興隆泰國美食

营业中

休息中

眾所周知, 九龍城出名多的是泰國菜。今次介紹的是九龍城的一間泰國菜小店, 位置算是易找的, 在路口位置附近。平日八,九點左右來吃基本上都不用等很久就有座位了。通常我都會跟家人來這間吃, 因為覺得這間的性價比很高。首先要提一提, 我家人都是賣海鮮起家的, 對海鮮也有相當的要求。這碟虎蝦剌身每次到來, 幾乎是必吃的前菜。因為虎蝦吃落很清新, 而且每碟更配兩種醬汁供點來吃的。這碟炸蝦春卷都是第一次點的, 吃過之後就感到後悔了, 因為後悔為何很早以前不叫這個春卷呢。說真的, 這個炸得剛剛好, 外皮夠脆, 蝦夠熱騰騰, 還有泰式甜酸醬用作點蝦的。通常點咖哩炒蟹都會跟蒜蓉包給你一起吃的, 除了吃蟹比較狼狽之外, 其實都沒有什麼好挑剔的。之前提及過我家人是賣海鮮的, 所以很清楚這隻蟹大概的成本, 直接來說這間店的價錢可以說是十分良心。而且每次進店前, 我都會問還有沒有咖哩炒蟹賣, 如果沒有, 我們當日會直接不吃這間店。喜歡吃咖哩蟹才會明白我剛才的說法, 當然我只是說說自己的意見而已。希望大家都會支持這間小店。

之前行過見呢間野好多人，諗住試下。環境唔多舒服，播泰國音樂播到好大聲，同朋友完全傾唔到計。個位又窄，張枱又矮，全程要縮住個人食野好唔舒服。野食好難食，碟生蝦就咁鋪d冰上面，搞到掂生蝦好多水好核突；海鮮炒飯好濕，馬拉盞通菜好甜。仲有最難食係碟明爐烏頭魚，好腥。我第一次食明爐烏頭魚間鋪頭會提供醬汁，食左第一啖終於明白點解間野會俾醬汁，原來係難食到根本唔點醬係掩蓋唔到個陣好難頂既味道。九龍城有更多好選擇，唔好為左平個幾廿蚊折磨自己。良心提醒：千奇唔好叫明爐烏頭魚！千奇唔好叫明爐烏頭魚！千奇唔好叫明爐烏頭魚！

今日去九龍城覓食，當然是吃泰國菜啦！這次介紹的泰國菜館是名副其實的小店，一眼可見的店鋪大小。老實說，如果你是一個講求餐廳環境、座位舒適、服務質素的人，我還是建議不要試這間泰國菜館，因為以上的通通都沒有。😂但這裡有的是人情味、價錢便宜、地道泰菜味道，全部菜色都是由泰國廚師主理。😁🦐「泰式生蝦」是這裡每枱必點的菜色，雖然賣相不討好，但吃得出的新鮮、蝦肉爽口彈牙，配上特製的酸辣醬汁，份外清新！另一道必點的菜色就是「冬陰公🍲」，味道剛好不會過酸過辣；份量兩人分享也是剛好。其他菜式味道也不錯，特別是「原條烤鰂魚🐟」有淡淡的香茅香，魚肉扎實新鮮。總結：雖然環境一般，但勝在價錢平、份量夠、味道正宗！可以說是九龍城平、靚、正的泰菜之選。👍🏻

平時食開呢家泰國餐廳，主要系價錢平，味道吾差，近排少左食，發覺質素大不如前，好失望。生蝦—睇得出廚師冇咩心機，生蝦吾單止擺系冰下面，而且幾隻生蝦堆埋一齊，重疊哂，好求奇。豬肉生菜包—肥肉太多而且又大粒，食到好膩，味道淡左，水準比起以前差太遠！燒烏頭—不過不失，肉質紮實，不過有血塊，有幫我地即時處理。大排擋式既泰國餐廳，服務態度預左一般，不過最奇怪既系想影餐單比遲來既朋友時受到阻止，之後可以但吾好影價錢

九龍城係好多泰國菜餐廳嘅地方，我一向都每間去試吓，今次就揀咗呢間，去到見到都幾多人遲來少少都要等位，位置就比較狹窄，坐得好迫先來一個泰式生蝦，賣相就麻麻哋，都是新鮮的，點上泰式辣汁特別鮮味豬肉生菜包，炒得太濕，不夠火候，完全唔好食食過最差的生菜包酸辣鳳爪，肉質都爽，不過味道層次唔夠，酸味太多冬陰公，配料都比其他的少，酸辣味不夠泰式炒通菜，炒得都係不夠火候，炒得太濕太林，唔夠入味整體來說他們覺價錢的確是平，但係絕對唔係好食的泰國菜，只能說平平哋食下就算

