芝味鳥

营业中

休息中

早前相約女友人WK噚晚（4-10-2024 Fri）晚嚟我屋企食晚飯解愁，由於WK仍然行動𣎴便，所以要叫外賣送嘢食嚟，喺Deliveroo搵到Dough Bros Pizza & Doughnuts(https://www.openrice.com/zh/hongkong/r-dough-bros-pizza-doughnuts-%E8%8D%83%E7%81%A3-%E6%84%8F%E5%A4%A7%E5%88%A9%E8%8F%9C-%E8%96%84%E9%A4%85-r817323)，好有興趣想試，可惜Deliveroo同Food Panda都冇服務送嚟，我記得芝味鳥好似有外賣服務，於是上嚟睇吓，果然係，而且原來係舊年我同老公，亞姨喺喥食過（食評係2023年12月10日刊登嘅呢篇：https://www.openrice.com/zh/hongkong/review/%E5%87%BA%E8%89%B2pizza-e5173729），咁我哋睇menu揀定嘢食先喇。我哋上網睇menu，原本要返教會嘅老公都join，於是原本揀二人份$166.00嘅輕便套餐，變成要$198.00叫

菜式評價：- **開心套餐**：我品嘗了芝味鳥的開心套餐，其中包括一片薄餅、一塊炸雞、幾條薯條和洋蔥圈。所有的食物都非常酥脆美味，因為這家餐廳在我們下單後立即烹製。每一樣食物都熱騰騰、新鮮出爐，讓人感受到了美食的現場鮮活。薄餅上的醬料搭配恰到好處，炸雞外酥內嫩，薯條和洋蔥圈也一樣香脆可口，給人一種無比滿足的感覺。飲品配搭：除了美味的主菜外，我還點了一杯可口可樂。可口可樂的爽口氣泡與開心套餐的鹹香食物相得益彰，為整餐帶來了更加豐富的味覺體驗。清涼的可樂讓我在品嚐美食的同時，感受到了一絲絲的解渴和舒爽。

今日(9-12-2023 Sat) 晏晝同老公,亞姨去荃灣廣場,經過見到好多年前食過嘅呢喥,行嚟睇吓,有埋堂食,於是喺呢間食晏.坐低睇menu,有2同3人餐,老公話叫個3人餐啦,我哋就揀咗:3.皇牌炸雞3件等咗一段時間到嚟,有兩件髀,一件唔知咩嘢,我就食嗰件唔知咩啦.食落個皮好脆口,唔太鹹,啖啖肉juicy又唔嚡,條骨又細條,好味.5分1. 蝦蝦批呢個其實係亞姨睇圖揀,都幾耐至到,佢嘅材料有青椒,菠蘿,蜜桃,蟹柳,大蝦同加倍芝士.呢個一食,好好味,係我鍾意嘅千島醬,重要啲醬係表面睇唔到,一咬就爆晒出嚟,而佢嘅酸甜度啱啱好,大蝦爽口,OK嘅.4.5分2. 吞拿魚蘑菇螺絲粉呢個同皇牌 炸雞一齊到嘅,但我哋食埋個pizza至食,所以都凍咗喇,見到有好多吞拿魚,蘑菇就少,成個味道唔太鹹,普通.3分4. 餐湯一個亞姨飲嘅,係忌廉湯,佢冇乜評語.5. 汽水2罐我同老公都要汽水.價錢:當我哋話要蝦蝦批時,老闆話要加$20.00,𠲖o家睇menu,冇寫要加,其實係咪寫返好啲?價錢就係$284.00.環境係3.5分

收工之後同一大班朋友聚餐飲酒，諗唔到食乜嘢，於是諗起之前喺芝味鳥拎咗一張外賣紙，叫左兩個pizza🍕🍕 我哋一大班人是但叫咗一個環遊世界、一個墨西哥香辣，外賣非常快，大約半個鐘左右就到🛵Pizza另外仲有配個飯同埋一啲小食，初初以為我都覺得唔夠食，但原來份量都算多，我哋有7-8個人都食唔晒🫃🫃環遊世界同埋墨西哥香辣味道都比較相似，可能因為大家都有洋蔥、辣肉腸、牛肉，但後者嘅芝士份量會比較多，如果你係芝士控又喜歡食肉，就一定要嗌墨西哥香辣👍🤤

