花園餐廳 (康寧道)

营业中

休息中

好耐無去過花園餐廳鋸扒細細個屋企人成日都帶我去食大個左之後反而好少食今日放工後突然爆左想鋸扒既念頭出黎諗起花園餐廳 好啦 平平地去鋸下啦坐低睇menu 突然有選擇困難症又想食晚餐既豬扒併魚柳又想食雜扒餐最後 價錢勝出 😂叫左晚餐既豬扒併魚柳朋友就叫左個晚餐既西冷牛扒講講我果個先豬扒併魚柳 $88為免熱氣 我轉左要碟上好大份量 $88 感覺都好抵食魚柳就普通雪藏魚柳 味道一般豬扒反而唔錯 無醃到過哂龍保留返豬扒本身既肉質配角薯條 我9秒9食哂😂始終都係邪惡野受歡迎D朋友點既西冷牛扒 $98朋友話質數好過幾間老牌子扒房肉質juicy 同埋煎得好香估唔到咁耐無食都仲keep到水準呢個價錢鋸扒真係算叫抵下次會再試下食其他

本身朋友話要去花園餐廳食都心知不妙🙊 因爲花園出名貴，但估唔到下午茶係平咁多又多野揀！👍🏼下午茶餐係14:15開始，我地黎到岩岩好，食到tea唔洗坐多3個字，仍然有午市套餐70幾蚊(有排食)，而普遍意粉飯40幾蚊都合理。本身見到「芝士焗肉醬魚柳」都驚伏，將肉醬淋係魚柳面？🤔原來魚柳係配白汁，同肉醬係分開😂，又焗得幾好味😋😋 而呢個香茅雞翼同我想像中幾大出入，佢面頭包住厚厚既粉皮，但唔係脆身的，裏面竟然有雞酒味！但我本身麻麻地酒，佢濃到蓋過咗香茅嘅味道，所以覺得較一般。最後西多士炸得幾靚，係唔錯既，但佢比既糖漿hay到好似水咁🤨🤨

是日午餐，朋友話想据扒，平平地去花園食，我二話不說就叫好，走！花園餐廳出名据扒，有港式風味，夜晚正價會貴d，但lunch就平。鐵板西冷牛扒$69-午市套餐包餐包、餐湯同咖啡或茶。湯要左紅湯，姐羅宋湯，都足料，有好多蔬菜係入面。牛扒要7成熟，燒汁。例牌係倒汁個陣打開紙巾，以免彈到。牛扒ok，唔會好鞋，熱辣辣配埋燒汁食，正！配菜有薯條同小棠菜，薯條雖然淋左，但點住燒汁食，又有另一番風味。餐飲叫左凍檸茶，可以加飯或意粉要$10，唔抵所以冇叫到。

花園餐廳是我學生年代同學hehehaha大吃大喝的飯店⋯真係好多年無去鋸扒了⋯今天約左朋友在在這裡尋回過去的情懷⋯以前最喜歡叫個雜扒餐⋯鐵板上再加那煙霧彌漫的黑椒汁或蒜蓉汁⋯上飯店之前明明打算搵那味道⋯最後見到下午茶時光套餐只是$58⋯自己卻又不能和錢包作對⋯選了黑椒辣腸雞扒配薯菜⋯下午茶餐大概就是無鐡板上甘⋯個餐包好空氣⋯但其實佢好重要⋯幾失望⋯整體份量足夠抵食⋯贊的味道係紅湯(羅宋湯)和檸茶味道無變⋯還有舒服的卡位⋯和朋友由下午茶坐至晩餐⋯老成持重的侍應哥哥沒打擾⋯埋單仍然好禮貌⋯算係回到過去時空走一趟⋯

一如以往嘅花園餐廳，環境比較昏暗另外要留意嘅係哩間花園餐廳好多開好大嘅冷氣正可能位置關係，客人唔算多，我同友人食完嘢仲可以慢慢傾計點左鐵板豬扒拼魚柳，仲跟左忌廉湯豬扒煎到個面脆脆地，夠大塊魚柳本身炸過，份量也多味道其實冇乜特別，但黑椒汁好辣，食到我霧汗

