茶飯叁少

营业中

休息中

本身諗住簡簡單單食一餐晚飯，原先見到OpenRice啲食評都係一般般，諗住俾一次機會試吓。點知一進入餐廳就係惡夢嘅開始。食物真係非常一般，服務態度係「劣」。服務生擺低個雞煲喺度就走咗，又冇講低要煮幾耐，另一個服務生行過嚟先知原來有一個計時器，經理忙到唔知去咗邊。叫咗杯嘢飲同埋白飯等咗20分鐘都未嚟，總而言之，我一定不會再光顧，亦不建議大家光顧。你哋啲飲食業老闆唔好怪香港人點解寧願北上消費，因為係你哋自己攞嚟。

上菜極慢！乾拌面等了10多分鐘，另外一個炸蝦卷雞粒肉燥拌飯等了20多分鐘，中間試過催員工上菜，雖有及時通知廚房，但送上來的飯是雞翼雞粒肉燥拌飯，我嘗試問員工為什麼上了雞翼雞粒肉燥拌飯，而非炸蝦卷雞粒肉燥拌飯，員工給予的回答是因為炸蝦卷這幾天缺貨，答案讓人感到惱火及疑惑，若你一早知炸蝦卷缺貨，應於點單時告訴顧客，並不是用一個沒有所謂的語氣說「忘記了。」，菜的質素也很差，沒有什麼味道，大家看到這餐廳可以不用考慮，俾錢買難受。

落單超過三十分鐘，過了二十分鐘未上齊餐飲及食物，本以為餐廳早市比較忙，上餐速度比較慢，唯有耐心等一等。怎料眼見其他遲下單的食客落單五分鐘，主食、小食及餐飲已經上齊。才追單一次，第一次追單個阿姐根本就沒跟進過，再過十分鐘。追第二次單，經理說會幫我跟跟，但未曾問過尚欠什麼食物。再過五分鐘，追第三次單，忍不住發火問，已經追第三次，到底有沒有跟進過，個阿姐態度很差，自顧自地入單，隔一段時間後才斯斯然叫經理跟進。經理再次過來，明顯已忘記跟單事情，簡直要逼到食客發火的追問，才問尚欠什麼。問完也沒有回覆跟進進度。然後追第三次單的阿姐，卻悻悻然告訴我，已經幫你們跟了單，感覺她想表示已不關她事一樣，還繼續跟我們口舌爭辯。真的食物未食到，已食到一肚子氣。

最近飯局比較多食西餐🍽️想轉轉口味食川菜🌶️🤭經過門口見到烤魚好吸引😍二話不說就入去試試🤤呢間主打烤魚，雞煲，魚片鍋，大盆香鍋及粉麵套餐等碼頭烤魚🐟🍲烤魚🐟設有4種不同口味及可以自行選擇辣度🌶️，今次湯底揀左老壇酸菜湯，小辣對我來講唔算辣，但友人感覺岩岩好😂，魚肉方面揀左海爐魚，原條魚表面烤至金黃，食落鮮嫩結實但有啲魚骨，建議食的時候要小心，鍋裡有少量寬粉，萵荀，金菇，豆芽，蓮藕片，豆卜及酸菜等配料好豐富，魚肉沾滿濃濃的湯汁十分惹味😋，食烤魚同時可以一齊打邊爐，另外追加幾款配料，山水豆腐有豆花味食落好滑溜，土豆片，萵荀及鮮淮山片熟透後索盡湯汁精華好入味，鵪鶉蛋的蛋黃軟綿，三角牛小排牛肉味都算重，而每次食烤魚都會叫寬粉，食落非常煙韌，估唔到份量咁多，最後要好努力將全部食晒😂窈窕淑女大紅袍🍹跟水果茶很類似，飲落好fresh君子好求四季春🍹飲到百香果味，仲有寒天有咬口，好清新解膩格雷蜜香蘋果冰茶🍹食物方面唔錯，但服務方面有待改善😂

