茶木‧台式休閒餐廳 (MOSTown) (裝修中)

味道賣相不錯，價格偏貴（同時本人自細討厭加一服務費），服務員態度可改善（始終係客，唔係趕豬趕狗，年青人唔好永遠呢個世界欠左你咁概樣同態度）下午茶：周日人不太多，三個人只等五六台廿分鐘左右，其他共三四十人等位，好快有位入座！對於下午茶來說，食物的價格偏高，結賬要差不多港幣298元。最吸引是雞扒和面包條很好吃。炸豬扒雞扒推薦，三色面包條也可以。芋圓甜品下面全部係冰唔抵。至於台灣傳統核心主食的紅燒牛肉麵等可以其他地方食，唔需要茶木食。

同小朋友們放完電，原來諗住食甜館，點知今日唔開算～ 入返mostown都有野食嘅～ 由於帶住2個小朋友，當然都以提供bb櫈為主～ 茶木就完全符合我地要求，而且呢間舖仲可以㨂唔坐店內，坐商場劃出嚟嘅「店外」位置，為咗避免嘈住其他客人，我地就㨂咗坐出面Tea set有吐司，小食，主食同甜品，嚟茶木當然吃吐司呀～ 不然幹嘛？我就叫咗台式牛肉溫泉蛋芝士吐司，朋友就叫咗薯絲炸蝦配鹽酥雞，大家都飲珠珠茶茶雖然落單時講要等20分鐘，但唔駛10分鐘已經上齊晒喇～ 對住湊住小朋友嘅我地真係幫好大忙，事關小朋友坐唔到咁耐嘛套餐配埋沙律，感覺上健康啲～ 不過沙律當然冇咩驚喜啦但吐司好有驚喜啊～ 估唔到牛肉唔係淋到爛嗰啲，仲好有咬口，軟軟的～ 溫泉蛋蛋汁配埋芝士同吐司，濕濕又脆脆，超正～超吸引的蛋蛋珠珠茶茶用咗環保飲管，茶味偏淡，珍珠就比較硬，但外層又好淋㗎喎，甜度就適中啦～ 不過有得坐低同朋友傾吓計食個tea, 於願足矣～埋單一人50蚊～ 抵食～

今次試下茶木嘅泡飯感覺咸咗d，不過都幾香幾足料食完泡飯，略嫌未夠飽，見到新出了款台式糖水，就點嚟試下。紅豆沙都幾綿，唔似酒樓個D溝水，而且好多料，又有珍珠 (好有咬口感)、薏米、芋圓配搭，甜味適中。

茶木雖然是到處都有的連鎖餐廳，但我自己卻一次都未曾吃過。但愛好甜食的我也早聞茶木有名的蜜糖吐司，於是決定一試。點了草莓香草蜜糖磚塊，巧克力蛋糕，以及外型特別的香橙蛋糕。蜜糖磚塊配上雲呢拿雪糕和士多啤梨醬的確十分滿足，如果可以再加強蜜糖味，就更好了！

雖然宜家多左好多餐廳，不過放假係馬鞍山食嘢，點都要等下位~好彩今日唔算多人呢，傾下計等左陣就坐得仲有得靠邊坐，同朋友自成主角。今次主要黎食麵包磚啦，耐唔耐就要嚟探下佢我哋仲叫左其他嘢食啦~坐下傾下有一日 

同幾個朋友o係附近食完飯，朋友話好掛住【茶木】既磚塊甜品，於是就去左呢度食。朋友A叫左「草莓香草蜜糖磚塊」，果然無令大家失望，真係Keep到水準，香口鬆脆既厚多士磚塊，每一塊都滲滿了香濃既牛油香味，而且很有咬口，新鮮草莓很足料，放滿了整整每一層的磚塊吐司上。而我則選了「香芒鮮果拿破崙」(唔知有無記錯個名)，傳統的拿破崙由三層酥皮夾着兩層吉士醬及鮮果而成。 雖然拿破崙是很普遍的甜品， 但真正好吃的， 卻不易吃到。呢度選用了新鮮水果與奶油製造的獨特香脆的層次，將傳統法式甜品提升了另一個層次。

今晚同媽媽o係新港城中心睇完戲，媽媽話想食甜品，於是近近地就上左 3/F 既【茶木】食個甜品。我就揀左「朱古力心太軟配雪糕」一切開心太軟，朱古力流心已經急不及待傾瀉而出，香濃的蛋糕加上流心的漿，熱騰騰的口感再配上一球冰凍的雪糕，實在令人非常滿足。要做到香濃幼滑的流心，就要上適當的溫度和時間了。而媽媽就揀左「紅豆沙糯米小丸子」寒風刺骨的天氣進食熱騰騰的料理，身體會變得更和暖，而且甜糯的味道更是暖心喔，紅豆煮得很香綿，加上煙煙韌韌的糯米小丸子，令人咀嚼得很有喜感，媽媽都表示吃得很滿意喔。

之前經過幾次茶木，也見到有很多人等位。 今天經過冇人排隊，即入去試試吧。可以選擇種類也算多，不過以下午茶來説也不算便宜。員工好快手，一落完柯打，就有顧客點菜紙放在枱上，方便可以即時double check 。 在四方木上也刻了＂結帳請到收銀枱＂，方便提示顧客。珍珠奶茶茶夠香，奶夠滑，珍珠也有彈力，幾好飲。紅燒牛肉麵牛肉稔又入味，可惜只得2塊，又唔大塊又唔厚。 有2塊紅蘿蔔及1塊白蘿蔔，麵條也夠多，湯底味道也可以。

