花椒八角

营业中

休息中

自從通關後，東涌周末既人流可以係用人山人海來形容，行個商場都迫到水洩不通，連帶食市都要等下先有位，如果下一次大家遇到呢個情況，介紹大家可以行下360🚊既方向，係游泳池隔離有個公園，而公園入面一間餐廳，俾鐘意食辣既大家過下口癮。餐廳其中一面可以望到纜車行駛，個景望出去好舒服。餐廳外面亦有個小迷宮，俾小朋友飯前飯後去放電。講下食物啦。杏汁豬肺燉湯, 好香既杏仁，奶味十足，而且都好大碗，夠平分俾三個人，豬肺塊好多，亦有雞腳，飲落又補又暖身。麻辣烤原條爐魚，呢個夠哂辣，我地嗌左小辣，但係因為花椒八角都好多，所以都好野味。魚既質地好滑，煮得啱啱好。大家睇下佢既擺法係好靚，絕對做到色香味俱全。呢個椒鹽秀珍茹絕對有驚喜，有椒鹽呢個煮法夠創新，啱哂平時唔鐘意食菜既朋友仔。椒鹽調味適中，唔會過咸過淡，秒ko既一個開冑前菜。👍酸辣土豆絲可能因為其他菜式太濃味，被搶了風頭。🤣不過土豆好幼細，條條分明，好爽口得來唔過硬。👍食得辣野多，梗係要嗌啲飲品降下温。男朋友同佢老友嗌左杯芒果沙冰，微清甜，奶味夠，而有芒果肉，好細心既一個位。而我嗌既士多啤梨𣲙冰，大家一致認為最好飲，正過芒果。呢杯同樣地有士多啤梨肉，奶味夠

約咗朋友去東涌踩單車，係東涌海濱附近試咗一間川菜館，出面既格局望落好chill,原來入面係食四川菜。呢間川菜位置都比較隱蔽，係纜車站附近，四周圍既環境好舒適，而且餐廳入面空間廣闊，我地六個人都坐得好舒服！呢度有好多款小菜食，但見到有得打邊爐，我地就即刻試咗！啲湯底都係好有川菜特色，我地叫咗麻辣同黑蒜豬骨，佢地仲有土匪湯底，但朋友唔好所以無叫到。麻辣湯底認真夠麻，再加多條爐魚，爐魚佢地有烤過，成條魚外脆內軟，為湯底加多一種鮮味！配埋肥牛真係一流，唔洗點啲邊爐醬，因為啲麻辣汁入曬係啲牛度！我地另外仲叫咗呢度招牌霸王辣子雞，一開頭比佢啲辣椒嚇親，川椒包住啲雞肉，啲雞肉唔嚡幾鮮嫩，最緊要夠麻！場內竟然仲會有live music band 邊吃邊有音樂享受

母親節咁啱係星期日放假，所以特登帶屋企人出咗去遠少少既地方行下。個日入咗東涌搭纜車入昂坪市集順便行天壇大佛，回程個陣咁啱見到呢間川菜，餐廳出面睇落唔似食川菜，出面有啲椰子樹比人感覺好悠閑，餐廳入面原來內裏乾坤，風格係走懷舊香港，幾有特色，而且空間夠大個人坐得舒服。我同我屋企人唔係話好肚餓，所以叫咗幾份涼菜小食麻辣口水雞、酸辣秋葵，雖然話係小食但份量十足！啲菜上得好快，隻口水雞啖啖肉同埋夠嫩，同埋無冰鮮雞個種雪味，夠曬麻，略嫌佢少咸，要餸飯食就啱啱好！酸辣秋葵我就第一次試，出面唔係間間川菜都有，平時出面食得多酸辣青瓜，今次試下呢個秋葵，出奇地比青瓜好食，一樣咁爽口同埋個酸辣汁夠開胃，而且夠凍，食完會想再食！價錢方面，雖然少貴，但味道同份量都值回票價。間餐廳除咗有地道既川菜，仲有得燒烤同打邊爐， 有機會再嚟試下佢呢度既酸菜魚同辣子雞。