{老壇酸菜魚片鍋 - $178}呢間茶飯叁少其實喺坑口開咗一段時間都冇入過去，但係成日都見到有人排隊，今日終於有緣試一試！叫咗呢個老壇酸菜魚片鍋，係餐牌上面寫住兩至三人份量，結果嚟到原來超級😅以為兩個大食仔咁樣走去食會食得晒，結果都有啲吃力。魚片好滑，同埋酸菜魚嘅魚湯都好濃郁！食到正宗嘅氣息！我哋叫咗中辣，不過原來中辣都唔算好辣，我覺得下次可以試大辣！呢個價錢兩個人食飽飽，非常公道合理！美味程度：😋😋😋😋環境指數：🎇🎇🎇番食機會：🦍🦍🦍📍 #茶飯叁少 (將軍澳)將軍澳坑口常寧路2號TKO Gateway東翼1樓E139號舖

新開張時食過一次，今日經過再幫襯吓。點知完全兩回事，川味回鍋肉完全唔辣😦仲係甜嘅，真係第一次食，加25蚊2條手工炸蝦條仲o咀，落單到上菜唔使分半鐘就知唔對路，衰過白烚芝士腸。一星都嫌多🖕🏻態度差又難食，極度唔推薦唔會再有下次。

又來到午餐時段，喺東港城唔知食咩好，呢間茶飯參少門口咁多人排隊，上次食過一次，都OK，今次再食多一次，睇吓會唔會好似同上次一樣保持水準，我一個人，排咗5分鐘就有位，冷氣足夠。今次我就嗌咗一個金湯酸菜魚片配白飯一嚟到梗係飲吓佢個湯先，酸辣程度正常，老少咸宜，非常之有酸菜味道，佢有豆卜，吸晒啲湯汁，一咬落去好似飲緊湯咁，酸菜魚最緊要梗係個魚，肉質鮮甜，淋到冇牙都食得，用條脷頂一頂都已經鬆化晒，直接吞落肚，當然對比起大陸食嗰啲，咁就梗係輸咗啦，但係香港食到呢個質素都算係咁。

喺出面俾佢個裝修同餐牌呃咗入去食咗餐下午茶 叫左酸菜魚或者水煮魚牛肉 味道一般 性價低同類型嘅嘢，我會考慮返寶琳嗰間十二味 差唔多價錢份量又多味道又好過呢間咁多。。無下次！

今日行過坑口想食個平靚正既午餐最後就簡左依間五十蚊就有既午餐 叫左個麻婆豆腐飯同擔擔麵兩個餐分別都只係五十蚊 我地加配左十八蚊既小食 同埋加左$8叫左豆漿豆漿都不太推介,  味道一般 但依$50 既 價錢, 擔擔麵好有花生醬味 麻婆豆腐飯都十分野味, 但有丁點油 總結 平民價錢質素不錯 經過開坑口真係可以試一下依間平民餐廳。

一如既往，一個人食飯簡直無敵，午餐時段直接入去唔使等位。今次我點咗餐牌上有👍🏼圖案嘅重慶夜市牛肉炒麵，再加多個小食$25蔥油雞重慶夜市牛肉炒麵，得牛肉炒麵呢四個字先係重點，完全冇辣味，諗唔到同重慶/夜市有咩關係⋯味道唔濃（即係淡）應該幾健康。唔知係唔係驚我有三高呢，都幾細心😅牛肉無牛味，仲有啲「鞋」，而且份量都幾多。如果好食嘅話份量多係一個優點，如果難食嘅話份量多係受罪⋯⋯我又唔想嘥嘢⋯唯有頂埋佢⋯到個蔥油雞，唔知係咪入邊冷氣太大嘅關係，吹到啲雞凍冰冰，啲雞皮凍冰冰好似食緊啫喱咁。雞肉都算滑，但係冇乜雞味，要靠啲醬汁。我心諗究竟我食緊雞定食緊醬？話就話係蔥油雞，完全冇蔥油味⋯⋯我上次食嗰四川擔擔麵真係好好食，但唔知點解今次個牛肉炒麵咁，個體驗差晒⋯

