花漾

营业中

休息中

花漾海南雞飯 $98街頭雞鴨絲湯米粉 $86參峇醬燒豬頸肉 $88椰汁班蘭冰 $42薄荷青瓜梳打 $36🔸係times行街之後去食間新加坡菜，首先係皇牌花漾海南雞飯啦，一食落去肉質嫩滑，仲要好香噴噴。配埋嗰啲油飯，簡直絕配呀😛🔸跟住又試咗個街頭雞鴨絲湯米粉，湯底幾香喎，唔會太鹹。個米粉都煮得幾好，唔會爛。而雞鴨絲份量唔少😁🔸再講吓嗰個參峇醬燒豬頸肉，幾正！個豬頸肉燒得香口爽脆，加埋個參峇醬，香辣惹味，好開胃呀🔸最後飲品方面呢，我哋叫咗個椰汁班蘭冰同個薄荷青瓜梳打。椰汁班蘭冰幾特別嘅，甜而不膩，幾解渴。至於個薄荷青瓜梳打就清新爽口，夏天飲啱晒

我今日約同好友去位於銅鑼灣勿地臣街1號時代廣場6樓625-625號舖的花漾食下午茶，環境舒適，坐得舒服。我點左個 花漾海南雞飯拼白楜椒肉骨茶，追加小食 芝士蟹粉蟹肉焗酥盒（4件），餐飲係 熱桔仔話梅水；好友點左個 花漾海南雞飯，追加小食 咸蛋黃單骨雞翼（6隻），餐飲係 熱香茅鮮橙茶。花漾海南雞的雞肉嫩滑好味，啖啖肉好好食；肉骨茶的肉排軟腍好食，湯含白楜椒味好飲；芝士蟹粉蟹肉焗酥盒賣相吸引，好香口好味；單骨雞翼好惹味，桔仔話梅水好潤喉，香茅鮮橙茶好飲。

放假與家人去時代廣場食新加坡菜《花漾》餐廳環境優雅座位舒服。我們點左下午茶餐海南雞飯拼白胡椒肉骨茶 $98加$12海鹽雪糕珍多冰，去左骨海南雞肉嫩滑，配黑醬油、薑蓉、辣椒醬，提升美味，肉骨茶胡椒味濃有兩粒魚蛋好特別，海鹽雪糕珍多冰，鹹鹹地又甜甜地，口感豐富。巴東牛肉配班蘭椰漿飯 $72加$12美祿哥斯拉，巴東牛肉夠腍夠入味醬汁濃厚，少少辣辣夠惹味，綠色班蘭椰漿飯伴有炸魚仔、炸花生、青瓜、車厘茄、紫洋蔥好食，美祿哥斯拉味道正常發揮。芝士蟹粉蟹肉焗酥盒$75，蟹黃、蟹粉味香，芝士味濃，酥盒鬆脆，美味可口，值得推介👍斑蘭咖吔多士$36，多士烘得好香脆，斑蘭醬夾牛油片，甜甜香香脆脆。甜品：牛車水公雞冰$62，有三色芋圓、雪糕、紅豆、珍多冰、仙草，奶味香少少甜真不錯👍

搵位度：🌟🌟🌟抵食度：🌟🌟好食度：🌟🌟🌟🌟🌟喺銅鑼灣時代廣場入面都有依間裝修時尚，但係味道相當之正宗嘅新加坡菜。咁今日lunch呢都試咗幾味，主打嘅菜式啊，包括係佢嘅白胡椒肉骨茶啦，喇沙侵侵，同埋海南雞飯。先講肉骨茶啦，口味係相當正宗，而且舊排骨呢比起新加坡更加好食，特別係嗰兩粒仲連住條筋嘅大蒜，簡直同新加坡係一模一樣。不過我個人鍾意食黑肉骨茶多少少。喇沙方面口味都同新加坡食嘅一模一樣，爭少少呢就係冇嗰度食咁辣，唔肯定有冇得叫佢加辣咁我估計都係因應香港本地口味有所調整。咁海南雞飯一般呢都係比新加坡當地食更加滑嘅，咁佢又呢我就未算太欣賞香港有唔少地方呢都會好食過佢，但係總體口味上都係正宗。Lunch價格每份都要接近$100不過都有杯特色嘢飲可以飲。

