舅父仔火鍋專門店

营业中

休息中

天氣開始凍，同呀媽一齊黎食羊腩煲暖下個身。個細羊腩煲對於兩個人黎講個份量都唔少，最重要嘅係啲羊肉一啲都唔騷！有時自己整羊腩煲難就難在去啲羊騷味。個煲入面仲有好多配料，全部都好入味。跟羊腩煲上嘅仲有一大碟生菜同廚師自制嘅腐乳醬。個人特別鐘意個腐乳醬，用黎點咩食物都得，想落少少係個羊腩煲吊下味又得！另外仲嗌咗泰式蝦餅、西班牙黑豚肉、黑松露豬肉餃同鮮蝦雲吞。全部都新鮮鮮蝦雲吞大大粒，啲蝦都係真材實料。總括黎講，野食唔錯又新鮮，座位坐得舒服，服務都好好。羊腩煲絕對推介大家黎食！

一年四季都鍾意打邊爐嘅我，今次又約咗食友一齊打邊爐！今次揀咗呢間位於深水埗嘅火鍋店，叫做舅父仔火鍋專門店。佢地嘅Menu相當豐富，無論係活海鮮、小食、火鍋料、肉類餃類等等到一應俱全！首先我哋點咗兩款小食：黄金炸魚皮同埋椒鹽豆腐，脆卜卜嘅炸魚皮撈埋咸蛋黃醬真係不得了，香口又滋味！仲有椒鹽豆腐幾惹味，外脆內軟，好好食！湯底揀咗花膠雞湯鍋，有半隻雞同埋唔少花膠，相當足料，個雞湯都幾鮮甜，用來打邊爐一流。鴛鴦雙蚌珊瑚蚌同埋桂花蚌， why not both ? 雙拼可以兩款都試晒。白鱔呢個幾有驚喜，大大片，碌一碌就食得，魚肉幾爽口，值得試下。蟶子皇好大隻，帆立貝又係巨型size，食得好開心！ 最緊要係樣樣海鮮都好鮮甜，蟶子夠爽口，帶子勁甜無得頂！肉類叫咗大份嘅安格斯頂級牛頸脊 油花都幾靚，啖啖牛肉香味。仲有日本A4 和牛天係入口即溶，油香十足，唔錯！另外仲有叫咗台灣正宗鴨血同埋獅頭鵝腸，呢兩樣都係我打邊爐最愛！最後叫個蔬菜拼盤balance 一下，拼盤都幾大份，食多啲菜感覺健康啲。最尾飲埋芝麻糊同埋紅豆沙，完美作結！下次一定會再嚟～

近排天氣開始涼浸浸，又係打邊爐嘅時候，餐廳主打火鍋，醬料有自家製XO醬，更有多種自家製食品。裝修佈置頗具特色，看得出店主很用心思。花膠雞湯鍋秋冬滋補必點嘅花膠雞湯底，打邊爐前先飲返碗補補身，雞湯味道濃郁，伴隨著紅棗杞子嘅味道，雞可選一隻或半隻，原條花膠大大件花膠，雞件肉質新鮮結實。美國桶蠔美國桶蠔蠔肉飽滿，蠔味相當濃郁，夠曬大隻，口感十足。極品封門柳封門柳雖然叫咗細份，但份量都唔少，油花均衡，肉味濃郁，入口肉質鮮嫩。牛骨髓牛骨髓非常軟滑，口感就似食果凍一樣，係一種天然滋補食品。牛舌芯食牛舌嘅話，牛舌芯係不二之選，牛舌芯切成薄片，口感軟腍略帶嚼勁。手打鮮蝦丸併墨魚丸蝦丸同墨魚丸真材實料，新鮮手打，食落非常爽口彈牙。自家製鮮蝦水餃/黑松露豬肉餃自家製水餃皮薄餡靚，鮮蝦水餃用了原隻鮮蝦，材料十足，豬肉餃帶黑松露香氣，提升了豬肉嘅鮮味。涼拌肉鬆皮蛋豆腐豆腐清涼嫩滑，皮蛋甘香軟綿，拌以肉鬆同涼拌醬，越食越滋味。蒜片一口和牛端上枱時，已經蒜香撲鼻，一口和牛細細粒，肉質軟嫩，拌以蒜片一齊食，味道層次再昇華。油麥菜油麥菜新鮮爽甜，可以清清油膩感。自家製竹蔗茅根水自家炮製，真材實料，打邊爐嘅清熱良伴。

