花園餐廳 (銀行中心)

营业中

休息中

這間餐廳裝潢比其他分店來得較新派朋友點了忌廉湯 我則要了羅宋湯忌廉湯稀得過份 而且沒有任何餡料 正常忌廉湯也是有粟米磨菇之類的羅宋湯則不錯 主菜方面朋友點了豬手芝士元貝豬手無乜味....我點了海鮮鐵板 裏面有魷魚 蝦 魚柳 帶子薯條 但所有海鮮除了蝦以外都被塗上炸粉再煎過似的 不知所謂 而且除了黑淑汁外 都嘗不到海鮮味另外還點了芝士田螺味道一般 裏面有幾粒還有沙總括來說 not recommended!

最近的天氣真的很熱 >_<！要在街上決定吃什麼真的是一件苦差。所以碰巧在銀行中心就決定去花園餐廳吃Lunch ~ 店面比較大，位置比較多(不用等位。)而且下午時間有Lunch Set (免加一)Set 有羅宋湯 + 蒜蓉包   (羅宋湯比較酸)主食的扒~我覺得還算大件。而且味道也不算太差~另外可以配意粉 / 薯菜 。不過那些粟米就很淡~完全沒味道OrzSet 也包括一杯飲品。 

今晚唔知食咩，所以就去咗食花園餐廳，因為坐得比較舒服老公叫咗個德國咸豬手芝士焗元貝意粉抵食喎，成隻豬手，外皮夠脆，唔太咸，個元貝夠大隻我叫咗個乳鴿鮮果沙律估唔到呢間西餐廳嘅羽鴿又幾好食喎，都唔鞋口，個沙律係好傳統加咗練奶嘅沙律醬，平平地都ok 啦

唔想等位, 又想坐得比茶餐廳好少少, 所以選擇了呢間花園餐廳, 曾經試過食下午茶, 都幾好.今次試晚餐,叫左一個晚餐: 羊扒配薯條另外叫主餐牌, 一個芝士焗魚柳(配薯容和雜菜) – 無得簡飯或意粉羊扒配薯條: 羊扒根本不知那部位, 好似煲湯豬肉一團, 不是扒, 超肥又超硬芝士焗魚柳(配薯容和雜菜): 整碟都好鹹! M記魚柳包D魚柳仲好食, 原來雜菜是兩顆西蘭花真的很浪費食物, 廚師可唔可以試下佢自己煮既野食先呀??

這一夜，在銀行中心辦完事後，就近在這間「花園餐廳」吃晚飯。來到這傳統港式鋸扒餐廳，當然是叫扒餐啦！我吃的是食肉獸最愛的「美式什扒」，老婆仔則是「紐西蘭西冷牛扒」。兩碗餐湯，一紅一白，正是港式鼓油西餐廳必備的經典「羅宋湯」與「忌廉湯」，兩碗湯都是正常的味道，不會特別好，可也不會太壞。兩片「蒜蓉包」，老婆仔嫌它有點硬，我卻覺得還可以。「紐西蘭西冷牛扒」要了五成熟，實質上應有七成熟吧！筋較多，肉質軟腍，一般的貨色而已，算不得好。「美式什扒」夠大堆頭，有煙肉和自助餐常吃的什肉各一件、雞全翼一隻、大大件豬、牛、雞扒各一塊，是抵食的，淋上蒜蓉汁後，當然會有點味道，但說到好味，就談不上了。兩個扒都有少許薯條、一棵口感不錯，軟腍腍的小棠菜和兩顆車厘茄作點綴，總算在大量的紅肉以外，有些蔬菜和澱粉質可吃。餐飲叫來「凍檸茶」，茶色深濃，但茶味卻未如想像中濃，不算很淡，但也只是及格吧了。相比起其他老牌港式鋸扒西餐廳，這間「花園餐廳」的扒餐水平，我覺得是較遜色的。

原本是突然想吃一餐神戶牛柳才來，怎料出來的是神戶牛展!!!還賣$13X!一開始很好，沒人，侍應很快速的有臺給我們。開始頭盤沒了牛油餐包，換了蒜蓉包，我已經不太滿意。因為我本人喜歡吃生牛，所以了五成熟,我女人喜歡吃熟叫八成的蝴蝶牛肉眼，出到來發現反倒我的"神戶牛展"有九成熟!!!她的只有6，7成熟.....中間見紅!!!而且她的肉眼竟然比我的"神戶牛展"還軟還易入口，而我的牛展則....我想說,我媽煲的蘿白瘦肉湯的豬展比你的神戶牛展還好o趙囉!拜託......甜品看到有"提拉米蘇"，可惜賣曬，叫了朱古力咖啡蛋糕和美式芝士蛋糕，兩件同樣難食！環境也不太好，地下不算乾淨，有位侍應也在玩，掉了隻叉一腳走，衛生不佳。總之以後不會再來！講完！

