茶米 (太古廣場) (已結業)

媽媽叫咗黑糖紅棗薑母茶。（冇影相）好大片姜！！同杯一樣咁大，好足料.不過甜到爛牙，我嗰杯已經好甜，媽媽嗰杯更甚佢話唔想浪費，想飲哂佢，但甜到好似飲糖漿咁，好辛苦，飲唔到落去！！.配搭來講欣賞佢幾有創意，奶蓋面加咗啲好辣嘅辣椒粉，chok喉嘅程度。冬瓜茶過甜，珍珠特別好咬口。.由頭飲到落尾都好辣，就算想避開淨係飲個底都好辣，奶蓋已經完全起唔到作用😅😅😅😅成杯野就係飲到好甜同埋好辣。.同埋諗到嘅就係唔想再返嚟飲第二杯。雖然環境真係坐得幾舒服，但試一次夠了。.總結：佢嘅配搭係好有創意同埋係夾嘅，但係啲比例好唔啱，好多嘢都太重手，味道失衡。由於味道真係太頂唔順，所以我哋臨走都好有禮貌地同門口個姐姐講聲可以輕手啲。.其實簡單回應一句：會反映番，就可以了。但係個員工係駁嘴咁樣，話自己嗰啲冇問題，係咁樣的，黑糖係甜㗎啦。而且一副愛理不理嘅態度，客人講緊嘢嗰陣隻眼望住天花板，唔想聽咁樣，感覺唔係好尊重。.尤其新開張，我覺得就算你唔會真係改/做咩action，都要比客人感受到有心。

 在金鐘上班日的午餐時間是相當難搵食的, 同事說要試Pacific Place新店--茶米,  於是嘗試早一天訂位, 但接線生說訂一點的位訂不到, 提議訂一點半, 最後放棄訂位, 還是當天WALK-IN算了, 幸好當天等了5分鐘就能入座.門面分飲品區及堂食區入口, 內部裝潢精緻, 光線充足, 枱與枱之間相隔寬闊. 剛好我們被分配到卡位中, 很是舒適.午餐餐牌非常簡潔易懂, 我們一行四人第一次來試, 當然想多試不同款的菜式, 於是除粥類以外, 粉麵飯素套餐都點了.台灣菜的飲品出名種類多, 午間套餐可選擇的飲品其實不止餐牌上的, 你可以自行去門口的飲品外賣部落ORDER, 不過因為較花時間, 想和同事們多聚聚, 傾下歇, 於是打消了這個念頭.自己點了凍黑糖珍珠奶茶, 不太甜, 奶味比黑糖味重, 冰冰凍凍易入口.同事們點了焦糖堅果奶蓋杏仁茶, 奶蓋好甜, 基本上飲了奶蓋部份已經有飽滯的感覺, 杏仁茶很香, 沒有被焦糖搶去杏仁茶的味道, 調配的比例還是不錯的. 套餐附小食及自選小碟, 醃蘿蔔相當不錯, 吃了很開胃, 小碟點了涼拌雞絲青瓜小雲耳, 雞絲總覺切得太粗, 青瓜及雲耳夠爽脆, 醃得很入

作為kiki麵粉絲，去茶米一定係為左kiki麵而黎～·🍜蒼蠅頭拌麵（$148 包自選小碟一款）個碟好大，份量多過一個kiki麵～好香好惹味既蔥粒，肉碎同埋🌶🌶食第3啖開始⋯feel到辣，愈食愈辣🌶🌶🌶🌶🌶如果想食kiki麵，建議自己煮😂😂呢個價錢唔抵食👀試過就好🥢手磨米漿白腸粉😍呢個推介！厚度令佢變得有彈性但又不失滑滑既口感💓🐔kiki棒棒雞🙅🏻‍♀️唔好食～🍚鰻魚釜飯😇 （$148 包自選小碟一款）偷食左朋友2啖飯🤣味道唔錯～鰻魚燒汁好香！🥛堅果奶蓋kiki烤茶（跟餐加$18）我唔鍾意飲😭好甜之餘，覺得奶蓋同堅果好唔夾🥛黑糖珍珠鮮奶（跟餐加$18）飲完會飽上加飽🥶

