芽莊越式料理 (順安閣)

营业中

休息中

本身都幾鍾意越南菜，之前食過番茄蟹肉檬粉都好好食！今次叫左豆腐素撈檬，加埋d汁，好清爽好食！秋葵蝦沙律真係好多秋葵😂不過清清地幾好食！軟殻蟹卷好香口，青檸梳打都好飲！

每次下班都會經過這家越式餐廳，而且總會聞到很濃的香味。所以一直心思思想來吃一次，但奈何午餐時間很多人排隊 ... 最後找了一個晚上來吃！感覺吃越式料理的話便要點 - 椰青 ($48)喝起來很清新可口～還有很多的椰青肉可以吃的耶西貢牙車快 ($82) - 其實即是越南沙律喔！不過當中的雞肉有點乾，吃起來也柴柴的 ... 最底下那個像蝦片的有重重的黑芝麻香，但一點也不脆。整體吃起來很清新都是因為有大量的菜而已!?河內雞絲粉 ($75) - 相比前者的沙律，這個的雞肉較為嫩口。加了大量的蒜片～湯底很濃郁，但確實要說的話覺得偏鹹了 ... 順化辣牛肉湯檬 ($80) - 這個湯底也濃還帶著辣味 .. 說是牛肉，其實這碗內有的是牛腱、札肉～感覺很豐富！檬粉吸收了湯～吃起來十分惹味。

週末黎到太古，見到芽莊有越式法包而吸引左黎。我係越南食過法包之後念念不忘，豬肝醬口感幼滑、味道濃郁嘅感覺，完全印左喺我味蕾深深嘅記憶之中揮之不去，唯有睇下香港有無地方令我回味到果份越南嘅滋味。不過鑒於我地兩個食咗豐盛嘅早餐，呢餐唯有扮細食嗌少啲。軟殼蟹米紙卷一睇樣都見到呢間米紙皮好通透，但佢又唔係浸太耐變得軟爛果種皮，保持到煙韌度，但又唔會太厚。呢間嘅軟殼蟹一流，外皮酥脆，內裡又有滿滿嘅蟹膏，蟹膏嘅香味一直停留係喉嚨椗唔散，掂！另外欣賞嘅係佢嘅青瓜粗幼適中，無刨成絲，保留多左水份，一咬落去就爆啲青瓜汁出黎，青瓜嘅清爽中和番濃味嘅軟殼蟹。記得要點埋佢配既醬汁，酸酸甜甜，又有少少蒜頭辣辣地，更加refreshing！生牛肉河河粉滑口，湯頭清澈唔油膩，但又充滿住牛肉嘅精華。牛肉唔算好滑果隻，但咬落都重牛味，而唔係牛膻味，有咬口但又唔會成口渣果款。整體不錯！越式法包法包烘得微溫，外皮酥脆，內裡都唔會乾柴咁，個包算唔錯。內餡其實都唔差，只不過比起越南，佢嘅豬肝醬味道無咁突出，總係差啲野咁。不過不失，暫時止住少少口癮先。整體芽莊都食得過嘅，食物ok，座位坐得舒服，玻璃多令光線透射入黎，鋪面光鮮令人

Waited half hour for my takeaway, and I told them please don’t put coriander and green onions but when I got the food there are chopped coriander and green onions in my noodles! Bad service!

午飯時間，在極多上班族放飯的太古坊區真是人山人海。朋友提議行過近太古住宅區這邊，其實人也是多，但餐廳大一點，較易揾位，這間越南餐廳有電子攞位系統，等位的地方又較開揚，我們約於12:30來到，又不介意搭枱，所以等了約五分鐘便有位。我之所以覺得不太傳統，是因為這個越南春卷内有蝦。其實是好味的，但就是一個改良版、豪華了一點點，但就離傳統遠了點點。而燒牛肉撈檬，好味，牛肉厚身，大大塊，調味也好，但也是偏離了傳統，加了菠蘿，味道不算夾，不過，不會難食，大大碗，絕對夠飽。Pho可以說是越南的名物，朋友點了生熟牛河，又是豪華了的一碗粉，味美，但不傳統。也許因該食物的價格偏貴，所以出現了這種改良了的越南菜，但我更愛較地道那種。

我約咗朋友三大一細, 星期一夜晚去芽莊食過晚餐。芽莊炒飯加咗腸仔, 蛋同菜。 味道唔錯,都算大份。 另外我哋都叫咗雞肉串燒雞肉好滑好多肉。 正。賓海豬肉卷。我就覺得比較普通。 仲叫左個燒牛肉沙律 燒牛肉份量多, 嘅同埋青瓜洋蔥味道唔錯埋單三百幾蚊, 我覺得坐得幾舒服。臨近收工十點鐘, 店員呢就會收拾檯面。但佢哋都唔會趕你走。

