至尊滿屋日本料理 (已結業)

放題引起，所以收工去左旺角食放題，今日閒日都係咁多人，上到起已經好多人排緊隊，但又唔係等左好耐，十五分鐘就可以入座了。一開波當然係嗌個刺身醒下神先啦，因為我地兩個人，唔敢嗌太多，每樣五六塊咁啦。佢嘅種類唔算特別多，但啲魚刺身都新鮮嘅。最後我地食左兩兜刺身。熱食方面我覺得佢啲燒身係做得比較出色，好似鹽燒雞翼同燒大蝦我係覺得最正。因為其實我覺得雞翼好難燒，一個唔小心就會燒乾左，但佢呢度唔會，而且調味岩岩好，加埋檸檬汁係正嘅。另外佢啲天婦羅都唔錯，唔會太厚粉，炸到好鬆脆👍🏼而佢啲蝦都好新鮮，隻隻都大大隻，而且係爽嘅彈牙嘅，最重要係唔痴殼，所以我一個人都食左十隻🤣。佢個燒羊架都唔錯，大大件又唔會太肥，燒到岩岩好，夠軟腍。佢有個咖哩炒蟹，啲蟹都鮮嘅，因為啲肉都仲係一梳梳，只係個咖哩汁濃左啲同咸左啲，蓋過晒啲鮮味，如果個咖哩汁係淡返啲就好啦。甜品飲品佢除左出面自助外，有三款特飲係要剔紙仔嘅，我見佢有清酒梅酒同啤酒任飲，好吸引，但因為聽日返工唯有乖乖地飲下特飲。佢個蜜桃梳打都幾好飲嘅，唔會太甜。另外佢仲有個熱嘅紅棗茶都好飲，好足料。最後雪糕係每人限一杯，我嗌左個紅豆，男朋友嗌左個焦糖，就係咁，放肆嘅

這間放題店樓面都算大，就算嚮繁忙時間，都唔駛等好耐就可入座。枱面夠大夠濶，可以放任地叫晒所有鐘意食既食物，擺滿整張枱，再遂碟K.O.係舍有滿足感。先來個刺身「拼盤」，三文魚、帶子、油甘魚、希靈魚...新鮮不在話下，肉質又夠結實。咪以為鰻魚及三文魚壽司等大路貨色就交行貨，兩者同樣肥美新鮮。蟹子芒果炸蝦壽司閒閒地賣三十幾蚊碟，單係這盤刺身及呢兩碟壽司，都已經接近放題既收費。酸辣鳳爪是泰式食品，這裡也有供應，而且是已去骨的，方便進食。串燒中蝦燒到剛剛好，外殼有少少乾，但內層蝦肉仍能保持彈性。日本甜薯仔，有益健康又飽肚，最好留到最後才食，或只order少量，留肚食甜品。甜食選擇都幾多，特別是糕點類。還有夏日生果及特飲提供，咁多野食，兩百零蚊算好抵。

今日好肚餓，約咗朋友去食放題。好想食魚生，食壽司，食日本料理。午市食放題，價錢大概$200左右、而且食物豐富，有好多選擇。我哋叫咗一盤刺身，刺身都算幾新鮮，晨好食係赤海蝦，三文魚都唔錯。另外當然係啲叫海膽手卷，海膽手卷好新鮮，好鮮甜；而且海膽手卷舊飯唔會好多，唔會好快食得好飽，可以叫幾件。我哋仲叫咗好多唔同嘅壽司，款式都幾多，有不同嘅卷物、軍艦。八爪魚軍艦、墨魚海膽，紫菜都好新鮮即整。我最鍾意就係食炸蝦天婦羅，新鮮炸好爽口。除咗食物之外，仲有飲品任飲，最後當然要食返個雪糕，每人可以揀一杯揀咗Häagen-Dazs,仲有movenpick。好食！

