花椒八角

营业中

休息中

晚上落完外賣訂單，冇通知冇溝通一個小時後話餐廳不營業將我訂單取消！根本離曬譜！完全冇考慮客人感受嗎？要取消都唔係等接單一個鐘之後啦！完全唔知餐廳想搞乜？等左成個鐘突然被取消訂單

哇喔~我好想同大家分享一道叫「双子星」嘅特色菜！🤩 系一个大盘子里头放咗两种鱼🐟左手边嗰碟系酸菜鱼酸酸地嘅菜底下藏住嘅系滑嫩嘅鱼片而右手边呢就系一碟辣味十足嘅水煮鱼红红嘅辣椒油闪闪发光鱼肉在滚烫嘅汤水中 一看就超级引人食慾啦！！😍😍 食落去嘅鱼肉又鲜又滑，配料同配菜都好有特色，🥹每一口都能够吃到大自然嘅礼物哈哈！ 我同我啲姊妹等到上菜之後因为太好食嘅关系所以一下子就扫光咗😆 平时我哋食得唔多，能够咁尽兴地大食真系好少有🫠 呢度喺东涌达东路公园入面有啲难搵喺呢度能够同姊妹一齐度过咁开心嘅时光真系好幸福！🥰 如果你哋最近唔知带家人朋友去边度食好🤔我超级推荐你哋嚟呢度！🤗呢度嘅川菜，真系正宗到不得了又超级好食！！😋😋

早兩個禮拜在那東涌泰國餐廳與朋友相遇後，這個禮拜我再戰東涌。朋友介紹了這家在東涌昂坪360纜車站旁的達東路花園內的川粵菜【花椒八角】。這次見到有做推廣的菜式【港式雙冬羊肉煲】，趁天氣仲有小小凍一於相約好友去試一試. 【港式雙冬羊肉煲】的汁味道濃郁，充滿了羊肉和雙冬即冬菇和冬筍的風味.  🐑羊肉的質地嫩滑，與雙冬的口感相得益彰.  汁的味道層次豐富，賦予了整道菜更多的風味深度. 配料方面，蘿蔔、西芹段、蔥段和薑片的加入為菜餚增添了口感的變化. 🥕🌿🧅🧄 這些配料的組合相襯，讓每一口都帶來了豐富的口感體驗. 追加的響鈴和唐生菜更是美味的點綴. 🍚在服務方面，服務人員態度親切友善，有問必答. 🙋‍♂️🙋‍♀️ 餐廳的環境舒適，高樓底配合大玻璃，還可以看到纜車在上方不斷穿梭，營造了一個休閒的用餐環境. 🏞️總括來說，【港式雙冬羊肉煲】味道出色濃郁，配料豐富多樣. 👌 服務周到，環境舒適. 😊 如果您對於港式入冬美食感興趣絕對是值得一試的選擇. 🍽️

表弟留學番黎，突然同我講：表姐我想食川菜吖。😆跟住就係OpenRice揾到呢間餐廳，因爲近酒店吖嘛首先，唔少得既就梗系有表弟鍾意食既鷄啦🐔，雞味濃郁，肉質嫩滑，唔會話煮得太耐令到佢D肉老曬鳳爪開胃得黎又唔會話特別酸😋，個麻辣鴨血每舊鴨血都Q彈細緻，多汁🤤餐廳環境相對都唔錯，有太陽個陣都唔話特別曬🌤️，座椅舒適。員工態度都唔系差。所以我覺得大家去開東涌，呢間餐廳都值得一去。🙆🏻‍♀️🙈

食物菜式選擇多，味道水準高。哩間餐廳雖然主打四川菜，但都有唔少唔辣嘅菜式，適合唔食得辣嘅朋友。四川菜做得非常之地道。乾鍋大腸香脆可口。唔辣嘅菜式例如鐵板孜然牛肉非常惹味、鎗炒萵筍絲都好好食。餐廳環境非常乾淨舒適，座位闊落，坐得很舒服。好啱家庭聚會或朋友小聚。餐廳好注重衛生，餐具餐檯都好乾淨企理。最難能可貴嘅係餐廳洗手間非常乾淨，幾乎可以拍得住中環高級寫字樓嘅洗手間。睇得出間餐廳係非常用心黎經營。餐廳經理同侍應都親切有禮，態度非常好，冇試過黑口黑面。餐廳不時會有promotion，哩排日日都有特價餸，好抵食。某啲日子甚至有免費菜贈送。用心經營的餐廳值得推介！

