英皇紅酒扒房 (已結業)

7個同事一齊食個lunch 係鰂魚涌7個人較為坐得舒適就係呢間都係不錯之選。地方都算闊落，長枱有8個位。午市套餐：帶子蟹肉意粉 $98包餐湯餐包同餐飲意粉帶子有2粒，細細粒，但都鮮甜，煮得岩岩好。蟹肉就普普通通，無乜味。意粉偏琳左d，無乜咬口。我隔離個同事都嗌同一個意粉，但佢就好多汁，我個碟就好乾身無乜汁。7個人嗌左7個餐，埋單$791。今日落大雨，因為餐廳坐位多，我地7個人lunch time坐耐左都唔洗俾人趕，可以坐到細雨d先走。

平日番工好攰想食個proper 啲既lunch食貴小小，黎到king’s ，好彩無伏唔會唔值依個價位.鋪面好大，可以坐到好多人下，今次黎到唔洗排隊等本來想要sea bass fillet同青口，可惜賣曬.蒜蓉包幾好，夠香脆，但紅湯味道好普通烤春雞配薯茸 $115多數人黎依度加上秋生介紹，所以都鋸扒但今次試下雞，食落都很不錯烤春雞配蜜糖芥末汁調味真係幾夾切開肉質好鮮嫩薯茸好好食，混左粟米係入面Lunch set 再配左杯熱奶茶份量好充夠，食唔曬🙈

星期日試咗Weekend Lunch Menu，餐廳CP值高🍽 美國厚切法式豬鞍配意粉 $15X煎豬鞍嘅火喉同技巧好出色！煎香焦脆嘅外表配上蜜糖芥茉醬，內𥚃肉嫩帶汁，而意粉係蒜香炒過嘅有誠意，口感亦剛好。整體賣相顏色吸引又美味！All Day Breakfast $7X呢個地區呢個價錢仲要係地舖，都係良心合理。份量滿足應有盡有，炒蛋有蛋香都嫩滑，其他配菜都合格，唔需要驚喜的中規中矩唔錯。餐湯跟個羅宋湯好濃味，刺激食慾好開胃！另外同行點左紐西蘭肉眼扒$15X都好見得下人。本來對紐西蘭肉質冇好大期望，但煎嘅火喉同技巧足以令我想下次再黎試牛扒！

扒房位於鰂魚涌和北角之間，午市一向人擠；可能受疫情影響，今日walk in 都有位。好同事選了午市套餐的燒豬脾配意粉，份量充足，賣相不錯；我就輕食一點，挑了比目魚配淨菜，估唔到塊魚咬落去非常新鮮鬆脆，擺碟也十分用心😀

以西餐嚟講lunch價錢唔係特別抵，lunch set有蒜蓉包，湯，main course同餐飲。個蒜蓉包好脆嘅，有紅湯／白湯，其他嘢食都冇乜特別，D朋友就中意食牛扒，我食個焗豬扒飯都幾夠味重好大份，但整體上以西餐泥講冇乜特別又唔係特別平每個餐都90以上，不過如果想唔想太嘈同坐得舒服嘅話都ok嘅 。佢12點50分前埋單仲有八折

我又去King’s食lunch啦😆餐廳裝修唔錯就唔係第一日嘅事，但我今次坐卡座，先見到原來有介紹餐廳嘅Wine happy hour🤭睇落又好似幾唔錯喎﹗好吸引😲😲今次我想食得light一啲，所以order左個三文魚扒配檸檬牛油汁伴帆立貝配薯菜。三文魚口感好嫩滑，煎得香口唔會腥，但可惜我覺得魚肉無咩鹹味，差左少少…雖然有sauce可以點，但我都係覺得味道偏淡。帆立貝則不錯，口感好，火侯剛好，內里juice、軟綿綿。我反且覺得薯菜幾好味，鹹度適中、又香。配少量蔬菜，好健康。

