肥魚日本料理 (已結業)

刺身其實很好,夠新鮮那個蝦冷面都挺好吃.只是其他食物就真的麻麻地.走中高價錢,但質素如此..吃過一次,都不會想有下次吧.

因為住在附近又想吃日本菜便來了這間, 叫了個二人套餐; 頭盤; 蟹子沙律--- 沒甚特別(但最好吃是這個!)刺身: 六件, 不新鮮! 肉質很"鞋" (很失望)壽司: 和風牛肉卷-- 包著的飯很散, 牛肉沒有牛味!熱盤: 天婦羅: 沒有蕃薯!!沒有茄子!!得一件蝦, 有兩件9吾搭8的蟹聊!雞亦: 得一件仲要切開4件, 是用微波爐"叮"熱的.三文魚炒飯: 我和我先生吃了一口便同時立即停止動作, 哈哈, 想起來真搞笑, 因為個飯有一陣味道, 好像是那些木魚絲在木櫃裡放了很久. 三個字: 不好吃! 雖然未吃飽, 但我們兩個最後都放棄. 甜品: 芝麻雪糕: 超級市場一樣, 其實不會有寄望, 但係個雪糕居然可以溶溶地, 連個基本雪糕球型都沒有!!唉... 我和我先生6時已入座, 只得我們一臺, 都可以甘架... 刺身居然不是第一道菜, 有時餐廳忙會出熱菜先這個理解, 但他們給了沙律後便給天婦羅...EM...收得這個價錢我會預計有一些基本上菜常識囉. 終結四個字: 不會再來!

本來想去加藤，點知唔記得地址，行行下就去左呢度食算。肥魚分開左兩間鋪，一邊係有bar枱同cashier，另一邊就得枱同一間tatami房。叫左兩個lunch set︰咖喱豬扒飯同海膽魚生飯。首先個海膽三文魚飯好細，啲海膽同三文魚算小又唔靚。而個咖喱豬扒飯既咖喱都唔甜，啲豬扒得3mm，好多粉，令佢炸得睇來有正常厚度。最好係杯凍檸茶@__@

一碟的三文魚刺身都是肥肉，又細件又有白色皮的，很難吃!經過他的洗手間時望見廚房的衛生程度，差點連剛吃過的東西都想吐出來，好嚇人呀!不會介紹給朋友人!!!打算去光顧的人請三思! d海膽壽司人地一粒份量佢可以分成三份,d魚生擺明係霉晒,都不特止,賣相係其差!!成堆垃圾咁!!總之要我再幫襯就冇可能啦~!!!!!

餐入面的菜色唔值呢個價，小菜都是很便宜貨色。另外，茶唔熱，豉油太咸，小食份量簡直係小童餐份量。

星期六放工專程去北角的"加藤"食lunch,可惜去到的時候已經過0左last order時間﹐真掃興!無辦法啦﹐唯有近近地搵過另外一間。於是0黎到附近城市花園商場內一樓的肥魚﹐叫0左個壽司定食($58)。有9件壽司﹐魚生一般新鮮﹐飯比較細0舊。D飯唔會一夾就散﹐不過飯本身唔夠"煙un"同埋無mud醋酸味。我加了好多wasabi落D豉油度﹐但係都係無味。個蒸蛋雖然尚算滑﹐裡面有些東冬菰蟹柳﹐不過凍凍的﹐食到一半已經見到出晒水﹐都無繼續食下去。平心而論﹐都可以比個OK﹐但係以這個價錢。外面的選擇多的是﹐暫時找不到理由短期內會再幫襯。

推介- 黃金燒大蝦.....Sukiyaki 牛肉很新鮮魚生都好新鮮其他的都不過不失....午餐的價錢很優惠啊....以HK$38一碗這樣質量的拉麵/烏冬set,不錯啦!!!Waitress 的服務態度好好...

13/4(四) 2:30pm今日最後一日系北角返工,搞掂晒d手尾後,同同事一行4人試試呢間新店.此店位置隱蔽,位於商場內左轉右柺上搭電梯上一層先到.2:30去到得2臺客,裝潢以淺木色為主,感覺簡潔!我地4人分別要左4個定食:自己滑蛋雞肉飯定食$42,同事要左魚生飯定食$55-$59,豚肉生薑燒定食$45,壽司定食$58.滑蛋雞肉飯定食---份量頗多,但味道其淡,落豉油味道才較出,雞肉亦如事.幸好,米亦是用上正宗日本米.魚生飯定食---魚生分別有三文魚,吞拿魚,蚧籽,蚧柳,鯛魚及甜蝦,試左一啖,尚算新鮮!豚肉生薑燒定食---份量挺多!豚肉鮮嫩juicy帶淡淡酒香!味道不俗!壽司定食---menu上此定食圖片有9件壽司,但上臺時只得7件,同事向侍應查證,侍應話其實系圖片有誤,但都比左2件三文魚壽司同事.自己試左件三文魚,味道鮮甜且肥美!但跟定食既蒸蛋則淡而無味.午市都要加一,相比起前少少既"加藤"$75一個壽司定食無加一,而且水準亦較高,我會選擇"加藤".

我住在和富, 所以知道這間餐廰存在。不過一直沒有機會上去試，早两日，我卒之有機會同两個朋友上去試吓。餐廰分两邊，一邊small group 的細枱同埋Bar 枱，環境清淨。另一邊是有他他米的房間，比一大班人, 七八個人以上最好不過。這間餐廰個厨司是日本人, 所以唔似得那些一般營合港人的local日本餐廰。我地三個人叫咗一個二人套餐( 包括招牌沙律，壽司，魚生，雜菜天婦羅，燒三文魚頭，炒飯，甜品)。我地又加咗 d小食，有立魚大蝦沙律，塩燒秋刀魚，豆腐，炸雞軟骨，牛柳粒。至於味道，除咗炒飯淡咗d 有待改進，其他全部都唔錯，豆腐很滑，燒三文魚頭最正，食咁多野, 埋單是HK$414, 為起一個人HK$138，算幾抵。我住在附近, 相信會再幚親。

今日因為同事生日, 提議去呢間食lunch. 我點o左照燒雞扒定食, 個人覺得好好味. 而且又夠飽. 招呼唔錯, 不停加茶, 唔駛叫先做.我o的同事叫o左魚生飯(好大碟), 天婦羅定食, 壽司定食(有一碗飯跟埋一齊), 吉列豬扒蛋定食.應該會有下一次幫襯o既.