英輝咖啡屋

营业中

休息中

行過牛池灣，知道黎緊就黎拆，去搵間懷舊茶餐廳食個lunch，有室內室外可以坐，室內裝修好有80年袋感覺😅😅有左個雞髀飯，味道中規中矩啦，玻璃櫥窗入面既面包就幾好味，而黎呢度既咖啡同奶茶亦屬於中上👍🏽👍🏽👍🏽不過我今日就想飲檸檬茶😅😅

既然係咖啡屋，杯嘢飲理論上係主角少奶既熱鴦入口，茶味啡味平分秋色，奶味亦唔會太搶，再加埋微微既酸口味，絕對係舊式冰室既味道！沙牛麵無咩沙嗲味，更莫講花生味，剩低既係些少甜咸味。不過牛肉爽有勁，唔係普通鬆肉粉貨色，呢個要👍麵係頂好既好味麵，食起身有種類似伊麵既硬感環境唔係其他即食麵既感覺。二道菜腸蛋無特別正常發揮，略嫌條腸比較淋。整體評分：飲品 - 8/10主食（沙牛麵）- 6/10二道菜 - 5/10環境 - 6/10氣氛 - 9/10 （懷舊村檔）

假期訓到11-2點，起身就同女友去西貢行，咁喺彩虹轉小巴入，上小巴前，就喺牛池灣附近搵下野食先，諗住食完先入去。牛池灣入面街市（唔係市政大廈個街市呀）見到幾間比較舊式既茶記，見呢間唔算多人，就入去坐。因為係第一餐，所以唔想食飯，就叫啲麵餐黎食。呢度麵類既常餐快餐都係嗰幾款，配搭掉黎掉去姐。叫左個沙嗲牛肉米線，同炸菜肉絲加出前一丁，配個磨菇奄列同腸仔炒蛋（連牛油方包）。米線同一丁都係同其他茶記差唔多，唔講咁多，反而奄列同炒蛋真係要贊，唔係出面啲普通茶記或快餐店既炒蛋，喺熟哂既蛋上面加啲蛋槳就算，呢度啲蛋真係好滑，岩岩熟而不流，面頭仲彈彈下又有光澤，真係好食好多，剩係炒蛋已經可以儲到回頭客呢度裝修仲係8-90年代風，可惜疫情要間啲膠板，影相既話唔多靚。如想試下舊式茶記既feel，同埋鍾意食蛋既，可以黎呢度食下。

彩虹英輝咖啡屋喺牛池灣文娛中心同街市附近，有一條牛池灣村，呢度除咗有露天街市之外其實仲有好多嘢食，其實仲有一間舊式嘅茶餐廳隱身起一堆舖頭入邊，呢個位置其實一啲都唔顯眼。踏入舖頭已經感受到嗰種懷舊嘅感覺，無論係牆身或者地下階磚都係歷史嘅見證。西式下午茶餐- 炸雞肶凍檸茶$37係先滷後炸嘅造法，入味但都係唔夠生炸好食😂薯條方便淨係用咗扭紋波浪粗薯條。最鍾意就係粗薯條，脆得嚟又啖啖薯肉呢個價錢唔同地方其實質素都算唔錯，想感受下懷舊嘅氣氛值得一試。

今次跟朋友行西貢嘅「釣魚翁」，由「五塊田」入，「相思灣」出，全程由朋友安排，就連行完山之後，午飯地點都諗好埋。由相思灣搭返巴士出牛池灣，放飯地點就喺晌街市附近嘅「英輝咖啡屋」。 雖然個名叫咖啡屋咋，其實喺地道嘅茶記嚟，晌門口都睇得出有唔少年日，入到餐廳內，唔使扮懷舊，牆身、地磚、卡位、時鐘……等等，都已經喺一派懷舊餐廳嘞！ 家下好多餐廳做防疫都好「馬虎」，見過唔少餐廳啲隔板「求其」到離譜，又細塊，又單薄，純粹做個樣，無實質作用。而「英輝」以茶記嚟講，算做足100分喇，一入門口有探熱機，成大大支消毒搓手液放晌枱面，卡位嘅椅背撐起一大塊膠膜做分隔。最搞嘢喺中間一字長枱，直情巨型膠膜隔開兩邊，跟朋友隔住膠膜對住坐，理論上，點傾偈都唔會「噴到口水」，哈哈！ 如果想坐得開揚少少，可以揀鋪前嘅位，明顯已減少枱嘅數目，增加咗啲距離，不過，間隔有限，唔安心嘅話最好揀番裡面卡位，坐得外面都喺啲單丁客。 如舊式茶記，牆上貼滿形形式式嘅食物，不過，亦有一張過嘅餐牌俾客人慢慢睇，顯示晒所有乜餐物餐，以及一啲碟頭飯，應有盡有。我哋去到時，接近2:00pm，老細好無所謂咁講，午餐、快餐、下午茶餐乜餐都叫得，當然，