今日約咗朋友食午餐，一個係鰂魚涌返工一個係北角返工， 最尾大家揀咗個中間位，就去咗呢間餐廳試吓。朋友一早已經book了枱不用等了。我由於已經食咗早餐，所以午餐時候唔係好肚餓，所以我就揀咗個沙律。呢個係牛油果薯仔沙律，裏面就當然有牛油果薯仔啦，仲有蘋果同沙律菜，不過就唔係好大碟而且收我70定$80再加一我覺得比較貴朋友想食呢個牛扒配意粉，佢話味道都普通啦，呢個好似110左右，我覺得偏貴

今日放假朋友約我食lunch，所以黎左給英皇紅酒扒房食我地各自叫左個lunch set。餐湯都係㨂羅宋湯，味道香濃，而且酸酸地好開胃😋飲完都覺得唔夠喉😂法包烤得好脆，牛油味香而且濃，啖啖都食到牛油香味主菜黎啦！朋友揀左香煎紐西蘭肉眼扒配燒汁佢話塊扒煎得幾香，而且juice又唔會過熟我就揀左美式BBQ醬豬肋骨醬汁香濃、肉質嫩滑，雖然唔係一切就離肉，但都煮得好淋。而且肋條都幾長，份量夠多，唔使擔心唔夠飽食物味道好好，而且坐位寬敞、坐得舒服。不過朋友話呢間餐廳如果無book枱就要靠彩數...因為成日都full，好大機會食唔到🙈🙈🙈

星期一去左英皇紅酒扒房食lunch，我地一人一個lunch set：香煎紐西蘭肉眼扒配燒汁今日餐湯係磨菇湯，磨菇味幾香，口感幼滑。牛油法包好香脆、口感唔硬，牛油味香且重，搽得均勻，每一口都食到牛油香味牛扒雖然唔算好厚，但份量都大件，煎得幾香，而且火候控制得幾好，唔會過熟。由於我怕肥，所以走了薯仔、飯、意粉這些澱粉質，只要了蔬菜😂整體：味道唔錯，幾好食。坐位都坐得舒服。Service都好好。可惜餐廳較嘈，唔方便傾計，而且無book枱好大機會食唔到😂

和爸爸去晚餐，我們也比較喜歡西餐，但就吃的食物各有不同。因為我不吃澱粉質，而且比較喜歡吃肉類，而爸爸就比較喜歡吃海鮮，更是無飯不歡。這間餐廳提供不同的食物，也能夠迎合我倆不同的口味，最重要是味道很不錯。值得推介

•總括黎講，這家扒房很好，只是牛扒不夠熱及我點的是5成，但好像7成一樣。•因我點的是二人餐，還有個卡邦尼意粉，這個卡邦尼意粉好食，因為有一個太陽蛋放在上面，攪拌後食特別有層次感。•蘑菇忌廉湯，好喝，有好多蘑菇蓉喺度極之有口感，味道適中。•最後，不得不提的就是生蠔，要另外點，好似係176元4隻夠冰凍，非常極之好食鮮甜•服務就不過不失啦，因為我覺得如果講到服務方面，最主要就係唔好妨礙客人嘅用餐。•另外二人套餐會有兩杯飲品，第一杯點左雜果賓治不錯，第二杯點左熱檸茶。

好耐之前睇新聞 出爐影帝黃秋生推介呢間扒房所以就約同事嚟試食係中午時段都較多人 所以都比較建議大家要預約好多選擇 好多都好想試 但都係叫咗牛扒肉眼啦！好有牛味 煎得好香 五成熟 我好喜歡 大家要試但係個配菜有小小凍左 小小扣分！而餐湯都可以 不過不失 都足料嘅同事試左ribs! 燒得好靚啲肉唔算黐骨 十分好！BBQ sauce 都好惹味而佢個薯蓉都係一大賣點！有小小薯仔粒 好有口感 絕對唔係現成溝水嗰啲！而個鮮茄牛舌焗飯都做得好出色！不過我個人覺得90蚊性價比唔算好高！Overall 我都覺得呢間可以encore!

