茶狼 (已結業)

話說茶狼係香港都開左差唔多一年 啲黑糖珍珠鮮奶都飲到悶  所以趁經開九龍灣就試一試佢地既奶蓋茶  今次叫左奶蓋碳焙烏龍 雖然落單條龍唔長 但等拎飲品既人都幾多  但職員都好快手 唔洗十分鐘就拎得  飲落第一啖係飲到奶蓋既咸香 之後就飲到好香既烏龍味  因為叫左微糖 所以甜度岩岩好   見到佢地期間限定飲品都好吸引 下次一定會再試  

黑糖珠珠鮮奶碳焙烏龍茶（$28）Black Sugar Fresh Milk Roasted Oolong Cha with Chu Chu第一口充滿黑糖的獨特甜味🤤🍬，之後慢慢散發出淡淡的烏龍茶香🌿。經過攪拌後🙌🏻，黑糖味🍬被鮮奶和烏龍茶中和了，味道似輕型淡奶茶🥛，甜度適中，不覺甜膩！珍珠大小剛好，口感煙韌，整體來說也算是令人飲得舒服😌。.茶狼 (九龍灣)九龍灣偉業街33號德福廣場一期1樓F11號舖。

睇完醫生醫完肚，見冇人排隊，裝修和名字吸引，據頭系健康果茶，仲要冰滴，那就試下無防。落完單，好快有得飲，坐位不多，但勝在夠特別。芝士一般，茶味都特出，真心講是食裝修和挌局的心思。

九龍灣德福廣場嘅呢間茶狼，係少有可以堂食嘅茶飲店，店內設計都幾有心思，牆上有一隻隻嘅「茶狼」，方便大家打卡用。今次去買飲品，純粹係因為行街街到攰攰哋，想搵個地方唞唞，所以飲品方面只係隨意叫咗凍黑糖珠珠鮮奶碳培烏龍茶 $28，相比其它店嚟講，價錢算較平 (其實係其它店貴)，等咗大約7-8分鐘，就有得飲了！第一件事，當然係影相打卡，之後，據我飲黑糖珍珠鮮奶/奶茶嘅經驗，就係要shake shake shake，點知就大鑊了🤦🏻‍♀️ 原來個蓋係有窿嘅，一shake就fing到周圍都係…講返味道，有啲失望嘅係烏龍茶味唔算突出，但係佢又唔會好似其它茶飲店咁，飲到大半已經好淡味/唔夠黑糖味/太甜，佢嘅味道係可以last到你飲完成杯，呢樣都唔錯～珍珠軟硬適中，整體嚟講中規中矩吧，未必會再encore了～如果你鍾意睇我嘅食評，不妨關注我，支持吓我，謝謝你☺️💕

咁岩經過九龍灣，又見到個logo同裝修幾靚，就同朋友去左買。我果杯係水果茶，正常甜度，味道同一般水果茶都一樣咁好飲。佢有個地方俾我地傾下計，打下卡，呢方面做得好唔錯！

一間又一間嘅飲品店總會喺你左近，想幾時飲 都得，而且款式越嚟越多。今日朋友請我哋飲茶狼， 見到隻狼覺得佢個樣好衰，一啲都唔討好。不過朋友請到，冇辦法啦! 勉為其難都揀一杯啦!黑糖珍珠奶烏龍茶顏色比平時嘅珍珠奶茶淺色啲， 味道都比較甜。熱朱朱甘蔗青茶 甘蔗茶唔會太甜，有微微嘅甘蔗香。熱薑紅柚白露茉莉紅柚有啲苦澀，不過被薑味中和， 入口有薑 的香味。鮮蜜柑梔子花茶朋友話好有蜜柑味喎!買夠$100，送一個大嘅金色利是封俾你，入面原來係一支環保飲管。3.6牛乳芝士布丁杯，未食，未知道咩味道。

出去九龍灣，見到呢間茶狼就去試下，環境唔錯，有位坐，音樂唔會太大聲，適合飲野傾偈買咗一杯黑糖珠奶烏龍茶（正常冰量甜度）同一杯珠珠鮮奶烏龍茶（70%糖半冰），價錢正常唔會太貴，亦唔使等太耐就有得飲。但....呢兩杯野真係甜到好似飲完會即刻有糖尿病，杯黑糖甜到根本入唔到口，啲糖漿搞極都唔化開，飲完都喉嚨痛，向好果方面諗係佢好足料，黑糖同珍珠都唔少。另外果杯即使少糖都係甜到漏....同埋啲珍珠好硬，個人覺得軟返少少會好好多。

依家台式奶茶開到成行成市，幾步路同一商場都開左幾間。今次試一試茶狼奶蓋茶。店舖裝修好有特色，而且可以坐低飲，呢度加唔少分。講返杯嘢飲，茶底唔錯，配合埋龍眼肉，感覺好清新，加埋奶蓋，味道幾順口。價錢合理，值得一試！

