興濱茶餐廳

营业中

休息中

我都知食得茶餐厅都系想快靓正，但你要知道你一间茶餐厅，除左每日唔同既精选午餐，仲有常餐，特餐，焗饭，碟头饭，炒面炒河之类，我真系唔可以一坐低就即叫。姐姐系门口已经劲热情咁叫我地入去坐，跟住一坐低就问食咩，讲左睇下先，佢唔够15秒又再问食咩，真系有点无奈，都未睇清楚是日午餐佢啲鬼画符就要点餐，最后口快快咁UP左呢个颓既粟米玉粒饭 热菜蜜 $45。佢呢度好抵食既原因之一系个餐跟左杯野饮之外，仲可以要埋汤，佢会问你要唔要，唔要佢就唔会倒出黎，今日唔太肚饿所以冇要到，但佢呢度啲汤系OK，唔似水咁稀而且即倒所以热辣辣。粟米玉粒饭真系好颓，而且今日啲肉好UN，白饭又干，好在都算多汁可以送下饭，其实都可以唔使加杂豆，破坏左个粟米玉粒饭。