花園餐廳 (金百利廣場)

营业中

休息中

好差同啲waiter order野佢地好似雲遊咁再問佢落左單未佢就好快咁話落左轉個頭又問多次叫左個牛眼肉終於尼到嘩啲根多到你唔信要五成熟我懷疑佢唔識整扒整餐飯最攞分都係睇住啲waiter點流單法冇下次

食物質素就不LAU都係普通，不過就真系幾平同埋幾大份既。我食鐵板扒大蝦陪石班--》份野大份到呢，3舊石班=。=！！！個隻蝦大隻又好味！我BF食鐵板龍蝦陪牛紐--》估唔到118就有龍蝦。。。好大隻添WO，算係甘啦！最重要係尋日有兩位年過70既婆婆，兩姐妹自己黎食鐵板餐！佢地係上海黎，所以D廣東話係唔正架！唔系好認真聽真系好難會聽得明個到D waiter 一D都唔介意慢慢同個婆婆講唔同既扒餐點樣可以跟飯意粉甘～佢地知婆婆聽普通話好D，所以都特登用普通話慢慢同婆婆講！最後婆婆食唔曬D野，仲攞個盒比婆婆話幫佢打包攞走～婆婆臨走前唔記得攞個盒，仲追出去比番婆婆添！婆婆走個陣都笑曬口～哈哈哈哈哈

之前試過一次花園既lunch,以為可能係廚師問題,時段問題咁,唔知死再去一次...是日dinner,嗌左個油浸鐵板什扒餐先講個湯,好一般,飲得落口main course,油浸薯條,唔香唔脆,吸油吸到滿晒油油浸牛脂肪,一切出黎,成pat野咁,咁肥既牛,邊道黎架?油浸豬扒,隻豬冇隻牛咁肥,但面頭充滿住油煎雞扒,最好食呢塊,相對地唔叫多油,都總叫食雞有雞味,油浸雞全翼,竟然...竟然..隻雞翼都叫肥肥地喎油蒸紮肉,塊野軟到叉唔起,但好多油,擺入口幾有放脂肪入口既感覺油浸煙肥膏,成塊野都係白色,勁少紅色,唔敢食成份野都係油,同超咸,基本上係食咩都一樣味,得油味同咸味杯餐飲竟然都係可以難飲,老公嗌左杯凍檸茶走甜,點知杯野甜過蜜蜂糖,唔知係咪我地太sweet味覺失靈定真係甜喇...食物講完,講D WAITER既態度,收錢果陣,老公叫佢埋單,單手掟張單落枱,個樣仲要串到爆咁,個樣仲惡劣過大耳窿,此外竟然WAITER係開工時間講粗口?!仲要拎份唔知MEAU定單既物體互打PATPAT黎玩?唔尊重客人,都尊重自己著住制服丫衛生方面,有蚊喎老細而且我知道花園餐廳歷史尤久,但唔代表要擺支花出黎吸塵話比人聽支花

同朋友去完time square睇完toy story就黎左金百利呢間花園食晚餐可能係比較夜既關係,唔洗等就有位坐環境少少暗,不過幾有氣氛,唔錯叫左個鐵板雞扒,大概7x幾蚊..唔太記得確實價錢..d湯黎得好快,白湯幾好飲但入面既雞肉口感唔太得..d肉好"鞋"唔夠滑而紅湯就好重蕃茄味,自己本身唔鐘意蕃茄味所以覺得麻麻到正餐黎啦!!兩塊大大塊雞扒,下面仲有d配菜可能平時食開扒○既宵夜餐,平少少但份量差好多,即刻覺得呢度抵食晒負責倒汁waiter哥哥仲好細心主動幫手將d扒擺返好位先倒汁,以免倒到瀉晒塊雞扒好好食,可惜有d位既肉唔夠滑朋友叫左個鐵板串燒牛柳帶子,帶子味道都唔錯,好鮮甜牛柳就唔記得佢俾左咩評語啦但個餐份量有d少同埋都幾貴(好似係$101),男仔可能唔夠食好彩我個扒餐份量夠可以share返可惜既係隔離桌坐左一個幾冇教養既人..係間靜靜地既餐廳度講野大大聲,句句粗口,仲要對住女朋友講其他女仔既裙底..= =坐佢地隔離真係受罪,破壞晒氣氛同環境雖然唔關餐廳事,但都覺得好遺憾為新一代香港人感到可悲

