蘇記清湯腩 (已結業)

蘇記是一家知名的餐廳，他們以提供美味的清湯腩而聞名。我強烈推薦他們的崩沙腩粗麵，這道菜絕對能滿足你對美食的渴望。崩沙腩粗麵的牛腩非常腍口，肉質鮮嫩多汁，入口即化。每一塊牛腩都經過精心烹調，肉質柔軟，完美地吸收了湯汁的味道。搭配著粗麵，這道菜的口感十分出色，麵條彈牙有嚼勁，讓人愛不釋口。除了美味的牛腩和粗麵，蘇記的湯底也是這道菜的亮點之一。湯底濃郁而鮮美，充滿了牛腩的香氣和口感。每一口湯都帶來滿滿的味道，讓人彷彿置身於一碗溫暖的美食之中。蘇記的清湯腩絕對是一道令人垂涎的美食。無論你是牛肉愛好者還是喜歡品嚐濃郁湯底的人，這道菜都能滿足你的味蕾。蘇記以新鮮的食材和獨特的烹飪技巧，將這道菜做到了極致，給你帶來一次難忘的用餐體驗。總而言之，蘇記的清湯腩是一道令人難以忘懷的美食。崩沙腩粗麵的牛腩好腍，麵條彈牙，湯底濃郁，每一口都充滿了美味。無論你是在午餐還是晚餐時光來品嚐，這道菜都能帶給你愉悅的味覺享受。

【黃大仙區】【蘇記清湯腩】不嬲新蒲崗都多餐廳選擇，上次同大家探討咗一間以人情味同平靚正掛帥嘅茶記濃姐茶餐廳。今次就去佢轉個彎，相隔三四個舖位嘅另一間餐廳「蘇記清湯腩」。顧名思義，佢就係食清湯腩嗰啲粉麵店，入去喇。雖然我去嘅時間係平日下晝，但係估唔到都幾乎冇位，得返一張枱，睇佢唔出。坐低咗之後就睇 menu 啦，估唔到呢度除咗清湯腩之外，仲有水餃、咖喱同埋潮式滷水嘅系列。有時餐廳都好難獨沽一味，唔係好快食厭。首先食吓佢哋啲招牌嘢先啦，粉麵類應該冇錯架喇，$68 嘅「牛三寶」好似唔錯，有牛腩、牛肚、牛筋，叫做可以試到幾樣嘢。牛腩都幾多肥膏，不過佢切到一格格咁，好易就食多咗油脂落肚。味道上都唔錯，都有牛味嘅。成碗嘢都幾大碗，個麵底我配「粗麵」，正正常常啦。由於係下午茶時段，所以可以唔使錢有嘢飲送，幾好。嘢飲方面我揀咗「凍檸茶」走甜，唔算特別嘅普通茶記飲品。食完呢份就食多樣嘢等件事圓滿啲，好啦，就食佢。叫埋 $78 嘅例牌「滷水鵝片」，啲鵝片都係正常地好食，個汁嘅優勝而處係唔算鹹，食落肚幾舒服。食完夾埋個價錢係 $146，咁樣食法就唔算好貴啦，又牛又鵝。呢間嘢聽講取消咗八達通付款，所以係只收現

好多人在等位，決定外賣2碗牛腩米，電視有推介。牛根腩好肥，湯頭覺得甜，吃着吃着有條頭髮，頂呀！太肚餓了，決定夾走頭髮，照食啦。點知越抓越多毛，都唔知糸咩毛髮，好嘔心呀！問你還敢邦襯嗎？以後電視介紹的都要諗還，可能收左$邦手做媒。

我本著一試的心態來試吓這個清湯腩，一見個價錢已經嚇一跳，在新蒲崗吃碗粉也這麼貴，心想可能都有質素。我叫了碗招牌牛三寶河粉，怎知嚟錯咗麵底，我叫左店員講返比佢知，佢哋一句「唔好意思」都冇，仲游說我要左佢，我費事嘥野於是啃咗佢，點知一夾，個麵係硬的唔散開，我又同店員講，佢只係講係個麵冇打散到，又係一句「唔好意思」都冇。整體來講，d牛腩夠腍，但係d滷水偏咸，加上個麵底和服務咁，完全唔值$68，我試過一次就夠，冇下次！

