芝味鳥

营业中

休息中

天寒地凍下，唔想出街及煮飯。聽人講Pizza and Chicken 口碑唔錯，一於試下把未夠5點打電話落單，原本話6點左右先到，但唔夠5點半已經收到速遞員電話稱已經到達。落到升降機大堂又唔見人，正當內心充滿疑惑的時候，速遞員就在眼前出現惦呀!!!!!!!! 原來他們即將到達前，便會致電通知客人等候。務求令顧客無需等候便可以第一時間取貨送貨員禮貌同態度又唔錯叫左$135二人套餐揀左3件炸雞、泰式辣香雞普通批、三文魚焗飯及蒜蓉飽泰式辣香雞人口辣辣地，配料又夠多。批底又香又脆 (惦) 三文魚焗飯好香三文魚香味，焗得剛剛好。飯炒得好爽口餐廳主角 : 炸雞雞肉皮脆肉嫩，完全唔"鞋"口不過總是油左少少，找廚房紙"索"去表面油份才入口

朋友生日,叫左外賣去學校食叫左兩個大批,四個飯同兩個小食夾埋先三百幾蚊找數,抵到爛左佢地既質數仲要一d都唔差每個pizza d 料都落得好重同埋好新鮮但係d飯就飯多而料少,好似為左食飽人咁至於小食拼盤都係soso貨,可以唔洗試佢地呢家仲會送d coupon每叫夠幾多就會送多個pizza俾你以後pizza都會叫佢地

一個人呢頭真係唔知食咩好，又唔想去快餐店食。情願行遠小小，行到過黎車房呢頭食。始終都係呢度好，三十幾蚊既lunch有炸雞、飯同野飲真係算幾抵。而且十二點幾都唔使同人迫，唔嫌遠既黎呢度開飯都唔錯架。炸雞一向覺得呢度既炸雞幾好食，當然我第一個order點都係即炸既。新鮮既炸雞寧舍好食，皮脆肉嫩唔在講啦。而且個炸雞唔會太乾，食落真係夠juicy多汁。同其他連鎖快餐店既炸雞無得比。此外，雞肉真係鮮嫩無比，加上辣椒仔就真係滋味無窮。牛油汁雞扒飯呢個都算係是日之選，姑且莫論牛油汁既味道。其實俾我既感覺會係忌廉汁，而我既推論都正確既。除左有忌廉之外，都有小小牛油。呢個配搭點都唔會難食既，再加上份量頗多既雞扒。呢個配搭都算唔錯，食完真係好飽。而個雞扒同炸雞一樣咁嫩滑，呢個算係可取之處。個飯都無令我失望。個汁既份量都幾多，飯又唔會太乾。好。都算簡單既一個午餐，都只係三十幾蚊。而且食得好舒服，又唔使同人迫。唔介意既，呢度都係一個開飯選擇。

落左堂同個同學，就過左黎呢度食。不過呢日就真係搞笑，居然只有大批。個二人餐就可以加20蚊就可以轉大批，咁樣真係幾抵。所以就無乜所謂啦。炸雞呢個係次次必食既，炸雞唔會炸到過火。雞肉好鮮嫩，而且肉質唔鞋口。真係好食過KXC既好多倍。其實加辣椒仔就好好食，真係好正。泰式辣香雞pizza轉左大批就八件，即係一人四件。個芝士既份量都幾多，而且配料都幾多，而且個pizza好脆口。好食過必勝客好多，個pizza真係好正。真係食到好飽，一人四件真係太多了。香辣海鮮炒飯呢個炒飯都唔差架，海鮮既份量都好多。而且個飯炒得好爽口，真係唔錯架。不過要彈既係，汁既份量太少，所以有時飯無汁就唔係太好啦。但我覺得呢個價位都算係咁啦，唔可以要求太多。其實，佢地好多野都要自動波。例如：餐具要自已拿，而落單要出去收銀落等等。不過，咁樣可以有更美味既美食。其實都值得既，一分錢一分貨嘛。

9點幾約埋班ｆｄ上ｂｅｎｎｙ度吹水，係去緊既途中，ｂｅｎｎｙ哥無啦啦打來話要叫ｐｉｚｚａ，話ｏｒｄｅｒ左我去比錢攞就得！＄９８一個叫世外桃園既ｐｉｚｚａ，唔知食落係咪咁世外桃園啦，ｈａｈａ上到佢屋企，打開個ｐｉｚｚａ，嘩　ｄ　ｃｈｅｅｓｅ多到！！！！好唔唔洗錢咁！個ｐｉｚｚａ係有呢ｄ料既　”千島汁，蜜桃，蘑菇，粟米，金菇，菠蘿”食落真係幾唔錯ｗｏｒ！又堅做到世外桃園既感覺！個名真係幾襯，ｈａｈａ！唯一美中不足，千島汁真係好稀！同埋唔多見到金菇，食到同ｆｅｅｌ到同見到得５條成個ｐｉｚｚａ係ｂｅｎｎｙ哥屋企睇張外賣紙先知原來星期１～５套餐勁抵．．．．！下次試！！