其實我早已經認識了「茶狼」，知道了有「茶狼」這一間台灣飲品店，而且我在幫襯九龍灣「德福廣場」分店，早就已經在中環近着「半山行人自動扶手電梯」的起點旁邊，見識過「茶狼」在中環的分店。至於「茶狼」裡面售賣的台灣手調飲品，我亦已經一早知道「茶狼」的餐牌，其實沒有提供例如「黑糖珍珠鮮奶」等等的手調撞奶飲品，所以我直到見到「德福廣場」分店「茶狼」的時候，才決定第一次購買「茶狼」的飲品。我每次經過中環分店「茶狼」的時候，都會不自覺地被「茶狼」偏向純白色的店舖樓面設計所吸引住，後來我回到距離九龍灣「德福廣場」，「德福廣場」「茶狼」店舖比中環店，多出了一個可以坐着享用飲品的餐飲區。九龍灣分店「茶狼」的店舖，主要被劃分成為廚房及收銀櫃檯區，以及安排少許的座位，讓食客能坐着喝茶的檯櫈區。九龍灣分店「茶狼」裝修設計相對於中環分店，九龍灣分店更貼近店名原意。沒錯，九龍灣「德福」分店的「茶狼」，在餐飲區的牆壁上，正正就被九龍灣「茶狼」畫了一大幅「狼面人身」的壁畫。由於九龍灣「茶狼」的座位都是被安裝在牆壁，所以食客只能半倚靠在牆壁餐櫈上面。如此一來，即使九龍灣分店「茶狼」，「茶狼」廚房製作的手調奶蓋水果茶味道再甜

由pop up store到分店開到成行成市，一直都好想試，但未有機會！.終於今次試到了！ 因為阿魚好愛飲奶！所以就叫咗暖笠笠的紫薯鮮奶碳焙烏龍奶蓋茶（$35）. 奶蓋都算厚，不過紫薯真係令人大失所望，因為有好多渣⋯⋯本來我以為係會好順滑，點知係好多渣，一路飲，一路吐渣⋯⋯.但鮮奶同奶蓋都係不錯的！如果店主看到，希望可以將紫薯隔渣😣😣😣.茶狼（德福店）收2200，不過佢都繼續做我哋生意，同比我哋所有人坐到2230，真係好好人～～. 🐟📝：6/10.🍽🐟📝📌茶狼📍 地址: 九龍灣偉業街33號德福廣場一期1樓F11號舖📞電話: 36192470⏳營業時間：11:00-22:00.

今日去左九龍灣同觀塘一帶行街，行左陣覺得有啲口渴，腳又有啲攰，見到眼前茶狼有空位，都要坐低用快可以食餐飯的價錢飲杯茶！雖然有位，但係由於係星期日，人流都唔少，等左幾耐先有得拎野飲。可能係人流的關係，鋪頭環境較混亂，長坐不太舒服。碳焙烏龍奶蓋茶叫左碳焙烏龍奶蓋茶，奶蓋有香味，味道香濃，雖然同某間以喜為開首的飲品鋪比好似仲差啲，但係都有種台灣手搖杯的感覺，碳焙有烏龍茶葉的香味，茶味充足！我諗微糖已經感受到茶味！唔知下次試下黑糖好無？

每次經過呢個鋪頭都覺得佢裝修簡單得來但舒服特別，第一次買黎飲！晨早就費事飲凍嘢啦，所以叫左杯熱黑糖珍珠鮮奶試下，我自己無要求少糖，飲起身覺得偏甜，珍珠好食，夠E刃👍👍舖頭設有少量的座位，裝飾簡單，係我自己喜歡的風格，坐得好舒服，！下次試下嗌少糖先😋😋

同友人慶祝生日，本來想買個蛋糕，但見茶狼的蛋糕好吸引，便突發其想不如叫幾件細蛋糕加杯茶仲開心。叫左朱古力蛋糕加水果四季春同埋炭培烏龍奶蓋茶，二杯都不錯，第一杯水果四季春有清淡的水果茶，十分清新。第二杯烏龍茶有濃郁的茶味，再配上濃郁的朱古力蛋糕可以解漏🍰😋😋祝友人生日快樂🎊

黑糖珠珠碳焙烏龍鮮奶茶 $28.哩間黑糖鮮奶茶個人覺得唔錯 面係奶泡 幾香既烏龍茶底 黑糖味濃 不過要撈下佢 唔係就甜到飲唔到 其實我覺得可以再減甜🤔 珍珠都幾有咬口唔錯既 可以一戰.

一直都愛飲珍珠奶茶，都會周圍試唔同嘅台式茶店，九龍灣新開不久嘅茶狼主打茶系，初開張時勁排長龍，今日見無乜人就決定會一會隻狼! 我叫咗杯`珠珠甘蔗青茶'，少甜，甜味少咗，甘蔗味都淡咗，但就有淡淡又清新嘅青茶味，飲落好舒服，好清!朋友叫咗`珠珠菊花白露茉莉'，少甜，呢杯有較濃嘅茶香，即使少甜都好夠茶味!珍珠非常好咬口，正!整體嚟講又唔算太特別，呢個價錢似乎偏貴，同埋等候時間都較耐，唔怪得好似成日都咁多人咁!呢度嘅餐具自取，都算整齊方便!