花園餐廳 (金百利廣場)

营业中

休息中

今日係銅鑼灣剪完頭髮，行到出黎唔知食咩好，企係金伯利門口諗一諗，不如食下好耐冇去過既花園餐廳据個扒！上到去，同一如既往"唔洗等位"。我決定要左個A級肉眼扒餐。先黎左餐湯同餐包，普普通通，勝在夠熱辣辣，麵包軟冧冧。之後黎到主菜，我嘅A級肉眼扒！黎到既時候即刻影張相，但個waitress姐姐都唔知話佢有冇禮貌好，不斷叫我拎住紙巾遮住，心諗：你見唔到我影緊相嫁咩？😠我都未渣好個紙巾佢就想倒落黎，嚇得我。倒落去時滋滋聲，香噴噴，其實都幾吸引，相信呢個就係港式鐵板嘅特色！淋完我揀既蒜蓉汁，之後影多張有汁既相。好！可以開動了！牛扒份量好夠，充滿左個鐵板，底下有堆肥薯條，佢地已經比啲汁同塊扒搞到冧滋滋，旁邊有1粒車厘茄同1棵小棠菜。牛扒我叫左4成熟，黎到岩岩好，正正係我想要既粉紅色，Very Nice 。其實就冇乜牛肉味，但可能佢有醃過再加埋個汁，即刻好味返晒。個扒夠晒冧，又入味，好香口！港式扒黎講，算係幾好味 比啲汁浸到冧滋滋既薯條，充滿住個牛扒同蒜汁既味道，另有一番風味！小棠菜，完整一棵咁係個板度，相信唔切開會好易啃親個菜葉位置十級入味索晒啲汁，仲有啲過咸添。最後黎埋杯熱檸茶 ，完整既一餐，盛惠

午飯於花園餐廳，先來的餐包無乜特別，羅宋湯菜香茄香皆不足，稍辣。主菜焗豬扒石斑鴛鴦飯，賣相過得去，豬扒腍度中等，魚塊肉質結實。因半溶芝士味道較出，白汁食味比紅汁佳。另一主菜本想點午餐西冷或肉眼，但竟被告知售罄？！花園餐廳牛扒售罄？？實在令人費解！無問題，平版牛扒售罄，可選貴版牛扒，但西冷仍然無貨，只有肉眼供應。老實說，我又不覺得貴三四十元的貨式水準高很多，肉味不算濃，鬆軟度過得去，算上中下貨式，可取之處是夠大塊熱辣。連餐飲八十餘元一個人，OK喇，但總覺比以前差咗！

這餐廳的下午茶算抵食·很久沒來吃牛扒餐·所以點了鐵板西冷牛扒餐·先上餐湯牛油餐飽·選了羅宋湯·是日這湯非常新鮮美味·讚!湯充滿新鮮牛肉味與西芹薯仔紅萝蔔同煲·西冷鐵板上·選了黑椒汁·不過這塊牛扒不是真正西冷牛扒·只是一塊不知是什麼扒的牛扒·不好味·但可幸有好濃味的黑椒汁·但以下午茶價位可接受·(很久以前是真正西冷扒)·餐飲熱奶茶唔錯·

每個星期一打完波後急需補充大量能量, 但今次又想同女朋友搵個坐得舒服D既地方食晚飯, 所以決定去上樓既花園餐廳醫肚.是晚食左兩樣野:第一樣, 《芝士焗石班意粉》, 芝士味濃, 雖然係焗但唔會好乾身, 同鐘意濕濕地既我一拍即合跟住係五成熟《肉眼扒拼薯菜》, 正如上面所講,份量十足, 汁多肉嫩, 唯一出錯係唔記得左係鐵板上…叫左五成熟黎到有d overcook…但食得夠快,所以接受到 XDD報告完畢

論港式的豉油西餐，新寧、太平館、金鳳、金雀、飛鷹、哥登堡等等，甚至是第尾及扒王之王，以本人口味來說，全都不及家傳戶曉的一家連鎖式豉油扒房好。由細細個開始，家人帶我到花園餐廳食鐵板牛扒，永遠是兒時飲食的最高享受。是日一行四人來到了金百利廣場的花園餐廳，大家仿佛都知道，來到花園餐廳要食什麼好，好到四人都決定了食同一樣野，就是花園餐廳做得最出色的鐵板牛扒。是日的餐包就只是一些用微波爐翻熱的麵包，雖然夠軟夠熱，但叮過的麵包，始終會影響質感。餐湯，食慣的人都知道，要飲就飲羅宋湯，羅宋湯油多是花園餐廳的一個傳統特色，料多也是花園餐廳的一個傳統特色，味道濃郁亦是花園餐廳的一個傳統特色，總之是香港的傳統好水準。 鐵板扒，大大片的牛扒，大大份的薯條，把整個鐵板鋪滿了。薯條是粗條的波浪紋薯條，而且放在肉的底下，盡吸肉汁，雖然令到薯條腍哂，但混入了肉汁同燒汁，份外的美味。而肉扒，他們的確按要求做出我要求的4成。但是，花園餐廳賣的絕不是什麼頂級牛肉，但也做出了近乎靚牛肉的水準，肉腍而香，味道的不足就以醃功搭夠，以港式的傳統口味來算，亦以價錢相比，已經是可以攞A。

