肥肥重慶雞煲 (已結業)

連續五篇"喊面篇"寫完後, 寫咗兩篇好吃的, 上篇開始無端端又寫返九龍城, 好似接續之前一連10篇OK篇"龍城食記"咁, 無所謂啦, 反正我貫徹我寫食評的目的就是一個平台記錄我和honey的食記又或者即使是我自己去吃的, 也讓他知道我吃過了什麼.   今次想介紹給來九龍城'搵食'的大家是廣場的"肥肥"!  其實來到肥肥唔一定食雞煲, 因為還有汽煱蒸魚, 醉雞煱及其他火鍋底可自選, 不另加收費, 可謂各適其式, 而且都是收一個價, 我們去的時候有信用咭優惠, 埋單每人$132, 近來再去即使正價都只是$150一位全包, 雖然全部是大路食物, 但乾淨衛生又經濟, 還不叫人滿意嗎?!  一入場, 先來一罐自取飲品, 有各款汽水, 地地包裝提子汁及啤酒, 喜歡飲幾多都好自由, 非常方便! 看看有什麼火煱料...嘩~ 都頗多選擇呢~  其實以這個價錢來評分, 不可謂不超值既然打算來試個雞煲, 那就不用多想叫一客吧, 吃完再加湯打邊爐 為了遷就我喜歡吃辣但又不是可吃很辣, 雞煲選了少辣, 都好惹味, 少少麻少少辣, 相當香口. 當日有裝APPs特別優惠, 只要出示手機有安裝了某個APP, 經理

講起肥肥重慶雞煲，我好耐以前係深水埗果間食過，覺得麻麻地 ！今日難得去九龍塘既九龍城行街，行到好攰，夜晚唸住去食雞煲打邊爐，最後決定去呢間食，去到有個接代員，呢段時間$158+1，即係$158+$19，一個人$177😅，餐廳入面燈光好暗，牆紙黑色，係我中意既黑色座低後，開始叫雞煲Lu,我個Fd叫左大辣，心情好緊張ar，猛甘唸呢間吾知好無食架呢？同埋呢種辣度，我接受到？……………雞煲終於到喇，食ar食，Um…我接受到喔果然mo令我失望，好好味ar,呢種辣味，辣得黎好香，雞肉又滑ＷＯｒ，😊食完雞煲，打邊爐時間到喇，haha只係叫左一轉火鍋料咋，經已飽喇喔，個胃放吾落，都無辧法我同fd都覺得好好食，好滿足😳總括黎講，呢餐好滿意

今次係第三次黎九龍城嘅肥肥任食雞煲，21:00後係138元，呢個時間啱哂我，第一次黎冇乜人，我都係经過見新開試下，但今次就好爆場，除左雞煲，最鐘意食佢個三款料嘅蒸鍋（有名堂，但我唔記得左），蒸盆上有雞，豬膝肉（似豬頸肉），班塊，醃得好入味，下面墊左金菇菜，索哂啲肉味，正！食完再用下面嘅湯打邊爐，一個價錢，兩種食法，抵！雖然火鍋料選擇較少，但基本嘅肥牛，雪花牛柳粒，羊肉片，脆鯇片，丸類，餃子，菜類同菇類都有，最得意係火鍋料竟然有咸豬手，另外各種汽水啤酒，雪糕都係任攞， 最愛佢嘅熟食小食……海哲，靑瓜。最貼心嘅係佢嘅火鍋料可選大細碟，唔駛浪費，但今次去個廚房就太懶惰，剔左細碟嘅都執好多，例如紅薯粉俾左一大籃，蕃茄都成8舊，因為得兩個人，到最後都係食唔哂，有啲唔開心，又唔想夾硬食，希望老闆可以跟進一下，以免客人食唔哂之餘，貴舖嘅成本亦多左。

假期家族晚飯, 人數眾多,在九龍城選擇了較易搵位既九龍城廣場!16人已預約,有獨立房提供....任飲任食...16人可以有4爐~~前菜既水母絲好好食~~麻辣生腸好夠麻~~雞煲微辣接近唔辣,唔辣則偏甜~~味道一般,香料味不足,差咁d重慶味~~古法蒸雞個人覺得比較可取~,底湯夠足料,雞無雪味!!!稱讚員工服務態度!!!我們人多order雜亂而且嘈吵~員工依然熱誠有耐性!長保持笑容,轉身亦無變瞼!!!食物送遞快速!!

