花園餐廳 (康寧道)

营业中

休息中

今日去左觀塘探朋友，朋友帶咗我去花園餐廳鋸扒，餐廳以黑色作主色調，有卡位坐，坐落寬敞舒適。我地點左是日晚餐，淨係晚餐都有6個選擇，最後點左兩個鐵板厚切肉眼牛扒套餐，套餐包埋餐包、餐湯同飲品啦 。鐵板厚切牛扒套餐：可以㨂黑椒汁或者蒜蓉汁，肉眼上枱熱辣辣，店員將黑椒汁淋在鐵板上，即時出晒煙，溫度控制得幾好，肉眼望落厚身但食落一d 都唔鞋，口感鮮嫩多汁。餐湯㨂左羅宋湯同忌廉湯：各有各特式，個人覺得羅宋湯味道偏淡左小小，忌廉湯幾好飲。餐包我好欣賞，牛油同餐包係最佳拍擋，食落溫熱濕潤，好滿足呀。🔎花園餐廳 (康寧道) (觀塘)📍觀塘康寧道9號晨光大廈2樓

#20241009 🤍📍 #花園餐廳 觀塘康寧道9號晨光大廈2樓 🍽️旺角｜太子｜西環｜荃灣｜銅鑼灣｜北角均有分店➖➖➖➖➖➖➖➖➖➖➖➖➖➖➖➖➖ 🥢 #餐湯 #餐包 💭 一間都幾有歷史既港式西餐廳，可惜依家越尼越佢既蹤影，之前網上仲有post話佢餐包會轉梳打餅😰好彩食果日都仲係有餐包，暖暖地勁軟熟，紅湯都幾多料，有薯仔最好飲🥔.#鐵板澳洲西冷牛扒 $98💭 老實講佢啲扒餐都真係唔平，閒閒地都成舊水一個人落樓，仲要明知係食梳打牛，不過有時食係食種情懷，見佢仲係用兩個桶裝住啲汁，倒落鐵板果下咋咋聲，正🥩.#鐵板海虎蝦拼牛仔柳 $113💭 呢個相對地再淋身啲，無牙婆都岩食🤣薯菜其實就係粗身扭紋薯條，係好典型茶餐廳下午茶食果隻，點黑椒汁溝茄汁勁夾🍟想跟飯或者意粉果啲都可以，但就要再另外加錢喇～. 🥢 #罐裝七喜 +$5💭 熱辣辣鋸扒最正梗係飲返啲冰凍野gur一gur，諗住罐裝汽水實無伏啦，唔知點做到罐裝都可以無乜汽，變左飲糖水咁，下次好似飲返啲檸茶檸水仲穩陣😅.#觀塘美食 #🐷在觀塘 #旺角美食 #🐷在旺角 #太子美食 #🐷在太子 #西環美食 #🐷在西環 #荃灣美食 #🐷在荃灣 #銅鑼灣美食

返完教會崇拜🤩搵食，一大班人行去花園餐廳🍴，有位，一行20人。Menu有鐵板鋸扒🥩，叫咗西冷五成，紅湯。紅湯唔錯👍🏻辣辣地唔太酸有d菜，配包，暖暖地但唔鬆軟，如果非鐵板餐只有梳打餅😅鐵板上皓熱，侍應問黑椒汁定蒜蓉汁，我揀蒜蓉汁，再打開餐巾，侍應倒汁烟霧霾漫，皓有儀式感。牛肉一般，冇茜廊咁皓食。餐飲熱咖啡☕️，比較苦，要落糖

非繁忙時段下午兩點幾去食，餐廳只有四五台客，員工亦有四五名，絕對足夠應付客人有餘。一坐低就即刻馬上有侍應來要落單，還未有時間讓我們打開餐牌。落單後過了差不多半小時都未有餐湯、餐包和飲品上，連紙巾及餐具都沒有給我們，但那幾名男性年長的員工一直在遠處的客人旁邊自顧自聊天，時不時會望過來我這邊。他們顧着聊天，也沒有理會為甚麼客人等了半小時還沒有食物上。因為太肚餓，忍不住叫了其中一名員工過來問，才發現他們漏了單，那名男性員工亦沒有道歉，只叫我們重新再落一次單。正當我打算憤怒地離開之際，那名幫我落單的女性員工馬上為我們重新印出我們的單，及不停向我們道歉，所有食物及飲品亦很快地出現在我們的枱上。等了半小時的食物非常難吃，鐵板羊扒完全沒有味道，餐湯亦淡而無味。一向不寫食評的我，希望藉住我今次極差的體驗，警告大家千祈不要跟我一樣中伏。

我坐低叫佐餐，個服務員種同我確認佐要幾成熟，要咩湯，之後湯同麵包都上左，牛扒等左30幾分鐘都沒上、叫人過來問話冇落到單，話幫我重新落單追，我話浪費時間唔使了，即刻做請人走的動作，全程沒有任何道歉和解釋。