一早已經聽過Pizza and Chicken 外賣pizza平,今次第一次堂食。地方好徧僻,唔係朋友帶住黎都唔識行!不過成班人一齊行唔覺唔覺就到左我地一行9人星期六晚食7,8點左右既時間似乎有少許忙服務員姐姐問我地幾位,仲話一有位就會幫我地arrange都算幾主動等左5分鐘左右剛好有人走服務員姐姐為左我地請隔離兩個人再坐過一張枱,有點唔好意思tim!我地點左兩個4-5人套餐有雞有飯有pizza又有野飲最後埋單位位40,都算食得好開心!炸雞:我最推介炸雞,炸出黎超級熱辣辣擺左陣先食就岩岩好仲好食過連鎖快餐店~係油左少少,怕肥所以冇食d皮d肉唔算勁嫩口但起碼唔會"鞋"口pizza:朋友話覺得厚,我就冇咩所謂,勝在平,正常味道不過不失飯&粉:過得去,無乜好感...排骨:個汁幾好食,係燒烤醬汁,如果多d肉會食得開心d咖喱角:食食下都幾香口,不過咖喱味唔重,睇個人口味啦!要食平既又唔想太formal既地方就可以一試不過再食既話我諗我最多會叫外賣喇!

今個星期六再次光顧 Pizza and Chicken，它的位置相當隔涉，唔熟識荃灣真係比較難揾。上次光顧的時間剛好是晚飯時間，由於它的鋪面面積真係唔算大，所以等待時間比較長。幸好今個星期六下午能抽一點時間再來，我們兩小口子叫了一個二人套餐，包括兩杯餐飲，一個豬排骨和3隻炸雞和一個6呎PIZZA。我們兩小口食到飽一飽，埋單只是$85。無錯。係85，簡直抵食且大大件，而且質素也算不錯。yeah!!推介野~~~~

一個人在家,很想食pizza就叫了Pizza and Chicken的外送要了一個餐,有pizza(中)+焗飯+兩個湯等送來的時間也沒有問題啦,因為真的是比較多人的時間,而且又是即叫即做來到的時候,見到冇用保溫袋都知會凍左...不過鬼叫自己唔想落街咩俾完錢我就去開餐啦~一打開個pizza盒...竟然有大半邊是沒有料的!只是"茶"了茄汁...就算是弄pizza的人看不到,cut pizza的人不會不知道吧?還是外送人員拿著玩大風吹了?不過是搖晃做成的可能性很低 有料的地方唔見得多左很多,盒底又沒有掉了出來的料...但我冇call番去啦...因為聽電話的人可以說是沒有錯吧/w\反正是一個人食,本來打算留回明天食的沒有了就算啦...但個pizza好"干",d料都好干就咁對pizza絕望了...打開放著湯和飯的啡盒...兩個湯都瀉左,得果兩啖...個飯就算啦,冇保溫盒來到...凍哂都食唔出d咩只是個pizza已經令我不會再去

呢篇食評都算幾耐下啦，咁在考試之前。就黎呢度食個午餐吧，是日所見都唔係特別多人既。好容易就搵到位，呢個實在太好啦。龍蝦湯雖然話就係龍蝦湯，但一隻細細隻既蝦仔都無。不過都算有龍蝦既鮮味，算幾好飲。都算係有小小驚喜。炸雞一向都覺得好好食既野，雞肉皮脆肉嫩。我已經好滿足，而且我好鍾意食佢既雞皮，好脆口呀。粟米烤雞焗飯個焗飯好重忌廉味，而且個飯既質地算幾煙韌。對我黎講，今日呢個飯已經算好飽啦。呢度既食物都算唔錯，雖然好多野都要自已黎。不過咁既價錢都差唔多啦。

食得多 hut 記 box 記, 知道呢間店既炸雞幾出名, 近近地荃灣有間就去試下...間野係車房區, 都唔係好易搵, 入到去揀完野食要自己去櫃檯買飛之後等佢送餐.兩個人食左個2人餐,都幾多野食, 來個簡評:粟米忌廉湯: 濃郁都幾多粟米粒啖啖肉 6寸 pizza: 厚批; 熱辣, 餅脆, 料多炸雞: 好多人講好吃, 不過我唔覺得好吃, 係夠熱,不過乾左d同無乜香料味焗海鮮飯: 正正常常, 好多青口仔