今日去附近商場行街，決定食埋晚餐先走，新春期間好多餐廳冇開，見呢間小店門口有告示話會派飯俾基層，決定入內支持一下餐廳主要係賣清湯腩，潮式滷水類同咖喱類 。。咖喱崩沙腩（$68）入到餐廳已經聞到好香咖喱味，所以試下。咖喱係偏向港式風味，有青椒紅椒洋蔥等配料炒香，微辣又夠香，好惹味。崩沙腩入口軟腍，呢碗大部份既崩沙腩仲連住橫膈膜，牛味香濃又肥瘦適中，好食。但美中不足係有幾片只係得肉…咖喱可揀配飯或麵，我選擇左粗麵，以為係一碗乾既粗麵，但原來都有湯。。牛三寶（$68）家人揀左配米線，有牛腩，牛筋，牛肚。我試左一片牛腩，入口油脂夠香，牛味香濃，口感有層次。滷水豬大腸（$32）份量合理，大腸都夠肥美，不過略嫌滷水唔夠香同有點咸總結：牛腩好食，環境舒適，店員有禮貌，值得一試

由尖沙咀搬左黎新蒲崗呢間清湯腩，只賣兩種牛腩，崩沙腩同肥牛腩另外有牛肚，牛脷，牛丸，牛筋，可跟麵底，亦有淨食牛三寶可以試哂牛腩（崩沙腩），牛筋同牛肚仲有咖喱同滷水類，一樣可跟麵底同飯底仲可以揀滷水小食，水餃==========今次試左：🔹淨崩沙腩 $98有蘿蔔同芥蘭墊底黎到時候份量有d 嚇倒，多得好緊要😂😂 最少有廿舊，舊舊大細都差唔多==========首先，我本身唔食芥蘭，但佢呢個芥蘭真心好食，揀手既嫩芥蘭，唔苦，浸左湯之後好甜，最後食哂😁==========蘿蔔又係高水準發揮，鮮嫩多汁完全冇渣，煮既時間夠長舊舊都夠腍，吸哂湯之後好鮮甜，因為太好味，所以嫌3舊太少啦😩==========到主角崩沙腩真係不得了，煮既時間又係好夠，肉質鮮嫩夠腍，肥瘦適中，肥膏非常甘香，配搭辣椒油一齊食真係絕配，大大碗食到捧住個肚走😋🤤==========呢個價錢有呢個份量，性價比係極高，食一碗頂到兩餐，抵食細食既，一碗3個人share 都得；利申：我大食🤣🤣

晚上十時多在新蒲崗放工🏃，仍開門的餐廳不多，附近都是茶記為主🥱，唯這間賣牛腩飯麵，決定一試。------------------------------咖喱🐮坑腩飯+凍奶茶走甜（$73）------牛坑腩外表無奇，但口感爽口，牛味重，份量都很足夠，十分有驚喜！級數絕對比起外面一般粉麵店高一個檔次。------咖喱偏稀，但味道不錯，偏辣（小編喜愛🥰）------凍奶茶走甜不過不失，接近關門時間，茶味仍然濃厚，加分！價錢相比附近食肆來說偏貴，但味道和份量搭救，物有所值，當然不能天天吃😝

同太太食左牛腩米同咖喱牛脷飯肉好足料好多，性價比唔錯，味道都幾好食。想食牛值得黎試其他未試過，會再黎。飲品種類好多，咸檸7，五穀雪山特飲，酷脆火山特飲，杏霜，erc

此間粉麵餐廳店，由尖沙咀呢個高級遊客及寫字楼辦公室地方，搬到新蒲崗嘅平民百姓就近工廠區嘅地段落户開舖，因揾食肥華知此店在尖沙咀是一間名氣食店，而家咁近城皇廟於是在7月6日肥華就和靚媽到此店朝聖，首先望望個餐牌呢個種類食材粉麵價，可以講係非常進取，尤幸肥華點嘅牛筋丸河，及靚媽碗牛三寶米粉嘅味道都對得住呢個價位，绝對抵食而個蘿蔔就清甜味美單論蘿蔔係水準之作，可惜浸蘿蔔碗湯就俾靚媽話味精極重，佢飲咗兩啖就有口渴反應，同時可能天氣問題碟鹵水荳腐食落有酸味，肥華向侍應姐姐反影後，換咗碟鹵水豬肚，但個味道肥華就嫌佢花椒八角味太濃，唔係佢差係肥華唔識欣賞此店個鹵水汁啫，總結此店在此區粉麵價位都幾嚇人，如無良好口碑經營都有風險，希望欣賞此店食品嘅顧客向親友推介廣傳，此店至有樂觀前境