Keep 住唔想煮飯，keep 住想食餐好，加上老公出差，於是乎約密友找吃的。由於其中一位同行友人要到旺角做野，所以我們便到連鎖老牌餐廳花園鋸扒去。友人建議到此餐廳用膳，是因為價廉扒正，我聽後有點意外，因為打從出來做野賺錢開始，我便不停周圍試扒，早已覺得這類"扒房"唔OK了，沒想到會聽到這個評語，即管再俾機會佢啦！這間花園跟我去過的有一點不同，雖然燈光不算明亮，但已較以往既分店光猛，裝潢也較老店新派一點，我們被安排到店側既卡座，甫坐下便點餐。我點了羊扒，5成熟，碟上，友人分別點了鐵板海鮮及肉眼扒，其實有名堂的，不過沒記住。餐湯及麵包先上，感覺不是欠料既味精水，都算是有些少誠意煲既餐湯。沒多久主菜來了，賣相是很不錯，侍應會拎住兩"桶"汁到座位幫客人淋上，坦白講，冇見過，所以感覺好新鮮。先試羊扒，我點的是5成熟... 但是三件入面只有一件真的是5成，其餘兩件係近乎熟透了，而且整體羊味唔夠，我當然唔滿意啦！友人既海鮮餐蠻豐富的，不過我沒試。另肉眼扒尚算有牛味，但坦白講真的不及以前的新馬華及未墮落既雅苑。總結來說，每個晚餐平均價錢(連加一)雖然大概一百元，但我認為呢個價錢食倒可能只較茶餐廳好少

你次食d牛扒好無水準，我叫7成熟，一快好，一塊只系得半生熟系D羅宋湯重差，元全無味，只系有一塊牛腩肉，簡直唔系羅宋湯系【羅宋水】我媽咪叫左果牛利，D牛利元全無味啊D服務態度好差，明明叫牛利，距就被左過牛腩，我叫距落個匙羹，要我叫幾次，起到辦【聾】

之前去光顧,本人同母親叫左個牛柳,父親則叫左個T字骨,三個人的野都來了,就以為可以好好亨受,突然母親說她的牛柳係生的,所以父親就叫侍應過左一陣先嚟,佢即時將牛柳攞去廚房煮,再攞返出嚟都係唔熟,所以我哋都係比錢走啦!

Set lunch - soup, choice of borsch or cream soup; several main options; I chose the chicken steak - very nice, with rice. Also includes a drink. $39. Very nice meal, filling, good selection.

叫左兩個餐！扒冇問題！只係想講講餐湯！因為好奇怪，因為好稀，稀到好似水咁！失望！仲有係個女待應！冇禮貌！最正常既係個著便服既，可能係老板！都係懷念以前d叔叔待應，有耐性好多！頭先上扒時配汁，講野好似急口令咁！好反感

近來, 發覺一間老牌餐廳, 實行大展拳腳. 分店開開開, 而且又集中係旺角區. 呢一次, 亦可以叫做farewell餐, 因為是日正好食我於旺角的工作既last day. Cover完Maternity, 做埋些少手尾, 我又回復自由身了. 不過面對經濟低迷, 自由身雖好, 而且亦準備了另一門搵錢路線, 但因為大圍經濟的因素, 又要再三多考慮一下......回題, 是日是細老闆請客, 一眾同事來到位於銀行中心的一間新開幕既花園餐廳, 享用午餐. 不過, 大老細不出席, 說明不會額外多給午飯時間, 雖然是近, 但也吃得趕趕迫迫.我叫了一個焗牛脷飯. 焗飯需時呢一句術語實在令人焦急萬分. 不過, 速度上, 總算是能夠達標. 能讓我於一小時之內, 完美地完成這一個與時間競賽的午餐.食港式西餐, 首先都係會送來一碗靚湯. 而我覺得, 羅宋湯配西餐比起忌廉湯更加之合口胃. 可是, 花園的羅宋湯有一個弊病, 就是面頭上的一大片油層. 味道雖然是正宗, 食完成嘴油, 很不是好受. 焗牛脷飯, 配上的濃汁是美味的燒汁(Gravy), 新鮮剛焗起的飯, 夠熱夠香. 牛脷既腍, 味道又十足