茶墨 (已結業)

食完飯經過，又係時候食啲甜嘢，呢度係自助形式，有少量位置可供堂食，order完坐底等一陣就可以拎。士多啤梨雪糕奶昔 $52 鮮打士多啤梨，每一啖都係士多啤梨味，加埋gelato雪糕，質感幾rich，好好味！焦糖芝士玫瑰茉莉花茶 $38取餐時發現同圖片有啲出入，以為自己拎錯，店員話因為啲芝士奶蓋開始沉澱；玫瑰味比重多啲，可能奶味覆蓋晒茉莉味。清香柚子芝士蛋糕 +$32香滑芝士蛋糕，加入柚子果蓉，特別清香福岡芝士蛋糕 宇治抹茶 +$32超出預期嘅濃濃抹茶味，但又唔會搶哂本來嘅芝士味，推介！

茶墨(尖沙咀)茶墨飲品好靚，好岩打卡影相📸️麻糬芋泥苿莉鮮奶綠$42🧋🧋加芝士奶蓋$8水墨風賣相好吸引❤️❤️入面仲有我最鐘意的麻糬同芋泥，口感一流😍😍 煙煙韌韌嘅麻糬，十分喜歡😊😊仲有苿莉味香，加埋芝士奶蓋，味道再昇華👏👏熱紫薯鮮奶$37加芝士奶蓋$8入面有滿滿紫薯🍠🍠鮮甜十足❤️❤️再加埋鮮奶，好岩養身的你😊😊 芝士奶蓋有濃濃的芝士香，好夾😋😋朱古力厘芝士蛋糕🍰+$32芝士味濃郁❤️❤️仲有朱古力🍫香👍👍蛋糕好鬆軟😉😉餐廳環境🏖🏖：環境👍👍，可以一邊飲茶飲一邊傾偈，開心😊😊地址：尖沙咀彌敦道100號The ONE 4樓L411號舖整體評分：5/5味道：5/5抵食：5/5

未夠鐘睇戲又有D時間，簡飲番杯台式野飲就最正~係IG seach見到E間既出品咁IGABLE，咁就簡左佢喇~餐廳位於the one，門面簡潔，仲有約10個座位，除左有野飲仲有蛋糕同gelatos，其實好岩shopping到攰既時候坐下休息下~麻糬芋泥苿莉鮮奶綠-$42杯野飲一到手，真係令人愛不惜手呀，點解野飲都可以好似畫畫咁，咁靚靚既?而且杯野仲好好飲唔係得個樣wo，第一啖飲到苿莉味，但又唔會太過濃，之後再試下芋泥，唔係好甜同埋綿密，再試下麻糬，細細粒岩岩好飲管都吸得入，同埋麻糬唔會因為叫左凍飲而「un」左，攪暈左之後各個味道又好和諧焦糖芝士芒果茶(沙冰)-$46朋友叫既，我試左一啖，焦糖芝士奶蓋，有別於平時既奶蓋，佢係甜架，入口濃濃焦糖味，奶味冇咁出，芒果茶又唔會好甜，中和左個奶蓋仲叫左件cake(福岡宇治抺茶芝士蛋糕)- 跟餐價$32/單價$40抺茶唔會過苦，仲食到芝士味，而且蛋糕口感綿密

同朋友喺尖沙咀食完lunch，諗住搵個地方飲杯野同食甜品，發現The One的茶墨，裝修簡約，而且名字充滿詩意 ，俾人有一個舒適嘅感覺。茶墨嘅飲品都有好多選擇，平時飲珍珠奶茶多，今次就揀麻糬飲品，甜品有蛋糕，又有Gelato，真係有啲花多眼亂。最後朋友係抹茶控，揀咗凍麻糬抹茶鮮奶，福岡芝士蛋糕（宇治抹茶），我就揀咗熱麻糬芋泥茉莉鮮奶綠。等咗幾分鐘，飲品就好快整好了👍🏻店員叫我哋攪勻先飲。麻糬芋泥茉莉鮮奶綠，不單止有芋香味，入面仲有啖啖芋泥蓉，加埋有咬口嘅麻糬，真係好好味😋。我朋友嘅少甜麻糬抹茶鮮奶，有濃厚嘅抹茶味，抹茶鮮奶配麻糬比配珍珠好，好有日本feel，滿滿幸福感！而福岡蛋糕軟硬適中，芝士味和抹茶味兼備。今次冇試Gelato，味道好特別，有玫瑰、金莎……下次真係要試吓🥰

