茶木‧台式休閒餐廳 (德福廣場1期)

营业中

休息中

今日過到嚟九龍灣德福廣場行街街，唔覺唔覺行咗兩個鐘，肚仔都開始餓了🙈，諗住搵嘢食，點知一間餐廳都排晒大隊，最後比茶木嘅羊腩煲吸引住，一於就決定係佢啦😂。。古早紅燒牛肉拌麵味道非常之濃郁，有淡淡的麻辣味😋，食落好有台灣嘅味道，牛肉亦都非常之淋而且入味，除此之外👍🏻，鴨血、素卷、糖心蛋都好有驚喜，尤其是糖心蛋，半熟小小嘅流質，見到都已心心眼😍。。古早羊肉爐期待已久嘅主菜終於嚟到🤩，個煲同份量都比想像中大，煲底仲會有個爐，果然呢個天氣，就係要熱辣辣咁食羊肉煲先過癮😆。有羊肉亦都有羊腩，肥瘦適中，口感非常之嫩，味道亦都好濃郁，再點上沙茶腐乳醬為食，真係Yummy🤤。。薄荷青蘋果味蜜糖磚塊甜品更加不得了，茶木嘅甜品一向都好出名，而呢一款青蘋果口味，唔會好甜好膩👍🏻，而且個焦糖雪糕簡直無敵😍。呢度甜品無論係賣相定係味道都冇得頂。。輕薄荷酪梨沙冰 及 脆脆黑糖瀑布珍珠奶茶飲品方面當然都叫咗一啲特色嘅飲品，酪梨沙冰少少甜，加上淡淡退薄荷味，好Fresh👍🏻。而珍珠奶茶味道偏甜，再加上脆脆，甜得嚟又有另一種享受，不錯🙈。

茶木有好幾間分店我都光顧過，今晚約了一位在九龍灣返工的朋友在這間分店食晚餐，食物依舊保持水準。紅燒牛頰肉麵(HKD80)牛頰肉肉質爽滑細緻，牛肉和脂肪的比例適中，完全沒有油膩的感覺。湯頭鮮甜，牛頰肉和麵條都好入味，而且份量十足，值得一試。洛神芒果沙冰(+HKD15)味道酸酸甜甜的，非常開胃。黑糖薑母炆鴨 (HKD58)炆鴨肉質軟嫩，味道香濃，是適合冬天進補的美味佳餚。鳳梨藍蝶梳打 (HKD44)清新香甜，味道非常吸引。

👦🏻囝囝好鍾意食「茶木」嘅牛肉麵，今日就陪下佢啦！🥢紅燒牛頰肉麵 $80湯底濃郁，麵條掛滿湯汁，牛頰肉有三大件，食落好軟腍，好有咬口😋🥢秘製黑糖薑母鴨 $58超大碟😳鴨燜得好入味，口感鮮美，$58份量咁多，真係超抵食💥🍹洛神芒果沙冰 $15芒果味好香好濃，帶有洛神花味道，芒果唔酸👍🏻🍹鳳梨藍蝶梳打 $44忌廉梳打係罐裝上，杯內有椰子嘅泡沫，將忌廉倒入杯內撈均，飲落帶有少少椰汁味，好清新爽口

茶木真係小編童年回憶黎，之前個個都排隊去食佢個招牌甜品🥰講真好耐冇再食個茶木，見佢有羊腩煲幾吸引先再食😆.🍜紅燒牛頰肉麵 $80質素係真係唔差嘅🤤牛頰肉炆得超淋，一啲筋都冇，口感同味道都好好😋.🥘古早味羊肉爐 $168全晚最期待就係呢個羊腩煲，好彩都唔使失望🤤份量都幾多，每人分到5大舊羊腩，同樣炆得夠淋，亦有南乳醬可以點😆襯返台灣個主題，枝竹改成蜂巢豆腐，索曬啲汁一樣好㕲🥳.🥭洛神芒果沙冰 跟餐+$15佢啲特飮真係好正，芒果汁飲落多fresh夠解渴😋裏面仲有少少果肉，增加口感🤪.💰人均消費: ~$170.🍽味道: 3.5/5🏙環境: 3.5/5👨🏼‍🍳服務: 3.5/5💧衛生: 3.5/5💰價錢: 3.5/5

台灣餐廳茶木，想當年放學好鐘意去食甜品😃 今日係德福行街，經過入去食個dinner先～ 環境坐得幾舒服，店員亦都好熱心有禮貌👍🏻 花花形狀嘅吊燈令人感覺好愉悅😄紅燒牛頰肉麵 $80台灣特色牛肉麵，闊麵有彈性，好滑❤️ 牛頰肉好軟嫩，而且好入味😃 湯底都好香好夠味～酥炸排骨飯酥炸排骨即叫即炸香脆可口😆 肉質唔會太乾，點一點辣油來食更加正😍 仲有酸菜青瓜作配菜，好抵食👍🏻👍🏻輕薄荷酪梨沙冰 $15表面有層厚滑芝士奶蓋😍裏面嘅沙冰質地好厚身，淡淡牛油果香，整杯飲品唔會太甜，飲完有滿滿嘅飽足感😃 洛神芒果沙冰 $44微微甜又有微微酸，口感好冰凍，食到碎碎沙冰好爽😆

