茶木‧台式休閒餐廳 (德福廣場1期)

营业中

休息中

好耐冇食茶木 行過見到裝修唔餐牌都唔同咗 就去試吓晚嚐二人餐有小食、兩個主食、餐飲 都係$298 起 叫左古早杏鮑三杯雞好香 勁多薑同蒜 配埋鬥九層塔雞都幾滑 係台灣既味道 烏魚子元貝手作麵除咗有兩粒大帶子仲有勁多配料 - 菜 、菇、 毛豆、紅腰豆食落口感好豐富醬汁有啲似明太子醬手作麵食落煙靭 仲俾醬汁包住晒啲香煎沙朗肉燥飯 轉湯米粉三件牛扒 肉燥 同湯米都係分開上 牛扒都幾重牛肉味 食落唔鞋口 米粉用新竹米 又幼又滑 四季青萱粒粒紅西柚茶轉左高山金萱烏龍 少甜 少冰飲落真係唔甜 解膩一流木柵鐵觀音珍珠奶茶茶味幾濃加配左半份櫻花蝦魚湯浸娃娃菜份量都唔少 仲食到櫻花蝦既香味 同娃娃菜既甜味甜品即叫即造黑朱古力杏仁可頌窩夫黎到熱辣辣 黑朱古力唔會死甜咸甜咸甜咁好好味抹茶鮮果流心歐軟黎茶木點可以唔食佢既toast 呢 賣相已經十分吸引 鮮果切得好靚 toast 烤到脆卜卜配埋綠茶雪糕、忌廉、 box 入面既流心抹茶sauce 飽都仲可以清晒呀

2022.10.11 lunch 呢一日，放飯，一路行一路諗食乜⋯⋯同女友講，不如再食茶木！見未有人等位就碌咗入去😂 今次好易揀，因上次食緊已經諗緊下次食咩😁 女友嘅墨魚鮮蝦茶香藜麥飯先到，賣相真係好靚😍 未食都覺得好味，味道都真好好，啲蝦，墨魚丸都好味，個藜麥飯當然都好味啦，但唔係好夠熱🤨 個茶香三文魚湯漬飯嘅賣想都係好靚😍 三文魚煎過，又大份，抵食！本身就麻麻哋食湯漬飯，但都試吓，所以落好少咋，都幾特別嘅，不過我都係鐘意就咁食😅 今次我揀另一款叫四季青萱茶)睇番餐牌，原來都係烏龍嘅一種)，女友都係鐘情於高山金萱烏龍 ，我個青萱茶就淡左啲，下次試麥香小葉紅茶😌

隔左一排冇乜係德福食飯，原來茶木都重新裝修過，風格簡約明亮清新。門口貼合現時主打台式飲品潮流，方便買飲野。店內座位比外面望入去多，坐低睇menu先知佢仲有主打4款茶，顛覆咗幾年前對茶木嘅印象。晚餐餐牌分別有二人餐、一人餐、散叫。食物種類繁多，令人花多眼亂，為咗諗食乜都揀咗一陣。最後揀左2份主食、2份小食、1杯野飲同2份甜品。墨魚蝦餠，炸起嚟並唔油膩，仲係彈牙有汁，不過58蚊嚟講份量並唔多。微辣半筋半肉手工伴麵估唔到仲配有一小碟前菜，麵質口感適中，味道幾好，微辣啱啱好，但對於鍾意食辣嘅人就可能差少少。墨魚鮮蝦茶香藜麥飯除左傳統台式食物，今次叫左茶食文化嘅其中一道主食，有驚喜！呢個飯相對清淡，入口之後慢慢滲岀茶味，清新。食完主菜其實都8分飽，但係甜品係有另一個胃。黑朱古力杏仁可頌窩夫上枱時仍然微熱，味道不錯，沒什麼特別抹茶花果流心歐軟係門口見到新岀品介紹，毫不猶豫咁落左單，嚟到見到真身都冇令人失望。上層生果有擺盤，打開蓋有流心麻糬，仲配上雪糕，個人覺得並金磚吐司更好。如果隻碟有先雪一雪就好，咁雪糕冇溶得咁快。今次食飯真係一改我對茶木印象，以茶入饌