其實都係上年先開始有一個月去一次花園嘅習慣話哂40年品牌....都有D可取嘅地方今日叫左2個午餐 忌廉餐湯比之前去個幾間多左好多材料今次多左好多粒粟米 XD之前去旺角果間成碗湯...得一塊蘑菇@@鑊仔牛柳粒 x 鴨胸配意粉蒜蓉汁牛柳粒同以往一樣好鬆軟同埋個汁超好味 D意粉都okay!不過2塊鴨胸...有一半係肥膏...味道過得去啦鮮茄焗牛脷飯個鮮茄汁無上兩次(都係上年年中)咁多唔多撈到成碟飯@@蕃茄都係得兩舊到啦至於個牛脷就太軟太林bei bei啦@@若果唔係今日個午餐唔多岩心水我唔會揀呢個今日個我係12點幾去到...入座率都有9成overall其實今日都有少少失望因為不嬲個食物質素都唔差架不過今日真係麻麻地啦...若果唔係個午餐唔吸引我唔會揀呢個牛脷焗飯!!服務態勢真係鬧一鬧個男侍應落單個時已經怪怪地問佢有咩汁可以揀講左2次黑椒汁...我再問多佢一次...佢先話有蒜蓉可以揀最離譜就係以下呢件事我碗湯飲到得返一、兩羹我都明白好多侍應會主動去收我隻碗又係落單個位侍應...佢想收我隻碗我就同佢講我仲未飲完架之後佢又嘗試拎起隻碗...我要再講多次我仲未飲完架...佢先離開我張檯再過得一分鐘.

雖然知道這一間餐廳水準一向不是太好, 也不寄厚望, 但估也估不道水準是街邊也不如, 但收餐廳價錢, 有被騙感覺點了一個薑汁照燒雞飯連涷檸茶, 看相和名以為是干燒那一種, 但實際是一大碗汁加雞肉, 看上去是街邊貨式, 吃下去更是街邊水準不如, 汁沒有薑汁味, 口感似漿糊, 味道只有咸味, 雞肉有雪味, 如果它價錢是街邊的二十元還算, 但收$49.5實在另人氣憤, 所以去餐廳見人客不多, 一定有點不妥的, 都是不要貪可以坐舒服點, 埋單向待應投訴, 他竟然說多謝, 應該說句"對不起"吧? 待應都這樣水準, 真不明白這間餐廳為什麼還可在銅鑼灣這些競爭激烈地區生存

捨鐵板餐而取特餐，真傻！洋蔥牛扒是意料中的快餐水準，無咎無譽。可是豬扒併石斑就食到搖晒頭。豬扒鞋，勉強接受到。不過石斑有朕雪味兼且更加粗鞋。服務以效率為先，零笑容！實在無法說OK。

　　　我以為每家花園餐廳的菜單會一樣。我在尖沙咀的花園餐廳吃過薯皮，一直懷念那個味道，但又不想跑那麼遠去吃，便來這家看看，但失望地發現並沒有薯皮可吃。　　　朋友知道我鍾愛馬鈴薯，我點了魚柳豬扒薯菜，他則要了帶子焗薯蓉，我們可以交換吃。　　　湯很濃材料很多，麵包也很鬆軟，而我卻忽略了我點的魚柳豬扒薯菜原來是鐵板。上菜了以後我先把一塊大豬扒給了他，因我志在吃魚柳，但失望地魚柳只是壓縮魚餅，不是原塊魚柳。　　　吃罷了我的之後，他便把薯蓉擱在餐桌中間，我們可以兩個人一道吃。很喜歡軟稔的薯蓉。下次再去的話就吃薯蓉吧。　　

今日同朋友出黎銅鑼灣，上金百利廣場食Lunch，之後隨意就入左黎呢度食，叫左雜菌黑椒雞球飯，雞肉醃得唔夠入味，唔好味，又話雜菌，不過都係得一種菇。價錢又唔係特別平，下次都係唔黎食啦！

今次黎食都係食芝士焗石班意.....有兩塊魚而且尚算厚同大塊，汁多而濃郁......仲會食到一絲絲既芝士~所以係我暫時食過味道最好既一間下午茶跟餐大約$4x，但我都係當lunch食........

之後冇食過花園餐廳, 但見佢區區都有一間, 諗住去試下啦...點知就出事啦~~~今日同男朋友尼左尼間食, 我要左個西冷扒, 男朋友要左個帶子石斑.........先講我個扒.....好鞋.... 唔好食, d薯條都仲好食過個扒~~~ d菜既味又奇奇怪怪... 食左一啖就唔想食男朋友既帶子石斑仲大件事炸既帶子d粉漿仲多過粒帶子..... 挑粒帶子出尼望下, 原來得粒大花生咁大......好彩杯凍檸茶都算ok~~~

食左1個西冷牛扒$7X 朋友食左1個海陸空 $7X 個西冷牛扒大件,黑椒汁稀左少少但都OK但D薯條就MAMA...好似用薯粉開, 唔似真係用薯仔整至於海陸空, 隻蝦明顯係雪X蝦,雪到D肉爛爛地但乳鴿同扒都OK, 但扒細塊D味道唔錯$7X 黎講叫OK但係扒餐抵過食海陸空!! 不過D伙記態度MAMA地...

