臺坊 (加拿分道) (已結業)

經過尖沙咀，間間舖頭都好多人，今日嘅時間唔係太多，見到一間冇乜人就決定坐低入去食嗌咗一個鹽酥雞肉燥飯($57) 原來係用紙兜載着，賣相唔太好，鹽酥雞有4-5舊，但係食落啲鹽酥雞都幾好食嘅~ 肉燥比較稀，同滷肉飯真係兩回事🙊😆😆嗌咗一個炸甜不辣(跟餐$26) 呢個價錢就可以接受，但係如果單嗌$36 ，得嗰幾塊真係有少少唔抵😕加咗個小麥胚芽奶綠(跟餐$8) 呢個價錢真係超級抵，味道正常啦，不過不失~🦽: 門口有一級，少少高，需要人幫手味道: ⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️🚗: 尖沙咀街邊錶位

今日睇完戲就去咗尖沙咀厚福街嗰度食台式料理店舖座位唔算多不過都好乾淨我哋一行2人叫左都唔少嘢食炸花枝丸即叫即整炸到熱辣辣好大粒黃金茄子佢上邊有啲魯肉碎不錯兩個炸物我鍾意炸花枝多啲紅燒牛肉麵佢有晒牛腩同牛筋羅白清甜冇渣大大碗個湯都唔hea嫁麻辣雞絲冷麵冷麵辣度都幾辣㗎對我啲冇辣不歡嘅人食得好爽雞絲青瓜同醬汁都好足料配餐百香果蘆薈綠茶呢一杯好清新不過飲飲下一支飲管卡住啲百香果好難啜小麥胚芽奶茶呢杯好飲不太甜

突然間好想食台灣嘢，就嚟咗呢一間食啦😆叫咗個鹽酥雞肉燥飯😛😛鹽酥雞打得好脆，肉燥亦都好林，送飯一流！加配咗個小食甜不辣，都炸得好香口，平時食台灣嘢一定會叫嘅嘢食😝😝⭐️⭐️⭐️平時大家經過都可以試下 ，性價比都唔錯！食物質素都幾好，下次會再食其他嘢

今日想食台灣菜，於是去左位於尖沙嘴嘅臺坊食返碗台灣麵。鋪頭唔算太大，有兩排堂食位，亦都有就咁賣飲品。堂食都係先比左錢再上菜。我就叫左紅燒牛肉麵 +$5 轉刀削麵，飲品就叫左凍珍珠奶茶加仙草(+$5)去甜少冰。紅燒牛肉麵有牛肉同牛筋各幾件，仲有紅蘿蔔，白蘿蔔。先食一啖白蘿蔔，超級入味，一咬開熱辣辣嘅湯汁爆哂出黎，真係要小心辣親，白蘿蔔炆得好夠諗，好好食。紅蘿蔔都同樣入味，仲多左份紅蘿蔔本身嘅鮮甜味！牛肉同牛筋同樣炆得入味。牛肉咬落煙韌，有適當嘅筋增強口感。但唔會好難咬開。大大件嘅牛肉咬落非常滿足。而牛筋都炆得好諗，吸哂湯汁嘅香味，好滑，好軟熟。湯底就比較重味，所以配麵都可以食到湯底嘅香味，刀削麵比一般麵闊同厚身，感覺好易會煮到痴埋或者出面太軟，裏面太硬。但呢到刀削麵食落啱啱好，保持到煙韌嘅口感，但唔會痴埋哂一齊。想多d口感可以一試。珍珠奶茶茶味好濃，去甜天加飲到奶茶嘅香味。珍珠有咬口，仙草都好滑，飲落好清新，份量正常。臺坊可以話係性價比幾高嘅台灣菜餐廳！