聖誕夜唔想同人哋出去迫又要比貴個餐，走咗去九龍城食泰國菜！九龍城好多泰國菜選擇係人都知，今次就試吓呢間先他們位置都好找，去到街口十字路口一定見到，店舖都比一般泰國餐廳大一點，座位多鋪滿密質質，坐得尚算可以，好似好迫但係都夠用嘅！先來一碗冬陰公，這個冬陰公比較遜色，味道不酸不辣不香，配料麻麻哋，雖然有蝦有雞髀菇，但係同其他相比這個真係麻麻地豬肉生菜包，都係差！炒得超濕，最後應該加左太多上湯，味道好濃酸辣鳳爪沙律，這個終於可以，而且份量都幾多泰式生蝦，新鮮，不過賣相就有點求其泰式通菜，炒得都係好濕買單兩個人三百幾蚊價錢的確係平，不過食物質素真係不太好

已經唔知第幾次食興隆，每次想食泰國野都一定要黎興隆，全因呢到有條燒鰂魚食過返尋味，每次食都必點，魚肉燒得又juicy又嫰，又香，仲要好大條，難得有咁好食既烤魚。

又快又味濃，重口味同朋友打完比賽，去返食開既興隆。太掛住佢既蒜蓉包了！慢烤既蒜蓉包，由外到內都係脆到索索聲，仲最要係足料牛油蒜蓉，一啲都唔係hea！生蝦：食泰國野點少得生蝦！老闆每日新鮮攞貨，賣完就無！我終於佢有埋苦瓜可以解下辣❤️生菜包：美感麻麻，但勝到香料十足，又香又辣，配上脆甜生菜，刺激味蕾之餘，仲有層次分明既感覺！咖哩雞：我最喜歡佢好似滑旦咖哩，加埋又滑又好味既雞片，係最好配對。因為我試過牛，係咬唔開的狀況。燒豬頸肉：麻麻，唔算太好味，同埋切片一啲厚一啲薄，影響口感。不過個汁係一流的！馬拉盞炒芥蘭：菜好墨綠色的，好新鮮、鮮甜、爽脆，夾埋濃味既馬拉盞真係食唔停口！泰式椰菜苗：係有啲油既，但我就係鐘意佢原本菜既味道，配埋南乳豆既配搭，又甜又咸❤️炒金邊粉：雖然有啲濕但味道正宗，酸酸甜甜既感覺，其實會令人愈食愈開胃的😂肉碎炒飯：因為有友人唔太辣得，所以走辣，份量十足！不過我唔鐘意啲有啲濕炒甜肉碎飯既感覺🙊

幫朋友看完舖，佢帶我去宵夜填補下我個食物焚化爐既空位。呢間舖頭一啲都唔起眼，我行過一定唔會入去食，因為全間舖都係摺檯，我見佢有時仲會開到出街，一望入去全場爆滿，坐到迫迫的。我同朋友去到咁岩有人走，我地坐底就叫左我愛既咖哩、蒜蓉包、生蝦，我朋友每餐都要食菜，所以叫左個椰菜苗。生蝦好新鮮、超爽脆，仲要係啖啖肉，我之前去過同區幾間都唔夠呢間既好，加埋佢哋既汁簡直一流👍🏼👍🏼最令我有驚喜既係椰菜苗，真係超好味，好清爽又甜，但佢炒係多油既，不過都好好味。咖哩緊係要蒜蓉包啦！個主角變左唔係個咖哩，係個蒜蓉包👍🏼又牛油又多蒜加香噴噴，兩個人前後食左兩碟，如果唔係太飽一定再叫多碟😂

約了朋友到九龍城食飯，這餐廳朋友經常來幫襯，我第一次來，星期六晚上8時要等位，舖面不大，沒有裝潢，應該都幾歴史悠久了，大約等了半小時可入座。朋友在等位時已經點好菜了，所以我們只管食好了。生蝦真的是必食推介，連不太喜歡生冷食物的我也覺得好好味，蝦肥美，爽甜可口，配埋辣醬汁好match，一個字形容炭燒豬頸肉濃郁炭燒味好香口，肉質爽嫩，配醬汁食更好味。燒牛肉我不喜歡，重牛味的，但口感較韌，吃了一塊後都沒有衝動吃第二塊了。泰式炒粉絲彈牙，味道亦不錯，只是賣相差了一點，份量亦少了一點，每人只是分到一小碗，不過$45還可以啦。咖哩炒青口味道偏甜，完全不辣。蒜蓉飽好脆，蒜香及牛油味濃，配襯咖哩一起食好夾。馬拉盞炒通菜好入味，獲氣夠，簡簡單單但非常好吃相對起來我喜歡馬拉盞通菜，這每炒介蘭味道應該都可以的，但是有點苦。凍檸7只得一片檸檬沒有檸味。類體都很滿意，而且很抵吃，平均每人一百元，CP值不錯。