🐝茶木‧台式休閒餐廳 (九龍灣)🐝…今日又去左九龍灣到覓食啦！今次去左德福到搵餐廳食，都唔錯！🥰…✨紅燒牛頰肉麵 $80啲麵比較硬身，都幾有咬口，紅燒牛頰肉都幾淋，唔韌，幾好食！😋😋…✨洛神芒果沙冰 +$15有啲洛神花同芒果肉喺上面，而沙冰都幾棉密，整體飲落幾甜！好解渴！👍👍👍…✨古早味羊肉爐 $168啲羊肉同埋啲配菜都非常入味，羊肉亦都好淋，完全唔韌，好好味，食極唔停！😋😋❤️…✨輕薄荷酪梨沙冰 $44呢個相對芒果沙冰嚟講就比較遜色同無味，一啲都唔甜，唔中意甜但又想飲沙冰嘅人就可以一試！😍😍👍…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍🤍價錢：🤍🤍🤍🤍…📍九龍灣偉業街33號德福廣場一期L1樓G53D舖

身為台灣人在香港吃台灣的東西，自然要求就會高一點，因為思鄉期望能吃到台味，結果令人大失所望！牛肉麵的湯底和麵符合我的口味，但牛肉炆得不夠軟熟，而且偏鹹，湯底和牛肉是兩個味道，不是紅燒牛肉麵嗎？最令我感到不快的是滷味拼盤，鹹到一個不行，是鹹到吃不了的那種，鹽是不用錢的嗎？檸檬愛玉更是難喝，酸⋯！在台灣吃的檸檬愛玉並不是這樣的好嗎！所有價錢比台灣貴，貴也要值得，起碼要好吃，但我不覺得這些食物能有這種價錢🙄是我在香港吃過最難吃的台灣料理

唸住簡簡單單食個台灣菜, 見到茶木門口嘅羊肉煲好似好吸引, 仲有得好似打邊爐咁追加牛..鴨血…冰豆腐…菜…正wor!🍲古早羊肉爐我地以為爐仔細細個火都係意思意思, 原來唔係wor! 火力夠哂長滾住個半肉煲. 湯底好有台式風味個種微甜嘅味道, 煲入面放滿好多件大舊羊肉(跟埋一人一碟醬點👍🏻LIKE), 冰豆腐, 冬菇, 蘿蔔, 馬蹄, 姜片…. 淨食個煲已經飽飽地, 建議追加碗飯唔好嘥個湯底. •羊肉完全無個陣over嘅”羶味”, 所以啱哂開心share.🍜紅燒牛頰肉麵好大件👍🏻仲要係好幾件都咁大件啖啖肉, 咬落夠哂腍軟嘅紅燒牛頰肉, 湯頭又係甜甜地架, 選用粗身有咬口感嘅台灣麵, 食完真心飽左.🥑輕薄荷酪梨🥑沙冰, 洛神芒果🥭沙冰我地都揀左冰冰送個羊肉爐冷哂下火咁, 勁勁勁推介超足料! 芒果味沙冰啖啖都係好濃嘅芒果冰, 尤其係我杯奶蓋牛油果rich到無朋友👍🏻.

茶木餐廳，大家應該都唔陌生。有一次唔知道想食咩，就見茶木冇人排隊入咗去食。叫咗個炸排骨米粉。個湯底係非常之濃，係配牛肉湯底，但係我反而覺得應該配清淡多少少的湯底會比較好，因為個排骨本身已經係比較濃味嘅口味。排骨方面，就做得普普通通。因為食落好冇乜汁，但係又唔算硬，所以質感方面就普普通通。不過想讚下個米粉，個米粉都幾滑身，幾好咬口，呢個我幾鍾意食。跟住再配搭左一個奶茶仙草，真係麻麻哋。佢個奶茶係唔香，甜味就比較重啲，一啲清香嘅味道都冇。我已經叫咗少甜，諗住想試吓佢本身茶味原有嘅味道，但係都唔太飲得出，所以對呢個比較失望，整體來講就真係普普通通，而且我覺得有啲貴， $90個餐再加一， $99。

難得星期五放假，梗係要約朋友食飯，係九龍灣join朋友，揀左食呢間台灣野😆間餐廳係德福廣場，夠晒就腳，原來餐廳好大間，不過晚餐時間都差唔多坐滿左人，座位都好鬆動，坐得好舒服☺️我同朋友一齊share個麵，仲見到佢個薑母鴨做緊promotion，見到人地食緊，好大碟, 就叫左黎試下😆 紅燒牛頰肉麵: 面頰肉好入味，肉質爽口，鍾意佢啲面條吸晒個湯汁，仲有佢粗身既面條好有咬口 黑糖薑母燜鴨，呢個真係份量十足，鴨肉煮得岩岩好，火喉十足 最後仲叫左兩杯飲品輕薄荷酪梨沙冰同鳳梨藍蝶梳打，兩杯飲品外型都好夢幻，打卡一流