去餐廳條路有點難搵 但我認為係值嘅😆因為真係非常高質 等我介紹吓俾大家先！蒜泥白肉🐷白肉係夾咗青瓜🥒係入面 食落唔會太油膩 另外蒜泥放得好平均 每一塊上面都有好多蒜🥰 本人好鐘意食蒜就非常滿足‼️ 同埋最緊要係塊塊都好多蒜 唔會一啲有一啲冇😝酸菜魚🐟最特別之處係呢個跟嘅係烏冬底👍🏻 並非常見嘅薯粉底 轉咗麵底 第一個感覺係好掛湯 但又不失薯粉嘅口感😍😍😍 另外酸菜魚最緊要就緊係條魚啦✨ 非常鮮甜 唔係淋啤啤另外因為口痕想小酌一下😳 所以叫咗支白酒試試佢🍶 但侍應話原來存貨已經唔多 我哋真係好彩呀🤭🤭 想試就真係要快手啲去食啦‼️

同屋企人第1次食東涌隱世好食嘅餐廳餐廳環境好舒服 唔多人價錢正正常常 服務又好上菜速度算快 適合重口味人士環境寬敞、一啲都唔逼間唔中都會有live Band👍🏻必食 烤魚、蒜泥白肉、宮保雞丁一定會再幫襯

昂坪360一落嚟搵嘢食見到一間好靚嘅餐廳，原來食辣嘢啱晒我餐廳座位好闊落，好配合東涌舒服嘅環境🌳過開嚟呢邊嘅朋友都可以一試叫咗個前菜酸辣秀球菌$68 好得意，第一次食依個菌類，有啲似雪耳，好爽口，加埋酸辣汁好開胃霸王辣子雞丁$198勁好食～雞肉炸得好嫩滑，腰果非常香脆👍🏻👍🏻會係再ENCORE 嘅菜式水煮龍脷柳$238龍脷柳啖啖肉唔會有骨，亦唔會一夾就散，水煮配菜都有好多：寬粉、芽菜、青瓜、豬紅、筍...份量都好多芒果沙冰$40解辣又解渴🥭唔會太甜士多啤梨沙冰$40又滑又香士多啤梨味🍓見到每一台都嗌一杯就知依到必叫😝

午市有半自助套餐，非常抵食👍🏻每人加一也不過100😊而且環境舒適，菜式種類豐富，服務也很好。當日半自助餐的前菜有酸蘿蔔和麻辣豬耳，十分開胃和解辣，後來豬耳清空了就換上了青椒雞軟骨😋飲品有熱飲和凍飲可以選擇，很貼心。蜜桃茶，很清香而且不會過甜，十分推薦👍🏻除了白飯，還有健康的紅米飯可以選擇，而且真的白飯任裝，大吃的人有福了😋主菜份量十足，麻婆豆腐的豆腐非常滑溜，豆香明顯，而且加了不少香料令菜式除了麻也很香，送飯一流👍🏻四季豆豬頸肉也很推薦，除了有菜有肉比較健康😆豬頸肉爽滑彈牙😋四季豆沾滿XO醬，也十分鮮甜美味。下次會再試一下其他菜式😊

經open rice訂坐，晚市主餐牌有8折優惠。位置比較偏僻，但由地鐵站往昂平360車站方向行，就很容易找到，餐廳周邊環境非常清静，鳥語花香，還可近距離看見䌫車往來，景觀非常特別，而且又可遠離人羣，遊客區嘅食店，有隱世秘密餐廳嘅感覺男服務員細心介紹菜式特點，又不過份打擾，非常貼心還建議下次可賞試半自助午餐，經濟實惠。--四川回鍋肉--🌶$98成本問題，用大量粗香葱取代京葱，雖然仍有小量京葱，但香葱口感太粗，太乾。豬肉片就肥瘦適中，彈牙煙韌，味道亦調解得唔錯--四川擔擔湯麵--🌶$38湯底花生麻醬味濃郁，配上小量肉醬，葱粒--剁椒魚雲--🌶🌶$128蒸煮時間控制得非常好，用大量鮮辣椒去腥味，再加上微酸的汁液混和蒸，味道非常好--樟茶鴨(半隻)--$158熱辣辣，烤焗上枱，脂肪全KO,外皮薄而乾,口感微微焦脆，有煙燻的味道，某部分的骨架有香脆口感，但肉不多，醃製味道非常到位