KK麵午餐係$148 /位，建議+$18轉 Kiki 茶可以叫用外賣杯上。埋單$181左右/位。配菜好精緻，還送前菜。入面座位寬鬆，聊天都OK！但侍應會幫你不斷收碟，連未吃的小菜都問你要唔要想收埋。今日可能仍是假期，等位人不算多。

又黎試新野呢度有樣ginmick野係川味珍珠不過今日唔係好想飲得咁特別，所以下次先😛有得外賣，又或者室食飲杯茶休息下都好揀左杯迷你芋圓kiki烤茶（走冰）微甜同自家桂圓紅棗茶烤茶幾香炭燒味，微甜剛好，唔會無晒味芋圓幾有咬口，有少少芋香份量都好大杯，總算對得住個價錢價錢唔算好貴，尤其係開喺咁高級嘅商場之中不過同樣嘅價錢，呢度都仲有其他茶飲選擇，例如就喺隔離嘅中村藤吉店朋友嘅桂圓紅棗茶就好足料！唔係普通即沖桂圓茶咁假甜，係用足紅棗桂圓泡成嘅養生茶！有驚喜嘅咁足料，不過養生茶，我自己都泡到啦😝

是日下午茶時間黎到太古廣場搵食，見到呢間新開既茶米，又有下午茶餐牌，就衝左入去！是日星期一，我地叫左乾炒豬頸肉米粉，真係好迷你喎😂每人分到半碗，多都無喇。炒得夠哂乾，乾到有好好好幾條米粉直頭係硬既！味道正常既。跟餐既竹蔗茅根，好清好淡既竹蔗茅根水。仲有小食麻辣豬腣花，好食喎，炆到淋哂入哂味，又食到麻辣味，但又唔會太辣，係啲毛清得唔夠好，仲有好多毛咁。焙茶布丁配珍珠，好食，真係好食，一定要試！唔差既，係金鐘無咩呢種類型既餐廳，坐得尚算舒服，可以有下次既餐廳。

2018年最後一個lunch係茶米點佢星期一既lunch set menu。非常慶幸加$18要左杯特飲：焦糖堅果奶蓋杏仁茶未飲見到d果仁半浮半沉咁係奶蓋上，已經覺得層奶蓋creamy得黎又好厚實，目測有兩cm咁厚一入口層凍奶蓋滲出淡淡焦糖味，再夾住熱辣辣既杏仁茶，除左好好好飲外，仲感覺好養生！！北菇滑雞粥非常入味，亦好有誠意，好多滑雞肉同北菇係入面，啖啖都好有料，略嫌口感可以再稠密一點。呢個就一般，正常發揮。

奶蓋白桃烏龍 (焦糖堅果奶蓋) $34去完灣仔影聖誕燈飾, 路經金鐘去中環, 沒打算吃KiKi麵, 反而口渴想起KiKi茶, 便買杯茶解渴。看了看餐牌, 沒有叫珍珠系列, 反而要了雪絨系列。奶蓋有兩款, 芝士海鹽和焦糖堅果。兩者都有芝士海鹽奶蓋, 分別在於有沒有焦糖堅果, 不抗拒焦糖或堅果的當然要焦糖堅果奶蓋了。堅果份量雖然不多, 總算是多一點口感。奶蓋濃稠適中, 打側杯喝, 一口有齊奶蓋和茶, 所以連飲管也可省下。烏龍茶味十分濃郁, 與坊間茶底只有稍微茶味是截然不同, 喜歡濃茶的是不錯的選擇。

