花壽司日本料理 (已結業)

花壽司既學生餐真係好超級抵食!!!25蚊包超大碗拉面+是日壽司2件/大大碟飯+一罐野飲味道吾錯~質素遠遠高於佢既價錢!!!!同埋份量好多!食完超級飽!!!!lunch 既時候好多人~完全滿座~不過好多都係學生~食得快+走得快等4-5分鐘度就會有位~~個老闆能度好好~見你等得悶~會同你吹下水+落埋order ~~~ 一有位坐~好快就有得食ga la !!!係食lunch一個好好既選擇p.s. 是曰壽司質素一般~所以吾建議單叫壽司~

在此區沒有日本餐廳，有時都會為了食壽司專程出銅鑼灣。呢間新開的算唔錯。星期日晚好多人，我及朋友一行兩人進內，他們安排我們座四人位，坐得舒服，落單快。我食野唔止講好不好味、新唔新鮮，更注重態度。食得唔開心不如自己煮(因我喜歡下廚)，而呢間餐廳由員工至老闆都好有笑容，態度很好而且好helpful。環境裝潢不是很有格調，但呢個價值(不貴)作為街坊的我已心滿意足。

星期日中午, 同男朋友去試這間新店, 點了劍魚手卷$15, 花壽司牛肉湯烏冬$58 (餐牌內這一款烏冬用紅色字印上的, 應該是招牌菜吧). 燒(西青)魚$35三款食物. 劍魚手卷分量一般, 劍魚新鮮但味淡, 壽司飯可以. 牛肉烏冬上枱時, 看到烏冬在底, 數片頗大片的但又幾薄的肥牛肉再在面, 再加一小撮大蒜花. 湯底是醬油湯底, 無味精的, 清/甜/少許濃, 幾好味. 烏冬煮得耐咗少少, 麵條上的表面己經”散散地”, 又沒有過冷河, 不夠咬口, 但味道都可以. 肥牛片就非常好味, 薄薄的, 有幼幼的肥邊, 肉質很鬆軟, 有牛肉的香味, 無渣, 雖不是和牛的那種無渣, 但單以肥牛片的質素來看, 的確是超水準. 燒(西青)魚真是燒的, 魚皮脆的,肉質很juicy, 不乾, 腩位有少少腥, 但(西青)魚味濃. 佐料有酸汁及檸檬, 但不用加已經好好味. 如果把所有魚骨都拔出清理的話, 就可以令這道燒(西青)魚更添完美. 招牌是花壽司, 主打及强項應該是壽司, 但我個人覺得, 熱食及燒物較佳. 新店開張, 可改善的空間很多. 加油

之前喺小巴廣告見到話$25一個lunch，仲要有嘢飲同小食包埋。咁抵，於是同朋友一齊去試下啦，點知去到先知原來$25係要12：45pm前結賬或13：45後入座。其他時候都係$35以上，一啲都唔平。不過見人山人海，諗住應該ok啦，於是乎就特登再去試下，點知真係大失所望！首先，朋友嗌咗個牛肉飯，嚟到先發現原來係牛膏飯。肉就已經唔多，仲要係超級肥牛。朋友將啲肥友切出嚟，居然就切走咗3/4... 真係冇誇張。跟住所送嘅小食就係相等於兩條毛嘅中華沙律。老實講，佢唔送都仲好啲！另外啲嘢食真係咸咗少少。不過waitress 及waitre 嘅態度就幾好。總之啲牛肉x，就好唔得啦！

早幾日見佢新開舖, 今日第一次同女友同埋佢細佬去呢間度食晚餐...壽司$10一碟, 但魚生好似唔多新鮮咁..跟住叫左2個定食, 先講個海鮮鍋定食既前菜, 螺肉有D怪味, 個賣相就比較削...得3隻蝦,2隻細小既魷魚, 一隻帶子同幾塊日式魚旦,覺得D飯好硬同散咁, 同老實講, 價錢比較貴, 平均$50-$60(拍得住銅鑼灣咁)...另一個就係滑旦豬扒食...呢個算係咁, 但如果個汁可以唔好咁鹹就好啦, 跟住仲有個泡菜豬肉抄飯, 呢個算係比較正常既..順帶一提, 正常食日本餐廳, 叫得做居酒屋呢, 芥辣應該係自己開, 但呢間就係用一包包, 細細包既包裝芥辣,比較失望......