茶木‧台式休閒餐廳 (德福廣場1期)

营业中

休息中

表弟仔終於考完試可以鬆口氣, 今晚就帶佢出街食餐飯relax下。去咗九龍灣德福茶木食台灣菜。平日晚五點多, 正值放工時間, 可以順利安排入座, 設多張卡位, 坐得舒服。自行scan QR code落單, 揀咗個晚嚐二人餐, 相當抵食, 每人可自選小食、主食、飲品。小食: 金黃鹽酥雞(半份): 鹽酥雞炸皮酥脆, 毫不油膩, 肉質唔會太乾。紅油抄手(半份): 皮滑算係幾薄, 鮮肉餡料有肉香, 配上辣醬料, 辣辣地好惹味。湯底味道濃得黎唔會太膩、太重口味, 就算飲咗d湯都唔覺口渴。兩款湯麵都選用了闊麵, QQ彈牙,TeaWood紅燒牛肉麵: 包括了三大件紅燒牛肉, 肉質腍身, 肉味很重; 還搭配了紅蘿蔔同白蘿蔔, 清甜夠林。紅蔥醬燒豬軟骨麵: 豬軟骨連帶些少肉, 肉林得可以一絲絲撕開, 軟骨帶微微爽脆, 稍用少少力就可以咬開。套餐跟兩杯免費餐飲, 而我地偏向想試其他特飲, 就額外加錢升級升級: 鐵觀音奶茶 – 味道清香, 唔會太濃升級: 脆脆奶茶 – 杯邊附上了脆脆朱古力脆脆, 底部有少少黑糖同埋熟透嘅珍珠, 奶茶奶味較出, 從杯邊直接入口, 奶茶經creamy奶蓋同埋沾上了脆脆同時入口,

記得中學同大學時期，每次想食台灣菜，都會朋友選擇茶木，分店多而且價錢合理。今日同朋友黎九龍灣德福廣場，發現茶木既裝潢跟以往的不同，木系柔和色調，予人文青清新感覺，亦有種簡約美。 至於食物質素，咁多年來都保持水準，值得一讚。-⭐️套餐🔶主菜|小食|飲品｜飲品🔸鳳梨鮮果甜酸肉配白飯 賣相相當精美用心！肉塊炸粉薄身，肉質彈牙，甜酸醬汁份外開胃，下飯一流。 所用的水果亦有驚喜。厚切爆汁的鮮甜鳳梨🍍、火龍果、草莓🍓、荔枝肉，中和油膩感，賣相及口感令人滿足！！-🔸小食 額外加$42，可自選兩款台式特色小食❤️自家製台式烤香腸(一條）❤️金黃鹽酥雞香腸有著蜜糖及蒜香，味道不錯而鹽酥雞炸得粒粒香脆酥化-🔸甜品黑朱古力杏仁可頌窩夫跟餐還附上甜品！這個窩夫超乎想像的美味！本身不抱期望，以為會很硬很實！但一口咬下，卻是很鬆化，帶點牛油香。 配上黑朱古力醬及杏仁，很完美的配搭➖➖➖➖➖⭐️烏魚子元貝手作麵 $98我們還散點了這個台洋風味的手作麵。用上台灣直送風味獨特烏魚子提升鮮香、爽彈厚身的帆立貝、鮮甜的香菇及椰菜苗、彈牙的手作麵，混上creamy 濃郁的醬汁，每樣食材的獨特性環環相扣，做就了這道特色fusion 菜

今日去九龍灣接朋友放工，順便喺附近搵嘢食，見到德福呢間茶木換咗新裝修，好文青嘅感覺，座位都比以前闊落左，所以諗住試吓啲食物係咪同以前一樣。裝修過後嘅茶木比以前先進左，改咗用QR code落單。我同朋友兩個人叫咗一份溏心蛋、路邊攤小食拼盤、台式麻辣半筋半牛拌麵、酥炸排骨肉燥飯、仲有最後必食嘅飯後甜品 : 草莓香草蜜糖磚塊歐軟！路邊攤小食都幾抵食，只係需要$68就已經有齊香腸，丸同鹽酥雞👍🏻另外，半筋半牛拌麵不嬲食茶木都有叫開，都係一如既往地好食，啲拌麵好彈牙，建議未食過嘅人都可以試一試，食完真係返唔到轉頭😋至於溏心蛋同埋排骨肉燥飯都有正常發揮，啲排骨炸得幾酥脆。最後由於叫得太多炸物同重口味嘅食物，所以我哋都叫咗杯水果茶嚟解渴，水果茶嘅果味香濃，甜度剛好❗️