旺角嘅放題我哋都食咗好多次今日同媽咪嚟咗瓊華上面嘅至尊滿屋放題到食💕🦑🦐🦞🐟時間都幾充裕 2個鐘 價錢幾抵 分唔同時段都係二百幾蚊左右😛因為媽咪唔鍾意食刺身我就嗌比自己😎帶子is my favorite 👍既新鮮又有香味三文魚同新鮮赤蝦都好新鮮又大隻厚切 正正子😘另外我哋嗌左幾款壽司手卷1️⃣三文魚吞拿魚呢兩樣既選材都用得唔錯 , 一d 渣都無 飯亦係適當溫度2️⃣蒲燒鰻魚壽司鰻魚燒汁超正有日式味道👍鰻魚好香3️⃣燒帶子壽司omg 呢個好好食 帶子好有口感4️⃣海膽手卷佢哋嘅海膽超新鮮冇苦味而且紫菜好脆😘推介大家要嗌我最鍾意既thaistyle 鳳爪😙因為份量多又酸辣勁開胃🤭燒物既雞翼 燒蝦同燒🍍 燒蕃薯媽咪都好滿意😙味道整得剛剛好而且我地有嗌羊鞍同牛舌, 食落啖啖肉正阿👌炸物有我最鍾意既炸番薯波 咬落好香好脆❤️另外佢地仲有個凍櫃比大家拎唔同野飲同水果😙😙

舊同學來港渡暑假，明天要回美國了，我們一班同學請他食飯聚一聚，亦當為他踐行。要找一間夠時間邊食邊傾，又要合各位同學不同的口味，有同學介紹瓊華中心至尊滿屋日本料理，放題有齊各式各樣的食物，食住傾，夠曬時間相聚。飲品和甜品都是自取的。刺身都有好多種，三文魚、吞拿魚、希靈魚厚切鮮美，甜蝦、大赤蝦新鮮爽口。壽司做得吾錯又好味！醬燒三文魚壽司，火炙三文魚魚油甘香，加左少少蜜糖芥茉醬，特別美味。赤貝壽司鮮味又爽口。泰式咖喱炒蟹：新鮮肉蟹配泰式咖喱，啖啖咖喱香，蟹肉鮮咖喱甜中帶少辣，不錯！北海道焗廣島蠔:熱辣辣沙律醬汁焗至金黃色，蠔肉新鮮冇腥味，味道creamy。燒有機日本蕃薯仔:味道香甜，口感軟糯，入口幼滑軟。蒲燒三文魚腩香口惹味，魚油味特別香。西京比目魚味道咸中帶甜，比目魚魚油混合西京醬料，美味非常。鹽燒雞翼，灑上少許海鹽在雞翼上，燒至金黃色，雞皮香脆而肉質鮮嫩，令人回味無窮。鹽燒鯖花魚，鯖花魚魚味較重，魚脂豐富，灑上脈，用高温一烤，天然的魚油慢慢滲出，滋潤細嫩的魚肉，十分香口惹味。虎蝦天婦羅，外層脆漿不太厚，香脆可口。有機蕃薯仔天婦羅，外層酥脆，口感軟糯，味道香甜。至尊蟹皇海鮮粥，粥底綿滑，花

是日友人與我慶生，放題是我至愛，當然食放題，工作後的生日晚上，選擇了這間較就腳的至尊滿屋，享受一下😊第一道當然是回本之選，整碟滿滿的剌身，刺身很新鮮，上桌時以冰底保冷，非常吸引！三文魚肥美！而且非常驚喜有大烏貝，的確是較少放題可以吃到！芝麻雞翼，外皮相當香脆！而肉質亦非常Juicy😋！牛油玉米香甜爽囗！很重牛油香！拉麵的麺質較腍！炒芥蘭，是用略炒方式烹調！因此能保留芥蘭的鮮味！而蘆薈沙拉亦非常推介！點上芝蔴醤，與蘆薈非常夾！餐後，填過問卷送一杯雪糕！是日很滿足的生日晚餐