同事因調動，今日last day,我地決定同佢食餐好既！這間餐廳，入面都算幾大，由於我哋一早已經訂了位，所以一到便可以立即入去了，午市套餐總共有七款，包一個餐湯和蒜蓉包，主菜和餐飲，價錢由$82-133不等。而我今日點的是香煎紐西蘭肉眼扒配蒜蓉汁，配薯蓉，點餐後五分鐘左右便上湯，有白湯或紅湯的選擇，我點的是白湯，很欣賞他們的白湯來的時候是夠熱度，而且蒜蓉包脆，隔了10分鐘便上主菜，上菜上得很快👍🏻主菜的肉眼很好吃，吃到差不多尾聲時，服務生還會很主動問餐飲，用餐後還有時間可以休息一陣才回公司上班，很值得食昵！

萬聖節果時去左呢家開張不久既扒房，試下佢地既萬聖節套餐.....首先要講既, 係佢地好有誠意既南瓜盅!! 餐廳將南瓜中心掏空, 再於表面雕刻成可愛表情, 感覺好有氣氛.餐牌上既名都好有心思 例如獨眼龍(估下隻眼係咩黎geh!👉 好喜歡dr strange 啫喱, 大針筒內有荔枝, 芒果, 青檸味各二, 好有gimmick 😂.菜式質素如一般茶餐廳, 前菜沙律菜不夠新鮮, 蠔戳破後有腥味, 我沒有吃. 但蠔上有橄欖砌成蜘蛛, 倒挺像真湯一般, 面有蝙蝠形的麵包浸滿湯; 我覺得還可以, 但友人將其撥開了, 沒有吃下去.味道是一般, 偏甜, 可材料很足.焗葡國雞同紅酒牛尾都只有三塊, 半個拳頭大小下面就係蘿蔔, 茄子, 脆肉瓜 -- 好在有南瓜頭頂住. 旁邊有六塊baguette, 挺好吃的, 可蘸湯或主菜的汁.紅酒牛尾完全無紅酒香 上菜好快, 應該唔係即刻整既值得讚既 係牛尾炆得好稔, 但筋位亦不失咬口還是甜品的趣味性夠安慰.

我地食情人節飯餐廳, 位於鰂魚涌, 出左地鐵(C出口)行5分鐘左右就到, 餐廳佈置同燈光好有舊式扒房嘅感覺, 好classic懷舊feel.餐湯係忌廉湯同蒜蓉包, 湯就普通啦, 包就略嫌太硬太脆喇, 好似食緊薯片咁XD 脆皮德國鹹豬手(伴薯條；配餐湯，咖啡或茶)德國鹹豬手佢已經幫我地切好左好方便 (豬手通常好難切><) 豬手皮厚薄岩岩好, 最緊要係炸得夠脆好易咬, 豬肉亦唔韌, 而且幾大份, 2個人share都夠食!薯條亦要講炸得好脆好大條, 薯仔味都幾重, 好有以前去扒房鋸扒時嘅味道! 鮮茄汁大蝦意粉 (配餐湯，咖啡或茶)另外仲叫左個鮮茄汁大蝦意粉, 意炒份量唔算多, 反而鮮茄汁嘅量就好多, 所有每一啖都好夠味, 蝦有5隻仲要好大隻好多肉, 食落酸酸地好開胃, 唔會覺得好heavy!心太軟 (朱古力) 伴雪糕甜品就叫左心太軟, 唔似一般食到嘅心太軟咁, 食到中間會流哂D朱古力醬出來, (我都有奇怪係唔係俾錯左野XD) 佢係好似朱古力蛋糕咁, 食到中間會有少少朱古醬, 唔太流心, 懷疑因為朱古力未融得哂XD, 配埋雪糕食就唔錯嘅, 不過單食就好似普通朱古力蛋糕咁, 所以