芝脆雞 (已結業)

今日叫左個套餐速遞，晚上7點叫到而家9點都未黎到，半個小時前打去追，問個姐姐仔，佢話已經出左車，半個小時都未黎到，再問佢幾點出車，佢話唔知幾點，佢話自己只係負責聽電話，真係....唔知講咩好，我再問佢，我等到幾點可以CUT單，佢話等多30分鐘可以再打俾佢.......而家唯有等..............真係唔會再幫襯佢，太離譜。

平日很少踏足粉嶺區, 今天閒來無事, 便乘火車到這區吃晚飯走到粉嶺中心附近, 見到這小店如一般快餐店的裝修平平無奇, 居然在平日也滿了半埸, 而且價錢也很相宜, 便抱著吃快餐的心態一試.打開餐牌, 菜色的種類大概分pizza, 焗飯意粉, 小食3種. 見到店子有二人套餐, 剛好又可以試齊pizza, 招牌炸雞和焗飯/意粉, 而且只不過是85元, 於是便點了這套餐, 選了:1. 粟米忌廉湯2. 迷你pizza (特色燒烤)3. 招牌炸雞3件4. 海鮮闊條麵湯先上, 淡黃色的帶著香甜的粟米香, 整碗湯都有濃淡得宜的粟米和奶油香, 比坊間湯和湯料好像風馬牛不相及的忌廉湯好得多, 不錯再試pizza, 很新奇,邊皮不薄,卻又很脆很脆, 而且滿伂了薄薄的香脆芝士, texture有點像蒜蓉包, 很鬆化香口, 完全解決了pizza crust難入口的問題, 值得一讚! 批面上的材料下得足, 多肉之餘有足夠的洋葱和青椒, 令濃重的pizza帶點清新爽口, 加上惹味的燒烤醬, 十分討好!再試炸雞, 皮很脆, 也不厚, 賣相跟某主流炸雞連鎖店有九成相似, 不過味道方面始終有些距離, 味稍嫌淡, 而且亦頗

食過幾次,次次都keep到水準,叫一個輕便套餐$95蚊唔算貴,可以選擇一個普通批+一個意粉或一個焗飯或一個小食或炸雞三件,仲有兩罐飲品或蒜蓉包或餐湯.如果唔要飲品可以轉要炸雞,呢個份量已經好足夠兩個人食.叫pizza會選擇超薄奇脆,而焗飯多數叫煙三文魚或者香辣海鮮.小食試過百里香燒排骨味道都ok,但黃金蝦卷就比較油同埋無乜蝦味.而最值得一讚係炸雞,唔算油好滑好juicy.比起KxC真係好食好多倍!

同男朋友已經唔係第一次去食啦不過上次打既食評無相所以唔夠吸引.今次突登去影返d相比大家睇.再加上試左d新野..所以就打多次啦一如往昔..都係叫$85既2人套餐份量顯然比以前少左..不過都ok都足夠Pizza再唔係食啖啖肉啦今次試新野食千島熱情 都ok不過就唔夠啖啖肉惹味同豐富所以下次都揀返啖啖肉好了..而小食當然揀黃金炸蝦卷次次食都係岩岩炸起好脆口 點埋d醬汁真係1流.個飯..過左太耐竟然唔記得個名..味道麻麻..個人比較鐘意焗三文魚飯多d.總結:雖然份量少左 但味道依然唔錯自助形式頗為特別 一定有機會再去!

今天係我老公放假,我同他晚上去左粉嶺間薄餅店食飯!第一次去!我同他叫左一個三人套餐,薄餅是千島熱情(好好味,足材料!)海鮮闊條面(熱又好味!)百里香燒排骨(好正,吾會硬又熱!)2x汽水.我去到落單,之後發覺有小小錯.我只係講比落單既小妹妹聽話我要意粉冇講到要咩意粉.之後我返到去先發覺自己冇同佢講咩意粉之後同佢更正返話我要海鮮闊條面.!根住我返返去等野食.等左好耐!!!有一個小妹妹拎左個千島熱情plzza比我.根住我問佢 佢就話幫我去睇睇.好快佢就出返黎同我講話等多6分鐘.根住過一陣佢出返黎傳菜.拎左百里香燒排骨比我同我老公.佢笑住講話吾好意思要你等咁耐.佢真係好有禮貌!之後我再同佢講話個海鮮闊條面等左好耐.佢真係入去睇完好快出黎同我地講等多一陣.之後佢就好快拎左出黎同我地講真係對吾住要你地等咁耐.!不過佢好似只係張外賣入落黑色袋同埋傳菜!吾係做出面落單.如果吾係浪費左!佢真係好有禮貌!令到我上網讚佢!! 加油!我會再黎食野!d野又好味!唔錯唔錯!!