被雜誌推廣的廣告吸引，特地乘車來金鐘太古廣場嘗試這間新餐廳一來到就已經有座位了，立刻點了最想吃的伯爵戚風蛋糕配黑糖珍珠。同埋同朋友每人叫咗一杯飲品，分別係焦糖堅果奶蓋杏仁茶，同埋熱金鑽鳳梨清茶。伯爵戚風蛋糕吃下去是沒有想像中鬆軟和彈性，比較硬，但蛋糕上面的珍珠和奶泡味道配合不錯～這個組合很特別，值得一試。我點的焦糖堅果奶蓋杏仁茶，上層的奶蓋堅果是和暖的，下面的杏仁茶很熱，喝時有一些堅果顆粒，但是沒有焦糖的味道，味道一般。朋友所點的金鑽鳳梨清茶，朋友說喝下去是有一點苦，不太合他的口味。

是日約左友人試一試依間茶米，因為友人好中意飲台式飲品，而我又咁耐都未食過kiki麵，岩晒。我地點左兩個都係類似期間限定既拌麵，一個係肉燥溫泉蛋拌麵，另一個係胡麻雞絲拌麵。再加兩杯台式飲品（好古怪，我睇左menu得好少款，侍應話其他要出去外賣果邊買？咁點解唔可以照整比堂食既客人直接落埋order呢？就算係價錢上既分別，可以照寫明無問題，係要人地特登行出去買返入黎🙄）我點左個白桃烏龍茶芝士海鹽奶蓋，係幾好飲既茶味香，芝士滑同creamy黎到兩碟麵既份量少，肉燥果個都好正路既但無乜驚喜，至於胡麻果個諗住係無死穩陣野，點知係無胡麻醬既甜味囉，一味得個酸，好失望，咁簡單都可以整到唔好食都幾難。以咁既價錢黎講真係好唔抵同失望，唔會再黎試。

今日特登去PP試茶米，無需等位，地方坐位舒適，裝修設計幾靚，侍應有禮👍🥢打開menu見有一個避風塘豬頸肉炒河$118見圖片好似幾特別吸引，於是一試。但炒河尼到，賣相不佳，全碟炒河白色，感覺已經覺得無味無道，表面只有些少紅椒碎。入口後如想像一樣，完全無避風塘風味，唔辣唔香，完全不值👎🏼🥢Kiki棒棒雞$78份量少已經預左，🐔皮幾肥，肉質嫩滑嘅，不過全碟尼到都唔知咩部位咁，好似散哂咁。味道只有花生醬味，完全無辣味，無捧棒🐔醬嘅香辣👎🏼🍰伯爵戚風蛋糕配黑糖珍珠$68賣相0k！但重點個戚風蛋糕一d都唔鬆軟，而且有少少實，好似蛋糕已經放左一段時間咁。幸好蛋糕表面個醬及珍珠味道0k！整體而言都係差👎🏼☕️Hot Latte $38賣相有層次幾靚，拎起個杯見碟底印住Nespresso, 我估用capsule冲coffee🤦🏻‍♀️🍵另外自行行出店外買左一杯迷你芋圓kiki烤茶$33 （三分冰，微分甜）杯野好甜，無咩茶味，芋圓煙韌有芋頭味，只可惜太甜，可能浸入糖水中太耐。

係太古廣場食野貴就預左，閒閒地食個lunch 都二三百蚊落樓。聽同事講開左間算平啲啲嘅台灣餐廳，所以一直想試試。今日約左朋友係附近食lunch 所以預早book 位黎試下。去食之前有另一位同事話lunch set唔夠飽，所以都有啲擔心。(不負責任地只係影左星期一即係自己食果日haha仲要影唔哂啲小食🤷🏻‍♀️)唔算多choice 但每日都有唔同野。同埋鐘意佢有素食choice我叫左E 飯配kiki 雞（即係乜）飯好大碗喎，我算大食都夠飽。。但就有啲淡。不過係健康之選！OL 最like 👍🏻個雞有少少麻辣但我唔食得辣都覺得接受倒。唔記得講食之前仲有個餐前小食，最後仲有杯豆漿同小甜品。好飽。......兩位朋友叫左粥加點心 (唔係台式餐廳嗎？）同埋kiki擔擔麵 加腸粉同樣有小食野飲甜品。$148+10% 算係咁啦！太古廣場噃親愛的！不過佢某啲特式野飲無熱嘅選擇就比較失望，養生嘅OL 天氣咁凍唔想飲凍野嘛。....最後值得一讚係環境幾好，檯同檯之間竟然有距離（！）同算幾闊落！岩哂OL 吹水講是非！🙋🏻‍♀️

