芽莊越式料理 (順安閣)

营业中

休息中

今次係最長的WFH足足三個月，家中少爺廚藝點會唔好呀完全突飛猛進👍🏻，人就自然肥咗，所以今日開完OT要行下郁動多啲，當然要出嚟消費出進經濟效益(希望⋯🙏）今晚想再去試吓芽莊（其實響2年前來過，因為覺得一般所以冇寫食評）看看有冇進步先，定已經退⋯我哋大約8:25才到餐廳門口，侍應都會提一提要用酒精搓手液同探熱才能進入店內，環境衛生，詢問侍應邊款撈檬好味，他推介三文魚撈檬，果然冇介紹錯，一等再等食完頭盤炸春卷再食埋個上等手切牛柳湯河再飲埋杯凍飲嗰撈檬都未嚟，果然寶物沉歸底！三文魚撈檬一嚟到嘅時候已經聞到片片炸魚皮味道，食物香脆又唔醒，果然冇介紹錯！但係因為最後上菜所以成碗撈檬係食唔晒嘅，希望下次唔好要客人等候超過20分鐘😫限量嘅上等手切牛柳湯河肉質非常嫩滑細緻，味道清甜！炸春卷分量十足有三件每件都大大嚿亦有好多配菜跟住，唔會好似一般舖頭得一兩塊生菜，佢有大量生菜同埋有青瓜仲有酸嘅蘿蔔絲，十分抵食😀問題隨即在返到屋企之後就發生，勁頸渴😤又係落咗大師傅⋯

呢間餐廳係我公司樓下，乾淨，企理有空間感，坐得好舒服。所以我哋Team Lunch 有時都會揀呢間食㗎!今次又係team lunch 去食嘞！佢最好食嘅就係番茄蟹檬粉，好足料，蕃茄湯底又惹味，不過今次我轉下口味，叫三文魚撈檬，唔駛等好耐已經嚟咗啦，佢嘅份量無欺場呀！有兩大舊煎三文魚！煎得香香脆脆，唔錯呀。因為我要減肥要食好嘅蛋白質，所以三文魚撈檬真係一個唔錯嘅選擇！佢煎條三文魚好靚，唔會乾爭爭，又唔會搞到成個檬粉油淋淋，所以都好健康呀，檬粉份量都唔少，加上食完兩大塊三文魚都飽飽地！食唔晒啲檬粉！ 呢間餐廳性價比高，值得多多幫襯，唯一唔好係樓底低，如果遇著隔離個枱既人講嘢大聲，就有啲嘈。不過食物份量同質素攞滿分就已經好足夠啦！

湊巧行開去太古城肚餓，見到有間地舖門面看起來不錯，等了半小時左右就有位入去坐了。入到去叫了個前菜小食，忘記了叫甚麼名字...類似是避風塘的風味，有炸豆腐、有炸香菇、以及沙律菜。炸豆腐很乾身，不油膩。炸香菇有驚喜，外表都是乾身的，但咬落入面好juicy!!主菜叫了咖喱三文魚扒，三文魚扒的魚皮也煎香了，咬落很香脆，不是那種軟笪笪的。咖喱亦不是我們食開的日式或印度咖喱的味道。朋友說其實越南人沒有吃咖喱的習慣，應該算是創意菜式。另外叫了一碟蒜蓉包，本身打算用來沾咖喱汁的，但發現蒜蓉包本身很香脆，單吃的話反而食到蒜香味，味道更好。

一家歷史甚久的店，有好幾家分店，大眾化越南餐廳的好選擇，有少少質素又不會太貴環境又親民。秋葵蝦棗，有素有葷，平時吃多蝦餅魚餅的話，以這道菜替代一下，最適合不過。沙律不過不失，不會和預期的差很遠。撈檬也是預期的味道，燒蝦稍為烹調得過老，不過這就是一貫的水準。咸檸檬梳打好像是越南餐廳必點的飲品。2人光顧，點餐如下：秋葵蝦棗撈檬-燒蝦撈檬沙律-墨魚昆布沙律凍青檬茶梳打-咸檸檬梳打加一後，合共HK$389。

話說四月中某天，因為在家工作關係，午餐可以推遲至下午茶時段先食。結果2點多去了太古的芽莊食下午茶。點了套餐，有豬扒撈檬拼牛油雞翼，都只係$7x。重點係食物水準好高，豬扒同雞翼都新鮮炸起，而且檬粉加了香草令佢清新好多。感覺廚師係用心做的，讚👍🏾

因為近日天氣熱，到午餐時都唔係咁想外出食飯，今日同事叫外賣自取，問有無興趣試下「芽莊越式料理」，見未試過就幫襯下。餐廳外貌都不錯。外賣精選分為四大類，包括米飯類、撈檬或青瓜麵類、湯粉類、沙律類。今日試咗個撈檬，包括椰菜絲沙律、香煎墨魚餅、香茅燒雞撈檬。先睇賣相都擺放得美麗香煎墨魚餅食落仲有暖暖地，內有墨魚肉，香茅燒雞外層有香濃香茅味，雞肉嫩滑，美味撈檬上有花生碎加蘿蔔絲，加上撈檬汁，非常易入口，熱天必食「芽莊越式料理」嘅外賣都保持到質素，有機會一定要去試下堂食

