英記麵家

营业中

休息中

牛雜加雲吞河粉，份量好多，炸雲吞有埋啲蝦子，好香好脆😍😍！牛雜亦都好夠味😍😍店家好細心，見到我啲河粉索晒湯，主動問我要唔要加多啲湯，夠晒人情味😘😍😋

每一、兩個星期就要去食下，如果唔係就會心思思好掛住碗牛肚麵。每次食，水準都係保持到，一定滿足地離開。牛肚爽淋適中，麵底彈牙、湯底好味、辣椒油也夠香。服務態度友善。地方整潔。雖然高街有很多餐廳，呢間絕對係成條街我最常幫襯的一間。未試過，又黎開附近，就一定要試下。我只係去過食午餐，每次坐下都很多人叫外賣。咩人都有。有中國人也有外國人；有學生、小朋友也有工作人士或長輩。絕無僅有嘅地道風情小店，將來疫情過去，也值得帶來港旅遊人士去幫襯。

食過最好食嘅牛肚麵！英記嘅牛肚好香香料味（花椒八角）好入味同好平衡，最次去到水準都一樣唔會變牛肚唔單止入味仲好淋身，但又有返少少爽口亦都唔會有內臟味！麵底又爽又彈牙！

喺西環放工肚子很餓，咁就試下米芝連推介嘅英記麵家。5點至6點之間，唔知係唔係平日加上就閂鋪所以只有幾枱人。肚餓所以叫撈麵因為麵量夠多。牛腩撈麵 Stirred noodle with Beef Brisket ($53)叉燒撈麵Stirred noodle with Char Siu ($53)個麵鹼水味唔重，煮得偏向稔身，個人喜歡稔身！牛腩稔得黎有咬口，最重要食完唔痴牙。叉燒似係自家制，所以無燒味店嘅色水咁好，不過都好味。食完飽肚，有回味感覺。撈麵重有配埋嘅湯水，湯水嘅胡椒偏重。整體環境乾淨。

一間舊式既粉面店，從餐牌、裝修都感受到店既歷史，係中西區讀書既一定係陪伴住你成長既粉面店，點都估唔到佢會連續拎到幾年既米芝蓮。每次黎都係點：叉燒牛腩撈粗麵牛腩燘得又淋又入味加埋自家製叉燒，食肉獸之選！叉燒唔似港式燒味檔的紅油蜜汁叉，呢度既望落比教乾身，但入口覺得恰到好處，而且好有肉味👍🏻除咗牛腩同叉燒，都有其他出面粉面店比較少有既炸魚，炸雲吞選擇，另外佢地既牛雜都好多人叫架，不過我個人麻麻地內臟所以就冇試～

每次去英記都係為左食炸餛吞，多數都叫四寶河，因為兩隻餛吞份量咁咁好。今日去到又照舊叫四寶河，開始食一兩啖之後先發覺少左最鍾意嘅炸餛吞。我問佢哋依家四寶係唔係冇左餛吞，伙計答有，唔好意思落錯單，但絲毫冇意思主動補返俾我，因餛吞係我至愛，又唔使煮，我便要求補返。餛吞補返左，但令人瞠目結舌嘅操作來啦，伙計跟住由我碗中扒走一隻牛丸和一隻墨魚丸，我話碗麵我已經開始食左，伙計話唔介意佢食⋯我一直認為香港傳統小店只要食物質素好，服務不必強求，但係今次都算長見識，短期好難再幫襯第一篇review，紀念下呢個難忘嘅經歷

這兩天去幾個茶記都沒有吃到炸雲吞，好失望呀，這家英記收藏已久，點了叉燒麵，是竹昇麵，湯頭味道鹹淡正好，叉燒不算硬，味道總體正常發揮，不過一直想試試的炸雲吞也都沒有

見佢上咗米芝蓮 所以慕名來一試舊式粉麵店的格局， 簡單 整齊老闆和員工態度正常 好有街坊街里感覺同老公叫左 牛腩粗 牛雜河 淨炸雲吞 牛腩好淋好入味, 粗麵冇鹼水味,湯濃但個人覺得飲多兩啖會有點咸，份量足。牛雜乾淨無怪味，味道不錯但唔算非常入味，份量足。炸雲吞加碗湯， 雲吞有7大粒，味道偏咸，佢係炸定放係度， 所以已經係淋晒， 好失望。如果佢出餐前可以翻炸至脆口會好好多！由於大部分的食物都味濃， 所以碗淨湯變得出色，中和返之前既咸味。總結， 價錢和份量成正比， 味道偏咸，如果想試炸雲吞建議大家叫雙併麵， 不用叫淨雲吞。但如果佢仲係唔翻炸至脆，個人覺得可以唔食。 中規中矩，到此一遊。 不是街坊 ， 所以唔會特登再黎。

英記麵家 (English name: Ying Kee Noodle) seems like your typical noodle shop. But for some reason, it garnered a Michelin Bib Gourmand for the past 3 years. It's probably due to this, people from all over the city will search for this place. And it was on this day, boyfriend and I decided to give it a try.The restaurant isn't very big and is like any noodle shop in Hong Kong. With stools and tables on one side and the kitchen area where you see them making the food. The front has plastered several p