順路經過彩虹， 入到牛池灣村本來想食出名性價比高嘅茶記， 估唔到今日咁多學生喺嗰邊，一於轉食其他嘢， 之前都食過嘅英輝，想當年食仲記得有個白頭叔叔， 無論任何時間，都可以食到中式下午茶餐，超級開心。時間飛去， 白頭叔叔已經不見了。今日去到， 果斷食一個午餐就係豬扒麵配 蘑菇炒蛋跟方包， 味道同以前一模一樣 ，麵質 比較淋身， 豬扒一樣咁有味，明明寫係炸豬扒但係出嚟係煎豬扒， 蘑菇炒蛋都係用雜菇， 性價比已經很高，33蚊嘅價錢食到已經很好。

英輝咖啡屋有別於連鎖式茶餐廳或咖啡店，她是一間位於彩虹牛池灣街市內富有人情味的舊式荼餐廳．　這裏門面乾淨整齊，內裏有白光管照耀著整間似是六、七十年代的老店，細窄的卡位、地磚、水吧、收銀、餐牌都是令人回到那些年的感覺，慶幸此"咖啡屋"没被時代淘汰，仍保留當年風味！ 這裏不需用作電影拍攝場地, 不需變成攝影愛好者的影樓, 維持現狀都已經很出眾了！　没有繁華喧嘩，没有人們擠擁的你出我入，只是輕輕鬆鬆、遊遊閒閒來到這街坊食店吃點東西，享受這裡的平淡，就是一種快樂了！有好幾個週未我和男友出發到西貢前都會到這裏填飽肚子 有次因差少少時間才到下午茶時段，但我卻很想很想吃中式下午茶餐，所以便試問侍應哥哥，他人很好，友善地為我們下單 等著等著的同時，見到水吧滿是蒸汽，師傅倒水到熱爈內是做茶吧、而另一邊站在收銀位置的老闆娘則悠閒地跟街坊聊天，見到有人進內便叫著招呼坐下，熟悉的更直呼名字，見到有BB的客人就熱心幫忙安置BB車到收銀處，而侍應們也不怠慢地奉上熱茶． 這裏工作的每個人都盡其職責，態度認真，而街坊的慣常光顧，老闆娘的好客，給予人自然温馨的感覺，充滿人情味！看著看著，不到一會，熱騰騰的迷你

又是出外吃早餐的一個早上，繼續吃牛池灣的茶記，上次吃了必發，今之就來吃英輝，此店子是要經過外邊一大段的街市的，早上八時街市已經是多人得幾近水泄不通，這個奇景，對我來說已經少見，真的大開眼界。店子不算少，有露天的位置，也有內堂，是日熱辣辣，當然坐進開大冷氣的室內，看店內古老的時鐘，及舊式無軟墊的卡座，就知又找到了一所老冰室，與一位看來是老街坊的伯伯搭枱，坐好之後，就點吃了，一看餐牌就呆了，除了早餐A至E之外，還有三文治餐、麥皮餐及豬扒麵餐等，加上早餐內同類形的食物可以互換以互相組合，如牛油方包可換作鹹薄餅，豬扒麵可換作沙嗲牛麵，煎雙蛋可以換作蘑菇炒蛋，所加乘起來的組合真的多不勝數。本人最後選了B餐，但火腿煎蛋改為蘑菇炒蛋，也可說成是要了豬扒麵餐，但豬扒麵改成了沙嗲牛麵，喝的本來本能上說了奶茶，但回想起此店子的名字既然叫作咖啡屋，但一於試試它的咖啡吧。先來的是蘑菇奄列及牛油方包，方包沒有烘過，但吃起來總算鬆軟有點包香，但牛油塗得太少，吃起來味道單薄；蘑菇炒蛋很明顯是蘑菇奄列，不是什麼炒蛋，加上還要是煎得過熟的奄列，內層一點蛋汁也沒有，外邊的蛋皮過老，加上店家下了太多鹽了，吃起來偏鹹，唯一的

原本又係蛋治+奶茶, 近來實在吃得太多蛋, 要停一天了, 於是叫了麥皮 + 菠蘿油(走牛油), $16! 侍應問我菠蘿包是否要叮熱, 我問....唔係新鮮出爐, 佢答 : 係! 咁點解仲要"叮", 如果係新鮮出爐, 就算凍了, 也一樣脆口, 鬆軟! 菠蘿包送上時....個子小, 一望便知皮唔脆, 一點"生氣"也沒有, 一啖咬下, 皮係薄薄兼軟身, 麵包一點也不鬆軟, 印象中, 近日食過既十間茶餐廳麵包, 最差係呢間! 吃了幾口已放下....輪到麥皮, 又係一望便知極稀, 沒有半點味道, 今天發生什麼事....? 為什麼要我浪費!