在平日午飯時段，一人基本上完全不需要等位，安排了一個冷氣位給我，實在太凍了。我點了四川擔擔麵，再+18蚊開多一個鹽酥雞扒。四川擔擔麵有少少辣，很燙口，溫度很足夠，肉碎非常足料，淡淡湯都有肉碎，湯底濃郁，散發淡淡花生香味，對花生敏感的朋友要注意了！以擔擔麵湯底來說，應該是全港頭10甲了只是麵質方面比較淋身，沒什麼口感。鹽酥雞扒，外皮不脆，甚至有點「硬」，咬幾口都不斷⋯甚至咬到個口有點累⋯而且沒有什麼肉汁⋯乾巴巴的。味道方面亦沒有雞味，但幸好亦沒有雪藏味，算是不幸中的大幸吧⋯

唔食，CP值好低，有贵又唔食。啲咗半份嘅鸡煲，重有一啲凉菜。结果鸡煲味道好行货啫，打著川菜味，但系，一啲都唔辣，蒜味比较重，而且好咸，鸡煲称足少，啲咗半份，实际起菜似系四分之一份。凉菜仲得，但好贵，啲咗之后，比较后悔。整体嘅菜品味道好水，味道实在唔食，本住似嚟改善伙食，结果仲打倒褪啦，系一次令人后悔嘅食饭。起菜速度快，服务心情可以，但系后续服务唔得，叫咗落汤，半日无人理，最后都系自己去攞咗浓汤自己加，埋单速度又好快，整体服务一般。

茶飯叁少，位於將軍澳坑口常寧路2號TKO Gateway東翼1樓E139號舖。 大約三點鐘到達， 餐牌上午餐和下午茶的價錢差不多， 加上午餐好似比較吸引，最後我揀了手工炸蝦卷$25、川滬擔擔麵$50、川味回鍋肉配白飯$62、 熱咖啡$3、凍豆漿$5。 ▫️手工炸蝦卷 ～ 口感軟的，完全唔脆，應該炸了一段時間，而賣相就更加求其。   ▫️川滬擔擔麵 ～ 我點了唔辣， 肉碎另上，味道偏鹹， 擔擔麵裏除了麵之外，還有兩隻鵪鶉蛋， 味道整體普通。 ▫️川味回鍋肉配白飯 ～ 回鍋肉炒得幾惹味，拌飯之選。 ▫️熱咖啡 ～ 咖啡味道一般。 ▫️凍豆漿 ～ 豆漿裏面的冰塊令到整杯豆漿沒有味道了。 個人感覺可以食飽，但不算好味。 🏷️溫馨提示～ 整個用餐體驗均屬個人分享意見， 只作參考😊。

本身怕等太耐所以在外賣平台預先落單，叫左兩個早餐，隔左15分鐘就落去餐廳等，在餐廳門外等左10分鐘問門口的侍應阿姐，獲得的回應是"唔好催單，廚房整緊!"如是這，再等了10分鐘，見唔對路，直接入去睇下啲外賣單，發覺沒有我的order....再同阿姐講，佢先講"哎呀！漏左單呀？依家整俾你"但早餐，已經等到人地連午餐都食完...阿姐再講，冇炒蛋la! 一間餐廳冇蛋其實合理嗎…不過是但la, 有咩咪要咩…結果，唔計預先係平台order的時間，係餐廳門口足足等左成個鐘....我明白茶記午市好忙，但客人問一句時可唔可以唔好咁冇禮貌hea答人呢？世界級門面阿姐，真係可一不可再

依間餐廳都開左一排，最近見到佢小人排咗，而且午市價錢都非常合理，所以決定一試價錢嚟講兩個人$145真係好抵（附上餐牌）同行朋友叫做雞扒春卷飯，朋友佢就覺得肉碎略鹹，雞扒小亁，整體上一般，佢就話下次食未必會再叫呢個，會試其他菜本人叫回鍋肉，份量非常多，味道亦與某些高級連鎖上海餐廳非常相似，基本上食唔晒，亦附上花生在小食另外叫咗杯四季春，非常大杯整體上食物質素可以，絕對唔會再幫襯，餐廳環境亦很舒適，推薦俾大家