之前一路都聽人講CHEESEPIZZA好扺食好好食，今次難得公司放假，同幾個同事去食,,原來真係好食過PIZZA黑，4-5人餐，$185-加左個汽水同2件雞都係206蚊！扺！！食到好飽！大pizza,千島熱情，好多芝士，好正！個豬仔骨要等好內，不過都值，因為真係好正，但係就辣左D,,可能自已本身唔係好得辣啦！焗海鮮飯好多料又好多汁！好食！炸雞,棒啊！不過得5件我地唔夠，$8蚊件另外叫左3件，扺食！好味！即叫即整，唔會凍曬！ 服務都唔錯，雖然係自助形式，不過食完問d妹妹拎幾杯水，可能得2個人唔夠人手喇！有個著便服既妹妹唔想我等太耐所以拎左比我先，唔知佢係咪個2個妹妹既朋友黎呢！都OK有禮貌！可能之前試過去其他餐廳問佢拎水時次次都話等等，但係最後都係無左件事，所以覺得喱間餐廳班妹妹D服務態度都幾好！起碼你問佢拎時佢會即刻比你唔會話轉頭先點知又無左件事！我覺得就算店員有覺得只係好濕碎完全唔起眼既事但係對客人黎講都會有深刻既印象！佢地播歌好細聲,,環境都唔錯，可能個晚靜啦！整體黎講....Good啊！！新年屋企人黎拜年一定會再去食啊！不過到時唔知會唔會好多人呢？！

聖誕節嚟到，大舅建議一家人喺Boxing Day到佢居企食吓嘢 Gathering 一吓，但係唔知點解作客嘅我同太太要負責食物! 真係奇怪! 聖誕節咁梗係要食D西人嘅食物啦，太太就提議芝脆雞。精打細算嘅太太發現原來外賣速遞比自取平$40! $40喎而且又無速遞等咁耐，咁咪自取囉! 點知都係出事!!訂咗7:15PM攞，因為我間唔中都會叫Pizza，都知一定會遲，咁咪7:25先去攞囉，去到重未得喎! 咁俾咗錢先，呢D日子會特別Busy，個妹妹又話已經包緊俾我，等多一陣無所謂啦。我就企定定正正係個收銀旁邊等，等咗5分鍾，不段有好多好多大包細包嘅外賣由廚房拎出嚟，重放到成個櫃枱滿晒! 其中有大包嘅分量同我叫嘅嘢差唔多，問吓個收銀妹妹等未呀? 望都無望推外賣就話包緊等多陣，好再等5分鍾。櫃枱有3個妹妹，一個收銀，一個疑似高級D嘅聽外賣電話，一個喺佢兩個後面遊魂同傾電話，等多5分鍾唔對路喎，申個頭望吓廚房包緊D咩，個疑似高級嘅妹妹用好串嘅語氣問︰「先生有咩幫到你?」，我當然又問返同一個問題，但佢嘅回覆竟然同收銀妹妹一樣，望都無望推外賣就話包緊等多陣!! OK! 再等10分鐘! 忍無可忍下問後面一直

無錯炸雞好過KF_ 因為KF_炸雞根本唔好食！無得比同一間舖換左三個搞手，都係做pizza，意粉比起第一代佢地做野都差太遠，連台上既調味都無以前咁好味。咁比起第二代好食，因為第二代太太太難食呢家到佢。炸雞唻講還好既，唔會炸到KF_咁，亦都唔會食落太油 Pizza 唔明點解會有人話好食。個皮無焗既感覺，食落似麵包店果d Pizza最差係食過一個有千島醬既Pizza，好難食。個口感溶晒一Pat Pat,d芝士都係麵包店果類芝士，有一種好乾，好膠既感覺

炸雞絕對係呢到o既明星食物多汁鮮嫩唔食炸野o既朋友, 可以mit走塊炸皮, 你會見到入面好似蒸雞咁又滑又多汁. 唔好話KFC, 好多出名o既小食店都做唔到呢個水準其他野食方面, 都有pizza hut 8成水準, 但價錢真係抵到爛有個餐, $26就有野飲/湯+ 一人份意粉 + 明星炸雞一件以依家碟頭飯都要$30黎計, 咁樣真係好抵!! 總括黎講, 呢間野會令你覺得好抵, 好滿足

突然想食pizza...留意到粉嶺有呢間pizza店價錢經濟實惠就去試試2個人食~想試下脆雞&豬肋骨但又驚個2人餐唔夠所以就膽粗粗叫一個3人餐<三人套餐>．9吋細薄餅1個 >> 揀左 50/50(+$7) 啖啖肉x(唔記得叫咩名, 有煙三文魚) >> 好好味!! 煙三文魚個款有千島汁, 正 啖啖肉都好正....材料分量唔會少．飯 / 意粉 / 脆雞(4件) / 百里香焗豬肋骨 (1客) >> 揀左 脆雞(4件) 新鮮炸, 真係好脆, 雞肉嫩 >> 揀左 百里香焗豬肋骨 (1客) 一客有8件咁多...肉唔會好鞋 沾埋個汁...好好味．餐湯 / 罐裝飲品3客 >> 揀左餐湯 x1 + 罐裝飲品 x2 餐湯係粟米湯, 幾香粟米味, 幾好飲三人套餐$120, pizza +$7, 緦數 $127**2個人去食揀2人餐就足夠啦我地打包左2件pizza + 3條豬肋骨好滿足的一餐一定會再幫襯!!!