《甜點鹹點都可以出色的茶木》係馬鞍山行街見到茶木呢間餐廳已經好想入去，但次次都好多人排隊，所以冇入去。所以今日特登一早去羅飛，之後去行街，時間就岩岩好！一分鐘都冇等！🍽紅燒牛肉麵 ($77)👍🏻推薦指數：(8/10)有4大塊秘製牛腩!!! 牛腩都好香滑！好林！配料有啲同蔥花係到，又有幾舊紅白羅白，食落去好開胃！碗湯牛味好重，應該用牛煲左好耐，而且份量都幾多。最後我食曬碗麵、飲埋湯都幾飽飽㗎 😋😋😋🍽松露帶子起司紅糟麵$81 👍🏻推薦指數：(7/10)松露帶子紅面就相對有d遜色，份量少，只有2粒帶子，黑松露味又唔夠，勝有個白汁味道夠，補救返。but真係no again.🍽黑糖芒果芋圓仙草👍🏻推薦指數：(7/10)最後仲食咗個甜品: 黑糖芒果芋圓仙草每樣野都有10粒左右，只係芒果有4個，個分量都好多。而且仙草令成個甜品唔會太甜，好啱一啲唔係太鍾意甜品嘅人👍🏻餐牌⤵️

開始秋涼，心思思想食蠔😬! 由於是二人晚餐，order的食物唔多，只係叫咗一份set dinner同蠔仔泡飯。好多湯*酥炸蚵嗲 $67（另加$30可配白飯+沙律/蛋糕+飲品） 蠔餅有一隻碟咁大塊，但係就有d薄。味道還可。👆🏻如果一開始見到實物就唔會叫！蛋糕賣相唔吸引首先倒汗水頗多⋯懷疑雪櫃壞咗/無控制好溫度😥 Opera cake 面層朱古力好「張」口，有點塑膠溶掉的質感。一層層的蛋層十分乾，乾的程度係枝叉一拮落去就散開，無應蛋糕有嘅鬆軟感覺。一路食一路有d無奈。總結是，茶木食物水準穩定，味道中規中矩。價錢偏貴，份量偏少。蛋糕類食物可以直接忽略。以前食過非蛋糕類的甜食是ok的。要排咁耐先有位，可以有更多選擇。

同朋友師奶仔上身, 走左去馬鞍山千色度行下~每逢呢D大型百貨公司做減價, 迫到個人都超攰...所以好想即刻搵個地方食下野坐下, 補充返能量...見到有茶木, 就同朋友埋去食~見到有小丸子menu~但唔算太吸引, 所以冇特別叫黎食.醬燒豬軟骨麵豬軟骨好淋好入味! 而且D肉都好大舊, 都算OK!麵條係類似闊條麵咁, 幾煙靭, 而且唔會煮得太淋黑糖芒果芋圓仙草望落都算足料, 有D芒果都幾refresh~

平時黎食多數都係食甜品多 今次放工過黎就試下正餐啦好彩係平日啦 等一陣就有位呢~頭菜要食沙律先啦 三四個人食既話份量岩岩好呢兩個人食就好似多左少少...但係出街食野 都係叫少少菜 平衡返好d 而跟住食既蚵嗲肉碎泡飯好足料呀!!記得要襯熱食 因為凍左有少少腥 LOL雖然已經係夜晚 不過仲想飲凍野呢呢杯仲有個雪糕係上面 可以過一過口癮唔錯唔錯！仲叫左小食 熱辣辣仲好香呢~我地再叫多個主菜 最後緊係要叫麵包磚原本諗住試之前新出既口味可惜我地食得太慢 落單個陣已經無曬啦....所以叫返朱古力味算啦今次輪到我大顯身手 將佢一層一層拆開夾起最頂個層之後  就可以開始食一路傾計一路食好開心呢~

唔明大家點解咁鐘意茶木。今日唔知食咩好走左入去真是好後悔竹炭多士曲奇雪糕有凍櫃味+一d都唔好食入面d芝士醬好奇怪，配埋一d都唔覺得好味😣😣😣😣😣😣😣😣😣😣仲要勁甜兩杯飲料都係極品-甜到個胃都抽筋咖啡無咖啡味，一味死甜加糖漿；餅乾淋patpat勁無誠意水果茶飲完個頭暈暈地 真心甜到接受唔到唔係好明點解咁多人食，又限時急急腳又唔好味，價錢又貴，冷氣凍到就黎變雪人🙄🙄🙄係咪想趕客快d走呢

今日一個人去左馬鞍山行街,買下d日用品,行下行下就覺得肚餓,就梗係搵間餐廳醫肚啦,於是就去左"茶木",環境相當有格調,咁我就叫左個雞扒肉燥飯,雞扒炸得好鬆脆,肉燥味道一流,very good。

好耐冇黎茶木食喇, 今次想食飯所以冇叫到佢既名物"蜜糖磚塊", 反而叫左款肉燥飯試下. 我揀左炸雞排肉燥飯,  單點要$68再加一, 價錢唔算平, 但黎到發現都叫做值回票價啦, 因為賣相好好之外份量都好多.塊雞排比想像中巨型得多, 大大塊仲要幾厚下, 而且係即炸仲熱辣辣架! 塊雞排炸到外脆內軟, 肉質都幾嫩滑, 咬落去口感正. 而肉燥味道都正正常常唔差, 撈飯食唔錯. 伴碟仲有涼拌青瓜同埋半隻滷蛋, 整體味道都唔錯, 下次都可以再黎食過.