我7月19日 同八個朋友 去呢間餐廳食飯 時間係晚上 9點25分, 我以為呢間餐廳同以前一樣 係11，12點收舖, 但我唔知原來佢改咗 10點30分閂門, 但係都仲有成個幾鐘頭, 咁我就同八個朋友照樣 入去, 但係個員工同我哋講十點三就收舖, 而家已經係last order, 咁唔緊要啦我哋都到咗囉, 咁我哋就好快點完嘢食, 但係點知我哋每個餐本來都應該會跟過熱餐包嘅, 點知嚟到嗰陣時變咗兩塊梳打餅, 我同我啲朋友一齊講, 如果一早知道係梳打餅我哋走咗喇唔會留喺度, 同埋我哋強烈感覺到啲員工好唔歡迎我哋覺得我哋阻住佢收工, 我哋食到大概9點50分左右, 大部分冷氣都閂咗喇, 咁好明顯就係焗我地走啦， 咁我哋都唔走喎， 咁佢就開始將嗰啲碗碟 好大力咁樣 放去嗰個回收 盤嗰度， 發出好大聲嘅噪音同埋呢我哋已經感覺到佢地好 想我哋快啲走嘅訴求， 真係唔知可以差成咁嘅員工都有嘅， 其實唔想做不如就唔好做啦，或者一早話畀我哋聽 嗰啲餐包變咗兩塊梳打餅我哋咪一定會即刻走囉， 何必態度咁差呢另外， 我叫咗一份雞扒加帶子嘅餐， 真係好難食， 真係非常之難嘅就係個雞扒係冇葉過嘅， 淡而無味， 個帶子係用

一向都知道花園餐廳出名(冇服務) 本身都冇預職員會好態度 但連基本野落單都做唔好 去食晚餐個個光光地頭既侍應 叫肉眼變西冷 叫意粉變焗飯 由每人99蚊餐變144蚊 3個餐冇樣野正確 重要為佢(優質)既服務另收加一 其實你搞唔掂可以比QR CODE我地 你坐賣一邊瞓覺 我地都會照比加一 但唔好勉強自己 高估自己既能力 

花園餐廳相信大家無聽過都見過😌但你有無去食過呢？00後嘅我今次就去到喺觀塘嘅花園餐廳試吓真正嘅港式扒房😋#餐包所有餐都有嘅餐包～叫咗3個餐就有3個包，正常餐包無咩特別🤣#海鮮忌廉湯每個餐都有餐湯～雖然叫海鮮忌廉湯，但其實冇咩海鮮🤣#羅宋湯羅宋湯反而有驚喜，飲得出熬咗好耐，番茄🍅嘅酸甜度啱啱好同埋好順喉～如果要揀餐湯嘅話，一定要揀羅宋湯！#晚餐C. 鐵板香烤牛脷拼海虎蝦💰$113一上台當然職員當然要表演淋汁落鐵板啦🤣可以揀黑椒汁/蒜蓉汁，記住要攞起張紙巾擋住啲汁啊！如果唔係就要同你件👕講拜拜㗎啦🥹牛脷又厚又大塊，仲要有4大塊🥹每一啖都好juicy好厚實，飽到完全食唔晒…海虎蝦🦐一樣很不錯，擺喺鐵板上面一路熱住佢可能會怕佢煮太耐好韌，但佢完全無呢個感覺，反而咬落口肉質紮實，無冰鮮蝦霉霉哋嘅口感。其實就咁鐵板燒已經好食，黑椒汁反而令佢鹹咗啲。#蝴蝶型肉眼扒餐💰$144好大塊嘅牛扒！雖然係叫7成熟，但無煮過龍太韌攝🦷嘅感覺🤣鍾意食熟啲都唔洗怕～如果唔係太肚餓或者本身比較細食，可能2個人share一個餐會好啲，食吓食吓真係會開始滯🤰🏻如果怕辣就唔好揀黑椒汁啦～因為職員落汁真係唔會同你慳，同行唔太

好奈無食啦！😄😄😄水準都係好，包腍不硬而且夠平，😆質量都ok肉腍，份量都多大.d汁味濃！夠惹味～～平平地幾十元有但個餐又有卡位坐很舒服😌😆羅宋湯好味，多枓料，有雜菜，紅籮白😃😃😃😄😄😄

今日lunch同同事黎到裕民坊附近既花園餐廳食Lunch time都非常之多人黎食，不過餐廳都幾大間，我地等左一陣好快就可以入座一坐低侍應就幫我地落左餐湯先，非常快手轉個頭就送餐湯同包黎之後同事叫左個豬手飯，佢唔係脆皮個隻豬手但睇落都好大件好吸引.而我就叫左鐵板肉眼扒，等左應該有半個鐘先上菜，侍應姐姐話唔夠鐵板叫左7成熟，非常好冇過熟，蒜蓉汁都好難唔好食，肉質都ok唔會好韌又冇鬆肉粉味$80食都呢個質素好滿意