踏入秋涼嘅季節，特別適合一班朋友打邊爐，深水埗有好多餐廳，今日就特登揀咗呢一間「舅父仔」～火鍋食材選擇比想像中多，更有唔少自家製項目，先黎自家製竹蔗茅根水，甜度控制得唔錯特別推薦呢度一系列既小食，最大賣點一定係即叫即炸— 「脆炸魚皮」、「黃金炸響玲」、「椒鹽豆腐」， 炸響玲同魚皮都係加咗鹹蛋黃既炸響玲，鹹香度十足，必點「脆炸魚皮」！ 另外都叫咗「火炙薄切鮮牛肉」，加埋蔥、芫茜，味道有提升。點既係花膠雞湯鍋，見到湯底都有唔少雞肉，一於打邊爐前飲返碗靚湯先！ 海鮮既話，點左蟶子、元貝，鴛鴦招牌滑，海鮮目測都有光澤，新鮮度亦乎合預期～ 餃子仲係自家製既， 皮薄餡靚。蔬菜籃顏色亦夠色彩繽紛，選擇亦豐富— 既有蕃茄、粟米、亦有各款蔬菜。

鴛鴦湯底有四川麻辣湯鍋同胡椒味豬肚湯鍋店員特別為我地安排唔要胡椒咁就啱哂大人小朋友食啦🥰✿ 泰式蝦餅🦐外層炸得好酥脆 配埋醬汁好好食😋✿ 安格斯牛小排🥩肉質嫩滑 份量唔少牛味🐮好香濃✿ 手打鮮蝦丸併墨魚丸人手整真係一食就食得出真材實料內有一粒粒蝦肉同豬肉 爽口彈牙✨✿ 鮮蝦雲吞 黑松露豬肉餃自家製材料豐富 又大粒又入味雲吞入面係一隻隻鮮蝦🦐豬肉餃🐖充滿黑松露香味✿ 烏冬打邊爐唔少得食烏冬放落個湯底一齊煮 超入味🤎

The weather is finally getting cooler! That is when I start craving hotpot. Looking up what's new, we found a place called  舅父仔火鍋專門店 (English name: Uncle Boy Hot Pot). Located in Sham Shui Po, closer to the Prince Edward area, this place was quite easy to find.Inside it was spacious. They had plenty of tables for smaller groups. A rarity as many now focus on large gatherings but that is sometimes quite difficult. Seating was spacious and clean.Menu is in Chinese only. They have plenty of choices

精選二人套餐 $468舅父仔慶祝兩周年特價酬賓，推出咗個精選二人套餐好抵食🈹首先黎份小食，泰式蝦餅外層炸得好脆入邊蝦肉又彈牙🦐自己喺屋企好難整沙嗲湯底，所以自選湯鍋揀咗個特濃沙嗲湯鍋🍲肉類揀左安格斯牛小排，肉脂分部得好平均，食落充滿好濃郁嘅牛味🐮手打鮮蝦丸拼墨魚丸彈牙有口感🦐🦑自家製餃子雙拼就揀咗韭菜餃同鮮蝦雲吞皮薄又足料🥟再加埋時令蔬菜咁就唔驚打邊爐無便便🥬個餐仲包兩罐嘢汽水架🥤我自己就另外加左個公仔麵，沙嗲公仔麵絕對無得輸🍜-椒鹽荳腐 $58即叫即炸，外脆內滑，椒鹽味都好夠🐮-流心蛋黃豬肉丸 $58見到流心蛋黃即刻要試🥚可惜一次過倒晒落去又滾得太耐所以冇咗流心效果🥲如果大家下次叫記得一變色就要拎上嚟，唔好好似我咁傻仔😅