好耐冇食過茶木，啱啱行過見佢裝修咗，換咗個新look，於是就試吓佢有咩新特色。 座位坐得舒服咗，入嚟個環境都好舒適，見佢而家開始主打新茶飲。我哋晚餐佢有一啲晚嚐套餐，每個餐都有一款主食加嘢飲，仲可以配埋甜品或者加錢追加小食都得！我就點咗份古早杏鮑三杯雞，啲雞肉好嫩滑，食得出係新鮮雞，好香麻油味，佢嘅醬汁用嚟送飯一流，我朋友就點咗個半筋半腩手工拌麵，呢個拌麵真係好惹味，辣度適中，越食越開胃！跟餐我哋都配咗兩杯嘢木柵鐵觀音珍珠奶茶，其中一杯就轉咗呢個茉莉花茶底，飲得出佢今次轉形有意主打茶飲，由新鮮茶葉沖泡，淡淡茶香會有回甘，好有新意！小食方面我哋跟餐配咗個麻辣豬耳，辣得爽，都好爽口。仲叫咗份路邊攤小食，有呢個自家制台灣腸、鹽酥雞同埋丸，樣樣都好入口，鹽酥雞又唔會太厚粉！ 我哋都叫左個櫻花蝦花枝丸嚟試，好香櫻花版味，用嚟送飯都幾岩！嚟到茶木又點可以唔食佢哋嘅甜品呢？ 跟餐配左個白朱古力抹茶窩夫，另外仲點多左個抹茶雪糕配雜果窩夫，呢到係即叫即整，所以佢一上枱仲係好軟熟！佢啲面底好夠牛油香味，一啲都唔似出面食嗰啲，真係會食唔停口，極力推薦！

想食台灣菜就諗起茶木朋友係德福住所以就近近地搵食呢間環境好舒服大多是卡位現在是用QR Code 落單落單時要小心留意**有些是自動填入**我叫甜品時原來可以選擇"後上"我沒有留意跟埋晚飯套餐出咗後來要求職員幫忙入雪櫃好彩可以👍🏻唔係就要食甜品先架喇😅餐牌有二人餐或單人套餐二人餐有美食+主食+飲品👉🏻可以平d追加甜品我們選擇單人套餐套餐有主菜+飲品+可平d 追加小食或甜品👉🏻酥炸排骨肉燥飯+自家製台式烤香腸套餐排骨好鬆化好juicy糖心蛋好掂份量十足👍🏻👉🏻出名紅燒牛肉麵👍🏻😋牛肉好腍好入味好大件厚肉麵係"自家手作"👉🏻追加二款小食更係叫"黃金鹽酥雞"+"蒜香麻辣豬耳"👉🏻凍摩卡👉🏻台式抹茶拿鐵加咗d 無花果乾👉🏻甜品"抹茶鮮果流心歐軟"😋😍中間係流心抺茶

好耐無食茶木原來而家轉曬menu, 多左好多fusion茶, 都幾有驚喜烏魚子元貝手作麵呢款手作麵嘅烏魚子醬好惹味, 手作麵硬度幾好, 唔會煮到過淋keep到有咬口, 元貝有兩大粒, 面頭有輕輕煎到金黃色, 另外配料都幾多元化, 有枝豆、紅腰豆、唔同種類嘅菇etc墨魚鮮蝦茶香藜麥飯一上枱就覺得好靚🤤飯mix左藜麥, 茶香味出, 食落類似risotto但就無咁creamy, 墨魚餅同鮮蝦都新鮮, 尤其係墨魚餅入面有大量墨魚肉好彈牙, 配料同樣都係有好多蔬菜類嘅野, 呢款藜麥飯係健康+飽肚之選👍🏻台式滷味拼盤滷味款式都幾豐富, 有雞翼、牛肚、豆腐、糖心蛋、牛筋etc, 全部都滷到好入味, 舊舊都沾滿左滷水汁, 而肉類個啲又唔會韌, 抵食~四季青萱鮮果茶呢款果茶好似係季節限定, 四季青萱茶味比較濃, 除左有水果嘅甜味外都唔會話好甜好人工味, 飲落都幾fresh👍🏻