劣質的用餐體驗，不得不開account寫個食評，以儆效尤。我們叫了三款是日晚餐，當中的劣作之首乃下圖的鐵板餐莫屬。相信大家都不能辨認圖中食物是魚柳和帶子（相信自己的眼睛，不用去驗眼）*圖片並沒有任何修改賣相和味道都非常不堪。那塊魚柳和帶子疑似用蛋漿和粉漿沾過再煎熟，相信這是要掩飾海鮮食材不新鮮味道。但魚柳真的是難以入口，既薄而且味道十分奇怪，就是非常不新鮮又混了蛋漿的可怕感覺！！最後這一塊完全吃不下去，放棄了。還有跟餐的薯菜（右上方），也是糟透了，餐來了的時候店員澆了一大匙醬汁在鐵板上（我選了蒜蓉汁，但只有咸味絲毫沒有蒜蓉味），這些薯條全都淋了！！變了爛泥一般！失敗！這是另一份鐵板餐，近鏡讓大家看看那些醬汁，救命！我們要的是鐵板餐，不是鐵板湯！薯條也少不免遭殃了！另一份鐵板的牛要求5成熟，結果上菜後一切，接近well done了，落單時店員還保證「要幾成熟只要你講就可以了」，無言。那些鐵板醬汁就是用兩個類似不銹鋼飯壺的壺盛著，醬汁就長期暴露在室溫和空氣中，坦白說我看不到那些壺有沒有蓋著，不過存在滋生細菌的誘因。醬汁也是一敗筆，非常稀一點也不濃郁。另外，店員上菜時就是推著一架兩層鋪著野餐

可惜嘅係原來沙嗲王已經無咗，一心個個興致勃勃去食個白咖哩，無得食lu，希望觀塘開番。抬頭望下附近有乜食，行多兩步就有花園餐廳，大家都一致決定食呢間，齊齊分享各自唔同嘅回憶，細個50元就可以据扒，以前lunch平食午餐等阿姐好正，要5個位，話好快執俾我就真係好快執好俾我地。坐埋位未坐定，職員即問飲乜湯，超快！大家叫哂餐，等5分鐘已經有飯食。成餐飯就係食呢種懷念嘅味道，我叫左葡汁雞扒，好juicy，汁亦好夠。咁多年佢地食物係無變過味道，由於安排左個好私人嘅小卡位，是次用餐愉快同滿意嘅。

十幾年冇食，今日突然好想食牛柳，晚上8點餐廳坐滿了人，等左5分鐘有枱，坐低沒有附上一杯飲用水，叫咗一個黑椒牛柳餐，先來麵包及牛油同羅宋湯，麵包唔夠熱，羅宋湯只得個咸字！湯沒有牛肉味不夠濃！相比十幾年前差好遠！還值得安慰黑椒牛柳冇變，黑椒汁夠濃夠味，牛柳有兩件夠厚有濃烈牛味又夠軟稔，值得一贊凍飲埋單連加1=$134價錢合理

兩口子慣例星期日返完教會去搵午餐食，心血來潮突然想食港式西餐,所以去附近的花園餐廳去到門口，很快就有位入座，由於是午餐，所以套餐選擇唔係好多。個侍應依舊每隔10秒到就來問叫什麼野食，但是當我們決定好叫什麼野食，個侍應都應依舊唔知去左邊，服務跟以前都是一樣無服務，等左兩三分鐘，終於叫到兩個餐。侍應轉頭出左兩個湯忌廉湯：味道跟以前一樣，牛奶加麵粉煮成，不過今次好似好好多，沒有以前咁飲到成口粉，滑左一點，而且奶味比之前濃點，而且蘑菇同火腿湯料比之前多好多，似返我兒時飲的一樣羅宋湯：味道依舊濃郁，但沒有之前飲過咁辣，湯料也很多餐包：依舊是暖暖的，面頭有少許乾。另一主菜來了-蜜糖燒豬手意粉：被騙了，完全看不出他是燒的，不過隻豬手都煮的相當霖，個蜜糖汁有點甜，食落少了些肥脷感，都算👌🏼來得花園，梗係要食鐵板，我的鐵板肉眼牛扒：肉質是鬆鬆的，牛味當然跟其他港式西餐一樣不濃，但其黑椒汁特濃，加上高熱的鐵板，炸的一聲，一陣濃濃的黑椒味，黑椒汁入晒落件扒到，超喜歡這感覺，最後來過凍檸茶來結尾，爽左

夜晚係觀唐區shopping完，想食西菜但又唔想太貴，揀左花園餐廳dinner set有幾樣選擇，我揀左蒜茸汁煎雞扒配薯菜。煎雞扒肉質鬆軟嫩滑、雞皮煎得幾香脆，我偏好蒜茸汁，薯條就普通啦，不過不失。埋單連埋加一$8x蚊，唔算太貴，但幾好味。

