肯德基家鄉雞 (KFC) (已結業)

上星期五，難得可以來到金鐘這邊工作，於是就吃一下平時少吃的早餐店吧。但這次令我有少少的失望，可以看到那些炒滑蛋其實是十分香滑的，但是份量就略嫌少了一點。而且，我喜歡通心粉，因為有咬勁，而且湯底也是不錯，頗為開胃。但我們都一致認為份量比較少，食物味道是不錯的。

中午時間咁岩經過金鐘，係唔知食咩之下揀左好耐無食既KFC。耐無食到原來依家KFC都有得自助點餐，同埋原來有大桶飯食。有見及此，揀左個R5飯，有2件雞、飯揀左雞皇飯，野飲就百事走冰。海富中心呢間分店lunch hour雖然人多，但等餐時間唔算太長。味道方面就係想像中既味道，係飯底軟左少少。價錢方面我覺得都算抵，$37就食到。總結黎講，唔知揀咩食既時候間唔中食下都係唔錯選擇。

我就應該係第一次去尼間KFC分店，因為好少去金鐘食野，不過有個食過尼間分店既朋友話尼間既質素係比其他分店好，所以就同朋友去左試下究竟係咪真係咁犀利。放工之後去食真係特別多人，由其是仲要係金鐘尼啲咁繁忙既地區，好彩都係排左一陣隊姐，唔洗等好耐佢仲出埋餐添，好快手。我自己就叫左個M5一人餐，係厚燒雞腿火腿包餐，包薯格、葡撻同野飲，咁當然仲有個厚燒雞腿火腿包啦。朋友就叫左個J2桶飯餐。我就慣左食左啲小食先再食正餐既，個葡撻真係勁新鮮，唔係平時整好用暖櫃暖住戈種熱，而係岩岩焗起，好脆口戈種感覺，又真係冇係其他分店試過尼個體驗。至於個薯格就都脆既，只係冇個葡撻咁香口同新鮮姐，沒有對比就沒有傷害！但個包就唔識形容啦，唔知係咪係我食小食戈段咁短既時間佢就凍左定點，係一啲都唔新鮮咁，然後入便啲食材都係唔靚既，菜又超黃，蕃茄又霉霉地咁。雖然話食快餐都唔係求咩高質素，但尼個包就真係差左啲。至於朋友個大桶蘑菇飯，佢話之前食戈陣，個飯底係珍珠米黎，不過可惜今次就down grade左變左普通米。希望係咁岩戈日係咁啦，而唔係真係轉晒做普通米做飯底。

肯德基的早餐尚算中規中矩。薯餅雖然不及麥當勞的美味，但仍算香脆可口。香烤雞扒味道濃郁，份量尚可，雞皮不會過肥，但略為油膩。嫩滑炒蛋則有觸犯商品說明條例之嫌，蛋炒得比較老，與嫩滑沾不上邊。可幸的是炒蛋的蛋味很濃。香腸口感略差，令人失望，下次考慮改為火腿。

又到LUNCH TIME ,真心諗唔到有咩好野食,所以黎近點點既KFC12:30 人龍唔算長,味排到出門口,所以都係等左15MIN左右就有野食啦~我地一行三人,所以叫左三人餐:三個葡TART ,三隻雞腿,三塊雞胸,三盒飯仔,三杯可樂,仲有一盒雞粒總共:$160 /3 =$53.4左右一個人葡TART:最好味,但係縮左水,雞腿:好多肉,正雞胸:保持多汁飯仔:多汁又多飯,其實算足料雞粒:同雞腿雞胸一樣味總結:諗唔到食咩之下 可以試試

金鐘冇咩野好食，LUNCH TIME時間多人到一個點，最後決定快令正既KFC，叫A3滋味共享桶 HKD 160*巴辣雞粒: 唔太辣，仲有點點林身，其實唔知係味真係地區差異會咁既質素! 林到一個點，諗住人多會剛好炸起，點知都只係暖暖地咁。因為本身唔夠味，要左兩包THAI SPICY SAUCE先叫有番D味=]*識食一定食辣汁蘑菇飯，唔知點解今次D汁比左好多，好多蘑菇，不過飯就唔好提啦，本身隻米唔令，點煮都唔會好食!*6隻香辣脆雞: 普通雞翼咁囉就係，又唔夠脆，不過勝在入面夠曬咸同多汁!肉汁仲好鎖緊~正呀! 善忘既同事唔記得叫狂惹香燒雞，搞到我好唔開心，因為香燒雞根本係成個餐既靈魂， 燒雞係一定要叫的! 熱熱的雞鎚同雞脾肉，咬落JUICY*葡撻係要留番最後嘆!！可以比美澳門既「瑪嘉烈葡撻」!!! 永遠都咁好食!