 唔知大家有無發覺，係尖沙咀區想食台灣嘢既選擇其實唔係好多，呢間係後福街同加拿芬道交界既「臺坊」，係我午餐叫外賣既選擇之一。點解每次都叫外賣拎走既原因係舖面可以堂食的位置其實唔多，有時你想堂食都未必有位俾你坐。但嘢食既質素我覺係唔錯的，食物種類亦都多。今次我叫咗個「鹽酥雞肉燥飯」同埋「麻辣海蜇雞柳」，肉燥既味道唔太濃唔會食完有味精既口渴感，味道同我係台灣街頭食既肉燥飯有7-80%相似，所以我覺得都算對版，雞肉鹽酥雞香口得嚟唔會炸到好散，整體嚟講我覺得都合格「麻辣海蜇雞柳」麻辣唔太辣但爽口開胃，份量正常，味道合格，如果我尖沙咀返工突然想食台灣嘢我都會再試佢哋其他既嘢食！

自己一個閒逛喺尖沙嘴街頭，諗緊食咩好之濟就見到臺坊呢間鋪頭，入到去先揀好餐點，再出去收銀落單，比完錢就可以返埋位等嘢食~🤤鹽酥雞肉燥飯（$60）🍗用紙兜裝住一上枱會覺得份量唔太多，好彩原來都食得飽，勁熱辣辣，炸雞有五粒，有汁唔會乾曬身，都幾夠脆，調味香🤤可惜部分位置有少少鞋口難咬😢呢個飯話明係肉燥飯，所以啲肉燥食上去唔係平時食台式餐廳魯肉嗰陣香料味，比較似家常菜，不過都幾好食，甜甜地，想要更加多等我唔洗省住食，不過又明嘅…好多鋪頭都比好少，至少呢間夠撈全個飯😋白飯方面，煮得幾好，粒粒分明有咬口，唔會爛曬變一大pat飯咁珍珠奶茶（跟餐+$8）🧋熱飲少甜一上枱就感覺到佢真係勁勁勁熱，要打開蓋慢慢食完個飯先易入口少少，感覺佢應該係煮到滾曬，殺菌真係一流，飲落有茶香，奶味一般，甜度唔算太甜，珍珠幾好咬，咬入去有甜香，以堂食跟餐嘅珍珠奶茶嚟講水準幾唔錯🤩環境方面，鋪面比較細，好彩今日自己食，求其有個空位就坐得，對住牆食都幾好，可以唔洗望人咁尷尬，不過枱面有少少細，我諗呢間鋪頭都係預人食快餐或者叫外賣，見到都有好多打工仔叫外賣，不過餐廳位置細，佢哋企曬喺餐廳入面等都對堂食嘅人嚟講有少少壓力😵‍💫（

突然好掛念台灣野食，今日黎左臺坊一解思台情懷。1.紅燒牛肉麵 $60一送到面前，第一個感覺係好巨型🤣不論係牛肉、牛筋、紅白蘿蔔都好大舊，麵又多，好抵食！麵係幼麵，質感幾滑。牛筋有3大舊，一咬就冧，有豐富既蛋白質。牛肉咬落啖啖肉，好滿足！湯底帶微辣。2.熱百香果蘆薈綠茶 跟餐$12唔會好甜，酸酸甜甜，好解油膩，唔錯！隔離台既鹽酥雞肉燥飯既雞都好巨型，又多肉燥，驚嚇到我😂😂👏🏻👏🏻👍🏻👍🏻

厚福街的確係有好多嘢食 但論CP值喱間轉角小店無得輸😎.🍴豬扒肉躁拌麵 HKD $60 豬扒調味甜甜哋 吸引住你咬完一啖又一啖炸粉薄 咬落鬆脆唔嚡又唔韌 仲要有原塊豬扒切件上添呀😼肉躁份量好夠 每條麵都可以均勻地撈到 加埋菜脯 為相對淋身嘅麵加番一定口感唔好睇佢細細兜 食埋半隻滷蛋都幾飽咖🙊推薦度：7/10.🍴海苔魷魚鬚 HKD $40 即叫即炸 熱辣辣脆卜卜上台 份量合理 炸漿厚度適中 所以唔算太油膩而魷魚都好容易就可以咬開 唔霉😌小缺點係紫菜同炸漿雖然預先溝埋一齊 但紫菜味唔夠出 同食普通炸魷魚鬚無大分別🤧推薦度：7/10.註：-可用消費券付款: Alipay