超想念台灣的美食，唯有去茶木一解嘴饞(•‾⌣‾•)y我跟老公分別點了牛三寶拌麵和豬三寶拌麵，滷水汁超濃郁超入味！牛三寶有牛腱、牛肚、牛筋，牛腱煮得很軟嫩，牛肚夠爽，而牛筋的口感也很好！除了牛外，還附送了豬紅、滷豆腐和蛋，配起來吃好有台灣風味呀（=´∇｀=）我點的豬三寶有豬大腸、豬腩和豬耳，都是我愛吃的耶❤️滷水味真的很香濃，咸中帶點點甜味，一口拌麵一口肉真的吃得超爽！豬腩肥瘦均勻，太瘦肉質會很柴；太肥又會膩，這一盤上的腩肉剛剛好！超愛豬耳的爽脆口感，好滋味！！飲品方面我們點了黑糖珍珠鮮奶瀑布和宇治抹茶奶蓋。兩杯的奶蓋都超好喝！黑糖珍珠鮮奶瀑布味道較甜，珍珠煮得剛好，很彈牙。而宇治抺茶奶蓋味道則較清，能喝到宇治抹茶獨有的輕微苦味，超愛宇治抹茶！！！用來中和較濃味的滷水拌麵，真的可以一口接一口極速吃完🤤

點了三樣菜，加上2杯飲品，飲品隨即附上，餐等了20分鐘，直到通知我們要cancel, 才跟我們說再等多三分鐘，可以嗎？然後就馬上送餐過來，並通知刪除另一個餐，別桌已經吃完，我們還在等等等

見到茶木個餐牌有近來好Hit嘅愛文芒，滿懷希望諗住去試吓，結果有點失望。我自己叫咗一杯愛文芒珍珠鮮奶，睇餐牌杯嘢飲有一半係橙色的，諗住都有當年許留山嘅芒果味，但係嚟到發覺橙色嘅部份唔多，有少少覺得飲緊溝稀左嘅鮮奶，得好微嘅芒果味，但係杯飲品價錢唔平㗎🥺另外一杯係檸檬愛玉，可能係個人口味問題，我哋覺得偏酸，要加啲水先至飲到。最後我地叫咗個芒果芋圓仙草豆花share，有3小件芒果，呢個甜品總算唔錯。以上嘅下午茶，就咁樣食咗$150，我諗下次我都唔好冒險叫特飲，都係乖乖地叫返最穩陣嘅水果茶算了🥺

難得收早，就去嘆個一人晚餐，經過見到茶木有位 又想食拌麵，就入咗⋯⋯其實我係想食麻辣牛腩拌麵，點餐時有指住個圖，侍應姐姐就問我加唔加錢轉做餐（當時我都奇怪㗎啦⋯⋯麻辣牛腩拌麵有得跟餐嘅咩？之前食過都唔知🤔），anyway唔跟餐啦⋯⋯嚟到發現⋯⋯呢間分店 另上 咁好嘅⋯無幾耐再發現，牛腩咁嘅咩～我唔食豬紅唔食牛筋嘅呢😞😞😞⋯忽發奇想問佢攞返個Menu嚟睇⋯我發現佢係俾咗第二樣野我（半筋半牛肉）同樣價錢，所以個餐嚟之前我都冇發現～我入嚟嘅時候間餐廳都冇咩人啫⋯⋯而且我都指住咗個圖啦⋯唔聽人講嘢都睇下圖啦⋯⋯呢間分店，無下次，佢哋將會有更多㩒手機時間😊sorry 客人入嚟阻住你哋玩真係唔啱～

都好耐冇食過茶木，今日係附近睇完戲見呢到仲有lunch set就入咗黎食，不過味道比以前差咗同求其咗。台式麻辣半筋半牛肉 • 麻辣鴨血拼素鴨 • 自家製椒麻拌麵 ($75)牛肉係肥牛，食落唔算辣，鴨血同素鴨就普普通通。椒麻拌麵既質地唔錯，食到手工製既煙韌感，不過椒麻味唔夠，食落覺得一啲都唔麻。鹽酥炸雞扒麵 ($78)雞扒炸得香脆，份量好足，而且都juicy，一啲都唔乾。麵方面都幾有咬口，唔錯，不過份量就比較少。紅油抄手 (追加$22)早知就唔加，一上枱就見到皮偏厚而且辣椒油好少，感覺唔係好紅油抄手feel，食落都真係麻麻地。熱柚子蜜茶 (跟餐)正常發揮。宇治抹茶奶蓋 (跟餐加$11)抺茶味香，而且奶蓋好滑好cheesy，好飲。總括黎講，炸雞扒同宇治抹茶奶蓋幾好，其他都一般，以呢個價錢黎食台灣菜一定仲有大把選擇。