老老實實，因為出面實在太多台灣餐廳，覺得食台灣野都唔一定要食連鎖店所以都有一段時間無食茶木，但食完呢餐我想改口，因為感覺同以前好唔同。首先啲裝修唔同哂，以前木枱木凳係傳統啲既感覺，但而家係梳化、又cafe啲，啲位都好寬敞好舒服。我同朋友叫左個二人餐，有一個小食，2個主食，2杯飲品。我地仲跟餐追加左2個小食同甜品。首先個(熱)有機台灣高山茉莉龍珠茶同 (凍) 有機台灣高山巨峰烏龍茶真係好驚喜，特別係凍茶，完全無Expect過佢咁上枱，好似飲酒咁。佢粒波波冰都係用茶整唔係水，所以個茶味從頭到尾都無變淡，而且個茶真係有巨峰提子味~ 至於個(熱)有機台灣高山茉莉龍珠茶，茶味好香，而且佢一直都用個蠟燭熱住，坐左個幾鐘，到最後一滴茶都仲係熱，正!另外想講下個滷味拼盤，其實都好大份，除左眼見既豆腐，雞翼、牛肚、牛𦟌同滷肉，下面仲收埋左啲腎~~香煎沙朗肉燥飯都好好食(即係西冷)，3大塊扒，好滑好juicy~ 但係最好味係個微辣半筋半肉手工拌麵，佢有少少麻同少少辣，好開胃。半筋半肉係分開上，就算唔將啲汁加入個麵，個麵本身已經好夠味。呢個仲要跟埋個鴨血同素鴨，好抵食~~今餐真係好滿足呀!! 

對於茶木我一直停留咗喺中學階段，之後就一直冇食過🤣近期行過德福見到佢哋新裝修完好靚，好文青！嘩變成一間都好relaxing嘅cafe❤️仲有啲叉電位俾人叉電，文青Cafe咁🤩台式滷味拼盤•白飯 $208入面我地加咗$13轉鐵觀音仙草奶茶 同加咗$60 抹茶鮮果流心歐軟🤣👍🏼雖然有啲貴但係真係好正好好味！滷味拼盤入面有3塊牛肚，3塊牛𦟌，半隻流心蛋，2舊好好食嘅豆腐，2舊超正嘅五花腩同花生😍😍所有野都超入味，其中我最鍾意係個豆腐🤩佢絕對唔係普通嘅滷豆腐，唔知點解入面好嫩😚個鐵觀音仙草奶茶就認真麻麻地🤣皆因有大半杯都係冰😮‍💨不過好彩茶底好飲，好香都好飲！！而仙草凍比我想像中硬🤣甜品好啱打卡，係多士盒黎，入面仲有好多綠茶醬，啱哂對烘過嘅麵包😚👍🏼不過最正都係個綠茶雪糕，超濃抹茶味，唔係平時啲cheap cheap野😍紅燒牛肉麵 $147包含我地加嘅$23 脆脆黑糖珍珠奶茶🧋脆脆黑糖珍珠奶茶好高質👍🏼👍🏼珍珠好香黑糖味，有啲阿華田脆脆係杯邊，表面仲有一層奶蓋，每啖都會飲到3個層次！賣相亦都好靚👍🏼上面仲有一串芋圓，一次過滿足哂❤️紅燒牛肉麵就普通啦🤣🤣有幾舊大牛腩，有啲紅蘿蔔同白蘿蔔！湯底味道夠

2022.10.07 lunch自從疫情都未嚟過之餘，連外賣都冇特別揀，因每次行過見到都係覺得太貴就冇買，咁嘅價錢，就覺得外賣變得更唔抵呢😅 最近仲裝修咗，成間店嘅格局好舒服。呢一天行過，又要去附近買嘢，想快一點食完，就把心一橫堂食！試一試！坐低，坐位明顯比以前舒服，但都唔算寬敞⋯⋯都幾多款式，仲有幾款幾特別，但我倆最終都揀咗比較普通嘅餐😂 不過都可以試咗先，每個餐都包飲品，原來係有珍珠㗎，仲要好別緻咁另上，唔想飲咁甜，可以唔落晒啲糖，個餐嘅茶係咁別緻嘅珍珠茶，我哋個餐$98真係唔算貴！食物味道又ok，係會再嚟試其他餐😋好了，我哋兩個普通餐係香煎沙朗肉燥飯，酥炸排骨肉燥飯。女友記錯咗，以為沙朗肉呢個名係漢堡扒樣，點知係普通牛扒樣，味道好普通咋，而我個酥炸排骨都係普普通通，但個肉燥飯同糖心蛋就好好味！又夠份量！😋👍🏼餐茶女友要烏龍，我要鐵觀音，不過我只係影咗我個杯😅

