自家製韓國刀削麵 (好順景大廈)

营业中

休息中

自家製韓國刀削麵 (好順景大廈) (元朗)元朗鳳攸南街3號好順景大廈地下6號舖近年好多地方都開刀削麵🙈而咁岩係返工嘅附近有一間 當然要去食啦 平日好多中學生都會幫襯 有時經過見到有位就會入去食 價錢Ok 味道👍🏻👍🏻 份量又👍🏻👍🏻每次入去我都會叫餐 因為餐係有 刀削麵 加1隻大餃子 泡菜同飲品 我印象中 90蚊有找🙈我試過 3款面鯷魚湯刀削麵花蛤刀削麵牛骨湯刀削麵我個人覺得🙈 3款湯底中好鮮甜 要好仔細分有d 咩唔同 我又真係分唔到🙈佢嘅料又真係好足 唔會揸流攤 好似花蛤湯刀削麵 一碗 起碼 20隻 🙈 麵好 有咬口 👍🏻#karlee90s #元朗 #元朗美食 #刀削麵 #鮮味 #湯底 #foodie #foodiehk #blogger #bloggerhk #打卡美食 #韓式料理 #UCreator #Foodie

聖誕假期和家人到元朗閒逛，前一天已做好research尋找美食。見到有不少人介紹這間「自家製韓國刀削麵 」，於是過來試試。餐廳裝潢和設計都很平民，營造到似是韓國家庭式經營餐廳的感覺。入座後，店員就會送上泡菜一小碟，可以refill的。一碗麵量有很多，韓式刀削麵偏幼身，口感煙韌彈牙。鯷魚湯底入口充滿鮮甜味，還配有紫菜、雞蛋絲和香菇片作配餸。炸醬味鹹中帶甜，還附有豬肉、洋蔥等配料。醬汁和麵條拌勻，味道香濃。餃子即叫即蒸，可能大隻的關係，需時有點久，2碗麵差不多吃完才上枱。餃子飽滿，餃皮薄身，內餡份量很多。餡料包括了豬肉、蔥花、粉絲，吃完2隻已經很飽肚。

同男朋友去咗食，我嗌咗個午市套餐 辣大醬湯刀削麵（另加$10），配飲品泡菜同一個水餃，接近90蚊一個set。個湯望落去好濃但係食落去淡茂茂，唔辣唔鹹冇任何味道，有啲似平時煮味噌湯落一嚿仔然後加大量水嘅感覺，總之就係水味。得幾粒肉碎，又難食，仲要額外加10蚊。就係個麵質唔淋，還算可以。我一定要講嘅係佢個泡菜！！！係我成世人食過最難食嘅泡菜！！！首先我有去過韓國食過好多次泡菜，本地都係，從來冇食過咁難食嘅。仲未醃入味，又冇淋身，本身調味又淡，應該係話完全食唔到辣味鹹味酸味。冇味都算，最主要係佢仲係硬掘掘！！！！好似去街市買咗一嚿大白菜搣出嚟生食咁！超級難食⋯⋯唯一ok嘅就係個餃子。成個餐唯一有味嘅嘢。絕對唔會再去，唔好再俾啲foodie廣告呃。🙂

自問很喜歡睇Running Man  夏天時成日會見到節目上他們食豆汁冷面說是十分清爽且好吃. 今天發掘到這間店有這種食物 就決定試試看啦~午市時段去不用等位置. 午市套餐包含泡菜, 一隻大餃子, 主食+飲品**豆汁冷面**身為食肉獸的我, 表示無諗到咁清淡, 一片肉也沒有.應該因為是正宗做法, 只有豆汁, 青瓜, 粗鹽, 麵條豆汁濃稠, 但需加粗鹽增添味道.如果想食清淡既朋友都可以一試. 份量十足, 女仔有機會食吾晒喔~**花蛤刀削麵**湯底有清甜既花蛤味, 麵條粗身. 份量同樣滿足Encore 指數: ⭐️⭐️

早幾日行開山元朗順便試下韓國刀削麵。地方環境都幾好叫左個辣海鮮刀削麵食下。好多海鮮外觀好好睇。但係食落去強差人意。淡而無味。唉！又中計！個魷魚仲好魚腥臭。無奈。無奈:

