興濱茶餐廳

营业中

休息中

呢度好啱我呢啲一個人地方骨子 有好多單丁位講翻啲野食如果午餐我獨孤一味叫時菜肉片飯 钟意啲汁啱啱好 咁其他亮點不外乎凍奶茶同姐姐有禮貌講翻今日星期日早上食早餐 我自己打過餐廳工對剪牛扒無期望 好鞋 點知呢間興濱即煎牛扒剛剛好 我成塊食哂亮點係碗湯意粉好多菜 一点也不孤寒成個餐只係 $44

簡直係食一次就害怕，想不到，初次來到灣仔區這邊，可能因為第一日在這邊返工不太熟悉這邊的節奏，行咗過去合和那邊相當多人，就好像普通的茶餐廳，又例如是之前在荃灣都吃過的波士冰室，平日不用等位叫你入去你都覺得好勉強，現在它竟然要排長龍有10幾人在等位，簡直教人吃驚。之前我這天就會在街市附近看看有什麼餐廳不用排隊等位，結果就到了這間本地地痞茶餐廳。看完午餐餐牌，點了一個馬來炒貴刁，其實即是咖哩集會炒河一般，味道帶點咖喱辣香，不算太過辣，味道都算香，配料不算太多，不過河粉份量夠多。以炒物來說，鑊氣不算太強，不過至少份量都夠，叫做對得住50幾蚊呢個價錢。如果在我們大埔區或是深水埗附近一帶， 50多元食個茶餐廳，你可能要求好高，不過在灣仔區，原來不能要求太多。這次試一試鴛鴦，味道豐富到咗未濃郁，奶茶混入咖啡之後都不算太過酸，都算是相當不錯的。過幾日之後發現原來謝斐道以及駱克道那邊以及譚臣道那邊都會比較多食肆，那麼就沒有那般恐懼。

朋友鍾意啲90年代香港嘅餐廳，所以今次嚟到灣仔嘅一間舊式茶餐廳。.好老實講茶餐廳嘅味道間間都差唔多，但係呢度最特色嘅係份情懷。茶餐廳夥計好多時候都係粗粗魯魯，講嘢呼呼喝喝，落單慢少少都好大壓力。但係呢度好唔同，樓面嘅姐姐非常有禮貌，值得一讚👍🏻 明明淨係寫有例湯或飲品，幫襯多幾次就兩樣都有，有時仲計我哋平啲添多謝姐姐，我哋估佢係老闆娘，多謝老闆娘先啱！.而且食物嘅味道一啲都唔差，炒嘢仲好有鑊氣，常餐嘅雜果沙律係舊式茶餐廳先有嘅口味，超級好食！

#breakfastforlunch, #cheapeat, #wanchaiby the time I set down... i had a really bad feeling... yet the waitress was very welcoming and chatty with other customers in the same time...I dun like the selection much as it seems I dun hv much of my usual choices..one incident is that there are people smoking in the outside sitting area, but there is one keep blowing smoke right at the door and all got inside.. i kindly asked the waitress if she can kindly ask the customer blow to the other way.. of c

Lunchtime 求其搵茶餐廳食剩係呢條機利臣街已經有好幾街今次試呢幾興濱又出奇不意幾好食wor 😆店面唔大，都幾迫下牆上佈滿住唔同既餐牌，好多選擇 😂一坐得，姐姐就即刻比左碗例湯黎蕃茄紅蘿蔔瘦肉湯，又幾好飲，竟然成碗飲得哂試過其他茶餐聽如果味精太多我會飲兩啖就算揀左好耐終於揀到...嗌左今日既梅菜扣肉飯佢一星期每日都有唔同既蒸野飯，唯獨梅菜扣肉係每日都有既膽，就即管試下 🤩個飯幾大碗，夠份量唔姑寒個梅菜扣肉好好食! 出面食通常偏鹹但呢度完全唔會梅菜就唔係好多啲汁餸飯都好食! 成碗食哂 😂食物質素比我唔錯既印象，下次都會黎試其也野（佢真係超多野食揀...）野飲方面嗌左茶走，正常茶餐廳水準，都算好飲飯加湯同野飲都係$46咋! 抵食!枱面都有紙巾，唔洗比錢買（個人比較討厭要加幾蚊買 tissue 個啲哈哈）Lunch下次諗唔到食咩都會再食呢間 😄

