芽莊越式料理 (新城市廣場) (已結業)

今日兩個人去食，叫左個越式春卷，一碟唔知咩葉包牛肉，同埋我嘅至愛香煎釀墨魚，三樣都超好味，尤其是個牛肉卷，啲牛肉好林，淡淡肉，一流！春卷水準一如既往非常好味，墨魚餅就係我最愛，口感一流

2021.03.31 芽莊朋友想食越南野，我地三個覺得lunch set 唔吸引，齊齊叫反蕃茄蟹檬。唔知點解我個碗甘少蕃茄，朋友們都有兩大舊，我得一舊野，傷心。除左有半隻蟹之外，佢個湯都有好多蟹肉碎，兩大個蝦丸，同幾片扎肉。蟹就...咬唔到黎食。蝦丸好味，檬粉爽爽地，湯好甜，一路食一路飲。

放工返到屋企太攰，想叫下外賣，第一時間諗起呢間餐廳嘅蕃茄蟹檬好正，令人回味，其實已經encore左好N咁多次😍🍅蕃茄濃湯有蕃茄蓉，不僅含有豐富維他命C，有抗氧化作用，會增強免疫系統，開胃，放工係時候食返d野補充一下體力。湯入面有幾片扎肉，兩至三粒混合既丸類，唔係蝦丸咁簡單，有一大舊蟹腳，仲有少少蟹肉碎，鮮甜美味。而且份量很大碗，飲埋湯已經好滿足。蟹係我至愛，加埋一齊食簡直係最強拍檔😋口感豐富，食完咁好味既河內蕃茄蟹檬，心情愉快得多，值得推介給大家。

我個晚食咖喱牛腩飯，就黎老到好似舊膠咁，仲要係每一舊都咁老，老實講唔expect舊幾水會好好食，但呢個真係太老，我去唐記買個30蚊牛腩飯都無佢咁老。雖然咖哩係幾香，但牛肉太過份。

2021年復活節長期， 香港人冇得旅行， 唯有找越南， 泰國， 日本。。。。韓國食物解饞。今天約朋友出沙田，早上 11：20已有食客在餐廳門外排隊，等候11：30開門。（😐又遇到有長者插隊。 ）量度體溫後， 服務員非常有禮帶食客入座。1） 五花腩撈檬五花腩不乾， 有肉汁， 好像香茅味烤得香， 如豬排。撈檬加配越南酸甜汁， 絕配。2）順化辣牛肉湯檬不辣， 有牛， 扎肉。-3）軟殼蟹米紙卷軟殼蟹夠脆， 只是米紙卷有d乾身。餐廳環境整潔， 員工非常勸快有禮， 讚

週末在沙田hea，難得想食越菜，於是就到《芽莊》一嚐美味但可能餐廳人多，相對較嘈吵，似足普通酒樓環境，略失色。做個健康的寶寶，點了一份炒芥蘭，配上少少蝦乾仔和花生碎，增強口感，又不失原有的芥蘭味《芽莊》最著名就是燒牛肉，所以小食方面都點了一客香茅燒牛肉卷皮薄餡靚，牛味香濃， 十分可口。煮食方面，就是一碗河內雞絲粉配牛肉湯雖然有芫荽，但不失我倆對雞絲粉的愛。一絲絲的雞絲不會「鞋口」，十分嫩滑。另一碗是河內番茄蟹檬雖然聲稱用海鮮濃湯炮製，但是偏偏蕃茄喧賓奪主，變成蕃茄濃湯而缺少海鮮味， 略為失望。但仍要讚的就是，蟹肉份量相對多和十分新鮮

而家因為疫情，旅行嘅期變得遙遙無期，唯有間唔中去返想去嘅國家食下啲，解下旅行癮之前同朋友去過越南，覺得當地食物十分好食，最重要係掛念旅行嗰時嘅無憂無慮一於嚟食返餐越南野先牛油雞翼相信冇咩邊個唔鍾意食，炸得非常香脆，雞肉亦唔鞋我哋都嗌咗越南牛肉河粉，同埋鮮蝦濱海，又會河粉湯底都鮮甜，牛肉無咩渣同肥膏，不錯不錯 去到追加左一客炸蝦片，揸得香脆唔油 like! 到法包嘅時候，我哋已經好飽但係佢真係太香脆，內裡的料也十分豐味 係我在越南最喜歡的食物 忍不住也成份食埋

我較為喜歡撈朦，可以自己加醋，魚餅雖然只是炸，但我覺得夠厚身，同春卷一樣即炸，並非炸定，芥蘭苗亦不錯，不過總覺得餐牌太少選擇，我相信越南菜可以多啲款式，坐位都算舒適