晏就去完潑水節夜晚就同朋友一齊食雞煲5位可以選二A.麻辣重慶雞煲B.麻辣烤魚鍋飲品櫃 自行取有醬汁吧 同雪糕櫃有4張紙選擇烤魚鍋原來係炸魚放入湯底就叫烤魚但魚塊夠滑 又可以入味中辣夠灑辣 配上金菇 雞煲 小辣一啲都吾辣 又吾麻最重要係啲雞吾入味又吾滑 好多渣上台時已經冇汁 好快乾到底下載快的app可送一碟有薯粉 扁身粗啲既粉腸上台已經係又黑又硬 肥牛新鮮 肥瘦均勻有小食炸魚皮脆卜卜冰震鮑片好食青瓜冇特別 放辣油

大年初二難得搵到任食火鍋營業,即管試試!店內環璄很乾淨,裝修優雅,坐位亦很舒適寬敞。服務態度亦唔錯,尤其男經理很有禮!湯底方面除雞煲外亦有很多選擇,點咗個鮮茄牛坑腩湯底試試,湯底一到才開始計時,全程有兩小時可以任食,湯底味道夠濃,好足材,有十件多牛腩,仲好入味前菜及火鍋料都好多選擇魚肚厚身,好有口感、脆鯇魚片非常新鮮,彈牙,爽羊肉片好有羊味、水魷魚好大片好爽口、手打鯪魚球都唔錯,好鮮,入面仲有蝦米值得enore!是次全程食足兩小時,飲咗半打啤酒,仲有紅豆,綠豆雪條提供,可惜已經太full!埋單盛惠每人$120!超抵,任食火鍋中算很有水準!

服務認真....一般。 點解見到拎groupon 就好似黎乞食。 我都要比109， 加98小費。 佢提供既野食同groupon 上面寫既唔同囉， 出入都幾大，款式都幾少。。。。 食材 款式少，新鮮程度都算幾好， 肥牛質量還可以， 炸魚皮一般， 丸一般， 所謂送既9吋蝦， 6吋都可能無。最重要既湯底有待改善， 如果唔落湯d雞都算ok, 量好多

想食雞煲而來 見折實152蚊1位 任飲任食 覺得都幾抵食 點知中伏了!!!!!!!雞煲味道還好但份量少之又少 都唔知有冇半隻雞又唔係任食 1枱限1煲 4個人確係唔夠同唔抵加左湯打邊爐淡左勁多 完全唔係個個味食材極差 cheap都冇朋友可以話係樣樣食物都係最cheap個個level又難食 又唔抵 質素惡劣即係連豆卜呀 街邊車仔麵都好過佢 D牛肉一碟恰完得返1啖 少到丫但無論你嗌幾多碟牛肉佢都只係會俾1碟你 點夠食呀4個人 1碟得1啖 侍應態度又差 好似唔想serve 你咁 個個都企埋1 2 邊 野食1係就好快上俾你 1係就等勁耐 上菜係就咁pat 低係枱就算有冇諗過做生意既呢食完好似食左陣風唔係話預左俾咁既錢就食咁既野去酒樓打邊爐都係差唔多價錢 野食同服務都好好多囉 唯1好就係有汽水任飲 但好多餐廳都有嫁啦 唔會再幫襯呢間野 如果負100分係滿分 佢1定負120分

見團購做咗好多次，終於試咗~因為訂咗枱所以去到就有位，被安排坐正門口位~叫咗個中辣，雞煲嚟到，侍應就話食得，望一望D汁都未撈均，食落甜甜地，雞都滑嘅,個辣味只係加咗辣椒粉/碎，老實講，有點求其~之後到加湯打邊爐，加咗湯之後完全無味，問，可唔可以加啲雞汁比我？結果佢拎到出嚟嘅我相信係一兜海鮮醬!用海鮮醬加辣椒粉/碎，就叫雞煲？會唔會太無誠意呀？其他料都不過不失，不過餐前小食叫咗幾款一個都無嚟到!飲品款式都有5，6款，算唔錯……仲有雪糕,不過因為太飽無食到~不過以咁嘅價錢我唔會再去囉！

團購，1730—1930用，埋單130左右，其實平左9蚊雞，多左每人一隻大蝦，蝦都算彈牙，大隻。。。講食物，要左個二人的小辣雞㷛，但小辣，都好鬼辣，好惹味，好like。。。另又有美國肥牛，鮮牛，食左兩round,白魚彈，蟹棒，乜芝士豆腐好味，其它仲點左d雲吞，腸，炸魚皮等等都無問題，魚皮餃，豬頸肉就一般姐。。。。有d前菜要一提，蟹柳餃子，鳳爪都幾好問，仲有幾種可以選擇，但又雞煲，又肥牛，又呢樣個樣，老實，真係飽到嘔，食幾款正路菜，都夠晒了! 你問其它羊肉，乜丸呀，sorry,真係食唔落。。。仲有朱古雪糕等緊我地，每人兩球，yeah順帶一題。呢間由大堂經理，到內裏的阿姐，都幾nice,食得幾舒服，為表支持，立刻又團購多次，哈哈哈