講到食台灣菜，我就最喜歡食茶木餐廳嘅台灣菜，很有台灣嘅風味。今日路過，一於去試一試，找回台灣的回憶。新裝修喎，地方好舒服。烏魚子元貝手作麵好好食，用烏魚子、 元貝、青豆、椰菜、番茄、蘿蔔、蘑菇和鮮菇一起炒，加上手作 麵，十分惹味，值得推介。再來紅蔥醬燒豬軟骨麵，豬軟骨好冧，小朋友都食到，紅燒醬作醬汁真係好好味㗎， 啲麵又好滑、好淋、好味，真係幾好食㗎。墨魚鮮蝦茶香藜麥飯，藜麥加啲茶來煮，茶味帶出海鮮的鮮，恰到好處，健康藜麥，食得健康，食得開心。好耐冇去台灣旅遊呀，這個路邊攤小食好有台灣嘅風味，一定唔好錯過。來茶木朋友一定唔可以錯過的甜品，就係草莓香草蜜糖磚塊， 即叫即做，上碟時，麵包脆脆，蜜糖 ，香甜可口，配上凍冰冰的雪糕，真係好過癮。最後再來一杯台式抹茶拿鐵， 香濃綠茶風味，特別嘅感覺。

好耐無食過茶木，上次本身想食佢個雪糕多士盒，但賣晒無食到，今日終於食到😋🌟Teawood紅燒牛肉麵 $124套餐+$23升級四季青萱鮮果茶，另配小食或甜品，揀左雜梅吉士可頌窩夫牛肉麵有3塊好大塊嘅牛肉，都煮得幾軟腍，仲有埋紅蘿蔔同白蘿蔔，湯底都唔會太咸！🌟酥炸雞排肉燥飯 $118雞排炸到好酥脆，而肉質就好軟腍同juicy，幾惹味🤤肉燥飯味道香濃，伴飯食一流！配埋溏心蛋、青瓜同咸菜，食落夠豐富👍🏻+$20 升級飲品草莓櫻姬，小食揀左溏心蛋，因為唔知個飯配左蛋，小食又係蛋🤪🌟路邊攤小食 $68有台灣腸、鹽酥雞、炸花枝丸，幾鍾意個花枝丸，咬開入面有豬肉餡，都幾特別，台灣腸就甜甜地都唔錯！🌟草莓香草蜜糖磚塊歐軟 $78食茶木一定唔少得呢個甜品🥰多士切到一粒粒好方便👍🏻仲有蜜糖嘅甜味，配埋士多啤梨、士多啤梨果醬、雪糕、棉花糖、Cream，口感非常豐富，食完好滿足☺

今日收工約咗媽咪出街食，佢話想食台灣牛肉麵，甘我就當然要滿足下佢啦！無嚟德福一排，原來茶木換咗新面貌，有全新裝修之餘，餐牌都有更新！原木同水泥色系裝修望落幾舒服，格局更開揚寬敞，而家可以用電話掃QR code落單，方便快捷。晚。嚐×二人餐（$298）唔想諗就叫咗個二人餐，包括一款台風美食、兩款主食同兩杯飲品。台式滷水拼盤⋯｝超豐盛嘅拼盤，有滷牛𦟌、牛肚、五花肉、雞翼、雞腎、豆腐、溏心蛋，個人最鍾意牛𦟌同豆腐，滷到好腍又入味，伴碟嘅花生就好香脆！TeaWood 紅燒牛肉麵⋯｝無令媽媽失望，保持質素！大概有四大件又軟腍又入味嘅牛肉，湯底夠濃厚，麵條好彈牙！微辣半筋半肉手工拌麵⋯｝個人就好鐘意呢種幼得黎又有咬口嘅麵，半筋半肉加上辣湯汁，超惹味！有機台灣高山巨峰烏龍茶（+$12）入口先係茶香，然後有淡淡葡萄同莓甜香，熱嘅會以茶壺配蠟燭加熱茶座，等客人一路嘆都可以一路保持温度，如果係凍嘅會用造型玻璃樽上，配有冰球嘅矮身玻璃杯，打卡必點！脆脆黑糖珍珠奶茶（+$23）又一杯打卡邪惡飲品，黑糖珍珠鮮奶再加上香滑奶蓋，上面放咗一串精緻芋圓丸子🍡，連埋杯邊嘅阿華田脆脆一齊飲，入口嘅甜有豐富層次。另外再加咗