今日放假，同老公兩個拍拖嚟德福「茶木」食個 late lunch。2:30pm 入座，唔洗等位，但估唔到只係坐咗一陣就已經全店滿座，真係超級旺場。無嚟一排，原來餐牌加入了不少新菜式，我哋點咗茶湯漬飯同手作麵，另外再加咗份台式烤香腸。茶香三文魚湯漬飯 ($98)，三文魚飯以木托盤呈上，配料有炸米通、木魚碎和櫻花蝦，另外仲有一壺以烏龍茶及玄米茶製作嘅茶湯。將茶湯注入飯內，三文魚輕輕炙燒過，肉質嫩滑不嚡，茶湯回甘順喉，帶獨特嘅烘炒米香，配埋脆卜卜嘅米通同鹹香嘅櫻花蝦一起品嚐，入口茶香撲鼻，清新又唔油膩！烏魚子元貝手作麵 ($98)  香煎元貝大大粒，肉質飽滿，結實鮮甜。麵條自家製，煙韌度適中，加上每條都掛滿了烏魚子醬，食落甘甜香口又不死鹹，非常滋味。加點嘅自家製台式烤香腸 ($48)，味道同質感亦很不錯，表皮煎得好香脆，夾埋蒜片一齊食，香甜辛辣，簡直係 Perfect Match。四季青萱鮮果茶 ($46)  呢款果茶嘅用料好豐富，內有火龍果、檸檬、香橙、青檸、紅莓同菠蘿等，配上馥郁花香嘅茶湯，入口酸酸甜甜，清新宜人。另外呢杯黑糖紅豆奶茶 ($38) 味道亦唔輸蝕，入口帶濃厚嘅黑糖甜味，加上

行過德福又突然想食台灣野 見到茶木呢到環境唔錯就入去試吓 晚餐都有唔少選擇 叫咗個三杯雞 都幾香麻油同醬油味雞肉都幾嫩滑 超好送飯 不過份量就唔算好多 值得一讚佢咁樣上菜食到最尾個三杯雞都仲保持到溫度👍🏻👍🏻朋友叫咗個元貝手作麵 估唔到又幾唔錯喎👍🏻 啲麵條好有咬口 好掛汁好creamy~ 粒帶子都好好味 大大粒又嫩😆跟餐加咗個豬耳做小食 辣度唔算好勁 有啲青瓜仔幾清新~朋友就加咗個鹽酥雞 細細粒係一口size~ 新鮮炸起又唔會乾爭爭 我比10分！ 甜品時間～叫咗個抹茶吐司首先個賣相非常得呀 面頭都有唔少生果 個吐司入面係啲流心既抹茶 啲吐司點啲醬同埋雪糕黎食超級match🤤🤤🤤 裡面仲有塊麻糬 煙煙韌韌既👍🏻👍🏻完全係為呢餐畫上完美既句號~

記得第一次食茶木嘅時候已經係大約十年前，當時佢嘅吐司紅極一時，排咗兩個鐘頭先食到。 後來有好多唔同新興嘅甜品出現，又有唔同嘅甜品過江龍，令人們對佢嘅熱度減退，但時候至今日，我依然覺得佢既好食又好抵食。我每次大多數都淨係黎食甜品，發現都未試過佢嘅晚餐，今日一於一試。平日晚上七點嚟到都接近滿座 ，餐廳裝修風格係木系簡約風 ，雖然裝修簡約，但都坐得舒服。烏魚子元貝手作麵($98) 佢嘅幾款自家製手作麵都好吸引，好糾結好難選擇。見到呢個係廚師推薦就揀佢喇 ，手作麵材料包括兩粒大大既元貝， 表面煎到金黃色，仲配有蔬菜、雜菌、蕃茄仔、紅腰豆等等。 醬汁有啲似忌廉汁又有啲似明太子醬，總之就好入味好惹味，係我鍾意既味道，自家製手作麵嘅麵身好彈牙，好有咬口。Teawood 香辣牛肉麵($88)朋友好鍾意食辣，所以就揀咗呢款。湯底香辣， 而紅蘿蔔就清甜，辣中帶點甜。牛肉嘅份量都算多，而且都幾稔身。溏心蛋($38)有四件半邊嘅溏心蛋。我真係好鍾意食溏心蛋 ，見到橙黃色嘅蛋黃已經流曬口水， 蛋黃顏色好鮮豔，令人好有食慾 ，配上甜甜嘅醬油 ，簡直一流金黃鹽酥雞 ($48)黎台式餐廳點可以唔叫鹽酥雞呢 ，鹽酥

