茶湯會 (已搬遷) 新店位置

收工要諗食乜都幾煩，所以有時直接掃下街算，掃完街買野飲，廣華街一街飲品，通常我地都係買天仁，有時飲椰汁。上星期就揀左茶湯會試下，聽聞好多台灣通都好推薦(?)蜂蜜綠茶 $16係我心理作用定點？點解覺得咁細杯呢個size莫講味道先，第一下會覺得有些少貴。叫做茶湯會，多少會對佢地嘅茶有啲期望，可惜綠茶味不足…蜂蜜味搶哂茶味，而且飲兩大啖飲哂…真·細杯。有朋友建議紅豆拿鐵，有機會再試

無錯我認我又飲手搖肥仔水之前係台灣聽得茶湯會呢個名多 今次終於有機會香港試番杯諗左好耐試咩好 最後決定左order佢既皇牌-鐵官音珍珠拿鐵$24由於想減低罪惡感 我叫左3分甜少冰一飲第一啖好濃鐵官音茶味 比一般珍奶香好多中意飲茶但又想飲杯有味飲品既朋友岩晒茶湯會珍珠屬於細細粒 個人較中意大粒珍珠既口感因為細細粒 要咬多幾下先吞得 個口比較攰haha

觀音拿鐵 $22聽聞茶湯會已經有一陣子了，之前被茶湯會洗版了一陣，至今分店開到公司樓下👉🏻中環，人潮洶湧，好多人排隊，蘋果乾嘅怪癖就係多人排嘅野我唔鍾意同人逼，多人捧嘅野我更唔愛，寧願等到熱潮退去再黎試。終於，無咁多人排隊啦，2星期前嘅星期六約7點經過想買杯鎮店之選：觀音拿鐵，但，買晒？？咁早買晒😱剩番啲紅茶，綠茶，真係無咩興趣，無癮咁走咗。尋日睇完醫生又路過，幸運地比我飲到啦🎉點咗觀音拿鐵加蘆薈，同平時飲開嘅好唔一樣。茶葉嘅味比較突出，當然茶葉經過挑選再從台灣進口可能係其中一個原因；我諗奶係其中一個原因，相比其他店家大多數採用奶粉/奶精，茶湯會嘅奶比較淡薄，少咗陣濃郁奶味但反而更突顯出茶葉嘅特色（嗯，我合理懷疑茶湯會用咗新鮮牛奶🤔😆）。香港嘅特色奶茶已經成為香港嘅本土文化，一大特色；而台灣嘅珍珠奶茶也不遑多讓。香港嘅奶茶多用淡奶配搭而台灣卻沿用奶粉，試咗茶湯會嘅非一杯拿鐵後，算得上採用新成份嘅'較'健康飲品，令我有啲啲～啲嘅眼前一亮，而店家採取分店制（即向台灣總店買了代理權）而非加盟店嘅做法，希望可以統一標準；而短短時間已係旺角，天后及中環開了分店，拭目以待能否係香港立足。P.S 店

凍檸檬蘆薈蜜 $22.登打士街有n同y咁多間台式飲品店 特點係間間都唔平 原本想試大家喪推個間 見到價錢就彈返轉頭😂😂唯有留返有錢又好想飲先飲.茶湯會其實都唔平 揀佢原因係佢有蘆薈蜜飲 價錢同另一間差唔多😗味道係幾清新既 而且唔甜 不過就撈得唔均勻 越飲越酸🙈 另外都有幾多蘆薈肉俾我咬下 不錯吧 整體黎講可以試下既 不過仲係同台灣既差好多

係旺角行，望到貢茶附近有新野啵，就走左去試。好基本一杯珍珠奶茶就知道一間野好唔好飲~因為，呢個都真係好基本既飲品~入口奶滑重，但茶味比奶味盖過左，但好彩都合我口味~唔會過於死甜~ 而且珍珠有咬口，會帶出小小甜味(啫係用糖水煮佢出泥，甘樣會肥d架)，飲到最後會淨番幾粒冰~ 本人幾中意呢一種珍珠奶茶~ 因為附近間貢x係死甜珍珠，而且又冇咬口，唔q唔彈!! 所以對比之下都係呢間比較好~ 但價格唔多成正比

