茶木‧台式休閒餐廳 (杏花新城) (已結業)

茶木已經食過好多次，每次都唔例外。都會叫招牌嘅台式肉操豬扒飯。豬扒炸得香酥，鬆化。肉澡味道濃郁，撈飯一流。甜品方面，一定會叫士多啤梨雪糕吐司，呢個吐司份量好多，兩個人食會食唔晒。適合三四個人分享，吐司總共有3層好厚嘅吐司，加上上面嘅雪糕，一冷一熱，令成個感覺好美！

一個無野做嘅下午，突然有啲肚餓我就去咗茶木。嗰到啲野食到好好味，好台式，分量好多，甜品有好多小蛋糕不過我食嘅甜品舊冰好大舊。嗰到無時間限制，食完可以談天說地，都幾好呀！如果好多人嚟，都唔使怕無位，因為嗰到在張大枱，大家都值得一試

一個星期一嘅下午，我去咗杏花邨outlet 行街!行到攰攰地就去咗茶木食反個tea杏花邨茶木有下午茶餐人流比較少，冇時間限制係其他茶木都只係一個半鐘用餐時間，杏花邨真係唔話得，可以慢慢食，仲可以傾吓計，真係幾好架。講返個茶餐，我叫咗個炸雞扒滷肉飯，份量唔少架，可以當埋晚餐茶餐包一杯野飲但係特飲要加＄3抵唔抵食呢就見仁見智啦！我以咁嘅份量仲要茶木嘅質素都算係咁呀！覺得茶木個茶餐真係唔話得甜品都幾好味架過我食個甜品嗰個冰真係好大嚿，如果變做細啲嘅冰或者雖經會好少少囉，不過大致上都唔錯 大家喺杏花邨唔知食咩又想三五知己傾吓計食返個Tea咁茶木都係不失一個好選擇

返完個早更, 好想坐得舒舒服服high 個tea, 黎左杏花村間茶木. 人流比較少, 唔洗等位就有得入, 位都較多, 坐得舒服. 我叫左一份炸雞排湯麵同香芋珍珠奶茶, 朋友叫左個滷肉飯同沫香奶茶, 另外再點左份滷水溏心蛋. 好鍾意d 麵既口感, 係手打麵, 夠咬口彈牙, 另外個湯底好香牛肉同藥材味. 唯獨雞排炸得太厚, 肉好少, 粉好多. 個滷水溏心蛋就好好味. 滷肉飯正常,香芋珍珠奶茶就一般. 服務態度好, 出餸速度ok.

茶木裝潢設計真的很漂亮，型格，亦坐得舒服。滷水拼盤很鹹太鹹，向服務員反映，他們亦立即取消單。飲品香滑，那支攪匙更十分有特式。飯匙更也是十分有趣像一隻鏟。蔥油拌麵很香。肉臊也有些小偏鹹，炸豬夠香脆。

以前食親茶木都排餐死，不過杏花村人流唔多真係唔使等位就可以直入😳爽！無食一排其實都無話特別想黎，但今次陪朋友食完又覺得真係幾好食😂每次黎茶木例必係飲我最愛既綜合水果茶，感覺健康啲。味道酸酸甜甜好豐富，入面有酸梅，熱情果，橙，藍莓，火龍果等等，今次連西瓜都有😆真係幾開胃。手作麵亦都係我另一個至愛，好鍾意佢個闊條麵，質地幾有咬口。今次試佢新出既卡邦尼手作麵，每條麵都沾滿醬汁，但味道唔會漏感覺啱啱好，😋紅燒牛肉麵都係差唔多次次黎都食😂個湯好濃郁，羅白炆得好淋，不過今次啲牛感覺有啲un, 但味道還是不錯。最後兩個人食埋個芒果蜜糖磚塊，真係飽到飛天。個吐司略嫌烘得過火，脆到太熱氣，不過點埋啲香甜既雪糕同芒果肉真係好滋味😋最後都係清晒。lunch 埋單每人百六蚊，感覺貴過以前，定我地太擦得😳

大年初四，食糕食到厭，出去搵其他嘢食！去左杏花邨，一心想食茶木，點知要加二，見其他餐廳都好多人等，所以最後都係食茶木。唔使等位就入得，好快就落得單。叫左肉燥排骨飯同埋雞扒麵。飯好快就到，但個麵就等左好耐。茶木嘅嘢食一向都唔錯，今次黎都保持一貫嘅水準。不過有樣嘢茶木要改進一下，就係員工嘅質素。今晚黎食飯，已經聽到某員工Yxxxxx喺個客背後鬧佢，仲唔止一次,希望餐廳可以正視一下。