12月1日, 今日出到銅鑼灣, 好想鋸個鐵板扒~ 不過銅鑼灣鐵板扒餐選擇唔係太多, 好食出名嗰幾間又一係無位一係太貴… 結果揀無可揀之下求其去咗以鐵板打響名堂, 不過質素卻每況愈下嘅花園餐廳開餐算…::: 鐵板西冷牛扒配薯菜 ::: $51餐湯同餐包都係呢d港式西餐不可或缺但亦係最求其嘅一環… 餐包細細個形狀歪歪斜斜, 睇住侍應隨手夾起幾個放入微波爐係咁二叮熱佢就罷就, 麵包面唔知點解係油油的… 不過雖然賣相求其, 味道都算係ok. 跟餐嘅羅宋湯只係半兜多dd, 好在d蔬菜份量都唔少~鐵板西冷上檯, 侍應隨即亦拎住蒜茸同黑椒汁比你揀, 示意你準備好攤開餐紙幫自己遮一遮, 然後就將醬汁倒落熱辣辣嘅鐵板之上~ 西冷牛扒份量比想像中多! 兩大塊牛扒淋上醬汁之後香氣更加濃烈惹味~ 牛扒都預咗唔係靚扒, 但起碼今次呢塊唔會醃到好霉, 咬落仲有d彈性, 食落都有d牛味. 牛扒底部照樣有d唔多配搭嘅小棠菜同薯條等被醬汁辣燶同浸腍… 不過嚟得呢度都係志在個鐵板扒je… 對薯菜要求都唔係咁多…凍檸茶呢個真係要讚~ order咗少甜少冰都做得到! 茶味濃檸檬味亦夠, 如果幾片檸檬可以切番薄d易篤d就更好~

本身係銅鑼灣到返學都成日過黎金百利呢邊食野，咁啱呢日同班同學溫書。。。咁咪諗住出去食完之後咪返去溫書囉。。。點知金百利好多平時食開個幾間都未開。。。其他個d都係伏黎嘅，成班決定去食花園餐廳囉。。。點知食到我一肚火。。。我叫左肉眼，有個叫西冷，共他同學叫左其實lunch set啦。。。明明塊肉眼叫五成熟。西冷叫六成熟。點知一切。。。我個塊變七成。西冷個塊變左差唔多八九成熟。。。熟多左都算啦。。。食物味道--> fair之後叫野飲。。。我明明叫凍檸水少冰。。。一放低。。。成大杯冰囉。。。連檸檬都咚唔到。。。我之後飲完。再倒埋係枱面個杯水都仲可以夠凍夠味囉。。。仲有呢間野d服務真係差到爆。。。之後我都唔會再去㗎啦。。。要食都係去返花園街到食呀下次。。。

晚餐:白汁雞絲火腿焗意粉(HKD57) + 轉套餐 (+HKD20)白汁雞絲火腿焗意粉味道偏鹹, 但夠味, 入口有焗出來的香味, 份量充足, 雞肉絲基於是焗出來的,所以較乾身, 而火腿絲及雞肉絲配給量亦充足!如果不太好食偏鹹的食家, 建議另作選擇! 但對本人來說就覺味道ok! 都蠻喜歡的.......因為偏鹹的味道, 跟淡淡的意粉來一個中和效應羅宋湯跟街外的有些分別,顏色較橙紅, 非太流質性 , 不太辣! 材料較少,但夠酸味......有待改善!

老字號花園餐廳，就是抵食啦！尤其是中午特餐。對於附近上班族來說，夠方便。同朋友約咗12點，排隊上金百利4樓。夠早的話，不使等，就已經有卡位。雖然，特餐比之前少咗几款菜式，例如，牛扒特餐，價格已經升級了。不過物價上漲，也無法強求。幾步路外的另一間花園，已經結業，不知是否因為太實惠的價格，維皮不易？好可惜。今日点了雞扒特餐，分量夠大，普通男人一定吃的飽。黑椒汁，傳統口味很道地。嚼勁夠，煎的程度也剛好。吃的很爽。我朋友選了洋蔥汁，不在菜單上，仍然可以接單。我選了羅宋湯，白飯，和咖啡。大約10分鐘，就上齊了。羅宋湯，濃厚的傳統茶餐廳味道，很有香港味。加點白胡椒粉，更有風味。蔬菜很多，夠勁。白飯配黑椒汁，首選，因為口感不會太辣。又有胡椒香味。咖啡，又是傳統香港風味，讚啦！喜歡甜一點的就要加一匙白糖了。下次要換一款特餐試一下！這次忘了照相，下次一定補齊。