夜晚見全部風球落左，又冇風冇風，就照原定計劃同朋友去九龍城食泰國菜。九龍城係小泰國，有好多間泰國菜館，我朋友見過呢間，細細間既地鋪，我就一於跟佢黎試下！一黎到門口已經好多人等緊位.....睇住餐牌，等左40分鐘先有位～因為我地都成5個人，所以可以叫多幾樣野食～首先....係我食泰國菜必點既生蝦刺身，因為好鍾意果隻酸辣汁！呢間店既蝦都幾大隻，個汁偏辣。跟住叫左馬拉盞通菜個人覺得唔夠味，好淡，但通菜好爽店員介紹食蝦餅，又真係幾好食，好彈牙，炸粉唔厚。另外叫左冬蔭公湯，呢間唔係跟爐上，所以要先飲湯，驚凍。都足料，有菇有蝦，味唔算好酸，但蝦就唔係大頭蝦。朋友叫左泰式牛炒河 一般，冇乜特別，同埋好多雜豆🙈平時食開鹽燒烏頭 / 明爐烏頭，朋友話青檸烏頭先好食...今日一試，又真係幾好食！個汁酸酸地，好夾魚肉～最後朋友叫左必點既青木瓜沙律，我第一次食，好爽口既木瓜絲撈左酸辣汁。整體不錯！但係冇冷氣同多人要等位。

朋友做完小手術休養緊，放工就去醫院探佢探完病，男朋友話既然都係九龍城，不如食泰國野啦依區真係好多泰國嘢食花多眼亂今次同男朋友揀咗比較熱鬧嘅一間其實都已經係宵夜時間我哋都唔係話十分肚餓所以就叫咗海鮮粉絲沙律，冬陰公同埋牛肉湯河最快嚟嘅就係冬陰公蝦雖然就唔係大頭蝦不過都食得出非常新鮮，爽口彈牙草菇雞髀菇都落得幾梳爽，飲落材料好豐富味道都夠正宗，夠酸辣！香茅同檸檬葉更添味道層次牛肉湯河牛肉切得幾厚，肉味濃仲有d筋位夠𡁻頭不過湯底略嫌清淡，又唔似越式河粉咁有金不換提味湯頭可以做得更加好海鮮粉絲沙律雖然賣相就比較隨意不過所有海鮮都好新鮮個魚露青檸辣汁又開胃正呢個宵夜相當唔錯

今日心血來潮又去到九龍城食飯，本身食開嗰間泰國菜，因為晏左入去所以無位，唯有搵過第二間。餐廳裝修簡單，價錢都不貴就入去試吓。金邊粉，未有太大驚喜，而且配菜不是很多，下次不會再試燒牛肉，點左7 成熟，係即叫即整，但同本身想去嗰間餐廳水準有差，牛肉兩邊熟嘅程度唔一樣，一邊係燒得剛好，中間係粉紅色，但另一邊燒太多肉質好韌。泰式椰菜苗偏硬，而且咸左少少，平時好鍾意食椰菜苗，但係呢一道菜就有少少失望。炸蝦餅，呢個都係我必點嘅菜式，份量都算多，而且每一套都好飽滿，但蝦肉占嘅比例少咗啲。燒雞翼，呢度嘅串燒係要起碼點3份，所以我地點左三隻小雞翼，之前食開個間係整隻上， 呢度就係斬開咗，雖然方便左，但係就冇咁原汁原味。椰青不過不失，椰汁鮮甜，食到最後都係不停刮啲嘢椰肉出嚟食。理單大約$350，叫左甘多野食，價錢都唔貴，但都會去番平時食開個間。

每次來九龍城，兜兜轉轉都係喜歡這一家。沒什麼裝潢，簡簡單單的桌子，但外裡經常排著隊等用餐。泰蝦刺身一客大約6隻，唔夠喉😩 不過喜歡其厚身彈牙的口感。之前在別家食，完全不彈牙，失望。生菜豬肉包少辣多汁，肉碎和生菜份量剛剛好，爽脆的生菜包著多汁的肉碎，口感很好。不過肉碎份量過少。馬拉盞椰菜苗去得食泰國野通常都會點些特別的，這個椰菜苗小小的，一點都不老。配上少咸的芡汁，正！最後是我推介的明爐烏頭（$128）魚本身夠大條，沒有泥水味，加入香茅、薑片、蔥、青檸、唐芹、辣椒絲。好好味！！！最喜歡這個酸酸辣辣的汁，令餸菜更提鮮用餐期間不斷聽到侍應用泰文交流，感覺自己真的置身於曼谷～～～呵呵呵

某日經過九龍城找食，很想試呢間泰國菜好耐！沒有華麗裝修，主理都是泰國人！價錢都很親民，選擇也不少！必食的生蝦刺身一碟6隻，size 很大！見到生菜，就知要了生菜包！豬肉碎生菜包，沒有加添很多肥肉！味道只不過小酸辣，很惹味！泰式炒椰菜苗以上幾個餸，由下完單後，以9秒9送上食物！但呢個燒鰂魚，最後才上。燒過後仍能保持肉質嫩滑，不會乾身，真的很好吃！沾上這惹味酸辣汁，鮮味無窮！飲埋個清甜椰青，真的飽到連甜品也吃不下！