星期日晚約咗好朋友食飯一行2人喺觀塘等,咁我朋友就建議食花園餐廳, 花園餐廳我諗大部分人都十分之熟悉,係一間港式嘅西餐廳,觀塘嗰間花園餐廳十分之就腳,就係裕民坊, 地鐵站行過去都係大約十分鐘左右.今次晚飯我哋每人分別叫咗一個精選鐵板套餐, 一個係西冷牛扒(紐西蘭) $100, 而另外一個餐係 A級肉眼牛扒(紐西蘭) $118未計加一.羅宋湯羅宋湯味道唔錯,但有少少偏酸,但唔係太鹹可以接受! 如果個湯有多啲蔬菜同埋肉會更加好! 喺餐包同牛油方面,個包就幾彈口,但係牛油方面,係用咗澳洲製造嘅植物油和牛油混合嘅牛油 (A light blend of butter and canola oil), 但如果係用全牛油嘅牛油嘅話應該會更加好食啲!我嘅食法係先將牛油成舊放落啲湯度等佢融咗先,然後一啖湯一啖包咁食,依個食法係上一輩人嘅食法,咁樣樣食嘅話就會令到啲湯滑啲,未試過嘅話你都可以試下!西冷牛扒(紐西蘭)&A級肉眼牛扒(紐西蘭)喺主菜既牛扒方面, 個西冷扒同A級牛扒我哋都叫咗五成熟,薯菜,(用碟上唔用鐵板,蒜蓉汁同黑椒汁分開用個碗仔上) 我哋咁樣叫主要有兩個原因,第一用鐵板上嘅話會有好多油煙,

去觀塘TRAINING係我最討厭既事..悶悶悶悶足成日，又無咩學到，仲成日中眼訓…好唔容易捱到食LUNCH，約左程程一齊食飯。今日大肚婆想食西餐，程程乖一早搵左位，我叫左個「黑椒辣肉腸雞扒意粉」($53)，唔使加一，呢個價都算抵，話晒都坐得舒舒服服。ORDER左個白湯，個餐包明顯完全無叮過，黎到凍冰冰，硬到無朋友…至於個西湯..第一啖無落胡椒粉飲…完全無味…入面得少少雜菜，磨菇都無一粒..而且好稀，後來加左好多胡椒粉先覺得有味返少少..我飲左一半無飲了..至於個主菜，塊雞扒絕對大過我塊面XD，而塊辣肉腸都有半塊雞扒咁大!!!!黑椒汁幾濃，黑椒味重，食多兩啖都覺得辣辣地，辣肉腸就無咩特別，好似薄左DD，如果下次可以厚切返少少就好啦XD雞扒真係好怪..入口即融架喎!正常一塊雞扒都應該會有少少咬口，但係呢張好易就切得開，仲入口即融!!!!!其實都唔知佢係咩雞扒..見佢大過我塊面都覺得好怪XD同時地，塊雞得雪藏味而無雞味..下次都係唔好叫呢個!好在有少少粟米同白菜仔伴下碟，無咁DRY!

對於我來講男人嘅浪漫並唔係豆腐火腩飯，而係同自己嘅好兄弟去花園餐廳据扒。 今日我就同一位由幼稚園/小學/中學相識到現在嘅好兄弟，兩個人好浪漫咁去咗食花園餐廳 aka Sweetheart Garden。你見到佢枱上面嗰啲假嘅玫瑰花就知道佢一間浪漫嘅餐廳啦。 本來我哋兩個人都係諗住買鐵板牛扒嘅，但我哋去到嘅時間見到佢哋開始做下午茶作為一個麻甩佬見到有咁抵食又只需＄30幾蚊嘅下午茶又點忍得住？ 我老死叫咗個番茄汁牛脷焗飯，而我就叫左個咖喱牛腩飯。兩個飯嘅質素都唔錯無論係牛脷或者牛腩都非常之難，諗嘅地步簡直可以話無牙嘅都可以食到。我地兩兄弟為咗配合你一間餐廳浪漫嘅主題所以我哋都係share兩碟飯，其實呢兩碟飯嘅份量都係非常足夠。但我身為一個大肥仔一份正常食兩個飯有點能夠滿足到我呢。 所以我到最後追加左一份鐵板牛柳餐，佢跟餐嘅白湯一如以往咁唔好飲，但無所謂，因為真正嘅花園餐廳粉絲知道你得花園餐廳其實就知後覺牛扒同佢嘅黑椒汁或者洋蔥汁先至係主角。佢熱辣辣嘅鐵板放着一啲淋啤啤嘅薯條，加上熱辣辣嘅牛扒，再由侍應新鮮滾熱辣咁幫你淋上醬汁就perfect啦!

觀堂有好多西式餐廳，但好多都好貴，味道亦好參差，今日突然想食西餐鋸扒，就揀左到好耐無去的花園餐廳！呢間花園餐廳保持港式扒房的裝橫，座位也是舒服的，由於人不是太多，不像在其他觀堂食店般要吃得很趕。花園餐廳和以往一樣主要有扒餐，焗飯和咖哩，今天我就點了鐵板肉眼扒餐！60元一個鐵板餐連餐包餐湯飲品，D扒的水準份量都不錯，在今天的香港已經很難找！下次午餐一定會再來！

今晚經過觀塘，見到大大招牌，突然好想据扒，太久無食鐵板扒招牌红餐湯(羅宋湯)，保持水準，有红籮白，薯仔，好creamy，材料頗豐富，吾咸，無麥味道 豬排牛仔扒餐整體ok，豬排頗谂，有肉味，是雪藏貨，但處理颇好，無雪味，牛仔排咸左D，黑椒汁可保救到整體味道，都可接受。