朝早就梗係要食個好豐富嘅早餐，所以今日揀咗KFC ！我每次都呢款早餐，有雞扒，腸仔同埋鬆餅🥞🤤🤤而飲品就揀奶茶☕️一直都覺得KFC嘅奶茶俾其他快餐嘅好飲，所以次次都揀奶茶😋但係金鐘站呢間就真係差小小啦😔😔係同其他分店差左少少囉，吼試咗幾次之後都覺得唔得，所以就唔再揀奶茶啦😅😅唯一值得一提嘅係杯奶茶返到Office係好熱㗎，食完野都仲係偏熱，呢個位係加番小小分嘅！咁嘢食方面就唔錯嘅，你返到公司都仲係暖，好味😋😋

金鐘一向都係食物沙漠，食到無野好簡既時候就決定食ＫＦＣ。作為慳精既我，當然要剪報紙上既優惠券啦。食午飯既時間太多人，起碼下單之後等餐都用左１５分鐘。HKD 72 元既二人餐，其實就好抵同好飽。明明芝士松露醬是重點，但黑松露不濃，芝士醬味道很惹味，一包有點不足感覺。30多元一人其實係金鐘黎講已經好合理同化算了。

真心覺得個芝士松露醬是重點，黑松露香味不濃，但芝士醬味道很惹味，一包有點不足感覺。今次新款很滿意，脆雞仍然嫩滑。芝士味很濃，咸咸地很開胃，最近發現kfc軟雪糕比麥當勞滑溜，大家可以放心試下新口味

見到好多廣告同埋coupon都話出左新口味，所以就去嘗嘗！正值１２：３０ＰＭ　，金鍾黎講其實都好多人係依個時間放飯，所以條隊都排到出去ＬＵ。錦我盲買左個二人餐用ＣＯＵＰＯＮ既話就＄７２可以了～報陣！依個餐叫做咩都有～主角黑鑽松露點脆雞其實就係比包黑鑽松露汁你點～平時既脆雞＋黑鑽松露汁＝無咩特別因為黑鑽松露汁做得唔夠濃同埋錦既價錢我加多ＤＤ錢買雞翼算了～

同朋友趕住去 演藝學院睇show ，所以係金鐘meet up 左之後就諗住去附近求其搵 d 野食，唔想求其去買個包咁慘，所以就想快快食個快餐set 。平時比較少黎金鐘，原來海富有KFC ，正，見到門口有大餐牌話有賣緊mega box ，港幣$40幾就係個一人餐，揀左E1 雞全食，已經會包2件雞，葡tart ，迷你飯，雞粒，同弓杯嘢飲，應有盡有又快，又好味，又抵，幾時都鐘食 KFC 的，不過平日嘅行程比較少會經KFC 😝😝😝！

正所謂一日之計在於晨，食返個豐富早餐令自己全日心情都會好啲。可惜公司附近都係冇咩選擇。今日揀左KFC =,= 食得KFC, 一定要用佢D COUPON, 我就有DOWNLOAD APP既，但我見某某免費報紙都經常有KFC D COUPON，好似係一樣既。 今日叫左個7號早餐：有醬燒雞扒，滑蛋，香腸，半份牛油厚多士加一杯飲品，我揀左熱咖啡。用左COUPON，$27 噢，好失望，除左咖啡其他野都係凍凍地既，香腸係唔係好味既! 醬燒雞扒個味道係OK既。最慘係個多士，硬實實!凍冰冰!乾曾曾! 問題係其實食完呢個餐一D飽既感覺都冇，=.= 係咪我太大食? 大家如果食完呢個餐到底會唔會飽?

KFC最近出咗櫻花脆雞，廣告搞到食炸雞好似浪漫咁，喺漫天櫻花雨下吃雞，話要嚟KFC感受幸福的一瞬間 宜家好多宅男都晚晚想吃雞，PUBG入面有得吃雞都算一種幸福🤦‍♀️我都想感受吓到底食完係咪真係有幸福感覺，LUNCH就夾埋個同事走咗去KFC食二人套餐。🌸櫻花脆雞上面有些微粉紅色既味粉，望上去有少少似粉紅色既七味粉，真正食落個味道好微妙。。。其實🌸櫻花味到底應該係點，花香味？好似花茶咁？食完呢件櫻花脆雞我都答你唔到咩係🌸櫻花味只能夠講。。有得比我再㨂過的話，我一定兩件都㨂返原味🤣

呢間家鄉雞算是唔差的。 環境， 味道和新鮮度。聽聞以前差。 今晚試黑椒脆雞。其實無想像中脆，不過味道夠。我剝咗層皮都仲有黑椒味。肉汁都有的，又夠熱！另外唔少得香辣雞翼，去親KFC, 一定食。但就幾油，唔夠干身。

簡單迅速，份量充足嘅丼飯，絕對係我至愛嘅Comfort food 之一在金鍾KFC發現… 牛丼?!　為左證明自己無眼花，試吓先仿木材的印刷尚算討好，不過肉汁呢？白灼肥牛拌照燒汁，確實係有口感，但沒有肉汁相伴的珍珠米… 好寂寞未經燉煮的洋蔥，理所當然地爽脆﹝可惜我比較喜歡軟爛的洋蔥﹞紙盒不易保溫　食到一半已經變涼，又偏Dry的牛丼… 着實不太Comfortable明明知道在家鄉雞　一切新品皆是伏…誰料我蠢得竟可重覆去犯錯？