茶木‧台式休閒餐廳 (MOSTown) (裝修中)

帶著bb , 比較難搵到一些寛闊的餐廳。 幸好茶木有兩邊， 有一邊係商場位置。 比較寛😍久違的tea , 終於可以放鬆一下， 來一個下午茶麻花煉奶吐司： 素食者選擇之一， 吐司配上少少煉奶， 杏仁片， 曲奇雪糕。 本心覺得有少少甜， 如果唔加煉奶， 應該會幾好食😋友人加配一杯清清的紅茶， 就會好啲。 天氣太熱， order 左一個水果仙草， 不過以勝價比， 好似有啲貴， 份量唔算好大。 唔推介下次再試味道奇怪的珍珠奶茶， 我一向都喜歡飲奶茶， 但我覺得尼杯個味道好奇怪， 店員話係黑糖味😒。 所以我到最後都係飲左一半就無飲😩。

中午食唔飽，隨機找地方食下午茶。下午茶當然要食蜜糖磚，點知原來做緊優惠，半價！！！ 58元only! 份量又大，兩個人叫一個已經好夠。 各自再叫一位飲品，兩個人食飽飽。

久違了🫖茶木🪵一段日子，朋友仔話想食台式🐂牛肉麵🍜，而且疫情😷期間唔使排隊所以就嚟咗喇～疫情😷期間就算係🤤食飯時間🕗都好少人，但見佢都有幾多🥡外賣🛍等緊人拎。我哋叫咗個🤤小食「麻辣豬耳」，又麻又辣🌶幾香口，🐷豬耳又爽脆，入邊啲花生🥜就更加香脆😋可口！🐂牛肉麵🍜湯底有牛味，牛肉都 ok 腍，麵質幾香滑有嚼口。呢個係🧂鹽酥🐓雞扒面🍜，鹽酥🐓雞扒勁酥脆，而且🧂鹽酥味適中👌唔會太咸，仲大大塊分量十足👍！

台式香辣牛肉麵， 配自家手打麵本來手打麵好正， 怎知煮麵師傅好像忘記打散個麵去煮，將成舊麵放下碗去便算， 麵條成團， 漿住成個麵， 為何不打散個麵呢？ 特色？ 要個客自己打散個麵才好玩？ 真奇怪。浪費成個手工麵。原本想問經理為何個麵成團咁， 漿實晒， 不過見自己可以慢慢分開麵條便算了， 費事投訴完。。。牛肉超林, 湯超濃郁，。不過可以減輕d味精， 太重口味了。 食完好口乾。另加2個小食酥炸雞粒， 只是酥炸， 沒有味道。 不過夠脆，感覺沒有台式風味。紅油抄手， 抄手面加麻辣， 夠正， 青瓜如浸泡入味更好。 抄手值得推介

接完小朋友放學，唔想煮飯，又咁耐冇出街食，不如壽新港城睇下有咩食啦～一出電梯就見到...咦？茶木喎！🥰就食佢啦！12點左右，餐廳入面已經full 晒，好彩仲有出面位置可以坐～坐落都迫迫地，不過隔晒膠板，感覺都良好啲🙈1個lunch set 有3小碟前菜+櫻花蝦肉餅+魯肉飯+飲品，都係六十幾蚊，幾抵食～前菜個醃茄子好入味～本身魯肉都好好送飯，加埋熱辣辣櫻花蝦肉餅，好快已經食晒一碗飯，勁想再添飯🙈🙈不過點左個茶木經典甜品就唔敢叫多碗飯，驚食唔晒🤣草莓香草蜜糖磚塊，特價$58咋🤓🤓🤓有3大塊厚切多士，咩都飽啦🤣🤣🤣仔仲勁開心話下次要再嚟🤣茶木真係食極都唔厭🥰🥰

平日下午茶時間, 到茶木點選招牌食品, 「紅燒牛肉麵」和「鹽酥雞麵」 不用等位可以即入座, 我們立即點餐, 雖然客人不多但等食物時間比較長。「紅燒牛肉麵」 ~  紅燒牛肉麵保持水準, 牛腱很腍, 又入味, 雖然久等亦值得, 湯底濃郁, 配以超新鮮炆得腍甜入味的紅白蘿蔔, 使整碗麵來得均衡可口。P.S. 一提的是正價的牛腱有4件, 而下午茶特價的牛腱只有2件,  正價的食材份量比較吃得大快朶頤。 「鹽酥雞麵」 ~  食物端上時食物, 鹽酥雞剛炸好,  食物夠熱, 份量頗多, 不油膩,  炸衣香脆, 雞肉嫰滑, 非常好味。

今日放假，經過茶木，見到lunch set $68, 有飲品，有3小店，又有主菜，都好抵食。店內環境唔錯，卡位又坐得舒服。另外點了一客士多啤梨蜜糖磚塊，雪糕同多士，配搭仍然好好味，食極都唔厭。