◾️◾️◾️ 【 ✨尖沙咀水墨畫風手搖飲品✨ 】 ◾️◾️◾️▎提供多款蛋糕低脂Gelato + 設有堂食👍🤓位於尖沙咀The One嘅呢一間手搖飲品店係我成日都幫襯嘅店舖之一🤓因為位置方便 有時喺商場樓上睇戲之前會喺度幫襯一下😋呢度有多款手搖飲品選擇 其中最signature, 莫非係佢哋嘅芝麻味飲品👍◾️◾️◾️◾️◾️ 【 General Info 】 ◾️◾️◾️◾️◾️▎Overall rating：7 out of 10▎Will Revisit?：Yes▎菜式分類：#mayfoodie_手搖飲品▎人均消費：Ard HKD 70▎地區分類：#mayfoodie_tsimshatsui ▎前往方法：尖沙咀The One 商場4樓其中一間店舖▎餐廳位置：📍 茶墨 (尖沙咀)📍尖沙咀彌敦道100號The ONE 4樓L411號舖◾️◾️◾️◾️◾️【 環境方面 】 ◾️◾️◾️◾️◾️👉Rating：8 out of 10餐廳位置非常方便商場上幾層扶手電梯就會到達👍你可以透過櫥窗玻璃睇到各式各樣嘅gelato 味道非常吸引😋最值得一讚嘅係餐廳提供堂食空間可以俾大家有一個地方休息◾️◾️◾️◾️◾️【 精選菜式 】 ◾️◾️◾️◾️◾️(1) ✨麻糬芝

尖沙咀行街行到攰攰，途經The One，我就試咗呢間在商場入邊的茶飲Cafe，見到有雪糕同蛋糕已經心心眼。😍我哋兩個人叫咗兩杯飲品，一件蛋糕慢慢嘆。1）麻糬芝麻烏龍鮮奶茶（$42）麻糬同烏龍茶本身都係我嘅最愛，加埋個賣相就唔捨得飲。真的是第一次見飲得的水墨畫，鮮奶同芝麻顏色上本身就已經構成好大嘅對比，再經過茶藝師精心調配之後就變成左一件藝術作品。濃濃嘅芝麻味配上烏龍茶，我都係第一次飲，加埋煙韌嘅麻糬就真係冇得輸。2）黑糖珍珠芒果鮮奶 （$42）芒果飲品就飲得多，配上黑糖珍珠真係第一次，一攞出嚟又係另一幅藝術品在眼前。呢一杯就變咗黑糖、芒果和鮮奶的結晶品。既有芒果香味又有一股黑糖味道，感覺獨特。3）福岡芝士蛋糕-宇治綠茶 （$32）日本芝士加上綠茶味，味蕾已經好滿足餐廳響商場入邊自成一角，行得攰坐低都可以好好休息一下，呢間茶飲店的確可以滿足到我要打吓卡之餘，仲可以Hea下嘅好地方。

呢間出名水墨畫風既手搖飲品一路都想試，因為我老公好中意芝麻製品，但佢真係好貴成$40杯好難買落手，如果唔好飲會想喊，為試一次揀阻呢杯麻薯芝麻烏龍鮮奶茶，杯野又真係幾靚既，老公話芝麻味都算夠香，但就唔夠濃，比較欣賞d 麻糬夠軟熟，唔會太韌，整體都ok，不過唔會成日買，因為太貴。

行街行到攰攰地想飲杯嘢叉下電呢一間茶墨正好提供左一個地方呢度嘅手搖飲品 除咗有常見嘅奶茶同冰搖茶之外 亦都有打卡able嘅水墨風茶飲點完餐之後 店員會俾部機仔到整好就會提示拎餐等嘅期間可以係側邊堂食搵個位坐低我就點咗麻糬，芝麻烏龍鮮奶茶麻薯煙韌 芝麻同烏龍茶比例啱啱好 無蓋過任何一方 亦都無奶茶咁膩朋友點左 紫薯 鐵觀音沙冰非常之有驚喜 首先沙冰低好fresh茶味好出眾 紫薯增加左沙冰 沙沙地嘅口感兩者溝埋異常地夾柚子芝士蛋糕本身好怕會好膩 但原來又係好fresh嘅甜品食落去好濃嘅柚子味但咬落係好creamy 嘅cheesecake 同海綿蛋糕餅底 唔會係死實嘅cheesecake 反而係好輕好fresh 嘅感覺 同平時食嘅芝士蛋糕係兩回事其實除左蛋糕 仲有gelato 下次一定要試埋佢飲完野食完甜品 就叉足電繼續行街🤭