烏魚子元貝手作麵($98)，麵質粗幼適中，煙韌有咬口，醬汁係芝士奶油，非常香濃而且炒得均勻，每條麵都掛滿芝士奶油既香味，元貝表面煎至帶點焦香，結合埋烏魚子一粒粒既口感。櫻花蝦花枝餅($58)，外觀金黃色已經好吸睛，墨魚肉好彈牙，加上放入左櫻花蝦既鹹香鮮味作點綴，令味覺更豐富。台式麻辣半筋半肉手工拌麵($82)，先講辣度，我覺得幾適合香港人口味，雖然係有d辣，但絕對唔係辣到入唔到口，而且仲幾惹味，牛筋重骨膠原，有黏住黏住d牙既感覺，牛肉亦煮得好“林”。金黃鹽酥雞(半份)、紅油抄手(半份)，升級套餐後再追加兩款食物總共$42，雖然兩款食物只有半份份量，但以這個價錢可以食到兩款口味，絕對超值，鹽酥雞外層炸得酥脆，內裏雞肉仲充滿肉汁，如果能配搭埋醬汁，例如沙律醬之類，咁就更加完美，紅油抄手既麻辣幾香幾辣，size亦唔算太大粒，可以整粒放入口，唔怕咬開一半時，餃子既餡料或湯汁會流走。金萱鮮芒果奶蓋冰(套餐升級$18)，清甜解渴，仲有至愛既奶蓋，奶蓋好滑，頂層既開邊芒果不會太甜，食一口芒果再飲一啖飲品，兩者可以有助中和。巧克力曲奇蜜糖歐軟磚塊($78)，三片厚吐司，中間都係經過處理成一粒粒狀，方便

話說平時喺日本餐廳食鰻魚飯三食就食得多，今次俾我經過見到原來台灣嘅餐廳都有三文魚三色，我當然想試試看竟然定價仲特別平， $100都唔使，這間真的是抵食👍🏻我們是試了沒有加茶的飯，配上配菜，入口趣卜卜，好像是食小食的感覺我們的第二啖才加入茶湯，結果真的有另一種風味，茶湯湯底煮得非常濃，帶出了鮮魚的湯底味道，而且份量絕對不用看小，基本上兩個人分享這一個飯都已經夠我們還叫了香辣牛肉麵，吃不到辣的人也可以接受，因為他是比較香，不會有搶喉的後勁，牛肉炆得10分淋，是台灣菜必叫的湯面。糖心蛋真的調味配合，滑溜之餘，又有滷水汁的味道這一個小食拼盤真的應有盡有，滿足晒我三個願望，台灣香腸整得非常之香口，但又不會過硬，香腸邊趣口，內裏是軟的。鹽酥雞裏面依然保留住肉汁，不會太乾。最特別的真的是這個遠，裏面原來是這樣子的，記得咬的時候慢慢來，因為真的會有熱辣辣的湯汁爆出來。飲品方面我們叫了水果茶，記得叫走甜，因為本身已經有果糖，百香果已經為成杯水果茶提升了甜度，而且入面真的是粒粒真生果， 10分新鮮。平時飲得珍珠奶茶多，今次就叫咗奶茶加仙草，茶香味10分濃烈，而且轉鮮奶飲落去特別滑。最後甜品方面當然是叫經典

好耐冇食茶木 行過見到裝修唔餐牌都唔同咗 就去試吓晚嚐二人餐有小食、兩個主食、餐飲 都係$298 起 叫左古早杏鮑三杯雞好香 勁多薑同蒜 配埋鬥九層塔雞都幾滑 係台灣既味道 烏魚子元貝手作麵除咗有兩粒大帶子仲有勁多配料 - 菜 、菇、 毛豆、紅腰豆食落口感好豐富醬汁有啲似明太子醬手作麵食落煙靭 仲俾醬汁包住晒啲香煎沙朗肉燥飯 轉湯米粉三件牛扒 肉燥 同湯米都係分開上 牛扒都幾重牛肉味 食落唔鞋口 米粉用新竹米 又幼又滑 四季青萱粒粒紅西柚茶轉左高山金萱烏龍 少甜 少冰飲落真係唔甜 解膩一流木柵鐵觀音珍珠奶茶茶味幾濃加配左半份櫻花蝦魚湯浸娃娃菜份量都唔少 仲食到櫻花蝦既香味 同娃娃菜既甜味甜品即叫即造黑朱古力杏仁可頌窩夫黎到熱辣辣 黑朱古力唔會死甜咸甜咸甜咁好好味抹茶鮮果流心歐軟黎茶木點可以唔食佢既toast 呢 賣相已經十分吸引 鮮果切得好靚 toast 烤到脆卜卜配埋綠茶雪糕、忌廉、 box 入面既流心抹茶sauce 飽都仲可以清晒呀