呢間新加坡菜都幾正宗，一入到去覺得好有亞熱帶風味，裝修唔錯。我哋叫咗以下菜式：❤️牛油果青蘋果核桃沙律綠色嘅牛油果同清脆嘅青蘋果搭配，加上香脆嘅核桃，再加上酸酸哋嘅沙律醬，真係好有層次感。清新又健康嘅沙律👍❤️海南雞飯拼喇沙米線將海南雞飯嘅嫩滑雞肉同富味嘅喇沙米線融合，雞肉搭配七味醬，香氣撲鼻。喇沙米線則有濃郁的椰漿味，係正宗嘅馬來風味，特別又美味的佳餚。❤️斑蘭咖也薄餅熱辣辣嘅柔軟薄餅，揸上香濃嘅斑蘭味道，仲有椰漿嘅香甜，鹹鹹甜甜咁，好正👍❤️參峇醬燒豬頸肉豬頸肉經過參峇醬腌製，燒出嚟嘅時候更添香味，每一口都係滿滿嘅肉汁，美味！

花漾位於銅鑼灣時代廣場🤓成間餐廳個裝修都唔錯 坐落真心幾舒服而且啲嘢食都唔錯 對小編嚟講份量都真係幾大 🇸🇬可以話係一間幾出色嘅新加坡菜.🐷新加坡鹹蛋黃魚皮魚皮塗上鹹蛋黃醬搭配 酥脆咸香再配上滿滿鮮味飽滿的魚皮 真係好對胃口😍.🐷花漾海南雞飯拼喇沙米線把海南雞白切肉鋪在飯上 淋上雞油和薑蔥醬 伴以喇沙麵線 簡單又美味 肉質軟嫩 加上精甜鮮美的醬汁 入口即化 好好味😜.🐷新加坡炒裸條其實就係平時嘅炒貴刁 🤩 新加坡炒粿條出品足料 炒得乾身爽口 配合芝麻 花生 🥜 香咸滑甜一樣齊備個人覺得可以再多點辣椒🤣 （雖然小編本身唔係好食得辣） .🐷凍美祿恐龍食親馬來西亞菜或者新加坡菜 小編都好鍾意叫杯美祿恐龍🥸 因為凍冰冰得來又好飲 呢杯美祿恐龍非常足料 面頭有超級多波波🥳.花漾📍銅鑼灣勿地臣街1號時代廣場6樓625-626號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #銅鑼灣 #銅鑼灣好去處 #銅鑼灣美食

Vanda, one of the few Singaporean restaurants in HK, is a casual eatery with garden-inspired interiors located in Times Square. Visited before dinner hours to savor some of the Singaporean iconic dishes.Crab Vol-au-vent Buttery puff pastry filled with black fungus, crab meat, crab roe and cheese. Bite size. Perfect as a starter.Noodle in Curry SoupA variety of toppings including shrimp, chopped squid, duck slices, tofu puff and veggies. Flavorful soup with balanced curry flavor. The mix of egg n