今日去開迪士尼玩玩到餓就去東涌諗住食下野行過去360個邊見到公園入面竟然會有餐廳咁得意就開個OPENRICE睇下都幾多好評個樣又幾好就試試佢芒果沙冰 $40好香芒果味而又唔會太甜用黎解辣就啱晒椒鹽茶樹菇 $88茶樹菇大大條炸得唔油又唔厚 香脆唔會炸粉還炸粉菇味濃旭青瓜酸酸地青青地幾好我朋友最鐘意既秋葵個汁少少辣得黎又好好食好食到其他野都用黎點佢食秋葵都好新鮮蔥爆牛肉牛肉好多 而且好有牛味蔥又爆得夠香入面有提子乾,菠蘿,三色椒夾埋菠蘿同提子乾食好好食 又甜

這家餐廳位於昂坪360附近，落地玻璃嘅開陽設計非常舒服。烤鱸魚（酸菜）（小辣）$298:這道菜絕對是我在這家餐廳的最愛之一。鱸魚非常大條，啖啖肉！烤鱸魚皮脆肉嫩，酸菜的酸味十分清新，而且加上小辣的調味，令人胃口大開。蒜泥白肉 $88:呢道經典冷盤也是這家餐廳的招牌菜之一。非常欣賞白肉嘅心思擺盤，肉質鮮嫩，切得均勻。蒜泥份量慷慨，味道清香，讓人食指大動。中間有塊青瓜令味道額外清新！青椒高荀絲 $78:呢道清爽的素菜，色彩鮮艷，口感爽脆。高麗菜和青椒的搭配非常協調，沒有蒸煮過度，仍然保持了蔬菜的鮮甜口感。至於鮮檸特飮和青檸梳打，兩款飲品都非常清新。鮮檸特飮酸甜可口，加上冰塊更是一口解暑。青檸梳打清香怡人，非常適合作為飯後的消暑飲品。總體而言，花椒八角餐廳的菜色讓人十分滿意。菜品的口味濃淡適中，選材新鮮，烹調技巧高超。加上舒適的用餐環境和優質的服務，這絕對是一家值得推薦的中餐餐廳。

位於東涌纜車站旁有一個公園，公園裡有一間叫花椒八角的餐廳，今日雖然是紅日都有提供自助午餐，先選主菜，我選擇左尖椒豬頸肉，微辣，好送飯開胃，沙拉魚柳，十分脆口，粉好薄，蘿蔔牛筋骨，肉質淋，蘿蔔好甜，野菌豆腐，有好多配菜，如茶樹菇，白菜仔，好健康。自助區飲品有水蜜桃茶，荔枝茶有冰，好清涼，常溫的豆漿，熱飲是玫瑰菊花茶，淡淡花香。前菜有麻辣豬耳，十分入味，蒜蓉青瓜。有小麥粥，紅米飯同白飯供應。地點由於位於纜車站附近，看到窗外纜車的景觀，而且地方大，好乾淨。