今日同朋友去深水埗新開嘅火鍋店打邊爐，店員全部都好nice，環境都坐得好舒服（打邊爐最緊要冷氣夠凍），最緊要係食物都好高質！即刻睇食評~冬瓜盎湯底湯底清爽而濃郁，帶有淡淡的甜味，能提升整道菜的口感和風味。超多料，好睇又好食，建議最少3個人先好叫，如果唔係真係食唔曬！黃金炸響鈴❤️❤️❤️喺menu見到已經雙眼發光，係我最愛嘅鹹蛋黃+我超鐘意嘅響鈴！！！新鮮炸起，金黃酥脆。上菜時店員話可以就咁食，我就咁食咗一條（超有罪惡感，太邪惡），另一條就淥黎食，一樣咁正安格斯牛小排好靚嘅牛肉！不過我地打邊爐都鐘意食比較薄嘅牛~所以今次反而覺得豬肉好味啲！西班牙黑豚肉超多脂肪，又夠薄，好味~手打鮮蝦丸拼墨魚丸❤️❤️❤️兩款都超美味，其實望落就好似蝦滑同墨魚滑一樣，都係我超愛食嘅野！自家製鮮蝦雲吞拼黑松露豬肉餃鮮蝦雲吞充滿了鮮蝦的鮮甜味道（朋友大讚），而黑松露豬肉餃除了有均勻的豬肉香氣更有黑松露香蔬菜拼盤有生菜、娃娃菜、番茄、粟米、白菜仔。超大份，又係建議最少3個人先好叫，如果唔係真係食唔曬！

餐廳牆上掛滿用霓虹燈做既標語裝飾，帶點玩味。食物方面，材料選擇幾多，湯底大概有十款，另外仲有小食，即叫即炸好吸引，同埋醬料入面嘅XO醬係自家製，好足料好夠味。小食黃金炸魚皮 $68 - 份量唔少，每片魚皮脆卜卜，同時沾滿鹹蛋黃，好邪惡但好食。椒鹽豆腐 $58 - 外脆內軟，加上椒鹽好惹味。😉火炙薄切鮮牛肉 $198將牛肉薄切成刺身再輕輕炙燒，牛味幾濃又帶點牛脂香氣，配搭埋生洋蔥多份層次，好吃！花膠雞湯鍋 (半隻) $238店員話湯底用雞及魚熬煮，食前飲番碗再加湯打邊爐，另外配料仲有大大件花膠及雞件，雞湯味道幾濃郁，杞子帶點甜，正。另外點咗海鮮，整體幾新鮮，蟶子及元貝大大隻，元貝好鮮甜。👍見到有鴛鴦雙蚌 ($148)都叫黎試下，份量都唔少，貴花蚌好爽脆。日本A4和牛 $388打邊爐點可以唔叫牛肉，呢個A4和牛片厚薄適中，淥一淥就食得，而且牛脂幾豐富，yummy! ☺️安格斯頂級牛頸脊(大) $368安格斯牛頸脊肉味幾濃，相對下佢比A4和牛厚身，口感會再強啲。招牌鴛鴦滑 $108係手打蝦滑拼墨魚滑，兩款都幾紮實同足料。餃子拼盤 $108共有4款餃子，分別有鮮蝦雲吞、鮮蝦水餃皇、韮菜餃及黑松露