2022.10.11 lunch 呢一日，放飯，一路行一路諗食乜⋯⋯同女友講，不如再食茶木！見未有人等位就碌咗入去😂 今次好易揀，因上次食緊已經諗緊下次食咩😁 女友嘅墨魚鮮蝦茶香藜麥飯先到，賣相真係好靚😍 未食都覺得好味，味道都真好好，啲蝦，墨魚丸都好味，個藜麥飯當然都好味啦，但唔係好夠熱🤨 個茶香三文魚湯漬飯嘅賣想都係好靚😍 三文魚煎過，又大份，抵食！本身就麻麻哋食湯漬飯，但都試吓，所以落好少咋，都幾特別嘅，不過我都係鐘意就咁食😅 今次我揀另一款叫四季青萱茶)睇番餐牌，原來都係烏龍嘅一種)，女友都係鐘情於高山金萱烏龍 ，我個青萱茶就淡左啲，下次試麥香小葉紅茶😌

隔左一排冇乜係德福食飯，原來茶木都重新裝修過，風格簡約明亮清新。門口貼合現時主打台式飲品潮流，方便買飲野。店內座位比外面望入去多，坐低睇menu先知佢仲有主打4款茶，顛覆咗幾年前對茶木嘅印象。晚餐餐牌分別有二人餐、一人餐、散叫。食物種類繁多，令人花多眼亂，為咗諗食乜都揀咗一陣。最後揀左2份主食、2份小食、1杯野飲同2份甜品。墨魚蝦餠，炸起嚟並唔油膩，仲係彈牙有汁，不過58蚊嚟講份量並唔多。微辣半筋半肉手工伴麵估唔到仲配有一小碟前菜，麵質口感適中，味道幾好，微辣啱啱好，但對於鍾意食辣嘅人就可能差少少。墨魚鮮蝦茶香藜麥飯除左傳統台式食物，今次叫左茶食文化嘅其中一道主食，有驚喜！呢個飯相對清淡，入口之後慢慢滲岀茶味，清新。食完主菜其實都8分飽，但係甜品係有另一個胃。黑朱古力杏仁可頌窩夫上枱時仍然微熱，味道不錯，沒什麼特別抹茶花果流心歐軟係門口見到新岀品介紹，毫不猶豫咁落左單，嚟到見到真身都冇令人失望。上層生果有擺盤，打開蓋有流心麻糬，仲配上雪糕，個人覺得並金磚吐司更好。如果隻碟有先雪一雪就好，咁雪糕冇溶得咁快。今次食飯真係一改我對茶木印象，以茶入饌

好耐冇食過茶木，啱啱行過見佢裝修咗，換咗個新look，於是就試吓佢有咩新特色。 座位坐得舒服咗，入嚟個環境都好舒適，見佢而家開始主打新茶飲。我哋晚餐佢有一啲晚嚐套餐，每個餐都有一款主食加嘢飲，仲可以配埋甜品或者加錢追加小食都得！我就點咗份古早杏鮑三杯雞，啲雞肉好嫩滑，食得出係新鮮雞，好香麻油味，佢嘅醬汁用嚟送飯一流，我朋友就點咗個半筋半腩手工拌麵，呢個拌麵真係好惹味，辣度適中，越食越開胃！跟餐我哋都配咗兩杯嘢木柵鐵觀音珍珠奶茶，其中一杯就轉咗呢個茉莉花茶底，飲得出佢今次轉形有意主打茶飲，由新鮮茶葉沖泡，淡淡茶香會有回甘，好有新意！小食方面我哋跟餐配咗個麻辣豬耳，辣得爽，都好爽口。仲叫咗份路邊攤小食，有呢個自家制台灣腸、鹽酥雞同埋丸，樣樣都好入口，鹽酥雞又唔會太厚粉！ 我哋都叫左個櫻花蝦花枝丸嚟試，好香櫻花版味，用嚟送飯都幾岩！嚟到茶木又點可以唔食佢哋嘅甜品呢？ 跟餐配左個白朱古力抹茶窩夫，另外仲點多左個抹茶雪糕配雜果窩夫，呢到係即叫即整，所以佢一上枱仲係好軟熟！佢啲面底好夠牛油香味，一啲都唔似出面食嗰啲，真係會食唔停口，極力推薦！