早前去新城市食lunch 去咗芽莊食越南🇻🇳野 我揀咗溏心蛋燒香茅豬扒飯 小食就揀咗牛油雞翼（2隻）野飲要另加錢所以我飲水就算 呢個午餐盛惠$95 越南菜🇻🇳黎講真係頗貴😩 但我個飯一黎到我就好失望 個賣相好唔吸引 難聽啲講仲衰過出面嘅茶餐廳😭食落都無咩特別 個飯仲有啲乾 所以無下次🙈

去過好多間芽莊，時不時就會去，一個月都可能去三次，真係好仲意。唯獨是沙田呢間次次食完都肚痛。一個人去，每次只會點蕃茄蟹湯檬＋飲品，就只有沙田呢間食完兩三個鐘後仲要食止肚痛丸！職員好好，再忙都好有禮貌，食物水準比其他芽莊較為飄忽，碗筷乾淨，但食完佢碗粉就會肚痛。呢個情況發生左兩次，兩次都係搬左位後，搬位前無呢D問題。唯有幫趁其他分店啦

自從餐廳搬左去第二個舖位後，今次係第一次再黎食。餐廳座位都幾多，裝修佈置同舊舖差不多!雞絲湯河，湯底的味道比以前淡，落點青檸、辣椒會更美味，雞肉份量都幾多，但整體覺得麻麻。生牛肉湯河，湯底味道都係比較淡，但係因為牛肉都有味，所以為這個湯粉加添了一些牛肉的濃味!越式炸春卷，從前炸得脆口，味道又惹味，但是現在炸得唔脆口，而且比較油，餡料亦比以前少了!香茅燒魚，仲記得我第一次食果陣呢款魚好好食又大條而且多肉的，但這次食到的是細條又冇咩肉，而且魚肉好乾好鞋口，完全唔好食!估唔到食物差左咁多，之前好中意食的我應該都唔會再黎食啦!

因為天氣乾燥，所以想食有湯汁嘅晚餐，最後揀咗呢一間餐廳食。Order了生牛肉河粉，原本想將河粉轉為湯檬，可惜地餐廳不提供這樣的選擇。。。有點失望。整體來說湯底不錯，清淡而有味道，生牛肉沒有太大驚喜，不過不失。不過環境不錯，坐得舒服，也不狹窄👍🏻如果是和朋友來gathering，也不失為一個好的選擇。另外叫了青檸梳打，買一送一，很化算。味道清新又不會太多糖漿，從而不會遮蓋青檸的鮮味，值得一嚐！弓

6點幾黎食晚餐，一黎就可以坐卡位，好舒服，不過唯美中不足是冷氣太凍，各位要帶定外套喲～我哋3個大人，叫左3碗越南河粉，一碟炸春卷，一碟芥蘭，一碟炸軟殼蟹，真係好飽，好豐富呀！碗越南河粉真係好滑，湯底夠濃郁，加上佢俾啲青檸，即使係半粒都好大粒，榨啲青檸汁入落碗粉，香味提升，真心推介任何一碗越式河粉，正!另外，包住炸春卷的生菜夠大片，而且炸到金黃色，好香口，好味! 碗生菜入面仲有2塊青瓜，好少餐廳有，哩度唔錯，我本身都食生青瓜，所以喜歡喲～此外，軟殼蟹都算抵食，八十幾蚊隻，話晒係蟹呀嘛！加上，哩度服務又唔差，俾足一人一本餐牌，又加水，上菜又快，今餐好好味呢！

芽莊必點三樣菜：生牛肉河、燒豬排撈檬、熱情果芒果沙冰！越南生牛肉河啲牛肉嫩滑，湯汁鮮而清，熱騰騰的湯絕對可以滾熟生牛肉，唔洗擔心唔熟唔衛生。燒豬排撈檬豬排香而嫩滑、易咀嚼，一定要落多啲桌邊酸而開胃嘅撈檬汁！啲配菜例如紅蘿蔔絲同生菜絲撈左酸汁之後好似醃菜咁juicy！最後壓軸嘅係鮮為人知嘅熱情果芒果沙冰！雖然價錢貴，但係係正宗即磨鮮甜呂宋芒果！口感綿密而冰涼，絕對唔係出面嗰啲膠味芒果，而且同撈檬好match好夾，係炎炎夏日消暑解渴嘅聖品！

#芽莊越式料理 --越式料理同泰國料理既味道相近同樣地會落好多香料食落都係酸酸甜甜甘小編都幾推薦呢間餐廳因為佢既食物熱辣辣同味濃💗串燒燒得夠惹味，醬料香辣，好好味而芥蘭用炸蒜片爆炒得好香，但有小小苦澀蒜蓉包唔會太硬，搽左好多蒜蓉，好滋味‼️西貢牛腩浸得好淋，入口即溶而且加左好多調味料，味道濃郁，配飯一流