旺角有許多食肆可供選擇，瓊華中心成座有不同類型食店。這裏有兩本厚厚的點菜目錄，安排座位後立刻打開填填填。刺身點了甜蝦、大赤蝦、北海道帶子、大烏貝、吞拿魚、黃金翡翠螺、三文魚、希靈魚、油甘魚、鮑魚片、松葉蟹棒，樣樣都十分新鮮，一點兒雪味也沒有，我個人最喜歡甜蝦大赤蝦同希靈魚，如果可以有鰻魚會更理想。白松露中拖羅壽司及柚子油甘魚壽司，松露及柚子都是我平日喜歡配搭食壽司的味道，不錯不錯。卷物揀了意大利黑醋芝士鰻魚卷，創意壽司有烈火拖羅加州卷及香芒龍蝦沙律卷，不算大食的我都認為值得試兩三款。另外都有幾款火焰壽司、軍艦同手卷。至尊蟹黃海鮮粥(二人份)，粥清甜，給了大半隻花蟹。京燒比目魚，煎熟加燒汁，魚油香味四溢，要encore，好正！焗廣島蠔，沙律汁加粒粒配菜焗，美味。天婦羅有虎蝦、溫室南瓜、有機蕃薯仔、溫室蘆筍，即叫即炸，炸漿唔會太厚，夠晒脆。燒物包括鹽燒海蝦夠彈牙，鹽燒牛舌又香又有口感，烤過的菠蘿特別香甜，推介！仲有日本番薯仔及墨汁墨魚丸。廚師都有炒番幾味，惹味馬拉盞炒芥蘭苗，堅好食，鐵板雪花牛柳粒，粒粒香口，香軟黑椒汁炒牛脷，仲有蜜桃炒蝦球，一人份量都唔細。炸物有香脆芝麻雞翼，誘人榴槤炸彈

三文刺身大件、肥美、厚身兼且文理清晰，質素有咁上下!芒果幾時都係咁好食、芝士經火灼後亦會散發著芝士香，任食唔駛睇住個BUDGET，我必定會食! It's my favour. 所以食晒一碟後，隨即 re-order 多一碟。曾經試過嚮食日式放題，見到D蟹子少得可憐，食多兩件都俾舊壽司飯頂住個胃。呢處的蟹子壽司算是正常份量和比例 ，做生意較均真。芝麻八爪魚不單爽口，而且有陣強烈的麻油味，真的好香口，食完當堂胃口大增。白雲鳳爪是另一款開胃小食，同樣能增食慾。食完冷盤，叫番碗肥牛烏冬暖暖胃。肥牛夠晒薄，嫩滑度都 ok ; 烏冬亦夠彈，合格!羊肉唔夠油脂會 "乾爭爭"， 過多又會太過騷。這客燒羊架油脂啱啱好黎唔會騷，肉味亦濃。我非常愛吃燒鱈魚, 因其肉滑、無細骨又唔腥。如果可以煎得耐些少，會更香口。飯後「果」及甜品有錦上添花嘅後果，所以我是不會錯過的。

大熱放題通通任你食自由配搭令你在短短時間內讓你愛吃愛喝愛不完「至尊滿屋」大眾化料理價位吸納不少街坊或年輕男女定期光顧款式新穎潮食冷盤和熱盤也有店內提供自助剔紙餐點快捷又有效率，高達多種食材而且實屬非常壯觀給一眾大胃王之來品嚐(刺身 - 大赤蝦/油甘魚/三文魚/帶子)而且師傅即場切片日式海鮮刺身拼盤一大盤色彩鮮明原汁原味，質數賣相相當不錯拼盤 ! 而且大眾化價格只需要兩百多元食完再追加足味暢快不過要吃得精明必須留意優惠時間及時段絕不能錯過(牛古/燒菠蘿/墨魚丸)(虎蝦天婦羅)炸物方面油香滿溢香口肉嫩炸物脆漿分佈適中不過膩滿口熱辣滋味鬆化軟綿燒得的確吸引香香滋趣一口咬下滿腔Juicy..黏著內外同樣紮實完滿(鐵板雪花牛柳粒)(炸蟹蓋/芝麻雞翼/炸芝心香芋丸/炸枝豆魚肉丸)而串物方面美味逼出多餘嘅油份而秘製調味上的發揮亦不會太重口味保留食物肉質來喚醒大眾港人，同時分方向去覓食的源頭惹味背後的一晚，單看價錢計算都算超值吧