🐾 英記麵家 (西環) 🐾-牛腩米粉✔️$43牛雜河粉✔️$43叉燒炸雲吞麵✔️$48-牛腩米粉:牛腩炆得好琳，湯底都好入味應該加咗好多腩汁，落埋辣椒油真係不得了🤤🤤🤤有少少似滷水味，正👍🏻-牛雜河粉:牛雜好乾淨，冇異味，而且佢滷得好入味，湯底都係一樣嘅，都係一樣落辣椒油好正🤤河粉好滑，都幾鍾意食佢啲河粉👍🏻-叉燒炸雲吞麵 :由於叉燒同炸雲吞都係佢哋嘅招牌，所以我決定一次過嗌雙拼咁就可以識佢兩種味，叉燒就似係普通燒味店都食到嗰隻，但係炸雲吞真係好特別，雲吞好大粒！估唔到炸完點左啲湯都好好食完全唔會話淋左咁樣———————————————(非專業,完全跟據個人口味☺)食物:8/10環境:6/10服務:6/10人均消費:$50———————————————▪店舖名稱: 英記麵家 (西環)▪店舖地址:🔸 西環西營盤高街32號地下-----------------------

這家英記麵家，多年成為米芝蓮推介的餐廳。我們看了介紹便到裏面吃。我們叫了牛雜麵和腩汁菜心。菜心很嫩，再加上香濃的牛腩汁，很好吃。我叫了一碗牛雜麵，裏面有牛肚、牛肺、牛腸。每一種材料相信都經過多時的烹飪， 10分入味。牛肚，很有咬勁，濃濃的牛汁充滿了整個口腔。牛腸一般被視為不健康的食物，但它的油脂入口實在吸引，也顧不了那麼多了。面是值得欣賞的，他用的是廣東傳統的鹼水麵，面身幼，食下去彈牙。配上牛雜一起吃，簡直有一種難以形容的滿足感。

諗注今日無帶飯唔知食咩啦就去試下呢間野 點知返到公司一打開岩岩買既 又少 我仲要加菜 但得一半加菜明明寫10蚊收我21。問左佢仲話係外賣原來係每叫一個野食外賣加一蚊下次？無下次啦 咁樣

英記麵家相信會是西營盤人都會到過一次的地方，路過此地當然要登門拜訪。知道這裡以叉燒及炸雲吞聞名，友人卻又告知牛什也不俗，唯有點叉燒牛什河另單點炸雲吞同時享受；至於友人則點了牛腩河。先喝湯，嘿嘿，味精水。吃一塊叉燒，入口少甜，肥瘦適中，稔而不膩，是典型的梅頭；惟表面不脆亦無焦香，是其標榜的家庭式製法，是好是壞見人見智，筆者倒也接受得來。至於牛什，沒什麼驚喜，鹵水味比一般吃到的為輕，入味，足已。試一口友人的牛腩倒覺不錯，鬆化而入味，帶少膻香，無筋無渣，比牛什出色。重頭戲：炸雲吞。網上不少人均說這是必點的，要慳錢便索性點叉燒雲吞河，一舉兩得；但筆者怕炸雲吞浸湯以後會影響其發揮，即便選擇單點。雲吞有乒乓球般大，筆者小心翼翼的夾起，入口，凍的，完了。老實說是挺失望的，枉筆者苦苦期待著入口「咔嚓」的剎那，加三十元分開單點，換來的竟是過氣似的炸雲吞，簡直連酒樓的也比不上，實在豈有此理。我抱著打不死的精神，再夾一粒雲吞浸湯再吃。雲吞經湯加熱後反有少脆，真是哭笑不得。雲吞調味重，偏鹹，豬肉八分蝦兩分，蝦不爽，口感以稔為主......管它呢，反正凍就是死罪。推薦嗎？除了雲吞什麼都行，硬要試雲吞的話，點雙拼

係星期六既下午十二點半左右到達，店細細，眼看全店滿座，好彩有店員幫手搵到兩個位，總算唔洗等位！之後一坐底其實已經可以點野食，因為一早我就已經係Openrice到揀定要試佢地既炸雲吞牛腩米線，而我朋友就揀左叉燒牛腩河！兩碗都係滿滿既料，炸雲吞有成3大粒，炸皮入面有好多肉同一隻蝦（？）超級飽滿。我個人覺得整體鹹左少少，我食既時候加左少少紅醋中和反，都幾好食。但牛腩算一般般，湯底都無咩特別，我食到麻油香味😂而朋友嗌既叉燒，係絕對瘦叉，我個人比較鍾意食半肥瘦，所以我就覺得無甘吸引。

懷舊情懷香港麵店, 門外已飄溢著香港的牛腩湯味, 不過今天想試試它的叉燒湯米, 點餐時服務員會細心的問你 ： 要不要葱端上來的碗不算很大, 可是裡面卻盛滿了食物, 尤其是叉燒很多片, 雖然叉燒不是烤得乾身的那種, 不過肉質是偏瘦卻軟淋, 而且略帶甜味, 因為份量都比較多, 最後我都不能把它吃完 ~