想食台灣菜就諗起茶木朋友係德福住所以就近近地搵食呢間環境好舒服大多是卡位現在是用QR Code 落單落單時要小心留意**有些是自動填入**我叫甜品時原來可以選擇"後上"我沒有留意跟埋晚飯套餐出咗後來要求職員幫忙入雪櫃好彩可以👍🏻唔係就要食甜品先架喇😅餐牌有二人餐或單人套餐二人餐有美食+主食+飲品👉🏻可以平d追加甜品我們選擇單人套餐套餐有主菜+飲品+可平d 追加小食或甜品👉🏻酥炸排骨肉燥飯+自家製台式烤香腸套餐排骨好鬆化好juicy糖心蛋好掂份量十足👍🏻👉🏻出名紅燒牛肉麵👍🏻😋牛肉好腍好入味好大件厚肉麵係"自家手作"👉🏻追加二款小食更係叫"黃金鹽酥雞"+"蒜香麻辣豬耳"👉🏻凍摩卡👉🏻台式抹茶拿鐵加咗d 無花果乾👉🏻甜品"抹茶鮮果流心歐軟"😋😍中間係流心抺茶

好耐無食茶木原來而家轉曬menu, 多左好多fusion茶, 都幾有驚喜烏魚子元貝手作麵呢款手作麵嘅烏魚子醬好惹味, 手作麵硬度幾好, 唔會煮到過淋keep到有咬口, 元貝有兩大粒, 面頭有輕輕煎到金黃色, 另外配料都幾多元化, 有枝豆、紅腰豆、唔同種類嘅菇etc墨魚鮮蝦茶香藜麥飯一上枱就覺得好靚🤤飯mix左藜麥, 茶香味出, 食落類似risotto但就無咁creamy, 墨魚餅同鮮蝦都新鮮, 尤其係墨魚餅入面有大量墨魚肉好彈牙, 配料同樣都係有好多蔬菜類嘅野, 呢款藜麥飯係健康+飽肚之選👍🏻台式滷味拼盤滷味款式都幾豐富, 有雞翼、牛肚、豆腐、糖心蛋、牛筋etc, 全部都滷到好入味, 舊舊都沾滿左滷水汁, 而肉類個啲又唔會韌, 抵食~四季青萱鮮果茶呢款果茶好似係季節限定, 四季青萱茶味比較濃, 除左有水果嘅甜味外都唔會話好甜好人工味, 飲落都幾fresh👍🏻

老老實實，因為出面實在太多台灣餐廳，覺得食台灣野都唔一定要食連鎖店所以都有一段時間無食茶木，但食完呢餐我想改口，因為感覺同以前好唔同。首先啲裝修唔同哂，以前木枱木凳係傳統啲既感覺，但而家係梳化、又cafe啲，啲位都好寬敞好舒服。我同朋友叫左個二人餐，有一個小食，2個主食，2杯飲品。我地仲跟餐追加左2個小食同甜品。首先個(熱)有機台灣高山茉莉龍珠茶同 (凍) 有機台灣高山巨峰烏龍茶真係好驚喜，特別係凍茶，完全無Expect過佢咁上枱，好似飲酒咁。佢粒波波冰都係用茶整唔係水，所以個茶味從頭到尾都無變淡，而且個茶真係有巨峰提子味~ 至於個(熱)有機台灣高山茉莉龍珠茶，茶味好香，而且佢一直都用個蠟燭熱住，坐左個幾鐘，到最後一滴茶都仲係熱，正!另外想講下個滷味拼盤，其實都好大份，除左眼見既豆腐，雞翼、牛肚、牛𦟌同滷肉，下面仲收埋左啲腎~~香煎沙朗肉燥飯都好好食(即係西冷)，3大塊扒，好滑好juicy~ 但係最好味係個微辣半筋半肉手工拌麵，佢有少少麻同少少辣，好開胃。半筋半肉係分開上，就算唔將啲汁加入個麵，個麵本身已經好夠味。呢個仲要跟埋個鴨血同素鴨，好抵食~~今餐真係好滿足呀!!