男朋友陪我shopping，雖然我仲未血拼完，但見佢行到無晒力，估佢都要坐低抖下。見呢間茶飲有幾張二人枱可坐低飲下嘢，岩晒！設有開放式的泡茶區和意大利雪糕區，仲有個小小餅櫃，裝潢簡約，感覺舒適休閒。八類飲品有水墨風、雪糕奶昔、經典奶茶、乳香茗茶、焦糖芝士、冰搖茶、精選純茶和養生茶，我哋要杯熱花蜜人蔘烏龍（$38），暖笠笠。茶面有幾條幼幼地的蔘，真材實料，含在口中好甘香。茶色澤濃，茶味蔘味都有，仲有花蜜的甜美，甜度剛剛好，滋潤順喉。買飲品就可用優惠價追加甜品或雪糕，抵！我哋要杯雙球意式雪糕($50/追加價），揀了開心果味和雜莓乳酪味。兩款都好香滑，我就較喜歡開心果味，味道好香濃，啖啖都食到果仁香，如果混入一啲開心果碎粒就更吸引；男朋友就鍾意雜莓乳酪味，酸酸甜甜的乳酪再加酸咪咪雜莓粒，雙重酸，食落好fresh，好醒神。

輕輕鬆鬆三點鐘，下午茶時間梗係要嘆件CAKE，飲杯好野啦！😝係The One 行到累，難得見到一間係可以堂食既手搖飲品店——茶墨🧡個名好有詩意，主打水墨畫賣相既手搖飲品，仲有蛋糕同gelato 雪糕😋仔細一望，signature 飲品仲有我最鍾意既麻糬丫！🥳即刻叫左黎飲——麻糬芝麻烏龍鮮奶茶真係好似水墨畫，好岩女仔打卡，不過我覺得好都係可以自由選擇加/走cream、甜度、冰量🤍呢杯麻糬芝麻烏龍鮮奶茶既杯邊沾滿左濃郁既黑芝麻醬作為筆劃，記得要用飲筒將佢同d 茶溝埋丫😆茶味係淡淡既烏龍同埋香滑鮮奶，撈勻之後黑芝麻味依然突出，超正🧡最底既麻糬好煙靭，好有口感，有d 似以前許留山個種食緊小丸子,份量都幾多，飲完都仲差唔多十粒係最底😆另外叫左富士蘋果芝士蛋糕，每啖都有粒粒果肉，酸酸甜甜，幾開胃，同芝麻烏龍鮮奶茶係幾夾的～😋

係the one 開左好耐既手搖主打水墨風飲品每次去開都會買黎飲 睇得又飲得 今次同朋友叫左 麻糬 芝麻烏龍鮮奶茶呢到既奶茶可以揀 鮮奶/ 豆奶 我揀左豆奶 小冰 小甜 呢個芝麻味好濃 好似飲緊芝麻糊咁 同豆奶都好夾 下面既麻糬好煙靭 好有口感 黑糖珍珠 鮮奶鐵觀音都係叫左小甜 小冰 呢個珍奶 奶味較濃 茶味較淡 珍珠都好煙靭 整體黎講都唔錯 仲叫左件日式奶茶蛋糕黎share 食落好香奶茶味 個蛋糕唔會成甜 最欣賞個蛋糕底 食落有少少脆口 呢到仲有gelato 揀 仲要係低脂既夏天行街行到累 坐低食番杯雪糕岩晒