位於荃灣芙蓉街嘅薄餅店(Pizza & Chicken)，位置相當隔涉，唔熟荃灣呢頭都比較難揾。薄餅店以做薄餅速遞為主打，開業時己經口碑甚佳，親眼見門口嘅外賣電單車起碼有7架，佢哋黃金時間送外賣要等成個半小時，受歡迎程度可見一班。今晚我哋六點未夠，見時間尚早，於是叫咗個外賣自取嘅三人套餐~~~我哋兩個人食嘅呢份三人套餐有四樣嘢，落Order後等大約十五分鍾左右就有得拎：環遊世界普通批 - 九吋Pizza，材料大雜會，樣樣有啲、份量適中，芝士味香，水準之作~~~香辣雞翼 – 之前食開炸雞好OK，但今次唔想咁熱氣於是改叫香辣雞翼，原來呢個雞翼都唔弱，仍有外脆內嫩嘅感覺，啖啖辣辣地嘅雞肉，味道唔錯，值得推介~~~海鮮闊條麵 - 有蝦，魷魚，蜆肉，蟹柳，青口，配料足，汁香味濃，麵滑彈牙，不俗之選~~~忌廉餐湯 – 個湯好稀，味道屬一般，而且份量少，希望有改進~~~整體嚟講，薄餅店(Pizza & Chicken)嘅食物係好有水準(除咗嗰湯)，比起連鎖式嘅薄餅店同炸雞店更好食，唔怪得之經常大排長籠；由於我哋住得近，所以會避開人多嘅時段，因為試過一次多人嘅時侯，佢哋真係好好生意，不斷有Order，

I tried this place a few times and I their pizzas are okay - crust is too doughy, but the toppings and sauce are good. I will only get it for takeaway from now on, however, because they just don't like to clean at that restaurant. Aside from the occasional bug that flew by, the pasta and the pizza were not bad. It was one of the few pizza places in Tsuen Wan that did not have corn on all of their pizzas. I have ordered pizza for delivery from them a few times and the only hitch is it takes 60

放左學之後，點都要搵野食下。呢次又唔知點解想黎呢度食，就行過黎呢度啦。好彩，都唔係太多人。龍柳焗飯都唔錯既，龍柳都算幾大塊既，又香又好味。個汁就差小小啦，係好似罐頭既粟米汁一樣。太稠。炸雞一向都覺得好正，皮脆肉滑。而且多汁，好juicy。基本上每次黎都會食呢個架啦。價錢唔太貴，野食又唔錯。

我同我男朋友見食評咁多good，於是就係試下。間嘢勁偏僻，搵咗好耐囉 = = 不過佢咁平，係咁口架啦！入度到，嘩！冇咩裝修，同埋間嘢勁細，得十零張枱。啲枱仲要抹得麻麻地，有油的 不過我哋已經好肚餓，算啦！食完就返屋企。我哋點咗個兩人套餐:有6吋pizza — 我哋點咗環遊世界，勁難食，包ge皮勁厚，同埋冇芝士 炸雞—如我所料，好多汁，一咬漏出嚟，冇連鎖店KXC咁難食，最滿意！千里香豬仔骨配薯條—麻麻，又咸又整到燶哂，同埋啲肉好肥，我男朋友食咗一件已經唔想食。雖然好大件，好抵，但我寧願質素高啲，好過大件唔好食。 龍蝦湯—ok 啦，我覺得咸咗少少，寧願好似我男朋友咁飲coke 好過。整體嚟講，我哋係食唔哂個餐，而且麻麻地鍾意，不過佢真係得個抵字，同埋炸雞係好味ge，所以最好係叫外賣，唔使响店裏咁頹。

呢間野 一向食開由佢剛剛開鋪就係佢度叫外賣開頭幾好 大件夾抵食但係食食下 d水準越來越差上個月食個次 個pizza d 料好似冇咁 真係得個"pizza"今晚見口痕 比多次機會你 但你d服務態度真係衰到呢......!!!!!!!事原我打電話去落order個女仔：薄餅店 我：叫外賣個女仔：要咩?(到現在d服務都仲ok)個女仔：等等 (咁我等啦)個女仔：薄餅店個女仔：要咩?(我頂 佢就去接電話同第二個落order喎!)(但我都好有耐性咁等佢)佢落完人地個order個女仔：唔好意思 要d乜? 我：我要....(佢個邊又響電話)個女仔：唔好意.....我等都唔等佢講完又"給"左佢線呢d係咩服務呀! 我去食老麥都唔會再食呢間野!!!!