是咁的。我日日係荃灣返工的。一星期五日有三日下午都會食。因為又近又唔使搭隊。咁有時放工趕巴士。人有三急。會去借廁所。佢哋幾次都會借。而有一日又人有三急諗住借廁所。有個應該係老闆定經理。我入去話吾好意思想借廁所。我行入去。佢問我係咪拎野食。佢以為我送外賣。我話係借廁所。佢話吾係係度消費吾設外借廁所。我話吓。我成日下午都落黎食。有幾次又係收工借廁所。d員工都俾借。佢話邊個借俾我。我話你地d員工。佢仲係吾俾去。咁我咪比返鎖匙佢囉。我急住尿跑返去搭巴士。個疑似老闆個人仲話咩我自出自入。好似跌我整爛佢廁所咁。我真係以後以後都吾會幫襯呢間店

屋企人生日，屋企人超鍾意食炸雞、PIZZA，即刻諗起呢間套裝都幾抵，套裝叫8人份，可以有24隻雞，每4隻一個味道，我地鍾情於蜜糖芥末同奶油味。不過真係要預多D時間叫，因為外賣送到都要幾長時間~講返炸雞，蜜糖芥末味道好好，雞脾都嫩口，不過雞胸就high D肉un D。牛油味道會比較重油，肥膩少少，不過還好，都好香牛油味。PIZZA叫左BBQ味，汁料都重，材料都平均分佈，芝士都岩岩好，包都唔會話好硬，都熱既，所以整體來說都可以。8個人$598都可以，幾抵食。

極垃圾！5點幾落單，當時明明顯示係處理緊，直到六點幾顯示配送中，一直都冇人黎，母親節係咁喪等，餓死我啲小朋友！唔送又唔講聲！等咗你幾粒鐘電話又打極冇人聽、一係就唔通！通咗之後同我講話要等三個鐘，八點幾先會開始煮我個單，仲口口聲聲話我落單嗰陣時見到要等三個鐘？請問喺邊度顯示啊你而家即刻圈俾我睇吓？咁樣做生意嘅咩你哋？！等三個鐘我仲會落單？你唔做生意咪講聲囉唔使咁樣玩人！其實如果你唔做外送生意你直接打俾我同我講唔做就可以，唔使人哋喺度等你幾粒鐘！過時過節我都知你忙，但係你唔做都講聲啊，仲同我講話8點幾先開始煮我嗰單仲夠膽死問我等唔等？咁搞笑嘅人都有，第一次遇到咁嘅遭遇，極度垃圾！

想食平民價錢既pizza 一諗就諗起芝味鳥 🍕🍕食pizza 又可以食埋炸雞 一次過滿足兩個願望呀🍗外賣預左需要好耐時間 所以提早左好多order😂 4個人嗌左個4-5人餐 包4個飲品/餐湯🥣一個大批pizza, 焗飯同小食今次簡左bbq 口味既pizza海鮮闊條麵、4件原味炸雞同埋魷魚圈送到上黎 餐湯, 炸雞同pizza都係微熱魷魚圈同麵基本上係凍既BBQ 醬同pizza感覺有啲唔夾😂炸雞都幾大件，外皮酥脆唔錯但魷魚圈就真係好難食啲魷魚唔彈呀 無咬口 好粉雖然炸粉唔厚 但都好似食緊一團炸粉咁