香港食韓國嘢都好貴，但竟然係雞地搵到間平靚正韓國菜！尼間韓國菜主打刀削麵，兩個人星期日晚食計埋嘢飲🍻$200有找💰🪑環境：乾淨企理，兩個人都俾咗張四人卡位，枱面好寬闊👍🏻👍🏻👍🏻1）泡菜🥬一埋位就上泡菜，泡菜都有水份，不過偏辣，怕辣嘅可能食完要飲啖水，但就幾啱我地口味😋🤤2）辣拌刀削麵🌶️🥣好大碗，刀削麵好有咬口！🐮有4塊牛～🌶️整體偏辣，我食開3小辣就啱啱好，唔食得辣嘅建議嗌其他款3）五花肉泡菜煎餅⭐️⭐️⭐️⭐️⭐️🔴🔴🔴大推🔴🔴🔴🤤🤤好好食！人生食過最好食嘅泡菜煎餅，真係有一大舊五花肉係入邊，真材實料，但係又唔會太硬！一定要嗌！

1️⃣ 花蛤刀削麵好似係招牌刀削麵湯底海鮮味濃花蛤份量多 好食😋-2️⃣ 辣拌刀削麵醬汁甜甜辣辣辣度應該有調整過 唔算太辣配牛肉片、雞蛋絲、紫菜絲-老闆係韓國人老闆店員有禮貌主動幫我哋refill泡菜枱面有紙巾、水自助👍🏻-埋單有印花紙集齊10個印仔幫襯堂食有$50優惠-

元朗。自家製韓國刀削麵依間刀削麵，係韓國李家集團既副線品牌，老闆好似係韓國人，係元朗、尖沙咀和銅鑼灣都有分店。係近排都幾多foodie介紹既韓國餐廳，平日6點經過見無乜人就入左去試下，元朗分店店舖較小，座位唔算好多。—花蛤刀削麵$78花蛤都新鮮同多，無沙，肉質都算鮮甜，刀削麵彈牙，有蛋絲紫菜翠肉瓜絲作配菜，湯底較為清淡，重口味人士應該唔適合。—牛骨湯刀削麵$78湯底較花蛤湯底濃郁，呈奶白色，有牛肉鮮味，牛肉份量就相對較少得兩三片仔，肉質唔夠鮮嫩仲有D鞋—總體而言，唔洗特登排隊食，無咩特別，唔會再食

好鐘意食湯粉類 見到呢間韓國刀削麵 一定要試下老闆係講中文既韓國人 但送餐既後生仔女 就係講韓文既 有feel主打刀削麵 而且只得幾款揀 感覺會比較專業點了花蛤刀削麵 大大碗仲好多佐料 有蛋絲 大蔥 香姑同翠肉瓜 湯底海鮮味不錯 十幾隻花蛤食到一隻有砂 可接受 由於友人話麵底較Q 所以我浸咗一陣 先食咗d花蛤先食佢 少少冧啱我口味 麵條係滑既 而且份量超多 下次要叫少麵友人點了牛肉湯麵 湯底係牛骨湯 幾好味附送既泡菜就覺得一般 總括呢間刀削麵不錯價錢也不貴

前排發現元朗雞地開了間韓式小店 主打食自家製刀削麵 今日終於有機會去試吓入到去發現老闆及有員工是韓國人 看餐牌款式不算多選擇 分類有刀削麵、餃子及煎餅 所以我們每樣點一款試試🍲 花甲刀削麵 $78一上枱整碗麵熱辣辣冒着煙 有份量不少的花甲 另外還有翠玉瓜等配菜 刀削麵面底據說是人手做的 質地煙靭 整個湯底很清甜 是一碗吃完會很舒服的刀削麵 很適合冬天凍冰冰的時候來吃一碗🥟 雙拼大餃子 $58 （豬肉/泡菜）餃子只有兩個味道 但是有雙拼的選擇 那當然會叫雙拼可以試晒兩款 泡菜是有微辣的 相對之下會較喜歡原味 不過刀削麵比較驚艷🫓 海鮮韭菜煎餅 $68好像第一次吃韓國煎餅是長方形的 邊位煎得脆脆的 味道符合預期 不錯整體來說還是刀削麵最出色 始終是他主打的東西 雖然款式不多 但是都是心機之作👍🏻