後知後覺做完瑜伽見到金鐘有新食肆貪得意買咗杯荔枝貴妃紅茶買嘅時候冇人同我講甜唔甜只係問我要凍定熱諗住冇咩所謂$35一杯茶試吓好冇飲點知等足15分鐘嗰杯茶先整好( 我買之前冇人排隊，我買完都係得小貓三幾隻）見到杯茶就賴嘢個蓋給唔實個杯個staff求其痴咗條膠紙係個杯麵就算，但係短到阿媽都唔認得唔知有咩用然之後我見個個有個飲管嘅窿，就問佢攞飲管點知佢話冇佢叫我撥開個蓋飲我就覺得咦嗰design 幾好喎，點知一想撥開，條膠紙頂住左😑😑聞落去係幾香，但係杯野熱到我由金鐘搭到去尖沙咀之後我都覺得熱到飲唔到落口當飲到落口嘅時候，發覺佢完全冇味冇荔枝味冇甜味得茶味唔知佢啲凍飲好冇飲不過好失望

人在金鐘經常會覺得無啖好食，午飯時間到處都大排長龍，不過自從太古廣場開了KiKi茶@茶.米，帶來貼地的台菜選擇。店內面積寬敞，環境舒適開揚，木系裝潢和諧溫暖，氣氛閒適自在。除了堂食之外，也可在這裡外賣台式飲品返office慢慢歎。KiKi茶@茶.米特別選用優質的天然食材，包括直接從台灣進口的頂級台灣茶葉、黑糖及蔗糖，並依照正宗台灣茶品配方，加入手工珍珠及即時沖壓的自家拼配濃縮茶。品牌更率先引入美國BKON真空萃取泡茶機，以先進技術萃取茶味精華，調製特色調合茶及果茶，不僅能快速泡茶，更可將茶置於真空環境釋放茶香精萃。來到秋冬季節，換上新menu，最新推出多款溫暖身心的招牌茶飲及甜品。新推出六款精選飲品，以溫潤熱飲為主，包括KiKi皇后私版黑茶 ($35)、自家調配的手磨杏仁茶 ($32)、焦糖堅果奶蓋杏仁茶 ($35)、每日現煮的自家桂圓紅棗茶 ($32) 及黑糖紅棗薑母茶($34)、凍飲手磨杏仁鮮奶($38)。金鑽鳳梨青茶 $35滿是鳳梨的果香卻沒有鳳梨的酸澀，完美融合酸甜果味，餘韻感到茶香慢慢擴散，層次豐富，難怪是人氣熱賣皇牌。秋冬menu 添加了由米芝蓮星級大廚小西充設計的創新Ki

台茶密密飲系列。今次黎到pacific place 試試台灣品牌{{ KiKi茶 }} 。佢地嘅手作珍珠好特別。除左普通黑糖同芋頭珍珠外。仲有涼茶味亦有川辣味珍珠。foodamin先試下kiki茶推介之一嘅夏枯草珍珠茉莉綠 。第一啖飲落去飲到茉莉綠茶底幾清香。但由於夏枯草珍珠味道好濃。所以搖匀之後成杯茶就係充斥住甘草味。所以不愛涼茶的就別挑戰了🤣🤣。真心係涼茶珍珠啊🤣🤣好特別。 珍珠份量好多。甜度唔高。啱哂貪吃珍珠又怕甜嘅foodamin 。夏枯草珍珠茉莉綠 $30