花園餐廳一直是港式扒房，下午茶鐵板餐只是$51(未加一)，於銅鑼灣來說算是廉宜，很多客人選吃。今天不太肚餓，和友人只點選了飯餐，下次再嚐鐵板滋味。樓上舖地方寬敞舒適，燈光明亮，兩人被安排坐在卡座，座位之間空間充足。環觀周圍客人也在鋸扒，充斥著濃烈燒汁味，通風不太理想。一來便送上清水。友人點的鮮茄焗豬扒飯餐($47+10%)奉送餐湯加餐包和飲料。羅宋湯樣子味道對辦，也夠熱。酸酸甜甜混有雜菜，與餐包十分配合。可惜餐包沒有靈魂，冷冰冰之餘口感硬實，塗上牛油才易入口。主角鮮茄焗豬扒飯個頭碩大，焗飯配炒飯底，我們這一代的集體回憶。蕃茄稔甜，豬扒醃得稔而入味，但外皮沒有焗得香脆的效果。蕃茄醬太少，不夠撈飯，單吃炒飯和豬扒太乾，難以入口，最後也吃不完。我點的咖哩雜菜飯餐($36+10%)，送上時熱辣辣。看見咖哩汁中浮起的小棠菜不禁莞爾，港式的特色就是把所有好吃的混在一起。撇開配料配搭，咖哩汁有點稀，幸而椰汁味香濃、惹味可口，很好下飯。咖哩材料豐富，除了小棠菜外，還有青瓜、蕃茄、雞脾菇、薯仔，雖然奇怪卻不難吃。最欣賞是薯仔煮得稔糯入味，是好咖哩必備的條件。飯煮得剛好，有硬度、粒粒分明，如熱一點更好。伴

上次去旺角鋸咗次失敗嘅扒, 今日決定去銅鑼灣報一報仇!!!!去到餐廳門口, 望入去有好多位, 侍應即刻安排入座, 再睇一睇個menu, 個價同旺角有少少分別, 不過一樣有肉眼, 就叫肉眼!!!肉眼+紅湯+凍檸水呢個配搭係我嘅至愛, 個餐包就都係普通料, 不值一提, 之後個紅湯一到, 嘩... 正呀, 味道對板, 好味... 酸得嚟又有少少辣, 好呀!!!過咗一陣個鐵板都嚟喇, 塊扒大過旺角嗰塊, 同個哥仔講要黑汁, 淋落去等佢"吱" 完即刻開餐, 食條薯條先, 好脆, 仲要係粗波浪薯條, 索咗D 汁, 又脆又惹味!! 之後就係主角, 一切落去... oh... 又係筋??? 又中伏??? 大佬, 唔係咁玩我下話??? 切多少少, 好彩原來得好少筋, 切咗一塊仔入口... 好軟熟, 好有牛味, 而且唔難咬, 咬幾咬就可以嗗一聲就吞咗落肚... 點解同上次旺角嗰塊差咁遠嘅??? 今次係成塊都好正呀, 冇筋又淋添呀!!!!好快就KO 咗佢, 侍應就嚟幫我收嘢同問我要咩餐茶, 杯檸水冇咩好評, 夠凍囉...地方就真係企理, D 伙計又快手, 不過呢間有時會好多人又要排隊搭lift 真係幾煩.

一行3人睇完早場諗緊 Lunch 食咩好...突然諗起去花園餐廳 有一段長時間無去過喇，原來都係無變過依舊一樣 ...一坐低望下餐牌原來多左好多款色午餐我點左份牛柳 7成熟啱啱好，一o的都唔鞋口又多汁而且賣相都好吸引，午餐只售 50個大洋價錢合理~ 實在太滿足喇，下次要同屋企人一齊去試晚餐先

跟朋友到花園餐廳 Sweetheart Garden Restaurant共晉晚餐，我叫了名為「海陸空套餐」，即是有：烤乳鴿、大蝦碌、牛扒等，可謂名副其實！味道不錯，加上一杯檸檬茶，非常消滯，一客套餐售價$68，算是合理。服務方面，整體上，跟得很足，吃完東西馬上收碟；倒瀉水又立即清理。

要左1份西冷牛,1份肉眼牛( 午餐個隻 )因為第1次去食所以唔知道會跟飯定跟薯菜,落左單一陣咪叫左waiter過黎問問。問知個女waiter 聽完之後佢竟然"廟"咀 係勁不滿甘唔想同我地睇單, 之後仲串串貢甘話: 普通都係跟薯菜,飯要加$6.佢張meau無寫,甘問下都好正常...但點解佢個態度要甘? 唔想做咪唔好做。埋單個時另一個男waiter黎的, 當我想俾$ 個時佢無啦啦Dum低張單我知有人嗌佢做野, 但都唔駛Dum落枱架,慢慢放低唔得咩?

$45。薑汁照燒豬軟骨意粉：豬軟骨和意粉分開上，意粉邊有些粟米；豬軟骨份量超多，豬軟骨至少有十件，軟骨是白色那種，軟骨範圍又多，還有些洋蔥…無薑味可言，但個燒汁撈意粉吃也不錯跟熱檸水