同屋企人食晚餐，個場唔太多人。叫左個招牌豬骨湯底，胡椒味有D太重，但整體黎講都好味。首先黎左一客池魚王做頭盤，新鮮好味道。仲有涼伴千層肚同黃金炸嚮鈴，但食得太快唔記得左影相。個黃金炸嚮鈴有咸蛋o係入面，邪惡得黎又幾惹味。牛肉因為質素比較好，所以價錢比較貴，可以接受，有牛味。仲有自家製餃子都好味，唔係出面D求其雪藏餃子。手打墨魚滑係我最愛。D菜都算新鮮，總括黎講都高質，係個湯底胡椒味太重搞到有D攻鼻。最後一讚係芝麻糊，又香又滑。個場好大，座位寬敞，坐得舒適。而且無限時，唔駛趕頭趕命，服務態度亦唔錯，整個用餐體驗好舒適。

之前朋友介紹話深水埗有間好好食嘅火鍋店，今日同朋友就嚟訂位試下，呢間舅父仔火鍋店坐落深水埗，一入門口見到好多好有特色嘅打卡燈牌，夠晒搶眼打邊爐，最緊要混醬，一坐低店員好有禮貌地為我哋送上一盆滿滿嘅醬料，超特別試吓佢哋自家製嘅XO醬，好有鮮味又唔太辣我哋點咗個花膠紅棗杞子雞湯底，一開始我哋就飲咗啲湯非常之鮮甜，滋陰養顏、啱晒貪靚嘅我哋先嚟幾個炸物做前菜，黃金炸魚皮，魚皮沾滿左蛋黃醬，好香蛋黃味，鬼馬墨魚滑，用油炸條夾上墨魚滑一齊炸，香脆可口佢佢哋嘅食材都好新鮮，份量亦都唔細，啲蝦有手掌咁大隻，肉質都係好鮮甜，彈牙爽口特別鍾意佢嘅自家製黑松露豬肉餃，淡淡都係黑松露嘅味，再配埋啲豬肉嘅肉汁，令人一食再食其他食材都相當唔錯，佢個特色既拉麵係光來麵，口感煙煙韌韌，有別於其他嘅拉麵，聽聞係老細日本精心挑選，唔怪之得咁好食，真係一間用心既隱世火鍋店

老公今日揸車帶我遊車河🚗，嚟到太子附近覓食，搵到間門口有得泊車嘅火鍋店。 餐廳入面啲位都幾寬闊，坐得都幾舒服。 平時火鍋來來去去都係嗰啲湯底，今次職員推薦我哋可以試下佢哋嘅特色湯底日本酒粕昆布湯鍋，今次係我哋第一次試呢個湯底，食呢個鍋原來都好講究。首先職員送上一個大鍋，有啖啖嘅米香味。然後職員好詳細咁介紹有5款配料。 1. 首先係加入昆布2. 然後再加入鰹魚片調味。3. 之後係加入釀酒發酵餘下嘅渣宰，唔好以為渣宰係啲無用嘅食材，原來佢吸收晒米香嘅精華，充滿pitera骨膠原，連SKII 都係加咗Pitera，食完包你好似搽咗成支SKII咁，滋補養顏。4. 蜂巢豆腐，可以喺唔同時間加落去，感受到唔同程度嘅湯底酒香味。5. 清酒可以喺加完肉類之後倒少少落去，令肉汁散發陣陣酒香。 手打鮮蝦丸併墨魚丸：蝦丸非常爽口彈牙，食落仲有粒粒蝦肉，感覺非常足料。墨丸食落有充滿墨魚味。 自家製餃子雙併：揀咗鮮蝦雲吞同黑松露豬肉餃。鮮蝦雲吞皮薄餡多，鮮蝦新鮮爽口；黑松露豬肉餃亦好香好濃嘅黑松露味。 美國封門柳：脂肪唔多，不過勝在肉味濃郁，切成薄片的封門柳，口感細嫩。 西班牙黑豚肉：肉質粉嫩鮮美。小食魚皮真係

