茶狼 (已結業)

Roasted oolong tea(走甜):HK$30The tea is so strong and the cheese tastes good.飲到最後茶同芝士mix埋一齊就唔太好飲

希慎入面有一間台式飲品pop up store，大大個🦊狼店長其實幾吸睛～雖然人龍很長，不過等候既時間唔算太長🤭最想試係甘蔗青茶，可惜賣晒了😭😭🦊 #碳焙烏龍奶蓋茶 $30飲奶蓋我覺得最好係直接用口飲，而唔用飲管😋奶蓋唔膩，如果咸香再重點更好，烏龍茶茶味幾香，不錯，整體味道還是偏甜，如果要試就點少甜吧～味道唔算太驚豔，試一次便夠了～餐牌茶狼地址：銅鑼灣軒尼詩道500號希慎廣場1 樓中庭

水果白露茉莉茶 - $36.平時去Hysan Place慣例會走上10樓買天仁茗茶, 但喺1樓中庭有個幾引人注目嘅Pop-up Booth - 茶狼所提供嘅飲品 & 甜品都同國內的喜茶有幾分相似, 而茶狼就係由美心去operate的.好多時飲水果茶都會配四季春, 今日想有啲變化, 改選了白露茉莉茶.白露茉莉味道幽香, 茶味濃郁, 茶香味持久不散.但唯獨水果份量偏少

係facebook度見到Lee Garden廣告話download佢地個apps可以免費有一杯30蚊茶狼野飲所以即刻同男朋友down apps去試由於係pop up store 一去到就見到條長龍 排左成20分鐘先買到野飲我叫左鮮甘蔗奶蓋青茶 雖然已經叫左少甜 但都仲係好甜但奶蓋係好飲既我男朋友叫左水果四季春 少甜少冰我地覺得佢係好飲過一芳 茶味香 水果味突出 冇一芳咁甜 亦都大杯好多用左8蚊就可以有兩大杯野飲真係好抵質素唔差 雖然價錢偏貴 但可以一試

因為就快新年，就同朋友去咗銅鑼灣血拼，買下野，辦年貨！第一站就諗住去誠品，睇下有冇啲靚靚文具，用泥裝飾office！但仲未上到去，就已經比希慎一樓個pop up store 吸引咗，係一個期間限定，以狼做主題既野飲鋪。但由於人真係太多，搞到我都唔想去排埋一份，所以諗住睇下行完街，少啲人先再去試！行咗個幾兩個鐘，人龍果然真係少咗好多，就即刻去排隊！店面主分咗兩邊，落單同拎貨區。而我今次就叫咗杯水果四季春，入面都有唔少種類既水果，西瓜、蘋果、青檸、士多啤梨等等，四季春飲落都幾清香。店員仲好有禮貌咁提我可以拎枝長叉番啲水果食，好貼心！

今日同朋友約好咗夜晚去維園嘅年宵行下，應下節。因為未夠鐘，所以就決定去希慎行吓，行行下，就突然比呢個「大灰狼」嚇親，吸引到眼球！最近網上都出現咗唔少飲品店嘅推介，芝士奶蓋、新鮮果茶、香滑奶茶⋯樣樣有，搞到我都心思思想試吓。見到條人龍都唔係好長，就捉咗朋友去排隊。最後我就決定咗飲紅柚白露茉莉茶，因為紅柚嘅關係，整杯野飲變咗淡粉紅色，好少女，白露茉莉茶散發着淡淡的茉莉香，飲落都幾清甜，有少少回甘。雖然鋪頭係Pop up store，但係裝修方面都睇得出落咗唔少心機，配合返店名，有唔同造型嘅狼圖像，俾大家打卡！

又有新出茶店。銅鑼灣新出左一間舖頭，好似係pop up store，應該遲啲就冇啦。行行吓街，一上希慎嘅電梯俾隻狼嚇親。之後見到大長龍，好多人呀。但個設計好靚，就由得我港女啦。排咗半個鐘，同朋友一人叫咗一杯。水果四季春入面有唔同嘅水果，好吸睛。包括有士多啤梨、蘋果、青檸、檸檬仲有西瓜。入口好清香，係水果嘅味道，淡淡茶味。食完仲有枝叉，可以拮啲水果嚟食，但唔知係咪浸得耐左，啲蘋果淋咗。

隨着年紀增長，慢慢愛上茶。每種茶都有唔同嘅香同味，就好似唔同嘅人有唔同性格一樣。以台灣同日本嘅茶我比較鍾意，好似有陣陣嘅香咁，飲完之後口入邊都仲有啲回甘咁！最近，希慎呢度就開咗一間新嘅茶店-茶狼。睇返原來都係有美心集團去開，最近美心集團都好似有唔同嘅新動作，越嚟越貼近年輕市場。Menu上有好多款唔同類型嘅茶，凍櫃入面亦都有一啲甜點，布丁呀，蛋糕咁。其實本身我今日最想飲嘅係冰滴茶，自從上次喺濟州飲完之後一直念念不忘，好想搵返果種清香嘅茶味。可能仲係好新啦，我哋排嘅時候都有成廿幾人排緊隊。不過店員都好快手亦都好有禮貌，值得一讚嘅！我揀嘅呢杯就係鮮甘蔗芝士奶蓋青茶，用上鮮甘蔗汁同埋四季春茶，茶面加上芝士奶蓋，超級有驚喜！最初好擔心芝士奶改始終都有少少鹹鹹地，但係甘蔗呢就係好甜嘅，好驚佢哋撞曬完全唔啱味。點知真係好夾，甘蔗嘅甜加左個芝士奶蓋有少少鹹味中和返，都係以前從來未飲過嘅配搭！雖然佢嘅位置係係一個廣場嘅中庭，但係都有唔少影相位，如果行開嗰頭想飲杯嘢都值得一試啊！當然如果唔駛等咁耐就更加好啦🤣

剛剛新開但態度超差，我叫鮮甘蔗奶蓋青茶，收銀好細聲覆....唔知問我唔要咩水果，我話係，然後出單一睇無寫奶蓋，於是同收銀講，收銀態度好差話我問咗你啦咁我補番錢，然後都知道等超過30分鐘，等到一個鐘時見唔對路，點解電子顯示版無跳過，同時準備取茶的枱面放左超過十杯茶無人攞，一問之下原來已經過左我號碼十幾個，好心同職員講個電子版壞左無跳，佢唔好意思無句，答我：係咩！（滿不在乎的口敏）講番味道，奶蓋份量唔算豐厚，但甘蔗味道出，我叫少甜，甜度適中。總結，試茶完畢！