又俾我發現筍野‼️#花椒八角 $78 就可以任食前菜、任飲果茶同豆漿😍😍星期六日入香港後花園 - 大嶼山玩下。係大嶼山巴士站🚏旁邊嘅達東路花園💐，一入去就有間高質四川菜午市套餐（只限星期日及公眾假期）包括任食前菜，白飯同自助飲品午市套餐 $78💡四川回窩肉💡螞蟻上樹💡乾鍋椰菜花豆干💡勝瓜零耳豬頸肉午市套餐 $98💡水煮牛肉💡酸菜魚💡咕嚕蝦💡香油鹽水雞💕酸菜魚🐟大大碗嘅酸菜魚，魚肉厚身柔軟。酸菜湯酸香濃郁，好想再飲多碗😍💕 乾鍋椰菜花豆干🥦唔太辣但勁香辣椒🌶️香味，每種材料都炒到好乾身爽脆💕 咕嚕蝦🦐蝦肉大大件，酸酸甜甜好開胃🤤💕任食前菜當日係雞軟骨同涼拌木耳，爽脆好食💕任食白飯同紅米飯夠健康，我哋屋企未試過煮紅米飯，即刻裝俾阿仔食💕任飲果茶當日有荔枝紅茶☕️、水蜜桃茶🍑同豆漿🥛，我最愛就係荔枝紅茶，甜甜地又夠香，阿仔就好中意豆漿🥛📣最最最緊要一定要食佢個粥，粥底綿滑，同我最愛嘅雲泉仙館粥底一樣咁綿滑夠火喉！ 一定要試（任食的）

見街坊推介專門找到這間店嘗試地點在東涌公園內，纜車站下面雖然有點隱蔽，但距離地鐵站一點也不遠午市有半自助餐平均價錢70-80蚊並且有半自助餐有水果沙律、麻辣豬耳、甜品米飯有得揀紅米飯、白飯、小米粥還有花茶、蜜桃冰茶、荔枝冰茶、豆漿不太甜 很好味我們點了酸甜魚柳同辣子雞丁兩道餸都好惹味熱辣辣食得出是即整店舖環境好，位置闊 坐得好舒服服務亦好好好細心，見到我們杯漏水還主動幫我們更換。十分值得推介的店舖

中秋節同屋企人聚埋食中菜應節。依間主打食川粵菜既餐廳，有香辣惹味，亦有清淡健康，都幾岩一家大細。先講下個湯，夠晒濃稠足料，好似湯羹、碗仔翅既質地。清清地開個胃，之後再食辣菜。主菜特別想介紹惹味香雞，肉質滑身，用熱板烘住上菜都唔會變乾柴。辣度平均，唔會因為過辣而失去雞味。另外一道就係惹味蝦，大大隻鮮蝦爽口彈牙，香口辣椒更加可以提升味道。

今日終於可以食到心心念念想食既川菜，自己其實五系好中意食辣野，但上次同男朋友經過食完覺得好唔錯，今次又特登行過來食啦。因爲男朋友住東涌，所以我成日都會入東涌穩好野食，上次好肚餓又剛好經過呢到，見到就入左去食，本來五抱住咩期望既我只係想快D有得食，點知真係好好食。我五食得辣，今次就叫左咕嚕魚柳（哈哈估吾到川菜餐廳有得食咕嚕魚柳），熱辣辣上菜，我好驚係擺左好耐個D來，但完全吾會。另外我地仲叫左芥末秋葵、蒜泥白肉，全部都水準以上，而且都不算好辣，可以接受。男朋友就試左最近個個小龍蝦任食，我就無食到，不過佢話鹹蛋黃味小龍蝦好驚喜，外面就算係返大陸都未必有得食呢隻味，所以佢都真係食左好多。

睇到 社交平台今日有$188/位 任食小龍蝦，即刻黎試一下！任食有四款口味，有辣有唔辣，其實都幾抵食，$188可以食嗮甘多口味，本身以為靜係可以揀一款口味，點知原黎可以一次食嗮4個味！本人比較鐘意食辣子口味，比較香辣同入味，如果想要唔辣可以揀蛋黃口味，都幾足料每隻都沾滿咸蛋黃！我見星期一二三仲有$10優惠菜式，下次再同朋友試下先，不過優惠去到9月尾，唔知9月之後會唔會有新優惠呢？期待一下先~