團購多數用料差 但呢次令我地好滿意!首先講下個雞煲先,2個人半隻雞要小辣,雞啖啖肉,重慶香料味重.等緊雞煲既時候可以叫餐前小食,有炸蟹柳餃子(會食飽),硯介鯪魚球(細細粒,整得好入味),海哲(唔好食),皮旦豆腐(好滑唔太咸).每人會送一隻大蝦,爽口好大隻!之後其他料都是任叫,我覺得推介既就係帶子,蘿蔔(超甜),九菜餃(皮適中九菜香),蟹柳(唔係cheap雞蟹柳),榖飼牛片(新鮮嫩口),鵝腸(爽)!但果d魚皮餃,牛丸,包心魷魚卷,魷魚,就可以唔洗叫飲品方面有仙地,C+lemon,啤酒,荔枝蜂蜜(淡),柑桔峰蜜(好飲)!服務態度好好!出菜快,收盤都快!讚

講真，雞煲個味系唔錯但系除左喱樣，整體黎講都幾失望放題啲配料選擇少不在話下第一輪上菜已經亂上(sosad無叫嘅豬潤娃娃菜黎左，同佢講就見佢比隔離叫豬紅蘿蔔可以落三次單都無問佢就話攞緊黎，到最後唔知佢攞左去邊唔知我唔好彩定點，連到爐都停下停下上菜份量少，質素都唔系好牛肉韌到一個點有丸呀，公仔麵呀，餃呀嗰啲正正常常環境方面就無太大要求，系好暗囉…如果心思思唔知食邊間雞煲放題，我諗喱間唔洗考慮喇，真心無下次

團購之便, 第一次食.我地一行七人, 點了2個走辣雞煲. 隨之而來係7隻大蝦及7隻帶子(其實我唔知係咪每位附送, 定係團購券特別送)雞肉十分入味, 食哂D雞, 開始加湯打邊爐了.配料方面, 樣樣都好食, 唯獨係冇"雞肉/雞件", 有點失色.但同枱的朋友, 十分喜歡"前菜"既菜單, 未開始食雞煲, 都食左差唔多十碟"前菜"雲吞比較出色, 令我印象較深. 唔似係交貨貨色, 好好食.席間, 我唔知食左粒乜野香料, 當堂整個口都充滿香氣, 係令人厭惡既香. 無論飲汽水, 水都沖唔淡個味. 到最後我都唔知自己咬左粒乜"香料"總括黎講, 除了抽風問題外, 食物質素係滿意的.都會有下次, 但九龍城對我黎講, 真係唔太方便, 隨綠好了.

沒有一般自助火鍋配料如生蒜, 葱等, 食物選擇及質素亦非常一般.例如沒有粉絲及芋絲好處是無咩人及上菜快, 侍應態度及環境亦ok.叫左好多次帶子亦有黎足咁多次, 但帶子很細及每一隻也離殼

一日都班朋友行去九龍城廣場行街，行吓行吓，又到食飯時間, 順便同人慶祝生日，朋友話不如試吓依間雞煲，我地見百零蚊任飲任食咪試吓啦一行六個人，去到門口等咗一陣，好快有得入座先點火鍋配料，全部都係大路既配料!響鈴、廚師腸、芝士腸、豬潤、牛柏葉、豬粉腸、生腸、丸類、菜我哋6個人就有一隻半雞既雞煲，雞煲續個整，等咗15分鐘左右喺等雞煲期間，可以食吓出面熟食.熟食款式有，麻辣青瓜 腎片，味道不錯另外仲有加左少小雜果沙律、咖哩角、凍蝦、煮花螺、餃子仲會refill添淨係食熟食飽咗3成跟住雞煲到喇!嘩...一隻半雞，好多肉，岩哂我地6個大男人，味道唔錯，再加上湯打埋邊爐，真係食到好飽跟住食吓火鍋生料，一般貨式，不過不失最緊要任飲啤酒汽水，我地一班人飲左好多好多啤酒，一枱都係。最後食埋幾杯雪糕，飽到無朋友呀！希望佢地港島會開分店啦，因為我地成班人都係住港島㗎