三月中朋友約我去呢間越南餐館傾野，佢介紹我食呢個番茄蟹湯檬，自己食牛肉湯檬～當晚人不多，只有4、5枱客，大家都擔心疫情嚴重，正直海外港人回港高峯期，都很理解食物一陣就送上，一開波試啖湯，一係極度鮮味，蟹膏蟹水令湯底非常美味，份量亦很不錯，可能當晚人不多，就算只有一個服務員都能很快回應到食客，態度亦好，環境清靜，適合傾野！因只有2人，叫到既菜式不會多，希望疫情舒緩後，揾晚約埋多d朋友試下其他菜式！現在各行各業都唔容易！香港人大家一齊加油

講到越南餐，現時周圍都食到，但做得好，都係比較少。芽莊雖然有好多分店，但係每一間水準都做得好。今次試左個牛肉串撈矇，材料好足，個牛肉串烤同調味都做得啱啱好，唔會話好乾定冇味，好多越南菜式既細位都有做到。總括而言，保證食完一定飽同滿足。👍

今日難得可以準時收工 當然又係去搵食既時候！今次黎左依間係太古既芽莊！叫左3樣野 一碗牛肉河粉 一碟沙律同一個紙菜卷。沙律酸酸辣辣咁好開胃，食既時候配上豬頸肉簡直一流！河粉既湯底好正 唔會好濃 亦都唔會有好多味精既感覺，牛肉是一舊舊細小的 和平時一片片簿既生牛肉唔同。至於牛油果紙菜卷就一般，牛油果好少，好多菜同粉絲，有啲似食緊粉絲卷既感覺。整體黎講係好食既 值得一試！

成班姊妹叫外賣做宅女開心之餘都唔想食勁heavy。搵到個好好既選擇。六個人一人一個撈檬，再加啲小食。除番開每個人百六蚊，仲食淨少少野。加上撈檬本身凍食，就算有人遲到都唔驚凍哂。不過最唔抵係外賣盒，三蚊個都偏貴，不過我都明用外賣盒係好唔環保。擺到成枱都係，加上佢食物既樣又幾靚，睇到好開心！我個人試左以下幾樣野：會安軟殼蟹卷 - 一向都係米紙卷既粉絲，而佢整得幾好既，料夠多，而米紙都包得好穩陣。越南蜜柚燒大蝦沙律 - 柚好甜，又有啲越南香草，係成晚我最鍾意既餸菜，都推介俾健康人士！燒蝦撈檬 - 又係燒蝦！因為蝦低脂肪高蛋白，係做gym人士既佳品。加上呢間個蝦都大，亦唔會燒到乾哂。佢撈檬份量大，好夠飽肚。芥蘭苗同蒜子炒通菜 - 兩樣都係為健康而叫，不過不失。

今日同客戶開完會，一齊食午飯，次次都食中餐，今日試新嘢-食越南嘢食一邊，講好開心，仲有好多正野食蝦餅好彈牙及有蝦味春卷配菜及五層鎝，好正炸軟縠crab就無乜味，但係好脆既果然係限量制，牛丸好彈牙

星期五食晚飯，當然想搵坐得舒服既餐廳。特登7pm就去食飯，果然唔洗排隊。呢間餐廳上次已經到訪一次，但上次只係食咗一個撈濛，感覺普通。今次嗌咗幾個小食，全部都好好味，感受到餐廳既廚房有用心製作，喺租金昂貴、轉檯要快先生存到既香港已經買少見少。最驚喜係蓮藕魚肉夾，加咗dill香草提味。Dill本身就適合加喺海鮮，味道好夾，但竟然喺越南餐廳都會食到！牛油雞翼都好香牛油味又無雪味，好多越南餐廳都達唔到水準，但呢道菜我地都好滿意。不過最失望喺嗌咗杯牛油果沙冰，感覺好似飲緊紙皮沙冰咁（好淡而講唔出係咩味）不過值得一讚係餐廳用環保紙飲管！走塑真好：D但可能就係因為咁，無味既牛油果沙冰變成紙飲管味，哈哈。$48一杯既飲品可以用心少少啦！anyway，總括嚟講食得好開心，因為幾樣嘢食都好好味～

美味的越南菜。經常會光顧這間越南菜，本人覺得十分美味，呢間係比較濃味既越南菜，湯底都非常濃郁，而且每道菜都係整得咁出色。今次我會推介既係越南番茄蟹檬，基本上每次黎食都必點，因為我真係覺得好好味，首先佢個湯底係濃濃既蕃茄湯，本身就咁已經好好味，但佢裡面仲有滿滿既蕃茄同埋有蟹腳煲埋一齊，飲落去係超濃既蕃茄蟹湯，加上扎肉同埋蟹肉丸同埋檬粉，非常美味，如果喜歡食辣既話依間仲會提供辣椒可以自己落，不過落一粒就夠，因為呢度D辣椒都幾辣下，一粒就會食到辣味，另外仲有提供青檸，鍾意有D酸味既人可以擠DD落去。

I ordered shredded chicken and cabbage salad. Half way through, i found long hair in my salad. Their staff offered to remake the salad but i opted out for beef pho.

本身都幾鍾意越南菜，之前食過番茄蟹肉檬粉都好好食！今次叫左豆腐素撈檬，加埋d汁，好清爽好食！秋葵蝦沙律真係好多秋葵😂不過清清地幾好食！軟殻蟹卷好香口，青檸梳打都好飲！