺度食鹵水串串🤣今次行行下都比肥姐吸引咗，太耐冇食喇！同男朋友叫咗三串share食🤤我哋叫咗大墨魚 ($14)、大生腸 ($14)同豬脷 ($10)～墨魚好爽脆，永遠都係我嘅最愛🤤生腸都好彈牙，完全冇內臟嘅臭味～豬脷係男朋友要求嘅，口感都ok，不過可惜佢最鍾意嘅豬頭肉賣哂😢加埋甜醬同埋芥辣，的確係好好味😋食咗咁多年，雖然見住佢時不時加價，但間中都會想嚟食吓😌

同女朋友嚟到旺角口痕想掃街 嚟到肥姐小食 見到門口大排長龍 質素應該有返咁上下啦 咁我就叫咗一個王牌試一試佢，分別有墨魚細腸同埋雞腎。首先講個滷水汁係幾出色嘅 調味啱啱好 值得一讚係墨魚同埋雞腎 墨魚口感一流 而雞腎係三個入邊最入味 細腸就不過不失啦 如果下次再嚟我會淨係叫墨魚同埋雞腎 不過要留意真係好多人排隊 我哋叫完企咗喺側邊食 食完成條隊都係keep住咁長 冇郁過🥶不過排都唔駛等好耐 等五至10分鐘都已經可以買到了 都值得推介嘅👍🏻 係略嫌佢貴咗少少