又係飲「肥仔野」的時候啦雖然知道飲珍珠奶茶係一件好肥的事但🐏一直對珍珠奶茶都情有獨鍾 所以「肥」暫時擺低佢先🙈耐唔耐都要飲返杯😙平時係登打士街台式飲品店就有5,6間 其實都幾難揀😂不過我🐏個人唔太鐘意貢茶 因為覺得質素好參差 通常都叫少甜少冰但貢茶有時無啦啦會好甜 有時又突然無晒甜😅所以我多數都就揀其他🙈今次就試左茶湯會😏茶湯會有多款與別不同的特別口味招牌飲品如鐵觀音Latte、珍珠紅豆拿鐵、東方美人茶等雖然這裡都有普通的珍珠奶茶但由於🐏羊群心理覺得必試招牌🙈而紅豆冰 珍珠奶茶都是我平時至愛🤗而紅豆奶茶很少見 平時只會在舊式茶餐廳見到有時候都會想加了珍珠會唔會又是另一種口感😏🤔所以就點了珍珠紅豆拿鐵因為下午茶時段 所以都幾多人買等左10分鐘左右就有啦不愧為茶湯會 🌱茶味的確比其他同業香濃但取捨下 奶味不太重珍珠份量都算多 不過如果紅豆可以再多一些就更好了☺️細圓的珍珠彈牙有嚼勁 紅豆圓潤甘甜 兩者配搭下味道驚喜地相當夾 😳 珍珠煙煙韌韌 紅豆軟腍腍👄紅豆+珍珠 一次過滿足左我🐏兩個願望☺️☺️☺️可是 以Size和價錢與其他同業比較 茶湯會Size較細杯 價錢亦較貴💸💸💸😭但綜合來說茶湯的而且

去旺角做返啲後生野-掃街，見平時飲開果啲舖好多人，呢間新開（對我黎講啦）又少啲人就幫襯，點知就中伏了⋯⋯ 點了珍奶，價錢貴過人，以為茶味會好一點，但一樣咁普通，仲要細杯啲⋯⋯珍珠多得滯都食唔到咁多，奶茶好淡無任何特別過人之處⋯⋯除左貴啲之外，所以真係未必有下次。

又一間台灣過黎的珍茶鋪，據報茶湯會的珍珠係師承台灣春水堂珍珠size比較遍細，都屬於煙韌，食落去d珍珠分明，吾會痴到一舊舊。而且奶味同茶味都還不錯，香濃同幼滑於一身。

自從知道台式珍珠奶茶是用茶精奶精沖製成，就少飲左好多。早幾年天仁茗茶到港，飲過都冇咩驚喜今次到茶湯會，打住幸福的名號，當然要一試!點了觀音拿鐵，略嫌細杯左小小，但一飲落口果然有茶香味奶不會搶過茶香，兩者配合得宜最重要飲完唔會頸渴。朋友說它的珍珠也不錯，下次可以試

第一次認識茶湯會係四個月前，台北士林店，當時飲熱鐵觀音拿鐵，即時有種愛上了的感覺。那時候心裡想，如果可以係香港開返間就好了。四個月後的今天，驚訝地發現旺角開左茶湯會!!! 立刻點了個凍既炭烤鐵觀音加珍珠，味道跟在台灣喝的沒太大分別，茶味依舊，珍珠屬於比較細粒個種，算是煙韌，不過一不小心就會成粒吞左落去

網上見到旺角新開了茶湯會，原來是屬於台灣春水堂的外賣店，幾年前到台灣品嚐過春水堂的珍珠奶茶，一直都念念不忘，今次知道有新店，立即去試試。點了最基本的珍珠奶茶$18，like fb 有減$2。珍珠比平日的細粒好QQ，依然好味，至於茶味未算太濃，我還是懷念台中春水堂的味道！而朋友飲既翡翠檸檬超酸。

台灣過江龍茶湯會系旺角開左分店😝系要棒下場嘅，去到唔算好多人排隊⋯豆漿紅茶嗌咗小冰，😜習慣嗌小冰係因為唔想飲到最後杯嘢變都好淡🙈所以唔算非常冰鎮，凍凍地飲落都幾舒服。豆漿味比較重，唔算係太甜😊說好的紅茶呢？茶味就真系弱左小小了🙄要細心咀嚼先有少少茶味⋯

多次光顧 茶湯會 位於天后的首家香港分店, 均換來失望的體驗; 想不到轉眼間於旺角登打士街這條昔日台式茶店主戰區, 漸漸又回復舊日樣貌, 除了長註的兩家貢茶外, 最近先後分別有多家來自台灣的過江龍頭品牌進駐, 包括清玉、KOI Thé (即當地的50嵐), 而最新一員就是茶湯會的香港第二家分店, 於是決定給茶湯會另一個機會。星期六晚上, 店前可以用人山人海來形容, 旁邊其他對手人流則較為疏落, 大部份都給茶湯會這家新店吸走了。試業期間, 只要讚好其官方網頁, 便會得到 $2 的折扣優惠。選擇了蔗香紅茶 ($11), 要求了去冰和微甜, 茶味比天后店濃一點, 但味道仍然偏淡, 那份茶香仍然跟台灣當地的茶湯會差很遠, 而且跟天后店有同樣問題, 就是飲品比其他店子的溫度更為冰凍, 這點也能夠從茶味偏淡的清況中反映出來。