放假無咩野做，帶住小朋友由柴灣散步至杏花村，去了茶木食個下午茶！當然一定要點返個厚多士啦！今次我地食芒果味，三層的多士，其實都好多！面上的芒果雪糕好好味，仲有cream、生果、棉花糖粒粒、芒果醬，夾在一起吃非常正！但今次的多士有點燶，影響左少少味道，但入便就ok, 都好有蜜糖香味同脆身！飲品是抹茶紅豆，見呢排度度都出抹茶產品，第一次點呢個，少少偏甜，紅豆蜜好綿！抹茶味都幾香～女生都會喜歡的！兩大一小的下午茶，份量剛剛好，不算多人，可以坐耐點都得！要是去旺區就未必可以坐這麼久了！

今次同大家介紹下香港一間近年做得幾成功又得到好多青年愛戴嘅台式餐廳--茶木，聽聞佢好多款式都做得好出色，其中紅燒牛肉麵喺招牌菜，試試佢先！湯底濃得嚟好清甜，牛肉厚切又有囗感，又入味，加埋蘿蔔做配菜，再配埋彈牙麵條，無得輸!唔掛知得係招牌菜之一不無道理。出色！

放飯放早左十一點半啱啱開就入左去，當時得我地一臺，所以嘢食嘢飲都出得好快。叫左2個午餐甘栗燘牛腩d栗子大大粒，牛腩好林，但陳皮味就有d過重。鹵水蛋小食得半隻，唔夠喉。手撕雞份量夠，但無諗過係麻醬味，同碗牛肉麵唔太夾，另外牛肉麵得一塊牛展。

甘耐無黎過，估唔到係杏花村開左茶木!! 仲要係唔係好要等位!!!! 黎到，當然要食佢最出名既多士啦... 認真 mode，兩個人，叫一個飯，加個多士就夠，因為真係好好好飽...其實佢本 menu 整得都幾靚，好似雜誌甘，令人睇得都開心 d... 台式牛肉麵，牛肉幾 lum, 但個湯唔夠濃.. 台式雞扒飯，ok lah.. 正正常常~ D 肉燥幾入味，雞扒幾脆.. 最後最後仲有石板街多士~ 有蜜糖味，有朱古力味~ 仲有增肥既味道~~

未到放假的時候，臨近考試作忙得透不過氣來，我要找一過有放假氣氛的地方透一透氣。杏花邨的位置良好，背山面海還有緩步徑，商場裏面的餐廳我比較喜歡茶木，因為茶木用了很多木器做裝飾，我會覺得好安樂。 宇治抹茶奶蓋$33茶味夠，飲得好舒服，雖然它是凍飲但都沒有損失茶味的出現而且奶蓋是鹹鹹的，真係好過癮。 台式肉燥麵 $66麵條彈牙， 肉燥味道是鹹鹹甜甜， 有些豬脂肪的油味道， 攪拌麵條連青瓜絲、脆花生來吃是好好的味道。 草莓香草蜜糖磚塊 $78靚到嘩一聲，我真的不捨得去吃它，所以要用相機食先來紀念這美麗的蜜糖磚塊囉！

家姐同我一齊睇表妹游水，表妹係BB都可以自己游一個私家池，最趣怪係水泡唔係圍腰而係圍頸，手仔腳仔伸伸下好得意。姑姐帶表妹離開趕住回家，家姐同我一齊食下午茶，杏花新城有好多好味美食，我地左揀右揀最終走去食茶木。玫瑰洛神花茶 $37唔方便飲凍飲就要咗杯熱飲， 茶壺飲完係可以再加熱水再飲過，味道酸酸甜甜仲有玫瑰香味。地瓜花枝餅 $60味道好特別，甜甜地咬落韌韌地，炸得香口，家姐話一粒粒係花枝，其實乜野係花枝？蚵爹肉碎泡飯 $72蠔仔好大粒，又多又鮮味，泡飯入面有好多料，魷魚絲，蝦米，飲到個湯好鮮味，泡飯好大碗，我要同家姐share先可以食曬！飽到好飽，我地去番細個玩開嘅公園玩下先。

今晚去杏花邨探朋友，靚靚嘅海徬邊都有茶木嘅存在，設計好靚，清新溫馨，而且款式多好多。當然要一試吖😍呢個豬扒肉燥飯，好多肉燥，鹹鹹地加蘑菇粒送飯一流，炸豬扒嘅炸物好薄而且好脆，豬扒好嫩滑彈牙好正石板街朱古力蜜糖磚塊，好正，每次都必食之一黎嘅，脆脆多士加左蜜糖，一小方塊甘食，好正，加埋朱古力石板街雪糕，無敵好味吖呢杯香蕉朱古力冰淇淋，其實系冰沙加冰淇淋，香蕉加朱古力味好特別，香蕉味岩好中和朱古力味，唔會太漏

Hanging around Heng Fa Chuen and came across this Taiwanese Chain Restaurant. The menu was simple enough to understand yet held a large variety of taiwanese cuisine! 台式滷水拼盤-A hearty filled plate with marinated meat generously aligned. We were quite impressed with the belly pork as it was well textured with favourable lean-fat ratio.阿里山烏龍黑糖奶蓋This milk tea turned out to be enticing! Black sugar played an important role in balancing the sweetness between the mixture of milk and tea. Very refreshing