芭提雅泰國菜館 (已結業)

平日Lunch好平, 可惜炒粉麵飯配料(如牛, 豬, 雞) 極少, 成碟炒飯得兩三粒肉, 味道一般, 因為試過Lunch, 所以唔敢試Dinner

想去試好耐啦, 今日約咗妹妹同佢同事(即係我中學同學,好"橋")出嚟食飯:二人餐, 包括:冬陰功x 2 - 本人唔係好飲此湯,但俾面一試, 真係好味到不得了. 辣, 但唔係好大香茅味(我諗平時嗰啲係香茅味啩) 好正呀!!生蝦刺身x 1 - 好食, 但都係嗰汁太正!咖哩大頭蝦x 1 - 本來想食"横行四方",但居然冇蟹喎!!咁只好食這個啦.但啲蝦都好好肉,咖哩汁好味配白飯同薄餅一流, 但下次一定要食到"横行四方"蝦醬炒通菜x 1 - 普通, 但跟餐冇所謂啦.竹筒飯x 2 - 配咖哩汁冇得頂呀!!啤酒x 2 - 我冇試.另加, 薄餅x 1 - 同竹筒飯一樣迷你拼盆x 1 - 應該好得,但太多嘢食啦,食唔哂,係嘥咗啲.服務都ok 喎!一舉手就有人到(可能唔係好多客啦),上菜都算快(好彩咋, 大家都係好肚餓).整體係好得,一定會介紹俾朋友.

見到佢sponsor openrice, 幫趁下, 點知service超唔掂. 落錯單是小, 個女侍應(佢在呀so節目踩埸泰式餐廳出現)不停在說三道四話我們, 唔知是否有意給我們聽到, 不但氣結, 食物又難吃. 唔知點解冇人彈只有讚.

是晚沒有麵包蟹,有點失落串燒-ok冬蔭功-夠濃,但有些友人表示太濃太辣炭燒魷魚-魷魚新鮮,但無乜特別,反而墊底的菜,入哂味,又酸又辣,好味生蝦刺身-蝦麻麻地新鮮,汁亦一般海南雞-雞肉不嫩兼淡而無味,唔推介柚子沙律-蝦太少,味道麻麻辣椒炒蟹-夠惹味咖喱雞-唔辣,適合不吃辣的人蛋包串燒蝦(?)-味道不太辣,夠濃味蒜蓉包-麵包好鬆化,所以好受歡迎炒河-幾有鑊氣甜品木糬-本人最好食的甜品,但其實好普通芒果黑糯米-糯米唔”林”,麻麻南瓜布甸-南瓜唔甜,布甸亦不好吃,唔介

年初六晚銅鑼灣的泰國菜館均ＦＵＬＬＹ　ＢＯＯＫ，見ＯＰＥＮＲＩＣＥ的聚會都到此，所以嘗試ＢＯＯＫ即晚８：００啦，好彩有位．一行八人ＯＲＤＥＲ六人餐加多兩杯飲品，有齊推介的生蝦刺身，原隻燒魷魚，麵包咖哩蟹（可惜就是冇麵包）總算想食的都有．食物份量十足，咖哩蟹好香好味．套餐有湯，拼盤，海南雞，兩碟菜，串燒，竹筒飯蒜蓉飽，飲品還有幾款甜品，尤其有一款由木糬做的很值得一嘗．但其實最值得撃掌的就是女店長的態度，如沒有麵包她會告訴你減＄３０，而生蝦刺身唔夠數（欠兩隻）就送咗一碟炸雲吞作補償，還向我們解釋木糬的製作過程．以本人認為這個價錢享受得到的服務態度已值回票價，更有舒適的環境，美味的食物呢．相比其它比這收費更高食物一般態度不濟的大有人在．

因為突然想吃泰菜..所以來這看各位老行家的評價..之後就決定吃這間泰菜館..我和朋友們一行七人..並提早一晚跟此店訂晚上八點的位..我們大約七點五十分抵達此店..1. 位置已經準備好了(不錯不錯!!)2. 可是沒看到LUX說的蝦片..真的一片也沒看到一﹏一"不知是否忘了給..唉!! 3. 時間也不是特別晚..可"橫行四方" 和"酸辣木瓜沙律" 竟然售罄一﹏一" (太失望了!!)4. 並叫了"南薑椰汁雞湯(大)" $90元左右<=== 不錯剛好夠七個人分!! (湯有少許草菇..香MAO..酸中太鹹..正!!)"生蝦刺身" $80元正<=== 蝦肉爽身又新鮮..再加上酸酸地醬汁..就更加好味..但因我們有七個人..所以每人才分得一隻半左右..太少了.. (再多4隻就差不多!!)"生菜包肉碎" $45元左右<=== (這個本人感覺普通..生菜的尺寸可再大片一止^^")"明爐燒酸辣鮮魷魚" $90元左右<=== (魷魚肉很爽..不俗不俗!!)"鐵板燒鱔魚" $40元左右<=== (因本人不吃鱔魚..所以不知其味..但看到身邊的朋友們吃得快又搶得快..看來

Read the comment in here and go there with a group of friend. The taste and presentation of 橫行四方is cool. The shrimp sashimi is just so so. The other dishes are cool.