太古呢間芽莊每日lunch Time都超多人，一到1210已經要排隊😨 所以今日特登早左去到，1200達陣😆 一入去坐低waiter就話一個鐘頭內要交枱~ 每次食芽莊都會叫好多小食，佢嘅炸軟殼蟹卷好正! 但今日lunch time 好飽，只系叫左撈檬~~我同朋友各叫咗燒牛撈檬同埋燒雞撈檬👍🏻佢哋撈檬有好多配料，花生，紅蘿蔔絲，酸蘿蔔絲，青瓜，薄荷葉等等。 好豐富!!食得出佢嘅牛肉，係啱啱燒起。一碗大概有四條烤牛肉，咬落去肉汁好豐富。

星期五由7點等左20分鐘就有位喇。5個人會俾你圓桌因為大家都好肚餓, 今次叫左2碗生牛肉粉, 1碗煎蝦撈檬, 牛肉沙律, 牛油雞翼牛肉沙律係好多牛肉同好好味, 牛油雞翼一如以往熱熱地大大隻, 煎蝦檬都唔差, 得2隻蝦比較難分, 生牛粉食剩半碗

好少寫食評，今次真係嬲嬲地!1215pm入去, 要我坐正門囗張枱但當時根本冇乜客! 我要求換枱但被拒絕(原因係滿座!) 吓滿座? 算! 諗住唔好影響人地管理模式, 算!坐左唔夠5分鐘, 有－行11位客人入黎, 個高級waitress要求我換枱, 就係換左我入去之前個waiter話full哂既吉枱囉! 我真係著左火!最後, 朋友決定轉場！

因為年初3同星期日, 都冇麥邊間餐廳好揀, 就黎左呢度叫外賣拎走我本身鍾意食越南牛河, 呢間可謂係附近最好食既一間, 但價格亦係最高既今次都係叫左生牛肉河同雞翼, 本身想叫小食拼盆但只有串燒類。 餐單設計十分難理解, 分類古怪, 圖片好多但菜式名好細隻字生牛肉河已經分好湯同麵, 而青檸, 辣椒圈都有附上, 湯底一流, 牛肉都係高質之選, 河粉好滑好薄牛油雞翼係雞中翼 , 有跟醬汁同青檸, 炸得鬆脆香口, 但如果係雞全翼就更好雖然食呢2樣食物已經係滿分, 但如果有其他同樣美味既食物供應就更好, 而價格真係偏貴, 自己一個人好少會食外賣盒要加3蚊, 外賣包裝精美

喺差唔多全個太古城嘅餐廳都要等位嘅情況下，見到呢間有位，估佢應該好食有限，但因為唔想等，最後都決定一試。結果直覺係冇錯嘅，真係要信人流，食完之後決定以後都唔會再幫襯。

今日由朝食越南嘢到晚下午食咗公司附近間芽莊本身想食生牛肉雞絲湯河，點知咩雞絲都冇所以被逼叫咗生熟牛河湯底仍然係咁香濃上面有大量料頭如蔥，洋蔥同九層塔因為湯夠熱，所以生牛肉上到枱面嘅時間都熟得七七八八另外點咗牛油雞翼今次得兩個人食，所以一人可以分到兩隻唔知點解次次食親，我隻雞翼都係斷骨要小心翼翼咁食，如果唔係拮親咀自從上次食咗九龍城果間就覺得芽莊嘅牛油然翼唔係咁出色呢道芥蘭係必叫item雖然佢係白灼，但有花生櫻花蝦加埋一齊食夠香，推介

今天去到太古，好耐未食過越南嘢，便同同事一起食番餐先。我就叫了一碗生牛肉河粉，每次食都覺得特別好味。尤其是個湯底，足足飲了一大半。㗕番正題，牛肉夠鮮味，很爽口，值得讚！河粉方面，很滑，和分量剛好，不太多亦不太少。我下次食越南嘢必定首選這間。

星期六放半日，同老公去吃午飯，大家好耐無食越南菜，芽莊又近家，叫老公先去攞位，放工去到就不用等位。芽莊去過銅鑼灣及太古分店，始終太古覺得較好，無論服務、環境、食物。 點餐時間到，老公叫了最普通的生牛肉湯河，本來自己想叫撈檬粉，但在菜牌見到有個飯好多料（名稱不記起）就叫來試試，等候上餐時間不太耐。生牛肉湯河無得輸，湯濃配料足xx飯同預期差一點，香茅豬扒大件好味越南凍咖啡幾得別個人評分食物：B服務：B環境：B

昨天下午去食我最愛的蕃茄蟹檬，結果，碗細左，檬粉少左，蕃茄湯底無茄味，湯淡如水，完全破壞了我對這個湯檬的期待！不能再差下去，希望佢會快的改善！這樣的價錢，完全不值得！