今日行過尖沙咀，突然想吃台灣菜，於是來到厚福街的小店，雖然有人龍，但排了10分鐘就已經有位啦！夏日炎炎，當然要吃冷麵啦！我們叫咗個冷麵同埋一個撈麵。兩款都各有特色冷麵很清爽有蔬菜及蟹柳，撈麵有肉操滷水蛋最好食的係鹽酥雞！鹽酥雞很有台灣夜市那些小店的風味，是久違了的風味！另外小吃的黃金茄子炸得10分鬆脆！啱啱上枱時熱辣辣、脆卜卜的，上面淋了些肉噪令到個味道層次更加豐富。至於飲品方面我們都選擇了黑糖仙草奶茶， 10分10分好飲奶香茶濃，仙草也很足了！與撈麵很夾，份量都好多！

豬扒肉燥拌麵🍜($60) 7.5/10豬扒炸得好酥脆，食落脆口又唔油膩🥰 而且份量都好多，全部都大大舊，不過肉質偏淋，冇咩Juicy感，味道亦較單一少少，如果加啲五香粉就perfect 💕 麵同肉燥都好多，而且肉燥加埋榨菜，食落有口感之餘又唔會膩黃金芋圓波🍠(+26) 9.5/10好好味👍🏻全餐嘅重點去咗佢到，每個波波都漲卜卜，佢唔似台灣個隻地瓜球，食落係外脆內軟，加埋甜甜地嘅芋頭蓉，食落無論口感定味道都一流😋鹽酥雞冷麵 🍗($60) 7/10鹽酥雞都係炸得好脆，而且雞嘅肉質都好滑嫩🤤 Same issue 就係味道偏單一，如果有多啲五香粉就掂哂檔。 冷麵醬配麻醬都好fresh少少甜咁，而冷麵就跟台式用鹼水麵，有鹼水味自行注意⚠️但麵質食落有彈性同有口感👍🏻甜不辣🐟(+$26) 8.5/10扁型嘅甜不辣，食落口感有彈性加煙韌，而且好重魚香味，好掂檔👍🏻珍珠奶茶/珍珠茉香奶綠🧋(+$8) 8.5/10叫咗少冰正常甜，甜度唔洗螞蟻人都接受到，幾啱胃口🤰🏻而且茶味幾香，同埋珍珠都煙韌，值得用Quota💖Extra Comment🖍•餐廳座位唔算好多，約莫十個位左右，而且全部都係單人位，啱一至兩

店舖位於厚福街 聚集了不同種類的餐廳 這間店鋪比較小 大約只能容納6-8人左右 價錢方面較相宜💰-🍽芝士肉鬆台式蛋餅 ($42)蛋餅份量好大😂入面既芝士同肉鬆好足料 食落唔會膩 但蛋皮有少少略厚 如果薄少少就更加好

今日去咗尖沙咀行街，瞓到攰攰地喺附近搵啲嘢食下，即刻上OpenRice望吓附近有咩好介紹，見到厚福街有間台灣食店都幾吸引於是去試吓，臺坊台式料理。舖頭雖然唔大，但係望落去都幾整潔，最啱就係行完街攰攰地食少少野休息吓。望下個餐牌都有好多嘢食選擇，幾樣嘢都幾吸引，我自己最鍾意就係食啲台式小食，同埋台式飲品。鹽酥雞，鹽酥雞炸到金黃色而且好香，入口一啲都唔油膩，雞肉仲係好嫩滑，多汁。而且雞皮炸到好香脆，非常之惹味。紅燒牛肉麵，牛肉嘅份量都算多，而且牛肉好林，牛肉味又香又重，另外蘿蔔非常之入味，加埋牛肉麵個湯好鮮甜，一碗香濃嘅牛肉麵，連湯汁都飲晒。炸花枝丸，花枝丸都算大粒，加上即叫即炸上到枱熱辣辣，入口墨魚味好香，而且仲係爽口彈牙，加上有少少墨魚粒，令到口感非常之正。椒鹽豆腐炸到金黃色，都係一個好惹味嘅小食，豆腐外邊炸到香脆，而中間仲係好香滑。加上少少椒鹽調味，味道都幾好。下次經過尖沙咀一定會再嚟食，性價比高，味道又好。