餐廳：花漾地點：銅鑼灣時代廣場菜式：新加坡菜餐牌：茶餐11選一，有多款飯粉麵，配冷熱飲品9選一，可以加錢升級餐飲。另外仲有小食同甜品。另收加一。花漾海南雞飯 $78 另加一海南雞有脾有胸有翼，份量都唔少，雞皮滑而雞肉頗嫩，配上三色醬比你自己調味。伴有青瓜四舊解膩。雞油飯大大碗，濕潤度剛好，味道唔錯。仲有一碗魚蛋蔥花冬瓜湯，味道鹹香，冬瓜味濃，原來入面有脆口八爪魚粒，仲有彈牙炸魚蛋兩粒。新加坡大蝦喇沙摻摻 $78 另加一新加坡大蝦喇沙可以揀摻摻或者米線。我地揀左摻摻。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣辣地好惹味。配料有去殼凍蝦兩隻開邊，彈牙炸魚蛋三粒，炸魚蛋有好多條，豆卜4件，同半隻糖心蛋。其他配料仲有爽口芽菜，少少通菜同洋蔥絲，加上脆脆，口感豐富。街頭雞肉串燒 $80 另加一街頭雞肉串燒一客4串，啖啖肉好嫩，個黃咖哩汁好濃味。伴有半粒車厘茄，青瓜幾塊同紫洋蔥。另配惹味參峇醬，令雞肉更惹味！班蘭咖吔多士 $36 另加一班蘭咖吔多士一客四份，係兩塊麵包份量。麥包整得好香脆，入面係一片厚厚牛油同班蘭咖吔醬，食落甜甜地，係一

餐廳環境都幾大幾開揚 充滿空間感同埋舒適感花樣海南雞飯海南雞份量都幾足幾大份肉質不單止好滑 仲幾鮮嫩多汁 平時都好少食到咁juicy嘅海南雞而旁邊配有三款唔同既醬汁(醬油，辣椒醬，薑蓉） 口味各有特色 我自己就最鍾意甜甜地嘅醬油個餐仲送左一碗湯 裡面仲有彈牙既魚蛋添！參峇醬燒魔鬼魚魔鬼魚魚質原來都幾滑 香辣嘅參峇醬十分惹味 風味十足尤其係times square黎講 花樣定價好親民 menu食物種類繁多 一定會同朋友再訪！

呢間我有時中午會來食午餐，唔平但坐得舒服，食過Laksa同海南雞飯都正常。 於是乎今日晚餐都來幫襯，冇套餐就散叫，點知一試其他野就中伏。 又話個蘿蔔糕係推介，超級難食！！！ 每舊都好硬， 完全冇蘿蔔味，成口硬粉，唔知係個廚師唔識整蘿蔔糕，定係放雪櫃雪左一個禮拜，雪到乾晒先拎出來煮……仲要暖暖地咁上都唔熱既，收百幾蚊碟，都離晒譜！ 個蝦面，個湯淡，唔香，有幾片開邊薄蝦，明顯水烚冇味，仲要蝦腸成條見到晒😓貴夾唔好食，唔會再幫襯！唔怪之得時代廣場冇咩人變死場，餐廳都差都咁😔

行完街見到vanda門口幾靚座位幾舒適 入去試吓先食星馬菜必點😃斑蘭咖吔多士多士非常脆口 咖吔好香好甜 ✨ 招牌新加坡大蝦喇沙 摻摻喇沙湯底用上多種香料 味道濃郁豐富 又有椰香味配料有好多 有大蝦、魚蛋、魚片、芽菜、豆卜、烚蛋面底係滲滲 油面加米粉 吸晒湯底嘅香味 好食😋✨ 花漾海南雞飯拼白胡椒肉骨茶雞肉肉質非常嫩滑 點醬油、葱油、辣醬好惹味配埋油飯一齊食非常完美白胡椒肉骨茶 藥味香濃 ✨參峇醬燒豬頸肉份量很多 肉質嫩滑 燒得剛剛好 豬頸肉充滿肉汁 點上酸辣汁更加惹味