親愛的話好耐都冇食過放題， 就話叫我物色一下旺角區有啲咩好食嘅放題，於是我哋就揀咗喺瓊華中心 既至尊滿屋日本料理， 餐廳呢入座起計任食兩小時 飲品呢有清酒同埋梅酒仲有啤酒任飲， 刺身款式亦都好夠多 其中仲有我最鍾意食嘅翡翠螺， 親愛的就比較鍾意食串燒蝦， 佢每一次都起碼可以食到兩打， 其實佢嘅咋乜都做得唔錯尤其係榴槤炸彈親愛的一個人食咗四粒， 雖然而家市面上嘅放題都好似大同小異， 但至尊滿屋嘅放題質數相對唔錯而且刺身都比較新鮮， 雪糕方面我揀咗我最鍾意嘅士多啤梨味movenpick!

鬧市中出色的放題之前同朋友食過滿屋 各得吾錯今次決定要試下同一集團的至尊滿屋呢間放題即使平日 都全場爆滿所以記住要book定位啦！！！.入座起計兩小時任飲任食，食物種類算多，另外甜品設有自助區至於飲品方便，除左有罐裝飲品，有啤酒蘋果酒，仲有餐廳特製既野飲🍹.一尼就叫左刺身同壽司🍣刺身種類好多 除左有最基本既三文魚呑拿魚油甘魚外，仲有甜蝦大赤蝦，北海道帶子，黃金翡翠螺，大烏貝等等.......最重要係全部都好新鮮呀！！！食完要再encore.不得不提下呢間放題既季節料理，真係好吸引，同朋友決定要叫哂所有！！！咖哩蟹咖哩味好香，雖然一份得半隻蟹但好肥美🦀吉品鮑汁燴花膠盛宴都好正 花膠絕對高質！花膠好厚身.最後每人有一杯雪糕有movepick同Haagen-dazs揀簡直係完美的句號一餐滿意的放題！

餓底有食過滿屋銅鑼灣的分店，非常滿意，今晚放題癮又起，於是捉朋友來旺角分店試下。閒日夜晚七點上到嚟，嘩~！lift口多人到呢！好彩有訂位唔使等隻！食放題第一件事當然是食刺身啦！點了三文魚、吞拿魚＆帶子，好夠肥美，尤其用一大盤碎冰上碟，食落夠凍夠新鮮，仲encore左一round！之後就到壽司，前後食左好多件(相機不能盡錄)！有啲醬同壽司既配搭都幾特別，例如三文魚配法式芥末、黑松露配吞拿魚等等，味蕾有新的衝擊。手卷好迷你(bite size)，啱晒想試下但又唔想食到好飽肚既朋友！燒物：墨汁墨丸黑蚊蚊賣相夠特別，牛舌幾鬆化，微焦好香口，菠蘿又Juicy，玉子甜。鍋物：有蠔又有蜆，仲有好多菜同菇，成個鍋都好清甜，完全無餓底怕既腥味，好味！飲品及甜品：好多選擇！最特別是有清酒&梅酒。最後每人一杯雪糕，今餐好飽好滿足！