一年一度寵物展，都會途經灣仔小街穿梭，自不免考慮狗隻因素，找個室外地方吃個午餐。干炒雞絲河午餐有例湯有飲品，性價比超高。多一些蔥會令整體味道更平衡。自家辣椒靚姐熱情款待，拿出自家辣椒。雖然火辣無比，但配上炒河更是一絕！常餐看得到牛肉沒有比生粉完全分解纖維，有牛肉味！麵質的掌控也是十分好！菠蘿煎雙蛋無懈可擊的荷包蛋。令人一再回味的舊式菠蘿包！上蓋的蛋漿沒有鬆散的痕跡，每一口也是享受。最後令人忘不了的是靚姐的笑容，仿佛我在灣仔住了很久，大家是很熟絡的鄰居。很高興還有這樣的茶餐廳，久不久我也要再光顧！

我都知食得茶餐廳都係想快靚正，但你要知道你一間茶餐廳，除左每日唔同既精選午餐，仲有常餐，特餐，焗飯，碟頭飯，炒麵炒河之類，我真係唔可以一坐低就即叫。姐姐係門口已經勁熱情咁叫我地入去坐，跟住一坐低就問食咩，講左睇下先，佢唔夠15秒又再問食咩，真係有點無奈，都未睇清楚是日午餐佢啲鬼畫符就要點餐，最後口快快咁UP左呢個頹既粟米玉粒飯 熱菜蜜 $45。佢呢度好抵食既原因之一係個餐跟左杯野飲之外，仲可以要埋湯，佢會問你要唔要，唔要佢就唔會倒出黎，今日唔太肚餓所以冇要到，但佢呢度啲湯係OK，唔似水咁稀而且即倒所以熱辣辣。粟米玉粒飯真係好頹，而且今日啲肉好UN，白飯又乾，好在都算多汁可以送下飯，其實都可以唔使加雜豆，破壞左個粟米玉粒飯。

早兩日吃得很清，口寡寡的，又有時候要濃列一下。咖哩豬扒飯乃是鎖定的目標。即使是外賣，咖哩和飯都是分開上的，一點不差。咖哩汁濃杰得宜，無須要薯仔，單是大量的洋蔥和青椒已夠睇頭。未將咖哩汁混進飯裡之前，先嚐一丁點在舌頭上，不太辣，調味恰好，即時急不及待倒入白飯裡去。咖哩汁跟白飯自是絕配，汁量夠多，每粒飯都有汁包著，卻又不會流於水汪汪的狀態。連骨豬扒亦屬不少，切成一條條吃的很是方便，扒肉腍而鬆軟，沒有筋，非常的滋味！一盒簡單的咖哩豬扒飯，已令人滿足。

係灣仔叫外賣，試下興濱茶記得唔得午餐有幾樣選擇，結果叫左干炒什錦銀針粉，送冬瓜豬骨湯 干炒什錦銀針粉，送來保持到仲熱。我覺得炒得不太乾而有少許汁，銀針粉條條都索曬d汁，仲保持到煙靱彈牙，口感不淋。另外配餸亦不少，總括好味份量 ok 個湯都足料，有冬瓜及豬骨加餸，少許咸但仍然清香

先不評論食物, 而是環境 ... 原先見門外數枱煙民, 已不大想進入, 但見價錢較吸引, 食客也較多才試一下. 可是室內只剩最近門口那桌, 門外風吹進, 於是全程吸二手煙. 後來食物到了, 吃了一會發現中間那桌有位便移過去(也只是鄰桌), 每次風扇轉過來便無事, 它吹其他位時二手煙便立刻大量補上, 十分難受, 也影响胃口. 回說食物, 肉絲炒麵是一餅的, 明顯有點炸過, 所以有些脆, 但不油, 可取! 雖然好味, 只是那便不是炒麵了, 可把名稱改一下. 沒被炸到的麵卻略軟. 肉絲和芽菜清淡, 也可以吧. 見冬天乾燥, 來杯杏霜滋潤一下, 味不太淡, 略濃, 不錯!

灣仔區午餐時段普遍要$40至有交易，今日特登行多幾步搵食，1:40pm到達，坐低後發現午餐牌好多都賣晒，最後叫了一份特餐。特餐有三款，今日揀了沙爹牛肉湯意粉配一份煎雙蛋及一個迷你菠蘿包，另外一杯凍奶茶。沙爹牛肉造得唔錯，沙爹味好濃，牛肉份量夠兼冇梳打粉味。煎雙蛋外面煎到有少許焦(唔係燶)，個蛋黃仲未熟透有蛋汁，正係我最喜歡嘅煎蛋煎雙蛋係配迷你菠蘿包，幾特別，冇一般配方包咁單調最令我開心係杯凍奶茶，茶/奶比例剛剛好，仲要係king size，唔會唔夠喉$29+$2凍飲，total $31，收貨!