心太軟$38，賣相精緻；我無份食，一陣狂風掃晒，小朋友話想食多份，應該超like😍😍多士條邊香脆可口$38杏仁片都焗得脆香，雪糕更加係消暑必品炸雞髀$38⋯⋯超大份，睇到個樣以為麻麻地，點知切開嚟分係唔夠爭🙈太好味😋蝦餅+海鮮卷$38⋯⋯好好味😋蝦餅香口食完想再食🙊芒果沙冰$38，下午茶餐只需要加$5便可以。超值！黑糖珍珠奶茶$0紅豆薏米仁水$0其中一份茶餐有優惠享半價，故此十分超值！

看到台式甜品 有興趣試一試選了芒果肉的 因為季節當造 一碗有五粒芒果肉 甜中帶一點點酸 可以接受的～😋😋😋還有黑珍珠、涼粉、仙草、薏米、紅豆、紫薯芋圓和豆花 口感很豐富，有黑糖的甜黑糖聽說是健康的 吃完也很有飽肚感。

本來想食壽司，不過太多人輪候，轉食上海菜，又發現原來它正在裝修沒營業，沒其他特別選擇下，臨時轉食台灣菜。今日好想食忌廉意粉，所以大膽地在台式餐廳點了客帆立貝培根奶油手工麵，而男友就點了個三杯雞 （加＄30轉套餐），另外還加點了一個士多啤梨蜜糖磚多士。帆立貝培根奶油手工麵賣相吸引，份量比想像多，但略嫌醬汁奶味偏重和較甜，培根鹹香味未能充分突出。三杯雞有濃濃的麻油香味，但整體雞件調味偏淡，不夠鹹，雞肉有點嚡，而且份量很少，麻麻。士多啤梨蜜糖磚多士多士整體烤得外脆內軟，麵包表面塗有蜜糖，香甜味突出，配以草莓雪糕，酸甜且富莓香的草莓醬和甜忌廉，整體味道香甜可口又不失清新，如果忌廉份量可以再多點就更完美了！多士是今晚最滿意的食物。服務方面整體不錯，上菜速度合理，侍應上甜品前也會先收拾好鹹點餐具和換上新餐具，整潔度不錯！下次再來會主力食甜品。

話說晚上時份有D口痕，想食小小野，咁不如去食個甜品拉，結果叫左個甜品之後，跟住隔離條友話我知已經啟動左飢餓模式，可以叫多小小野，結果我的小小野又係飽到嘔……… 我仲以為流心起司既意思好似係心太軟咁tim,點知原來只係個雪糕溶左落去牛小排超級淋，超級入味，不過件數就唔算多，牛小排底下有大量既芋頭墊底，食完都幾飽一人火鍋黎講，依個份量真係算小，比較適合女士們，肥牛脂肪較多而且有D韌 提提大家， 可能係疫情既關係，原本9：45先last order,宜家已經係9：15，唔好太夜去，唔係就要好似我地咁鯨吞

雖然茶木是連鎖店，很多人都說連鎖店的出品沒有小店的好，但是我覺得茶木的質素永遠都保持水準。我最喜愛吃他的鹽酥雞，一定是熱的和脆脆的。另外也喜歡吃他的肉燥飯，香香的豬油味，味道十分適合我的口味。個人覺得牛肉麵還可以，不是說一定要吃的。這一次還點了一個新的限時撈麵，有一點麻辣的味道，卻不會十分辣，只是帶點麻麻的香口。還附送一個花膠雞湯，花膠雞湯是奶白色的， 十分入味，值得推介。我知道夜晚還有花膠雞窩，很適合冬天進用。另外這次亦點了熱的抹香珍珠奶茶，已經叫了少甜，但是還是有點過甜，珍珠亦沒有什麼咬口。個人認為茶木的飲品就不及出面的小店，但炸物、意粉、肉燥飯等等是真的好味。

原來出咗新嘢，最新系列麻辣三重奏， 啱哂我呀辣妹系列, 以前黎親都淨係食紅燒牛肉麵， 今次就有新選擇我揀咗水煮肥牛， 配白飯， 再加多杯我最愛嘅黑糖珍珠奶茶 簡直人間美味呀， 期間限定㗎各位想試就快啲嚟啦

呢日心血來潮想食台灣牛肉麵～咁啱附近有間茶木，就滿足下食台灣牛肉麵既心願啦上到枱碗麵香到不得了！飲一啖湯，濃味得黎又唔會太咸。加上佢用左自家製既手作麵，條條麵都可以掛到湯汁！本身中意食芫茜既小弟覺得佢加個d芫茜簡直係錦上添花蘿蔔煮完之後都好甜，！雖然牛肉有d un，但整體黎講碗麵真係唔錯份量都唔少，食完係飽既

茶木一向畀我嘅感覺都係乾淨企理 ，而對食物方面， 算係有食物標準嘅品牌， 所以水準會keep到standard。特別鍾意佢呢個特飲， 薏米紅豆水，絕對係去水腫排毒嘅恩物，如果佢有熱飲， 而唔係凍飲效用會更加明顯。見佢都幾經常轉餐牌，為客人帶上新鮮感 ，食物方面都有好多唔同嘅元素，我鍾意佢會加一啲生果落去，感覺會清新一啲。