和老公＝３＝第二次黎芭提雅,一坐低就送上辣辣地的蝦片同兩杯水,蝦片無論你要唔要都要俾$10,我地叫左三樣野。生菜包肉碎,大約四五十蚊,今次已是第二次食,因為我地都覺得好好食。首先D肉碎真係好juicy,味道就好似香辣惹味的冬陰公,有好大的青檸味,配埋生菜,真係好正好正!!!!!不過唯一美中不足的地方係D生菜真係幾細塊,仲細過手掌,都咪話幾難包住D肉碎。另外叫了炭燒魷魚($98)。以生菜做墊底,配以超酸的湯汁,下面有爐一路燒住。魷魚都算幾大隻,而且幾嫩滑,但食落去味道其實都無咩特別,反而D生菜就入哂味。老公認為D魷魚用黎炒會好過就咁燒。最後是鮑頂頸炒飯($55),用木桶裝住,有鮑魚片、豬頸肉,腰果同蛋碎。呢個飯唔辣,但加入腰果同蛋碎,成個飯都好香口好好味,而豬頸肉就幾爽口。服務都唔錯,會主動過黎加水。

have ordered 椰菜苗.....good taste, portion good enough for 3 people, 唔似出面有d炒菜好細碟炆牛尾with garlic bread....好味仲有好多件肉，唔係淨係得骨燒魚....呢味就唔係好岩我，因為我好怕腥同骨...not bad...not bad!!

很久沒有見過網主了，知道這個大局，當然要支持支持啦！菜色已有很多食家談過了，只想說幾樣自已最深印象的菜色，包括有生蝦刺身、明爐燒魷魚和麵包蟹。生蝦刺身- 蝦肉爽身又新鮮，加上醬汁就更加好味，但因人多，每人只得一隻，唔多夠喉添，下次再來食過，如可以加上炸蝦頭就更好了。明爐燒魷魚- 湯汁酸酸甜甜，認真好味，但魷魚就唔多入味，令口感變淡，看來魷魚配這個湯底，唔算太夾。麵包蟹- 麵包大大個，很脆口烘得又好香，蟹肉新鮮又入味，實在不可錯過；但份量又真係幾大，如人少少就只好放棄了。飯後沒有甜品送，未能有一個完美的結局，有點可惜！侍應的招呼很好又好快手，話頭醒尾！抵讚。

上次川菜聚會因為有點事不能出席﹐跟手又見有這個泰菜聚會﹐$120 連啤酒任飲﹐咁抵﹐當然就立即報名囉﹐呵呵這個價錢心想在泰國都唔得啦﹗不過遺憾的是那晚影的相因為張memory card 壞了全都沒有了﹐幸好有麵包超人的大會照片可以留念o者﹗說回這間餐\廳﹐之前都有路過﹐不過可能因為位置(灣仔後巷) 和格局(幽暗泰式風格)﹐我總以為它是騙鬼佬的食店﹐所以沒有幫襯過。正好這次聚會在這裡﹐心想這裡這班食友都揀這裡﹐應該不會太差了吧﹗而且人多好叫“食送”﹐就趁機會試試這裡的菜吧﹗這裡的食物在香港的泰式食肆來講是不錯的了(我自己從不去九龍城那些地茂泰菜館﹐所以無從比較)﹐但是可能和在泰國的相比吧﹐總是覺得可以更好一點。好像那個冬蔭功\﹐可能是要迎合香港人的口味﹐酸辣度都不足﹗酸度勉強可以﹐不過本人喜歡再酸一點﹐辣則差不多是感覺不到的微辣。湯料卻是足的﹐那隻大大的蝦算爽口彈牙﹐不錯。已經有好幾個資深食友評論過當晚的菜了﹐我也就不班門弄斧咯﹐所以不會逐度菜評論﹐只說說幾個比較印象深刻的菜吧﹗辣肉碎生菜包- 這個平時比較少吃﹐不過真是不錯。微微的辣非常惹味﹐下次一定會再叫﹗明爐鮮魷- 見阿姐上菜時還以