2023-03-31東涌隱世川菜😋同朋友去咗東涌行Outlet🥰去咗東薈城對面嘅花椒八角食飯🍚餐廳就係昂坪車站附近🚃餐廳設計以90年代香港為靈感🇭🇰知名影星劇照香港景點等作裝飾🎬主打食正宗川菜火鍋及酸菜魚🐠烤鱸魚，298蚊盤💰烤魚湯底揀咗泡椒味小辣，鱸魚骨少肉嫩之選，啖啖肉好惹味，烤魚好大條好新鮮，配菜仲有好多西芹，粉絲，洋蔥，香菇，完全無魚腥味仲越食越香，夠辣份量多，叫多兩碗白飯撈埋辣汁送飯一流😋蒜泥白肉，88蚊份💰蒜泥白肉，用咗五花腩仲包住青瓜片，夾起一片浸泡辣汁五花腩，再加上蒜茸醬，味道非常配合，啱哂喜歡重味嘅朋友😀野山椒酸辣羹，78蚊碗💰野山椒酸辣羹鮮辣滋味，清新酸味巧妙融合，互不搶味醇厚而獨特，非常好嘅酸辣配搭😀蒜蓉時蔬，78蚊碟💰炒咗碟青綠油麥菜，雖然簡單一道炒菜，但炒完油麥菜都好爽嫩，食完辣嘢可以清清口腔😀芒果沙冰，40蚊杯💰賣相係淺黃色，味道較為酸，適合喜歡酸的朋友🥭草莓沙冰，40蚊杯💰杯粉紅色嘅特飲，賣相好吸睛，士多啤梨製成沙冰，入口香甜可以解辣🍓整體環境充滿香港特色装飾🇭🇰服務都好貼心不時幫烤魚加湯🐟食物份量幾多，辣度十足，經理仲送桂花糕比我哋，去開東涌個頭可以試吓

係東涌黎講算係一間好食嘅川菜 非常之哇噻喔不過個回鍋肉有啲鹹 夫妻肺片 同 毛血旺係夠辣嘅 第一次食到唔使特登去加辣嘅川菜 今日見到人哋嘅烤魚都非常之吸引 下次值得一試整體來講係唔錯㗎🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼🫶🏼

平時好少行嚟哩到食飯，哩間餐廳離我哋工作地點有d遠。但係平時聽客人講肻哩間餐廳，加上同事推薦，當日終於dick起心肝過嚟食鋪頭原址係以前一間叫美談嘅韓國餐廳 (以前都有介紹過)，宜家就轉咗做哩間食川菜嘅餐廳。本來我以為川菜餐廳都會有股辣油味，入到嚟又無喎。咁我哋4個人諗住一人叫一個餸，我以為一個餸配一個飯，點知侍應同我哋講出面裝飯同埋出面拎小菜、飲品。跟手我同事同我講哩到啲飯、飲、小菜係任食架，我即時喜出望外，心諗咁我咪可以食到好飽，之後出到去我仲見到紅米飯，雖然都肥㗎啦，但係健康啲呀嘛。咁我哋就拎咗啲小菜同飲品，等啲餸煮好。聽個員工講啲小菜唔係是是但但，嗰個白色一條條係藕嘅...sorry我唔記得咗，但係唔係咁容易種㗎。啲餸無耐就上齊。令我最記得嘅係碟辣子雞，因為平時其他餐廳啲雞粒好細粒，但係哩到嘅起碼大細可以分到辣椒同雞粒，而且入面有啲炸咗唧黃豆，送飯特別惹味。另外，涼瓜肉碎煎蛋簡直就係下火之選，平衡返食辣嘅熱氣。最後，我哋走嗰陣食到好飽，哩個價錢食到咁多野，真係返工嘅小確幸

第一次去，好差嘅體驗。中午專程早啲去，我哋三位，見入邊有幾張細枱冇人，但職員話冇位要等（ok，可能啲枱要留返俾有reservation的客人）。門口等左20分鐘，之後有十幾位直接walk in 冇Booking嘅客人問即時有冇位，個女職員就即刻話叫住佢哋話有，立即安排，唔使5分鐘就入晒有位坐，重坐埋原先話留返俾我哋哥張四人枱。問職員點解等咁耐都未安排俾我哋，個女職員突然發爛大聲話「你又唔係10幾個人，你夠人咪安排俾你囉」。態度差到咁，諗住開開心心餐飯，變咗乞食咁，如果同屋企人，或者情侶，又或者唔夠10個人，真係唔敢再嚟，恐怖嘅體驗。第一次去，好差嘅體驗