荃灣港安醫院餐廳

营业中

休息中

最近過左黎荃景圍呢頭翻工，可能因為地理位置有啲偏僻啦，附近真係無咩好野食由其係lunch time，周圍都逼滿人經同事介紹先知原來荃灣港安醫院嘅餐廳係開放俾公眾嘅，質素仲要唔差！好奇之下我決定黎試一試佢！呢間餐廳係食素嘅，按量收費。飯可以揀白飯或者紅飯，餸呢就大概有十款，任君選擇😆買滿三十蚊仲有糖水或者湯送添🤭 除此之外，仲可以點餐牌上嘅其他菜式。本身以為素菜會好單調，點知呢度啲廚師竟然創意十足，有好多菜式我之前見都無見過🤣搵幾個黎講下～🥔炸薯粒，形狀可愛，食落脆卜卜，過下口癮一流啊！🧀芝士蛋磚，原來咸香嘅芝士同蛋都幾夾🤤🥚皮蛋蒸雞蛋，呢個我知唔係咩新奇野，但佢個蛋真係蒸得好滑喎衰鬼🤤唔讚下唔得！最最最最最最後一定要提嘅係佢嘅白果腐竹薏米糖水！！！濃而不膩，口感軟滑豐富，好過出面好多糖水舖！仲要係免費！我相信港安醫院餐廳將會變成我以後既飯堂🤣唔知有冇得申請翻個vip呢🤭路過荃景圍既朋友記得試下啦！🤣

已非第一次黎食了, 最近親人入院需要探病, 故有幾餐都要在此解決 ~ 琴日試左個早餐, 今日下午又來幫櫬.. 餐廳環境寬大衛生, 即使撞正醫護人員午膳時間但仍然塭到位坐。岀面有空中花園可惜落雨無機會岀去行.. 餐廳以自助形式夾餸根據重量計算價錢 , 有麵包角, 雪櫃飲料雖然都係素而且選擇不多, 但老實說又幾好味喎! D餸應該每日不同吧, 欣賞今日嘅矮瓜茄子🍆, 芝士焗薯仔同入味芋頭.. 買夠一定份量就可以有白米/紅米飯一碗及糖水/ 湯一碗。我依度大約$4x, 個綠豆沙好味好足料 👍🏻食完記得乖乖地回收餐盤呀

今日喺荃灣港安醫院食飯 決定寫篇食評記錄一下餐廳環境幽靜 可以放鬆心情 香港係個事事都要好急速既城市 餐廳出面有個花園蕃茄炒蛋有鮮味 不算油膩員工服務態度好好糖水甜度適中 分量足夠值得推介The environment is quite comfortable. You could go for a walk after your meal.

本身系度出世 都已經好耐冇番過黎咁啱有朋友入左黎 原來已經吾同哂餐廳好大 空中花園好舒服 落雨都吾會濕到估吾到啲野又幾扺食雖然係素食 啲肉像真度高啲菜又吾會淡而無味又有湯又有糖水(紫米露萬歲！)真係黎多幾次都冇問題！探病嘅話~~

本來聽到係素食都無咩期待......諗住求其食少少野就算但係估唔到佢又幾好食喎~我本身係個無肉不歡既人,見到素食就無胃口如果唔係陪FD去港安都唔會去食素岩岩食左個漢堡掛排, 個樣都好似真既果D, 個味道雖然唔似但係都意外地好食~我仲另外叫左個沙爹串燒, 呢個就真係超似肉啊!!我覺得下次再去港安, 我絕對會再食佢個沙爹串燒!!!而且佢又係醫院餐廳, 環境衛生真係做得好好~

我係呢到食過素沙嗲串，冇諗過d材料可以整到好似肉嘅口感，真係非常好食，加埋d沙嗲汁，令成個沙嗲串升華左。另外，我仲食過西餐漢堡，佢用左菇代替左肉嘅口感，令我又驚又喜

今次得閒落黎試多次間餐廳今日試左五青汁，好神奇係吾苦嫁！苦味會係飲完之後先滲出黎，不過都係小小苦＄36一枝我今日黎好似撞正員工放飯，比較多人，不過好彩都夠大。係比起上次熱鬧啲今次就食自助餐形式既菜，無揀到焗飯，其中個芝士西蘭花幾好食，都好受歡迎，但係我個人覺得芝士吾太夠，好多人都夾走曬～不過佢地選擇其實都算多，有LUNCH SET同埋其他凍食蕎麥麵＋壽司一盒$40今次其實都無失望到，但就無上次咁驚喜

果日過黎探病聽到人地講可以去醫院個員工餐廳食飯，其實我本身只係抱住試下就算既心態去食。覺得醫院本身D野食都淡淡地，加上個醫院食素，我第一印象就係清淡、無味。一去到個餐廳，覺得都真係幾大下！野食果到佢地就係自助餐形式咁夾餸既，＄10/100g，都吾算好貴。另外佢有D焗飯同埋Lunch Set揀既，日日吾同。我果日揀左個芝士南瓜野菌焗飯，$48既，都算大盒，好夠食！另外再加小小菜咁啦。個焗飯真係意外地超級好食！芝士都夠多，南瓜汁好甜南瓜粒都夠淋！極推薦！聽果到D職員姨姨講平時都可以過黎食，因為我都住係附近另外佢地有個空中花園，都幾靚可以用黎休息下，打算下次放假落黎食個lunch再慢慢坐下，都幾寫意

