肥姐小食店

营业中

休息中

肥姐係我兒時回憶，以前賣緊$5一串，依家賣緊$9一串，啲人仲要好串，好似唔優做咁😭😭經過旺角咪食下囉叫咗一串細生腸，雞腎唔知係咪雪櫃唔夠凍又凍同室溫之間，滷味正常係凍食㗎嘛變咗室溫邊度好味嘅啫而且啲嘢又小左，大不如前

很久沒吃過肥姐，以前好愛吃，難得經過就買來過下口癮，點知好失望😭😫生腸串 $9退步了很多，生腸偏韌，食完有d哽胃，醬汁偏鹹，食完好口渴，好多味精，jo唔會再幫襯了好食指數：🤢🤢

好耐之前經過旺角就見到呢間肥姐小食店好多人排隊啦！每次都想試下係唔係真係咁好味！🤗呢次終於有機會，一於買份細皇牌套餐試下啦！😋細皇牌套餐有墨魚、生腸、雞腎，對於選擇困難症嘅我嚟講好啱我！😉可以一次過食曬三款，我最鐘意食墨魚同雞腎，墨魚爽口鮮味，雞腎都好好味！😄加埋醬汁甜豉油、甜醬、黃芥辣，味道好夾！😍

去到旺角，呢間野永遠都大排長龍，佢最出名就係佢嘅生腸，我每次食都要多芥末醬，因為佢嘅生腸同埋佢嘅芥末醬好夾，喺第二道食唔到呢隻感覺，呢度員工手腳好快，效率好高，雖然大排長龍，但係好快就已經有得食，都唔錯㗎！

細細個去旺角入去好景睇遊戲碟前後，必定掃下街食吓D地道小食。而肥姐是一間我很少放過的地方，她的鹵味雖然不便宜，但加上她的秘製汁，令到鹵味升上另一個層次。今次我叫了大皇牌加串豬脷，共有3串不同的鹵味，有火雞腎，大墨魚和大生腸，配上黃芥辣，那種的爽醒，算是絕配！

去開旺角想食小食一定會黎返廣華醫院隔離既呢間肥姐小食店,未結婚同老婆拍拖時已經係人山人海大排長龍.今次陪老婆覆完診,見差唔多開舖就諗住買黎食,點知門口已經拍緊隊,真係估唔到一間細細既小食店個吸引力咁勁.今次買左大三寶,就係墨魚 大腸同埋火雞腎,我再加多串細腸,加埋甜醬同芥辣.味道咁耐都冇變,出邊食既有時會淋左唔夠咬口,有時又會太硬,就咁1張紙幾支竹簽已經可以食到好滿足.單單賣果幾樣小食可以做到咁出色,抵佢地長期好天落雨都咁多人.

年青時，金聲戲院走鬼檔食到至今，雖然已搬離旺角一段長時間，久不久經過，都會來過一過口癮。水準還算保持接近，服務大家就唔好有要求先啦！此終街邊小食檔，盡量避免畀人鬧，唔好阻住人做生意就算今日冇龍，就排一排，吃個大皇牌。大皇牌有《 墨魚＋大生腸＋火雞腎$35》最緊要係混醬，麻油香味＋流質甜醬滲透＋ 攻鼻的黃芥辣，這樣配搭吃，才能體會風味。大墨魚是我至愛，有點兒像港式sashimi(這類型用花紅粉滷水檔冷盤，肥姐都算做得最出色了。)十分滿分形 8色 8香 8味 9速度 10態度 6裝修 6整潔 7性價比 7回頭指數 9Total：78分

每次出旺角都必定要掃街，而肥姐鹵味係必食之選👍🏻每次都叫好多串，差唔多食齊咁多款咁滯😋今次去到，因為疫情嘅關係真係冇乜人，從未試過唔使排隊就可以買到嘢食🤩因為唔係個個都食甜醬同芥抹，佢地好勁咁摺開2格放醬👍🏻通常都唔會叫套餐，因為計過數其實同散叫一樣價錢，生腸同墨魚都係$13 ，其他都係$9，所以只係for啲唔想諗食乜或第一次食嘅人😆每次必食大生腸（夠曬爽）、落雨（夠煙韌）、豬潤（一啲都唔鞋好滑）、火雞腎（夠爽脆）、豬脷（夠林）、火雞心 （煙煙韌韌）。

每次行經登打士街轉角位也會見到一條長龍，每次也趕時間沒機會試，今天來到便買外賣回家慢慢嘆，以往看電視也知道這個滷味店有很多人推介，試過之後真係覺得冇得彈！終於明白長龍的原因。生腸新鮮爽口，沒有怪味，腎爽口入味；八爪魚軟硬度剛剛好。豉油、甜醬及芥辣分開包好非常細心。紅腸也好味！與家人分享很快便吃完，覺得唔夠喉！