第3次去食啦`貪佢又平又好味!次次都食$85個2人套餐 因為真係好抵. 焗三文魚飯 好味! 黃金炸蝦卷 真係好好味!`夠熱又夠脆 下次1定再食 啖啖肉pizza 3次都食呢個`好多芝士好好味

果期呀媽成日唔煮飯，日日都食公仔面，終於叫佢放低錢俾我食飯二百幾蚊，見到佢張傳單，諗住試下，叫左個二百四十幾既套餐，四個人食~~~~~~~~~~有一個大批，一個闊面，一個焗飯，一盒炸雞，幾個湯咁.........我覺得都底食既Pizza好過Pizza hut果d，送到黎個pizza仲係脆既，正而且個餅底唔似其他果d咁多油而且都足料，不過真係可能唔夠cheese~~~~海鮮闊面，個汁好味，不過唔夠，食到底無哂汁~~最普通焗豬飯，同周圍果d差唔多~~~炸雞好似有四，五件到，送到黎都係脆既，而且外脆內嫩，超好味睇落好似唔係好多野，但四個人都食到好飽

又係我啦，唔知點解呢排阿媽成日唔煮飯，咁我又乘機黎呢度開飯啦。又係叫個$30SET，今次飯係金CORN雞焗飯，湯係磨姑湯，加件炸雞。原本諗住外賣，但見果日無咩人，幾靜就轉左堂食，點知話口未完，兩個太太帶住一班細路入了來，全部幾歲大，人未到聲先到，原本靜的環境立時熱鬧非常。加上佢地坐正係我隔離，果度D台與台之間又窄，係佢地標來標去之際就經常性地撞落我張台度，搞到我碗湯如遇上8號風球般，搖來搖去，之後終於要發生的發生了，D細路終於打瀉汽水，靜了一會，兩秒後又即嘈過，你話我打瀉，我話你打瀉，ETC.......係如斯環境下，想改拿走，D野又咁ARM來了，唯有快食走人啦，真係唔知今次係無之前咁好食定環境影響，我覺D件雞係就係即炸起，好熱好脆，但有陣幾強勁的雪味，一般。至於個飯，D汁好稀，又無咩味，肉又少，好好一般。湯就普通過唔普通的磨姑湯，我只飲了一半，上次個薯仔湯好飲好多。就係咁我拿拿臨食完拿拿臨走人，當然我都知快餐店係會嘈，但坐正係班超級嘩鬼隔離又真係......所以下次見唔對路都係外賣好D，可能咁會食得滋味D。

早兩日阿媽出左街唔煮飯，我又突然間好想食pizza，呢間野係我屋企附近就呢間啦，其實之前都試過，好味過pizza hut，又平。佢有個時段order兩個大批都係$138，好抵，就叫了meat lover & herbs chicken，大約半小時就到，一打開，嘩，好香又勁多料，絕不會將貨就價，(原本打算影相，但拿起了件野先記得，成手油晒無影囉，下次先...)...兩款都好好味，岩晒我食肉獸。可能太好食太肚餓，我連吃了4塊....(朋友知道後話我大食，乜食四塊真係好大食咩？...我諗都係，因我阿爸都係食4塊...ps：我係女的....) 之前我試過另一款pizza，好似係seafood，佢落d sauce唔知係咪海鮮醬，有d甜甜地又大奶味，我唔係好like，所以今次醒左無再叫，不過呢d都係個人口味啫......幾日後又係無飯之日，又再光顧，呢次叫套餐，有個焗飯，加一件雞&湯or汽水，我要了焗雞飯，湯係薯仔忌廉，好creamy但有d過咸，雞腿好味，外皮脆，有dd spicy，肉算滑且幾大隻，(起碼大過kfc)...個飯都幾多雞，d sauce係似金寶mushroom corn，幾好，幾大份

粉嶺想食pizza而嫌pizza hut太貴又唔抵食既話尼間絕對係理想選擇海鮮千層闊條麵味道夠而且料亦夠多, 唯1不足既係海鮮用料比較普通, 芝士亦不夠多Pizza因為過左成個月所以已經唔記得左叫咩名, 料雖然唔係好多但勝在夠哂熱, 批底唔太油亦唔太肥膩10分好 對中2食芝士既人黎講唯1不足亦係芝士唔夠多炸芝士西蘭花球其實炸得唔錯, 但絕對冇西籣花亦冇芝士味咬開只係得極少既西籣花微粒, 芝士味絕不濃郁, 只為芝士而品嘗既可以免試炸雞本人覺得油膩程度同KFC實在差無幾, 但勝在雞肉好滑好好味, 而且熱度亦足夠, 質數good過kfc套餐加埋有湯有飲品, 3人每人只需$50就閃得實在只可以用1個字形容.. 抵!!!