開party怎可能沒有pizza🍕及炸雞。一班人開party就要吃得很豐富。👯‍♂️👯‍♂️👯‍♂️今次訂pizzabird外賣，外賣大約等了一個小時多也送到，所以我們一早已經訂好餐。😆-2件大薄底pizza🍕叫了一件厚底Pizza一件薄底pizza，但送錯了兩個薄底pizza🙁。Pizza味道不錯，但pizza底略嫌太硬。-14件炸雞🍗（蒜香味，蜂蜜牛油味）炸雞鬆脆嫩滑，加上蒜香粉/蜂蜜牛油粉味道不錯。-BBQ豬仔骨-黃金炸魚手指-芝士白汁焗西蘭花-章魚小丸子味道全部正正常常，但因為食物放涼了所以我很難作評價🙃。六個人吃 800多元埋單，超飽啊！

等兩個鐘，電話又打唔通。冇下次。6.30話配送，8.00都未見影。完全check唔到情況。只能傻等。唔會再有下次。食物又唔係真係咁好食。只係唔想成日叫pizzahut想試新嘢。勁後悔

食物水準好叫了4-5人餐, pizza+炸雞+咖哩飯+雞翼但外賣送餐超出訂單說明時間75分鐘, 足足等了2小時電話沒有人接聽, 後來要促2次再送到, 希望店改變

因為懷孕我好多嘢都突然間諗起就好想食，今次就勁想食Pizza！之前聽老公講同同事試過芝味鳥，所以我哋今次都叫做芝味鳥試試！Order後大概一個鐘就送到，都好快手！我哋今次叫咗芝味餐，普通批 + 飯/意粉/炸雞(任選兩件) + 2汽水/2餐湯/4蒜蓉包(任選一件)本身諗住普通批未必會好大個，點知嚟到份量都唔少！一打開已經聞到好香，而且料真係好足！ 夏威夷批有菠蘿、火腿同加倍芝士！我第一次食都覺得依間既Pizza整得好有誠意，睇得，食落都好得！宜家香港專賣Pizza的舖頭都好少見到咁好！我哋食完晒都仲有兩三舊留返下一餐食添！香烤葡汁雞焗飯不過不失啦！味道唔算特別。吞拿魚蘑菇螺絲粉就好正啦！味道岩岩好！唔會太咸！最後仲有餐湯，都不過不失啦！全單$192！價錢同食物份量質素嚟講可以話係超值！下次有機會一定會再叫依間食！

又係頹食既日子，不如就試下呢間快餐店，貪佢夠平又唔洗等位裝修有點簡陋，燈光昏暗，感覺有點不舒服😂晚市套餐好平，34蚊就有個飯，包飲品同餐湯飯餐揀左海鮮闊條麵，海鮮其實即係一啲蟹柳同埋雪藏魷魚,個汁係白汁嚟嘅唔係幾好食，不過闊條麵唔會爛，係速食餐廳來講都算係咁。開心套餐都好抵，40蚊咩都有Pizza其實係烤多士上面有啲汁，但餅底好脆嘅所以都既好食。雞粒同埋薯角發揮正常。特別要讚嘅係炸雞，都幾滑幾多集，係同類平價快餐店來講算係幾出色。

今天跟同事叫了芝味鳥外賣先說這個無得輸既千島醬夏威夷pizza，雖說外表平平無奇，但一啖放落口，表面放了厚厚的一層芝士，濃郁的芝士味再加上千島醬實在是無敵組合叫得芝味鳥，炸雞是他們的皇牌哦皮脆肉嫩，酥脆的雞皮鎖住啖啖肉汁點泰式辣醬就very good啦影遲一步就差D無曬

又打牌，都說，哪有空去吃或買吃的？有時候我就覺得，比薩，或是質素較差的比薩，其實好像只是八片麵包夾在一起，就稱為一個比薩，因為這些店舖的比薩，餅底沒有烘/烤到很透徹或是香脆，面頭的配料以及醬汁也不多，質素會令人感到強差人意。這間就的確如此，面頭的配料不多，醬汁還算好，但是餅底也沒有敲到香脆，吃起上來完全沒有吃比薩的感覺。炸雞，還不錯，質素平平，還算保持質素，外皮不薄，但內裏總不算太乾，味道不會太淡，比KFC 好但遜於Jolibee好處只是較便宜及外賣比想像中快，由荃灣到青衣也不用1小時。