放暑假甘耐都冇見過可愛的姪仔，時間過得真快，要升三年級了，快要開學，今晚就請佢去食放題，鼓勵一下佢！我選了交通方便，位於旺角的至尊滿屋日本料理，之前同佢去過，佢話D嘢食好好食，想再去。餐廳地方整潔，座位以梳化為主，坐得舒適。各式各樣飲品和甜品都是自取的。刺身都好新鮮，三文魚肥美、大赤蝦、甜蝦、北海道帶子、鮑魚片鮮甜爽口。壽司也做得不錯，至尊蜜糖芥末三文魚腩壽司，三文魚腩本身油脂都好豐富，加左少許蜜糖芥末，不用點醬油都夠味！白松露中拖羅壽司，中拖羅肥美，加了白松露更添香味。赤貝壽司：赤貝大隻好爽口！燒紐西蘭香草羊鞍，加入香草和黑椒醃過的羊鞍，燒至全熟，肉質比較實，本人喜歡食6成熟的，全熟比較鞋口。鹽燒海蝦：海蝦大隻又新鮮，加上少許鹽巴提鮮，令人食不停口。燒有機鮮菠蘿：燒至微蕉的菠蘿，清甜中帶微酸，多食2片可醒下胃。炸物即叫即做，芝麻雞翼外脆肉嫩，炸蟹蓋和炸芝心香芋丸都係又香又脆。吉品鮑汁燴花膠盛宴，真材實料，花膠滑溜有口感，鮑汁鮮味十足，滿口都是骨膠原，滋補養顏！泰式咖喱蟹：咖哩香甜，混合蟹肉一起食，甚惹味！姪兒最喜歡甜品，尤其是每人一杯的名牌雪糕，佢連我果杯都食埋！

自從上次食完放題之後返唔到轉頭今次到我拉住我朋友去試呢一間至尊滿屋坐低左之後有兩大本冊子 入邊有唔同頁俾你任叫有刺身壽司串燒小食熱食飲品 包羅萬有回本之作梗係刺身叫咗三文魚 帶子 玉子 蟹柳 希靈魚 蝦 油甘魚等等全部都非常快上 最推薦係帶子 大大粒又鮮甜又好食火炙壽司亦都非常正 迫晒啲油脂出嚟 佢有啲創作火炙壽司 鰻魚芝士粒卷 芝士火炙三文魚卷都係encore之選天婦羅就新鮮炸起非常熱辣辣 大蝦大大隻 配上天婦羅汁食 非常正小食推薦焗芝士廣島蠔 大量芝士混入左洋蔥煙肉配料 加上廣島蠔一齊食 口感十足飲品方便出邊有兩個櫃自己選擇 欣賞係竟然有梅酒同一罐罐啤酒任攞甜品同生果都放咗喺出邊嘅櫃自己攞 蜜瓜西瓜鮮甜多汁 甜品就有布丁 蛋糕等選擇其實最後每人仲有一人一杯名牌雪糕 為呢一餐大利甜蜜嘅句號侍應非常爽快 不停有侍應行來行去 密密攞單送食物呢度大約$230一個人 性價比可謂甚高!

之前差不多日日食刺身食日本料理，好似好耐無食過咁，今日來一個滿屋➕滿足😛任飲任食，仲有saki飲😊D朋友成日問我點解日日甘食都唔肥，我話因為獨食難肥😝純粹搞下爛gap🤣🤣🤣🤣前排我差不多日日都係食日本料理—-刺身、海鲜，其實呢D食物無乜卡路里，所以我唔怕肥既原因，所以今日又去食放題，刺身壽司無有怕😬呢道D刺身合曬我心水，翡翠鏍、希靈魚、帶子、丰片........等等，其他食物亦好有水準，泰式鳳爪，酸甜味適中，釀蟹蓋，饀料足，芝麻雞翼夠熱夠香又夠脆，鴨胸肉嫩又好味，食物包羅萬有，數之不盡😊如果有榴櫣愛好者，記得食榴槤子彈，正到暈👍👍👍👍👍服務丶環境也不錯👍