放完工衝衝忙忙 係尖沙咀見到E 間賣台式野食嘅小店 就入左去試下 舖頭細細間 幾骨仔 叫左一碗紅燒牛肉麵 炸花枝丸 同埋百香果蘆薈綠茶 一於食餐好嘅 紅燒牛肉麵好大碗 有齊牛筋牛腩 成四舊噤多 牛筋冇腥味 彈牙爽滑 牛腩口感十足 唔鞋易咬 十分入味 牛肉湯需然唔係最濃果款 但係幾易入口 又有鮮味 麵質係偏幼 入口滑溜 加埋檯上嘅花椒油十分惹味 原品覺得加35蚊 花枝丸好似有d 貴 不過太肚餓最後都叫左 幾有驚喜 十分香口同香脆入口彈牙 同有少少椒鹽 十分惹味 好似食唔停口嘅小吃 飲品叫左百香果蘆薈綠茶 冇藥水味 唔會好甜 有粒粒蘆薈 甜甜地 好有口感 食完之後好滿足 一百蚊鬆d 就已經食左噤多野 回頭指數高

蒜汁雞絲冷麵 $55好多雞！！都算嫩，唔是老雞，輕微雪味但個汁蓋得過。不過蒜汁蒜香味唔重夠，有啲油；青瓜好爽，令人好爽🥒💦又有小蟹柳，整體不過不失～芝士粟米蛋餅 $40拿戴頭盔先👷🏻‍♀️唔是蛋餅專家，個人覺得幾好食！皮係煙韌派，有啲厚度有啲安全感🥰 唔係穌脆嗰種喔；蛋層幾厚，芝士都算澎湃同幾香，粟米正常；係個足料，令人滿足嘅蛋餅！開頭個蛋餅係用小鐵鑊裝住，然後店員又攞返走，換咗紙兜，哭哭🥲想打卡的港女不開心🥲黃金芋圓波 $25 (跟餐)外面好脆，入面係偏甜嘅芋泥～ 冇乜特別啦注意返呢間主要做外賣，位唔多，但迫下迫下咁食又幾開心，幾有夜市味～係咪想去台灣想到傻咗🥴

😊 今日去咗尖沙咀行街行到攰好想搵個地方坐低飲杯嘢食啲嘢，喺The One度行出嚟見到右邊有間台式料理，位於厚福街嘅街頭餐廳座位不多但見到人流都不錯😌外賣嘅人都有四個人見到餐牌飲品種類有好多，奶茶🥤奶綠蘆薈紅茶基本嘅都齊晒，我最鍾意加杯芽， 每次飲台式飲品我都會加， 口感非常特別我點了一個椒鹽炸豆腐，豆腐剛剛乍起，表面脆口，不得了的就是內裏豆腐很滑，加上他的配料是椒鹽制的，和豆腐一齊食，味道好夾，好香又好食。叫了一個鹽酥雞肉操拌麵，一看賣相很不錯而且材料充足，吃一口鹽酥雞鹽酥雞外皮卜卜脆，內裏雞肉軟林，肉質帶有口感，看他的表面炸到金黃色脆，望見已經很開胃，賣相真不錯，鹽酥雞有五件，炸得酥脆香口麵條有口感，加上肉燥一齊食鹹鹹地幾好味，要趁熱食。我點了一杯奶茶仙草凍，飲一口茶味香濃，帶有奶味而且滑滑的，不太甜加上仙草一齊食又有口感，這杯飲品真不錯我非常喜歡