前幾日起醫院做body check，之後順便食個lunch，就去左主座6樓既餐廳食飯，依度係半自助形式，夾自己鐘意既餸，再磅重比錢（100g/$10）。另外都有焗飯、炒粉麵同日式既飯盒賣。環境方面十分優美，都可以拎個飯去佢地個空中花園食，則邊仲有小水池，完全唔似一間醫院既餐廳。不過最緊要都係味道方面，依間醫院係素食既，所以佢地餐廳都係全素食。特別推介佢地個蕃茄炒蛋同埋素肉醬長通粉。素肉醬長通粉，D肉食洛去好真，完全唔似食緊素食，我果位食肉獸既屋企人都可以接受。之後仲試左個特飲，即叫即製，可以見到成杯特飲都係用新鮮水果同天然食材製作，我依杯係薄荷香蕉青瓜乳酪，飲洛涼涼地，好舒服。

第一次入住荃灣港安醫院，原來這間醫院主要是以素食為主， 我一向以肉最多的😅所以很不習慣😅但我聽朋友話它的味道是非常好，就算沒有肉味也能帶出食物的鮮味！我即管一試🤣我叫的早餐是粟米炒蘑菇，煎雙蛋加個廚師自製餐包，麵包非常硬，幸好職員話能夠和我翻熱面包，實在太好了☺️到了午餐的時候我就叫了生根枝竹南瓜煲，全部食材也很新鮮👍🏻南瓜亦非常鮮甜🤙🏻翠玉瓜非常爽脆😆一個簡單的餸菜，能夠煮得如此出色，真的要大讚👍🏻👍🏻

-🦄港安醫院🏥-番茄螺絲粉 Hkd0Rating🌕🌕🌕🌕🌑-

聽日就出院啦~呢份係我最後嘅晚餐!叫得豐富咗少少~係醫院住咗幾日估唔到肥咗冇計啦~估唔到呢間醫院啲伙食做得好好~加上有保險包, 食物價錢又唔係貴, 同埋我除咗食都真係冇咩好做我諗肥都係正常嘅講返正題先~最後呢餐我叫咗個羅漢齌炒麵同香蕉士多啤梨奶昔作句號先講講個麵先~個麵底夠哂脆~加上熱辣辣嘅羅漢齌淋係面~個口感同味道真係好正好夾食完個人都覺得熱辣辣~(佢呢度啲保溫又做得幾好喎)好彩叫咗杯香蕉士多啤梨奶昔, 當堂透心涼如果追求健康好味嘅女士~呢杯野值得推介甜度啱啱好~而且杯野磨得好幼滑~色香味美有樣野真心覺得好好奇~究竟佢地嘅保溫送餐服務點樣又做到保凍架呢?

斷腳本身都夠慘啦~仲要住幾日咁死得啦~去過醫院都知佢地D火食認真麻麻食醫院野心諗死啦但行動不便咁唯有焗食啦打開份MENU又幾多選擇WOR，不過呢間醫院食素GE見佢有炸薯條WOR~安全起見叫個下午茶試試味先咁就叫左炸薯條同蒜蓉飽~呢兩個難食極都有個普GE打去餐廳問先知呢度係即叫即做食物送到病房都仲係熱辣辣~味道都唔錯價錢亦都唔貴~不過有保險包所以都冇所謂總括黎講都係抵食~今晚再試其他祝我早日康復啦~

平時食開附近嘅茶記~都食到厭厭地聽講呢間餐廳開放畀公眾後~尋日食完個奶油多今日再戰呢間餐,想再試試佢D味道今日晏就去食個午餐今日有時菜扒什菌配白飯、港式車仔麵(豆卜,素牛腩,釀青圓椒)同埋金銀蛋粥配炒麵除左以上外，仲有好多其他小菜任君選擇D職員都不厭我煩，好有耐性咁逐樣介紹畀我聽仲會問我有冇對咩食物敏感~真心覺得佢地好關心客人嘅健康最後我就揀左時菜扒什菌配白飯，睇到都覺得正會唔會得個樣，好睇唔好食呢? 答案係~~~~唔會~~~~西蘭花同菇都煮得好淋好入味~食材都好新鮮同天然

早幾日來港安探朋友,想係附近食個飯,點知未有舖頭開,於是就留係醫院餐廳食啦!本身覺得醫院嘢唔方好食,知道呢度仲要係素食,都唔多想留底食無奈又唔想行太遠附近又無餐廳開門,咁就焗住去啦~鬼叫五臟廟隱CALL咩~點知入到去餐廳,唔單只環境闊落,座位舒適, 而且仲好乾淨(可能醫院好講求衛生)雖然呢度係自助形式,食物係用重量黎計錢, 但職員嘅服務態度一D都唔馬虎係非常殷勤而餸菜方面,款式有好多選擇,賣相亦相當吸引,唔似一般素菜餐廳/茶餐廳, 直頭可以與酒店餐廳媲美係味道方面就非常可口, 本身以為食素會口淡淡,點知呢度嘅素菜絕對畀到你驚喜完全改變你對食素嘅睇法同想法,特別介紹個蒸水蛋,真係好滑,好滑,好滑(重要嘅嘢好似係要講3次)如果要雞蛋入面挑骨頭呢~我覺得啲南瓜可以再煮淋DD(個人喜好)重點係價錢, 職員話過200g送飯及湯/糖水,全單都只係30蚊~真係超值總括來講, 港安醫院餐廳絕對值得推介~自助形式可以自己控制份量同價錢,減少浪費食物性價比值絕對好高