哩間係朋友揸車🚗帶路搵食，貪門口泊車方便。我真係估唔到可以係火鍋店食到咁靚既冬瓜盅湯底，我夠膽講真係好食過好多酒家。我自己打邊爐中意食湯底同食材本身，好少再加醬汁，除非店家有自製醬料，好似哩度有自家XO醬，全部瑤柱絲蝦米加辣辣地，值得試下。順手落埋個自家煲竹蔗茅根水。令我驚艷既時令海鮮冬瓜盅，賣相精嫩，大大個冬瓜中間塞滿冬菇，肉粒，金華火腿，滿滿既素翅望落閃令令咁⭐️啖湯足料鮮甜無味精，一人整番兩碗湯是必須的。咁上下店員會黎分埋個冬瓜，唔好講笑個冬瓜煲到鮮嫩柔軟又清甜，食多d都唔覺得濟。極品封門柳鮮嫩肉味重，中意哩種手切既食落口感特別滿足。哩度既火鍋料好多都自家製，比我感覺就係全部都真材實料。鮮蝦滑，墨魚滑食到蝦同墨魚鮮味，彈牙口感完全唔係撈左粉個d! 鮮蝦雲吞皮薄有彈性，唔係雪藏貨，內餡啖啖爽彈蝦肉。湯底得☑️火鍋料得☑️連小食都好得☑️黃金炸魚皮即炸鬆脆，咸蛋黃蓉已經痴實左魚皮表面，帶有沙沙口感，超香!泰式蝦餅又厚身又Q彈，外層薄脆，香口中帶鮮蝦味，中意飲酒個d叫哂哩兩個小食實無死。哩間出品真係無野挑剔，睇門面都無expect係咁有質素，所以真係要試過先知😋仲有就係留意到佢地都好多枱熟客，

打邊爐絕對是香港獨有文化，一年四季都喜歡食。今晚又約了朋友去深水埗搵食，呢間火鍋專門店係漆黑一片嘅福華街內燈火通明，非常搶眼。黃金炸響鈴嘩！勁邪惡👿！即叫即炸，好脆…. 好脆…..，淋上蛋黃蓉，有感幸福😊先來雞煲，bb 辣度是我極限😜。少辣少麻，醒胃。雞肉吸收晒配料薑，蔥，蒜精華，惹味十足。食完雞煲，換番個花膠湯鍋烚下烚下啦⋯⋯湯底奶白色，味道鮮甜，漿口啊！ 可見花膠有五，六塊，還有大塊大塊雪耳，真材實料。極品封門柳脂肪位不多，肉質鮮嫩有嚼口，滋味。鮮蝦丸，墨魚丸，鮮蝦雲吞，鮮蝦水餃，全部自家品牌，有誠意，讚！

天氣涼涼地，又到左火鍋嘅季節~相約朋友係深水埗坐得舒服而又高質的火鍋店就佢啦！🎉慶祝兩週年🎉精選二人套餐🎉小食 (3選1)：泰式蝦餅 (4件) / 黃金炸魚皮 / 青瓜雲耳我揀左泰式蝦餅！外脆內軟，蝦味好香濃，配上泰式辣醬，香脆卜卜好食！湯底：特濃沙爹湯鍋平時食開嘅沙爹湯底都係辣辣地，食到底仲好咸，呢間湯式係唔咸，而且真係食得出的沙爹湯味！一路食到底都仲KEEP到濃味，亦都唔辣，如有需要都可以叫佢加辣！極品封門柳（小）肉質滑嫩，油花都見分佈幾均勻，濃郁牛香味🐂唔混醬都食得出牛鮮味~~手打鮮蝦丸併墨魚丸（4粒）自家手打製，2人份每人2粒，各款1粒，鮮甜彈牙，幾唔錯！自家製餃子雙拼揀左鮮蝦雲吞同黑松露豬肉餃，每樣2粒唔駛爭😋雲吞皮薄，內裡有鮮蝦粒，食到蝦肉鮮甜同時口感都好彈牙~~而黑松露豬肉餃勁香黑松露味~~好食😊時令蔬菜：菜心份量十足，吸索埋湯底唔浪費，今次湯底唔油膩，咁樣食無咩罪惡感！