餐廳在昂坪360纜車站下方，那裡只有一間餐廳，有點隱世，但也挺舒服和安靜的。午餐以半自助形式，點了主菜後就可以自己到自助區拿前菜，飯有白飯和紅米飯，而且是任添的，如果熱氣還有粥可以選，飲品方面有熱飲和凍飲，推薦水蜜桃茶，有蜜桃香也不會太甜。主菜做得挺精緻和乾淨的，本來以為這個價錢沒有太大的期待，但真的出乎意料的抵食和好食！主菜都落足配料，菠蘿咕嚕魚柳，配菜都很鮮色，應該是即叫即煮的，魚柳外層脆脆的，內裡魚肉嫩滑，味道也不錯。麻婆豆腐，感覺和平時港式餐廳吃的有點不同，辣汁比較香，豆腐很滑也很香豆味，較有四川風味！

叫左個lunch set , 有飯有嘢飲, 我揀$68宮保雞丁, 有齊麻,酸,甜雞肉都夠鮮嫩, 好餸飯! 餐廳環境幾特別, 有超大嘅玻璃圍住餐廳, 可以邊食邊睇風景, 而且採光特別好, 下次應該會試下佢個晚市

東涌隱世川菜-花椒八角去完東涌outlet, 搵搵下發現有間隱世川菜，係360站附近，仲可以望到360架😗下午時間唔算多人，有set lunch不過我地散叫，叫左以下幾款：毛血旺-有幾款材料，例如毛肚、牛柏葉、魷魚，order 一樣可以試哂咁多野😂 川辣味濃🥵真係要點杯野飲😅清炒萵筍絲-食左辣野要中和返😅萵筍絲好爽口，都有啖啖蒜蓉味豉椒鵝腸-豉椒可以再濃味少少，鵝腸炒得啱啱好，係爽口架😗另外點左荔枝紅茶同檸檬特飲，味道正常有個小插曲，本身叫咗水煮牛，不過食落有陣水煮魚既味道，唔知邊個烹調步驟令到味道混合左🧐最後都好好咁返比我地(因為唔食魚🥲)

之前嚟附近食泰國菜，今日想刺激下味覺，試啲椒麻辣既重口味食物。設計係年代感style，梅姐、哥哥、梁朝偉既海報貼牆身，本土電影feel。又有港食同建築物相，有少少回憶情懷既味道。講下主食先，川味滷水拼盤︰分別有豬大腸、鴨血、雞腎，以及大量紅噹噹嘅辣椒，見到都即刻醒神晒。面頭有一層辣油，三款內臟沾滿湯汁，外表亮麗十足。豬大腸相對「索」水，食個陣要小心，比較容易一啖就吸啖辣湯而搶喉。之前無食過鴨血原來幾鮮味，又無想像中咁腥，少少似豬紅，係一個好既初嘗試。雞腎就唔係太突出，正常發揮，爽口唔韌。其實整體好惹味，而且份量多，同枱Share就岩岩好。自己一個人食應該會有啲膩，性價比都幾高。得閒入嚟Chill下，醒神。

父親節成家人諗住去搭昂坪入去玩，入去之前都係東涌食咗飯先。立眼見到附近有間另另些些嘅餐廳，就係呢間川粵菜😂但亦都因為唔係係商場，環境都好靚好舒服，可以見到纜車行過～😆咁其中有幾款想推薦吓嘅！😋川味滷水拼盤🌶️🌶️入面有豬大腸，鴨血，雞腎三款內臟！呢啲最啱襯辣椒，夠惹味之餘份量（同🌶️份量）都夠！金銀蛋浸時蔬🥚🥬食惹味嘢點都要有啲菜沖吓口，雖然係素菜，但夠清甜，配辣野嘅選擇！香油鹽水雞🐓送飯必備！鋪滿蔥蒜油，夠曬香，而且雞肉都皮滑肉嫩。去到未必使一定食辣野！佢地都有唔少鹹香菜式😋如果咁啱入東涌又想食川粵菜，呢度都可以一試！😉