九龍灣德福廣場第一期L1樓嘅茶木係我哋最鍾意食嘢嘅地方。今日係公眾假期，約咗朋友去茶木食最鍾意食㗎台灣麵同埋小食。朋友最鍾意食溏心蛋，他一定要去茶木食，因為蛋黃軟綿綿滑溜溜，配上正宗嘅滷水汁，口感一流。如果要食台灣出名嘅小食，路邊攤小食就最好，有香脆嘅炸雞、正宗嘅台灣腸、爆汁的豬肉丸子。味道都香脆可口。鳳梨鮮果甜酸肉配白飯係大家都鍾意食嘅小菜，肉排炸得香脆，配上甜甜酸酸的汁，十分開胃，不但賣相漂亮，鮮果又多，有荔枝、藍莓、火龍果、草莓和菠蘿，健康又有益。紅蔥醬燒豬軟骨麵大碗抵食，真材實料。有三件大大的豬軟骨，炆得好淋滑，特別配肉製嘅湯同埋芫荽，好有台灣味。草莓香草蜜糖磚塊多士，係茶木經典嘅食物。多士香脆，造型漂亮，多士設計成一個盒咁嘅樣，裏面放返啲方形嘅麵包粒，上邊有一大球嘅士多啤梨雪糕，配以酸甜嘅士多啤梨醬同埋蜜糖，可口極了。好鍾意飲台灣嘅水果特飲，今次要了冰凍的四季青萱鮮果茶，有熱情果菠蘿藍莓，酸酸甜甜，又有烏龍茶嘅清香，十分推薦。另外一杯是金萱檸檬愛玉茶，好清新，不錯呢。今天的午餐吃得很滿意很飽，推薦大家經過都可以來試一試。

9月28日星期3晚經過去德福分店，之前裝修完未試過，就入去試下。一家三口叫了二人餐，鹵水拼盤，鹽酥豬排，帶子手攪麵，每樣都中規中舉，味道合格有餘。不過全晚重點係，樓面operation 極唔掂，一入去未執枱就叫客入去座，帶位見狀叫客出返去門口等，之後發現有幾枱walkin客也是如此。樓面溝通極不足，經理坐視不理。樓面多後生侍應，生手，見佢捧幾杯野差啲倒瀉，險象橫生。舉手叫人攞幾隻碗，又係叫幾次先攞到。（利申：本身非心急，但耐心等了好幾分鐘，該侍應太忘，又或者佢multitasking 唔到😅）電子落單，理應出錯機會少，但送錯嘢俾客，問侍應好似一頭霧水咁。食野後上甜品叫侍應叫起，等了30分鐘追了3次，3個唔同侍應追先起，但件窩夫明明擺晒喺門口玻璃櫃，又唔使加工，食落唔熱又唔脆。夫人食到黑晒面😈唔該收得呢個價，又加一服務費，俾啲好服務客人啦，唔係裝修完求求其就得嘅。

有日做野之前去左德福商場食lunch ，見到商場間間餐廳都好多人排隊，我見好耐無食茶木，就去左排隊，排左差唔多半個鐘先入到去，要急急腳甘食叫左我最愛既酥炸雞排肉燥飯，同埋試左佢既金萱鮮芒果奶蓋冰，兩樣都係my favourite，甘岩撞正佢重新開張，杯芒果冰自動升級，開心午餐時段佢地出餐既速度極快，肉燥飯都係一般水準，芒果冰茶味唔算出，但整體帶得出芒果既甜味，好好飲本來好想試埋佢既草莓•冰淇淋脆皮刈包，見到隔離枱叫左好靚，但實在太飽食唔落，下次同朋友一齊一定要試下