最近發現元朗有一間開咗冇耐嘅自家製韓國刀削麵，咁啱禮拜六中午冇乜人，終於有機會試吓，叫咗個花蛤刀削麵同埋牛骨湯刀削麵，估唔到真係出乎意料之外嘅好食～首先個牛骨湯底好清，肉質都唔錯同埋啲麵質好彈牙，以為呢個已經好正，點知花甲刀削麵仲正，數埋數埋都有七、八隻蜆，播湯底啲味道好重海鮮味，啱埋我最鍾意食啲濃味嘢🤩，不知不覺都飲多咗幾啖湯～初時都以為個份量唔會話好多，因為平時食開啲韓國冷麵或者係炸醬麵嘅份量都係唔係好夠飽～點知呢個刀削麵都OK，同埋佢個餐仲包埋一隻大嘅泡菜餃子，都幾入味😋～值得一試

見到有人推介就嚟試下1.花甲刀削麵 $78-自家熬製嘅湯底雖然比較淡而無味，但卻會凸顯出蜆嘅鮮甜，-搭配上新鮮的翠玉瓜以及雞蛋絲再配以微量的蔥花，令到成碗麵嘅搭配係天衣無縫-蜆冇沙 冇腥味 價錢合理-如果食開濃味嘅人可能會覺得好淡口2.泡菜 -泡菜食落去冇平時市販泡菜嗰種酸味，反而多咗新鮮泡菜嘅爽甜，食落去亦爽脆多汁-而可以免費refill 亦係一大加分之處-老細係土生土長嘅韓國人，但係亦努力用廣東話同我哋溝通，可以睇得出佢對顧客嘅重視-侍應待客亦沒有表達出對我們不耐煩嘅感覺，更加會過嚟主動收取使用完嘅碗碟-店舖雖小，卻五臟俱全，坐落去唔會有太過侷促嘅感覺

蜆肉湯 好濃味 五花腩泡菜煎餅野味 😋😋 會再encore 👍🏻 前菜 泡菜自家餣 勁正 refill咗三次豆腐冷面 香濃 湯底傑身 。 店舖乾淨 店員親切 韓國人 位置方便 坐位空間舒服 😌

見係韓式刀削麵所以試下，一開門就到所以唔洗排隊，職員一般有禮服務正常點了一個牛骨湯一個魚湯，各一款餃子(好似小拳頭)，每個午餐會送一碟泡菜及飲品，個麵嚟啦先試湯，牛骨湯個人覺得咸咗d, 試一下朋友魚湯只係比較冇咁咸餃子正常，麵質好而且彈牙整體冇咩特別，試過就好了

最近韓式刀削麵喺香港好似好hit咁之前喺灣仔見過排晒長龍咁好彩元朗呢度又唔算排好耐😬平日7點半去到 大約等咗15分鐘左右就入到今次兩個人叫左一碗花甲刀削麵、一碗豆乳冷麵、一個五花肉泡菜煎餅花甲刀削麵 $78 ⭐️⭐️⭐️⭐️⭐️個人認為個湯底好食過喺釜山海雲台食個碗😂！！就算啲麵食唔晒 我都忍唔住狂飲啲湯🤤我另外加左佢有提供嘅胡椒粉同埋辣醬胡椒粉個種辣超級襯個湯，強烈建議大家都加一碗有起碼15up隻花甲 超足料除左花甲之外 仲有翠玉瓜、冬菇、紫菜碎、蔥、雞蛋絲啲麵質係正宗韓國嘅刀削麵 而且份量超多 我一個女仔食唔晒豆汁冷麵 $78 ⭐️⭐️⭐️⭐️呢款係用豆漿做湯嘅冷麵佢驚你覺得淡 有另外俾左啲粗鹽你自行調味未加鹽食個陣 的確淡左啲後尾加左鹽 就越食越開胃咁🤤可能天氣熱 食啲凍野個人即刻舒暢左！佢個湯底好濃稠～重豆味👍🏻五花肉泡菜煎餅 $68 ⭐️⭐️⭐️⭐️份量嚟講 兩個人食岩岩好有時出面叫一底要$100up 覺得呢個價同份量幾好👍🏻佢味道方面 個餅唔會太厚粉 入面都多泡菜一份共有6塊五花肉 算係咁