近來開展泰國菜的課題，見由版主Ray兄主持的泰菜飯局，自然沒有不試之理。忙完工事，來到時已是8點多少少，謝食友留位。甫坐下，已被新來的食友客氣地招呼著，很久未見過有新朋友如此這般的熱情款代，未拿起相機，食友已率先夾了件串燒在偶的碟上，被香料得入味，炸過唔會過濃，唔錯。見偶剛坐下，未有湯，侍應醒目的端上冬蔭公湯，酸味十足，微辣，內有原隻大蝦，不錯喝。之後是拼盤，炸蝦、魚餅、春卷、豬頸肉，最喜歡的豬頸肉，夠爽而富質感，蝦、魚餅打得爽口彈牙，又是水準之作。有說有笑之下，然後是辣肉碎伴生菜，肥、瘦夾雜的肉碎，伴生菜吃，夠醒胃。之後是燒魚、炒蜆、魷魚等，當中的魷魚原條上，賣相十足，配上香料、青檸汁，酸而鮮，肉嫩美味。臨走前，有幸見到「飛麵包」事件，話說猛男兄想將麵包蟹分到偶這邊來，卻用上內功將麵包皮震出來，不偏不倚地落到tweety2004的碟上，眾人嘩然。說回這碟麵包蟹，是店家特別而設的，為了方便食友，特別起肉用碗另上，香辣惹味之餘亦見細心，由於當晚有手尾跟，最後遲到早退，短短的一小時，已感受到店家細心而有水準的招呼，亦麻煩了Ray兄在背後落力的打點～

很久沒有OR的大局了，當然不可錯過，是晚都有52個食友出席，一人揀個數字揀個花，夾埋就一幅啤牌。菜色版主Ray兄已經一早打點，一眾食友只需要乖乖等吃。打頭陣的是冬蔭功，賣相一般，不過喝起來是夠酸，可以加多點點辣勁就更好。材料都豐富，有草菇及鮮蝦等，收貨；生蝦刺身用一大堆碎冰鎮著，保持冷度。蝦肉實淨又爽口，點些酸辣汁，也美味，都不錯；沙爹是雞及豬各三支，是炸的不是烤的，沙爹汁亦失奉，可以更好；泰式併盤夠睇頭，有蝦餅、魚餅、春卷及豬頸肉。最喜歡吃還是魚餅，有點點香葉的味道，而春卷也不錯，借了隔離碟的生菜包著吃，如再有一片紫蘇葉，更好；掃了一輪前菜，終於輪到主菜。辣肉碎是個人喜歡的泰式食物，用生菜包著，點些酸辣汁，都幾美味；炒蜆的茨汁太多，個人而言，一見就怕，但撥開茨汁，蜆肉可也是大粒又新鮮爽甜的；燒魚是用上了魚，多肉少骨﹝式幼骨﹞，燒得都幾有香味，皮微脆而肉鮮，也不錯。忽然想起，如來有碟豆醬，就更不錯；見一個魚鍋上場，心想莫非又是魚？原來是原隻魷魚。魷魚大隻又新鮮，肉質爽脆，好味。墊底的湯汁也鮮香帶點青檸檬的酸味，魚鍋剛好放在我跟前，這個湯汁都喝了不少；再來是全晚的重頭戲~麵包蟹。大大隻的

是日OR泰聚，呢間餐廳都係第一次光顧，一貫泰裝優雅風格，坐椅尚算闊落，但略為昏暗． １２０,啤酒任飲,剩係呢個point已經難以抗拒，再加上泰菜係太座至愛，而我都好愛亮晶晶唧泰菜． 活蝦刺身----生蝦夾著生蒜一起,蓋過左生蝦唧腥味,老婆本身對此味十分抗拒,但都食左幾隻,評一字..爽,. 冬陰公-----唔夠辣 串燒------肉質鮮,燒得香,汁夠濃,. 肉鬆生菜包------生菜唔夠爽口, 泰式拼盤------炸蝦餅,外皮金黃,肉質彈牙爽口,必食推介.泰式春卷,炸魚餅,唔差. 明爐燒尤魚-----明爐烏頭食得多,尤魚都係第一次,感覺好硬 焗麵包蟹------好特別的菜,好似城堡唧麵包,挑空中間再放新鮮蟹蓋同微辣泰汁,蟹糕充斥整個蓋邊,微濃麵包中間軟熟而外皮香脆,激烈推介…. 尾後通菜同芥蘭都偏咸,亦有可能係南瓜兄過左黎呢度吹水，攪到D菜咸咸地. 一眾食友，有咸有淡，有亮晶晶有水mama，雖然大家都係半生熟,但都能暫時拋開隔膜，開懷暢談，大杯酒，大塊肉，不亦樂乎，再有下次又那有錯過之理？

貴網昨夜的晚會,今次移師芭堤雅.五十幾人.分五檯,繼續任飲星啤,先行多謝網主帶給我們一個熱鬧的晚上.店內見到很多明星光顧的相片,原來這處都幾出名.五十幾人除一些基本人馬外,新人也很多,恕不能逐一去認識.下次要比麵包兄落力了.每樣菜式一開二,一檯十人也夠分.活蝦刺身個醬不大辣,蝦肉爽甜.冬蔭功嫌不夠勁度,串燒不錯,很香口.接下來的肉鬆生菜包,泰式拼盤也不俗.不自覺地,星啤一支接一止....接下來的菜式印像,今早醒來已模糊.魷魚肉很爽,燒魚肉質鮮嫩,麵包蟹同南瓜海鮮盅,呢兩味個汁,仲正過自身的材料.用來撈飯點麵包,深慶得人.一盅盅上的炒飯.炒得非常香.兩小時的時間,快樂不知時日過.希望下次繼續飲過.