皇后大道東的橫街, 難找, 好似旺角的女人街, 但比較短, 街內的一間茶餐廳, 只有約八張枱, 隔離坐了三位識講廣東話的”老外”, 已過午飯時間, 下午茶不合謂口, 都是叫了一個午餐, 蒸餸午餐, 咸蛋肉餅飯, 講明是蒸餸餐, 當然是分開上, 蒸餸還蒸餸, 飯還飯, 入口算十分熱, 味道十足, 咸蛋也是圓脹脹的, 最不喜歡的是那些偏身的咸蛋, 這間的算不錯, 可惜肉質太淋了, 全因為肥肉用得太多, 多得嚇怕了我, 一粒粒的肥脂可見, 應該減至二成以下才最合適, 白飯一碗, 質感軟硬尚適中, 唯不算太熱, 奶茶好味, 濃度剛好, 共$27, 平啦! 有幾會再試一試”炒野”…

是日辦事, 由中環開始搞, 搞到去西環, 上左半山搵食, 之後再去灣仔辦事. 直至4點才有機會停下來. 停下來, 要找地方坐, 最爽不過, 就是一間人少少的茶餐廳.係機利臣街既鐵皮檔後面, 隱藏的, 除了群眾小廚, 仲有呢一間興濱茶餐廳. 人少少, 地方隱蔽, 夠哂蛇竇feel. 蛇一蛇, 飲杯靚奶茶.下午茶, 叫了一個奄列餐, 腸仔奄列, 配上一個翻叮的迷你菠蘿包, 再加上一杯香濃奶茶. 所謂好奶, 就是奶茶香味十足, 奶味濃香滑, 茶味濃濃, 香口香濃香滑.菠正, 迷你菠蘿包, 需是翻叮包仔, 但絕對是一隻非常甜美的包. 菠蘿皮極甜非常甜, 只可惜是用微波爐叮過之後, 沒有了脆脆的口感. 蛋滑, 奄列蛋, 雖然多油. 但煎得滑. 腸仔薄薄片, 加少訐胡椒, 加少許美極, 加強少少味道, 非常香滑, 只是奄列蛋內部全熟, 滑中有小失色.隱蔽的茶餐廳, 往往有不俗的水準. 灣南的朋友, 這兒, 美味又隱蔽, 蛇王勝地也.

三月下旬．晴從前，一切也要大，什麼也要抵食夾大件。如今，物質豐富，做得精緻及細小，可以少嚐，才是正道。也就是因為這裡有迷你菠蘿包，我會在早餐吃此品之餘，也同時吃奄列。這裡有室外的位置，吸煙的食客可以來。也有電視，一邊看晨早新聞邊吃早餐，也不錯的。這個迷你菠蘿包是平時的一半份量，相比起來，椰蓉皮的份量就較多了，而麵包的成份較少，故吃起來也沒有鬆軟的感覺。不過佢細小，至少不會一個就「質飽」了，這就是好處。火腿奄列大大份，蛋煎得薄，但內裡的火腿下得多，份量十足。咖啡香濃，絕對是早上精神的泉源。埋單20元，再繼續吃附近的餐廳。

又到了當值的日子，下午二時走到了吃下午茶的老地方，位於機利臣街的興濱，這地方其實頗為隱蔽，在狹小的街市兩旁，算得上是灣仔打工仔蛇竇熱點之一。一坐下來，就點了特價的楊州炒飯，跟一杯凍奶茶，盛惠廿六蚊，經濟實惠之選。正在等飯食的時候，聽到了身後人客與伙計的吹水內容，原來 Laughing 哥謝天華正在附近拍電視劇，扮起清潔工人在掃街，二人提及 <學警> 劇情並談得興起之際，另一伙計又說曾經見過 "Fiana" 真人 (應該是 Fiona 吧)，骨瘦如柴唔靚女．．．聽著這些言論，看來只要有好角色、好演員，香港仍然會有一群喜歡電視送飯的忠實粉絲的。說回食物，茶餐廳的楊州炒飯，簡單地形容是粗枝大葉，叉燒粒、鮮蝦、蛋絲、火腿、生菜絲，材料處理粗幼不一，對賣相更毫不介懷，最緊要夠快夠鑊氣，有時我就是喜歡這種豪邁，外表雖不吸引，唯味道可算是水準以上，飯粒炒得乾身不在話下，吃畢後碟上的油漬少之有少，更突顯出廚房的手藝，說到底只是一個港式下午茶，還可要求什麼？好角色要人支持，地道的炒粉麵飯也需要我們去欣賞，下次睇電視時，不妨也叫一客楊州炒飯感受一下吧 ^~^