一月二十四日﹙土﹚平日星期六晚上的銅鑼灣，已經是人丁旺盛，今次的星期六正正是年廿九，加上維園年宵等大型節目，更加擠得水泄不通。與家人在維園趁完熱鬧，行了兩個多三個小時，眾人都肚餓了。既然今晚人齊，又身處銅鑼灣這食肆林立的商業區，就順便吃一頓豐富的作團年飯。中式酒樓大多都迫滿了預訂好的客人，就決定一行四人到來這「豉油西餐廳」吃牛扒作團年。來到門口，等位是預料中事，只是等十一張，已經比想像中少人和快。等了大約二十分鐘，被安排於一個角落的廂座就坐。環看四周，人雖多，但餐枱的排放亦未致於十分擠迫。侍應很快便拿上餐牌和水杯，各人也選自己的心頭好，點了頂級美國西冷扒，紐西蘭西冷扒，羊扒和T骨牛扒。一臂三扒，效率超凡製作需時，喝著足料濃味的羅宋湯一邊等。邊等邊看侍應們十分忙碌，沒停手的走來走去。看到他們的捧餐技巧更是目瞪口呆，這是特技表演嗎？一隻手可拿三個鐵板扒；一雙手加埋可同時捧著六個鐵板扒，所以即使是六位一枱，食物也能一次過就送到上枱，不用多行兩轉。雖是十分有效率，不過就是有點危險感覺。白煙四起，高潮所在等了十五分鐘，四個扒餐同時送到枱上。這裏扒餐可選蒜茸汁或黑椒汁，自己雖然怕辣，但吃牛扒始終喜

一行五人黎呢度食dinner。初時感覺頗不錯，因為侍應不會催人點菜。其中三人要了蝴蝶形牛柳、一個雜扒，同一個焗吞拿魚意粉。不一會兒，侍應送上餐湯餐包。我要的紅湯一般貨色，不是溫溫吞吞的已算不錯。喝了一半，隨手拿起少許牛油搽在半個餐包，另一半待到吃完這半才再搽。點知有個女侍應係我一放低把牛油刀同盒牛油就立即拎走，問都無問，好明顯係一路企係我後面"侯"左好耐。再等左陣，牛扒送上來，但無論點睇都唔似係蝴蝶形。要了七成，雖然牛扒表面仲有血水，不過好鞋而且無牛味，感覺似食草。至於朋友叫的雜扒分量頗多，可惜不少也是平價貨，如午餐肉、雞肉腸。總括黎講，食物同服務都麻麻。

來到銅鑼灣搵食，行到金百利有成幾百萬間餐廳係度派傳單引你上去，花多眼亂 @_@ 最後大家都話想剧扒，但又冇錢喎，所以就去左4樓既花園餐廳...完全唔駛等，一入去就有位，仲要係仲有好多空位個隻。話明想剧扒就當然唔揀d咩雙拼呀雜扒呀個d啦，所以就咁叫左個西冷牛扒，六成熟。先來個白湯，唔好飲，麵粉味好重。餐包好細...而且有少少乾。不過來既目的都係為塊扒，所以都冇咩所謂。主角出場啦! 揀左蒜蓉汁，"ja"落去個鐵板個時已經聞到陣香味! 個牛扒唔錯喎，普通size不過都幾厚。都有牛肉味，唔太林，唔錯唔錯! 而且真係六成熟! 唔係頂級貨色，不過用80蚊可以滿足到剧扒既慾望，都食得好開心!朋友叫做個雞扒拼蒜蓉大蝦...個雞扒好食好大塊! 冇試個大蝦不過睇落好靚。另一位朋友則叫左個三拼(即牛柳、半隻乳鴒同一隻蝦)...雖然只係$75不過唔係好掂。牛柳好細塊唔好食，乳鴒其實係隻老鴒，而隻蝦同朋友A隻蒜蓉大蝦係另一回事，醜樣好多，叫唔過。最後飲左個凍檸水....好甜呀!!! 朋友杯0T都係咁...甜都飲唔落個隻...都算係滿足的一餐。如果唔係d扒以外既野好差，都可能畀笑臉。