每次路過牛池灣, 梗會去買番幾個包, $1.5 又平又抵, 麵包又大隻, 涵料亦足, 不明白點解可以賣咁平.其他麵包亦只是 $2 至 $5, 食落絕對不是賣剩貨, 好食又抵食. 在老家深受大家寵愛的 "黑妹", 最喜歡雞尾包. $1.5一隻, 當然要滿足下佢. 滿足牠之餘, 當然亦可以滿足我們. 今日早餐蒸熱再食, 味道依然新鮮.

唔使補課,到彩虹一帶逛逛。但見鑽石人多,便移步到牛池灣搵食。牛池灣食肆不少,來這裡,純粹貪佢舊。點了沙爹牛肉飯,加杯凍好立克。先來凍好立克,飲落不夠味,較淡,但夠凍。之後來沙爹牛肉飯,食件牛肉,腍得恐怖,放落口不用咬,牛肉己經變成碎片,兼一大陣疏打粉味,當然無肉味可言,唯有食夠哂熱辣的飯。但漸漸,口中被疏打粉味充滿,使味覺麻痺,飲啖好立克,頓時變得淡而無味。冇辦法,今次唔比喊面唔得。

遠征前食個早餐，學cheap兄話齋，呢頭有不少茶記，之前已試過了其他幾間，今次就輪到呢間。真係好多選擇，什麼早餐、快餐、茶餐，仲有特別餐，超過十幾款選擇。我要了份三文治餐，茄蛋雙併及奶茶，三文治幾夠份量，雞蛋是厚厚的，不過麵包就麻麻，密度好大，好明顯有一個一個窿，而且質地較重較濕。奶茶還未隔得清，竟然有一粒粒細細的茶渣，茶味唔濃，又唔夠茶香，與傳統的港式奶茶有一點距離。老公要了個早餐B，有沙爹牛麵、牛油麵包、煎蛋火腿及奶茶。兩份餐的份量都唔算大，所以再叫了一份多士，多士又烘得唔錯喎，雖然是薄薄的兩片，但好鬆脆。

記得十多年前每日來這裡吃早餐\，今午舊地重遊，先坐下叫了一個下午茶餐\，火腿意粉、叉燒炒蛋跟麵包還有熱奶茶！先來熱奶茶，呷了一口,滿意！暫不談茶味如何，起碼夠熱，最怕\"暖\"…再談茶，我仍是滿意的，夠濃！火腿意粉上桌時也熱得冒煙！叉燒炒蛋嘛…一個字\"老\"，不好吃。吃罷環顧四周，地方雖舊但整潔，老板娘仍是笑容滿面的，跟老街坊談笑風生，一陣暖意上心頭…\"\"\"\"這個午餐\不太冷\"\"\"

夜晚要去牛池灣文娛中心看綵排﹐之前當然要醫肚。打算上牛池灣街市熟食檔﹐點知3樓全層裝修緊﹐無野食。仲以為要捱餓﹐幸好得到友善的街市員工指引﹐原來街市後的金池徑都有唔少食店。因為時間上都幾緊逼﹐又無諗過食乜﹐見有間叫英輝咖啡屋﹐就走左入去。呢間基本上係一間類似冰室的舊式茶餐廳﹐環境麻麻﹐不過殘舊得黎又幾有親切感覺。餐牌係傳統式“攝”於檯面玻璃底的﹐可見上面的電話號碼本來只有7個字﹐2字頭係後期手寫上去的。香港係幾時開始電話號碼轉為8個字﹖已記不起。速戰速決﹐要左$25 一碟咖喱牛腩飯連凍飲兼送中式餐湯﹐晚市黎講價錢實在無可挑剔﹐所以都有唔少街坊幫襯。餐湯鹹鹹地無甚味道﹐只見湯底有唔少胡椒碎﹐似以前的快餐店餐湯唔夠賣﹐加水後“加料”的做法。已經多年無飲過呢種“唔湯唔水湯”了。咖喱牛腩飯﹐飯同咖喱牛腩係分開上的﹐飯算有飯香﹐不過似乎略為硬左少少。咖喱汁唔夠濃﹐入面有青椒同洋蔥絲﹐顏色﹑質感至味道都似葡汁多過似咖喱﹐牛腩味香但頗韌﹐反而牛筋做得幾出色﹐可惜只有兩三塊﹐而薯仔則似濕水炸薯。呢個咖喱牛腩飯以今時今日的水準黎講﹐真係幾難食的﹐但難食得來又令人感動﹐就似食慣XTC的Vanillia M