旺角小食多，經常行行下街都想搵野食，但一行到登打士街，自動就會掛住肥姐小食的味道，因為佢d凍滷味，加埋汁真係好食。以前食過下其他鋪的手勢，但都係肥姐味道最正宗。我通常都係貪快、唔想諗太多，就會叫大皇牌有火雞腎、大生腸、墨魚！當然最好食一定係墨魚配埋甜豉油、甜醬、黃芥辣，個味太夾了其實仲有其他不同種類的，自己可自由配搭有墨魚、鴨脷、紅腸、大生腸、細生腸、火雞腎、豬脷、豬膶、豬耳、豬心、豬頸肉、豬頭肉等等！

肥姐我細細個就食佢啦，重記得果時佢係銀城廣場對面嘅一個小角落，肥姐一個親自落場，佢嘀八爪魚特別肥美，唔係切定㗎！係叫嘅時候，佢就會拎起肥嘟嘟到好似一棵肥珊瑚咁嘅大八爪魚當面切俾你，一嘀都唔硬，烚得啱啱好，又新鮮，又甜，又煙韌！你知啦！一耐嘀野就上神枱，硬係覺得以前好，其實我都重係好鍾意食肥姐，但總覺得以前嘅八爪魚大隻嘀，淋嘀，不過話說回頭，而家衛生同有效率好多！你買夠一百蚊唔洗排隊，可以直接係隊頭寫紙買，同佢嘀大腸，生腸，腎都好好食，又新鮮！嘀豉油呀甜醬，芥辣分開袋起哂！好窩心

«放假食好西 3 -  肥姐小食店»食店: 肥姐小食店食品: 豬潤 豬心 生腸（$21）《肥姐》好食就係人都知 我特別鍾意食呢3款小食豬潤🐖📢鍾意佢粉粉地得來唔會死死實實 係啱啱熟 有滑既感覺豬心🐖📢豬心爽口又夠味生腸🐖📢夠爽夠脆綜合來講佢既內臟都比較新鮮 清洗乾淨 加上有冰鎮或雪凍 所以食落去有涼浸浸同爽口既口感 再加上佢淡淡略帶甜既滷水 令到食內臟都有點點清新既感覺 加埋甜醬同芥辣醬真係好食到想再叫多幾串所以雖然已經食左十幾年 比起從前當然水準略有下降 （個人認為可能因為本食攞新鮮內臟問題）但每當行過都會叫2串 回味無窮

好耐無食過，經過就黎食下，呢期唔太駛排隊喎👀，即叫即有。叫左個王牌combo（$35）：墨魚：肥美又彈牙，大大串👍🏼無小腸轉左大腸：質感同小腸好唔同，大大舊，軟身啲，都ok腎：薄過舊時，同埋無咁爽口，但味道都係一樣

今日連續寫三個post呀，最後一個係呢間肥姐小食，好出名嘅滷味店，本地人同遊客都會去食。其實我當初點解知道有呢間店呢，唔喺度講，有機會同大家分享下個背景肥姐開下午兩點，以前就排哂長龍，依家大家知咩環境，所以一定冇以前咁多人。呢度有皇牌同大皇牌兩個餐叫，因為我唔食大生腸，但細生腸我食，唔好問我點解生腸係豬的輸卵管，腸的大細就視乎豬的體型我叫左皇牌$31，加散叫一串豬潤皇牌有細生腸、墨魚同火雞腎我個人鍾意按喜好食邊串先，最鍾意食就擺最後，咁第一串我食雞腎先，唔係唔鍾意，但鍾意程度係最後入口好爽脆，唔會有啲怪味，食得出雞腎個原味，加埋啲甜醬芥辣，好食跟住到細生腸，都係食落索索聲，冇怪味，想提下呢肥姐個滷水汁係秘製，電視睇過佢地將每串滷味放入桶透明水入面，串野就有味架喇當然佢地唔會話俾你聽有咩材料好！到墨魚，好有墨魚鮮味，唔un，配埋啲醬料又係一流架呵呵到my favourite 的豬潤喇大家可能會話豬潤有咩特別呀？周圍都有得食啦，但我可以同大家講，肥姐嘅豬潤食落去係爽、淋、脆，一啲都唔老，好夠味包你食過你眼望我眼好喇，肥姐小食嘅分享到呢度，今日3/5嘅食評呢篇亦係最後一篇，聽日我會同個朋友食

今日又來到旺角，所以一定要去搵肥姐，諗住今日係平日應該冇咁多人，點知一樣大排長龍😂,我點左雞腎和八爪魚，味道冇變仲好似好食左😋唔夠喉添，想再排隊已經找不到龍尾了。