今次再次黎到花漾，裝修精美，鋪面開揚，有卡位，職員充足，傾計一流今次我哋嗌咗二人餐，包括前菜，小食，主食和飲品，有好多嘢食，好抵食櫻花蝦柚子沙律首先前菜係柚子沙律好開胃，櫻花蝦炸得香脆香辣大蝦串燒(5串)大蝦串燒大大仔，本身唔辣嘅，另外配有xo醬，加埋一齊食更嘢味無骨海南難海南雞好滑，啖啖肉，配有海南雞三色醬，每款醬都有唔同嘅口味，雞油飯都好香，好正宗馬拉盞通菜馬拉盞通菜炒得好香，通菜都好新鮮，大大碟新加坡咸蛋黃單骨雞翼另外我哋再加咗個鹹蛋黃雞翼，雞翼開邊，炸得香脆，外面有濃濃嘅鹹蛋醬，好邪惡但好好味 😆美禄哥斯拉 & 藍莓巨峰梳打嘢飲大大杯，顏色賣相都好靚，沖得好好

今日出咗去銅鑼灣同朋友行街買嘢， 行下行下已經到tea time 時間， 超肚餓， 經過見到d 間餐廳餐牌d 新加坡菜幾吸引， 下午茶都幾扺食.我叫咗－個餐，約$100 -個餐， 價錢算合理， 另外再叫多個芽菜同斑蘭咖吔多士.海南雞飯拼白胡椒肉骨茶：因個人唔鍾意食油飯， 職員俾我改白飯， 海南雞份量多， 雞肉肉質鮮嫩， 唔鞋口， 就咁食或者沾其他醬汁－樣好味😋😋白胡椒肉骨茶: 白胡椒味重， 飲完好暖身， 好味斑蘭咖吔多士： 即整， 個多士好脆， 加埋斑蘭醬夾埋－齊食， 甜甜地怡寶芽菜： 新鮮， 條條都爽甜， 推介白咖啡： 提神之選整體上， 環境， 服務同食物質數都唔錯， 下次再encore ❤️

約左朋友食lunch又要諗食咩？仲要落雨唔想行甘遠，黎到時代廣場既花漾係不錯既選擇！座位又闊落坐得舒服♥ 海南雞飯拼白胡椒肉骨茶 $98海南雞唔使問一定係必嗌！雞肉嫩滑，點埋三色醬(黑醬油、薑蓉同辣椒)送飯食一流，我就最鍾意點黑醬油黎食，配上淺黃色黃油飯夠哂香份外好吃，依份係雙拼，拼白胡椒肉骨茶，蒜味十足又重胡椒味感覺好暖胃！♥ 新加坡白胡椒肉骨茶 $78朋友話半份肉骨茶唔夠，要單獨solo多一大碗☺️ 呢個本身冇跟飯嘅，湯入面一大舊蒜頭🧄超足料仲有好多件排骨滿滿肉可以食埋。鍾意食辣嘅仲可以令外加埋辣椒落去，油炸鬼香脆燉湯一齊食岩哂☺️♥ 斑蘭咖吔多士 $36咖吔多愛好者，唔食主食都一定要嗌咖吔多🤣🤣呢到厚厚一塊牛油🧈超邪惡🤭 加埋斑蘭醬甜甜地多士外脆感覺好味道♥ 咸蛋黃單骨雞翼 $68哇超濃郁既咸蛋黃醬包滿雞翼！熱辣辣入口，單骨雞翼食起黎較方便更入味

適逢亞女生日，即係媽媽受難日。老公就請咗假，趁阿女返學，就同我出去食個午餐。裝修都唔錯，幾靚。所以就揀咗呢間新加坡嘢食。我就叫咗個炒貴刁，老公就叫咗個喇沙。老公見到有螄蚶，話好耐冇食過，特登叫咗一份嚟食。炒貴刁我要求加多咗辣粉，有鑊氣好食嘅。螄蚶我試咗一隻，哇，好腥呀！睇嚟我都係唔啱食！我老公嘅評價就係，醃得麻麻。其實我仲有叫熱嘅拉茶。可惜我覺得茶味唔夠，感覺似係一包粉沖出嚟嗰啲。究竟幾時先至可以飲到水準好好嘅奶茶😩