茶墨係幾年前嘅水墨畫手搖已經係好出名但一直都冇去試過🤭前排同朋友係the one 行街終於去咗飲😆🔸黑糖珍珠鮮奶鐵觀音 $37鐵觀音茶底好好飲,茶味好濃😚奶味就相對較弱🫢而珍珠就麻麻好食偏硬同少粒,唔夠煙靭⚫️上面嘅cream可以選擇要唔要cream🍦🔸荔枝冰搖綠茶🍵 $34荔枝味好出但綠茶味冇咁出😙飲落好清新~好適合夏天嘅時候飲😆🔸醇香紅茶意式雪糕 $29(追加價)好少見到有茶味雪糕仲要係意大利雪糕🇮🇹雪榚係低脂就冇咁甜😌而紅茶味都好出,真有驚喜😳而叫咗飲品加購可以減$10💦

唔知大家覺唔覺得喺條街度要等朋友或者要Hea時間嘅時候真係唔知去邊好，尤其是喺尖沙咀，周圍都好多人啲商場又冇座位可以坐🥹 呢日同朋友睇完戲，約咗人夜晚食飯之間有空檔，喺The One見到呢間茶飲店，裝修有少少日系，最好就係買杯嘢飲都有位坐！！所以我哋就喺度坐吓傾吓計先⋯⋯見到店內有幾幅掛畫圖片，係主打水墨風飲品🖤 我記得有個好鍾意黑芝麻嘅朋友，成日都提及呢間鋪話黑芝麻奶好好飲😆😆不過我自己麻麻哋黑芝麻或者麻薯，所以就叫咗杯焦糖芝士濃香鐵觀音茶🧋呢度嘅奶蓋好特別，芝士味好濃之餘仲有陣陣嘅焦糖香味～😳 同坊間一般嘅奶蓋好唔同，幾特別！另外呢度仲有低脂意大利雪糕，見到又口痕想食返杯🥹 仲要係低脂，食咗先算啦！我本身都好鍾意食GELATO🍨 但係出面食通常都係一啲比較奶味同好甜嘅口味～ 呢度難得有茶味嘅GELATO，所以一睇到就揀咗鐵觀音味喇！☺️

今日同朋友喺尖沙咀行街😊行到去The One，想搵個地方坐低傾吓計😍見到呢間啲嘢飲好吸引又有位可以坐下。所以就同朋友坐低傾傾食下雪糕飲嘢😚同朋友每人叫咗一杯嘢飲😚同埋一杯雪糕🍧飲品有好多選擇。不過我想清清地，最後揀咗焦糖芝士玫瑰茉莉花茶😚我好鍾意飲玫瑰嘅嘢飲🤣芝士同埋茶無撈埋一齊，影相都幾靚😍飲落好清香唔會話太濃。雪糕方面，平時成日都驚肥，但係見到佢係低脂雪糕，所以就俾機會自己試吓啦😍最後我揀咗草莓雪葩🍓雪糕好足料，入面都有草莓溶，因為係低脂雪糕，食多幾啖都冇罪惡感🤣🤣下次試吓其他味先買完嘢之後，店員會俾個感應器你，可以坐喺度等，整好就會通知拎，都幾方便。坐嘅位置都幾舒服同朋友靜靜地傾吓計。係一個唔錯嘅地方tea 1 tea👍🏻👍🏻見到呢幾張海報，下次都想試吓水墨風既野飲😌😌

下午茶時間係The One逛，發現由2樓起都比較靜，一直逛到上4樓，俾幾杯水墨畫風既茶飲吸引，有別於其他手搖飲品/台灣飲品既風格，吸引左我地去試下🥰🥰簡單點左兩杯飲品- 麻糬芝麻烏龍鮮奶茶🖤- 黑糖珍珠芒果鮮奶💛兩幅畫風真係不等了！唔捨得攪勻佢，不斷打卡影相😆我諗呢個做法真係完全自家製，好用心既設計，隱世左係The One既4樓🥰🖤特別推薦🖤用飲管吸麻糬好得意，好好咬口，而且每啖都有芝麻蓉，唔止飲緊一杯奶茶，成杯既口感都好豐富！我叫左少甜，個人認為少甜既甜度已經好足夠。另外叫左個清香柚子芝士蛋糕🍰- 我本身就係cheese cake控，今次呢款加左柚子，真係令個cake食落冇咁膩，好清新🥰整體黎講，環境、食物都好chill，除左飲&食，仲有埋打卡同視覺既享受，好有特色🥰我見佢仲有另外兩款水墨畫茶飲，下次搵機會都要再試埋😄