星期天和家人到花園餐廳吃午飯，當中的肉眼扒絕對是不容錯過的美味享受。咬下第一口時，濃郁的肉香迅速充滿口腔。肉質嫩滑多汁，每一塊都切得剛剛好，讓我吃起來既鮮味十足又不會太過油膩。搭配上我最喜愛的黑椒醬汁，更是令人回味無窮。

觀塘都有唔少餐廳可以選擇 不過因為唔想諗所以就揀左花園餐廳食,  呢間花園餐廳之前都食過,係一般質素, 一定唔係好但又未至於去到好差既,一個雞扒飯既既餐有湯有包有野飲加約$110, 價錢算正常價啦.羅宋湯味道正常 (沒有特別)餐包味道正常 (沒有特別)雞扒味道正常 (沒有特別) 不過都好似幾大塊, 飯就唔算好熱...凍檸檬茶味道正常 (沒有特別)如果食呢間, 食物真係無咩好講是但一餐食完算了, 如果你對食物E.G.西餐有少少要求就搵下餐廳啦~總結黎講...因為呢一晚真係對晚餐好是但所以先食呢間...

婆婆興致起又嚷著要出街食飯，而且還指明要食西餐。幸好毋須甚麼高檔的星級酒府，地道的港式西餐廳亦可。既然婆婆最喜歡出城老爹又不走得遠，老伴遂提意大伙兒一起到觀塘的「花園餐廳」用膳去。「花園餐廳」歷史悠久，在觀塘屹立數十年。因著昔日的裕民坊被收回重建，於是餐廳便搬到隔一條街的康寧道去。作為老觀塘，小的當然品嚐過這家「花園餐廳」。由於橋遷以後餐廳的地理位置相對偏離轄心內圍，是故懂得光顧者均是一些識途老馬的老觀塘。莫以為週日午市餐廳沒甚麼人，有著性價比高的出品，坐著坐著吃到半途，餐廳居然已變得座無虛席。能夠在十大窮區之首鼎足而立，最吃緊的當然屬堅碩的實力。咱們十二時半左右抵達，時間尚早故被安排坐於靠窗的位置。瀏覽餐牌，午市套餐、特餐與金牌鴛鴦都只索六、七十元。至於主餐牌中的扒類美食則要百元開外。雖然各式扒類非常吸引，但為了嚐試不同口味，人棄我取，小的揀了自家喜愛的黑椒牛肉拼吞拿魚焗意粉。老爹在家平日鮮有吃牛，是故他要了個特餐蒜汁西冷牛扒拼意粉。老媽戒牛多年，她最為知慳識儉，在餐牌上精雕細琢，最後點了特餐裡的洋葱豬扒併煎魚柳。老伴最愛牛，遂叫了客午餐的鐵板肉眼牛扒。至於最吃得又最會吃的婆婆則點了

花園餐廳是香港平民扒房的代表，不到70元，就可以吃到牛扒，這次路經，馬上來品嘗一下。餐廳在中午時間可選擇的套餐不多，主要以扒為主，很多客人會選擇鐵板牛扒、豬扒，但所需制作時間比較長，如果午餐的時間短，最好選擇其他，而這些我選擇了肉眼牛扒。肉眼牛扒煎出來的效果，是外焦，內嫩滑的，廚子是肉扒的制作高手，不會浪費了牛扒，而會令它表現好好的呈現在食客面前。而套餐的餐包都會加熱才給食客品嘗，是费用不高，又能提供西餐基本的食物很好的處理，比價格高，又不能將食物處理得當的餐廳，實在好太多了。

【觀塘區】【花園餐廳】講起喺觀塘食嘢，唔知點解我第一時間唔係諗起駱駝漆大廈呀，apm 呀之類嘅飲食旺點，而係諗起裕民坊嗰邊大大個沙嗲王嘅招牌。我記得好似係 1995 年嘅大火，攪到呢度差唔多冇晒啲檔口，當時個畫面依然歷歷在目啊。而當時仲有好多糾紛，包括安置問題同埋業權問題，不過當時好多嘢都唔識，都只係接收資訊，我做人唔會太港鐵新工會，無知唔係錯嘛。後來好似仲有一次大火，不過都已經係政府決定咗重建裕民坊之後嘅事 lu，都半放棄。而嗰邊另一個地標，就係觀塘道近油站轉上康寧道嗰個位，無論世事點樣變改，都梗有一格燈牌標示住「花園餐廳」四隻大字。只不過嗰個位又真係好難引到我去幫襯，有一次睇完波去開嗰頭就的起心肝搭電梯上去食吓佢。我叫咗個 $204 嘅「美國黑毛安格斯西冷牛扒」，係「廚師推介」個餐牌，食落都唔錯，隱隱地好食過紐西蘭扒。而每次去到都幾乎會遇到嘅「忌廉湯」、「餐包」同「薯菜」，水準都係一如以往咁穩定，完全諗唔到可以點寫。去「花園餐廳」呢啲餐廳，最重要嘅其中一樣係個嘢飲，如果就咁「凍檸茶走甜」就真係枉負此行。我叫咗要加 $15 嘅「忘情森巴舞」，啲果肉配合芒椰奶露，又甜又香又邪惡，爽過許