荃灣港安醫院餐廳

营业中

休息中

估唔到素食都咁好食 值得推介價錢相宜 環境優美！素湯味道一樣濃 唔差得過用肉煲既湯有得揀紅米飯 非常健康選擇十分豐富職員態度亦非常友善 收拾桌面等等都非常快手 環境好衛生企理

我經常在這地方吃晚飯，午餐，甚至早餐，抵食，有益！不一樣的素食料理！早餐又便宜，最愛午餐的素食春卷😜😜😜食三四條加個每日不同的甜品或餐湯🤩一流，也有素食壽司🍣更可來一日三餐也不肥，也有益身心健康，環境清幽，吃兩三個小時也樂意呢！我減了三十幾磅了，這才是我真正愛在此素食餐廳的目的！😝🤪🤪🤪😋😋😋👍👍👍👍

聽朋友講早排探病時係呢間餐廳食飯，以為只係比職員用既，但原來訪客都可以堂食，仲要係素食，咁就去試下啦!餐廳地方寬敞，現場有多款是日菜式提供，亦有餐牌同是日午餐。樣樣餸都好吸引，最後我就叫咗個是日午餐既特色便當，呢個位置呢個價錢都可接受既。便當既賣相我覺得一般啦，但係見到廚師即場係用心製作既，初頭以為壽司配搭好似怪怪地，但食落去味道唔錯，而且牛油果夠新鮮，素肉丸超似真既肉丸，沙律都係好新鮮，加埋酸酸甜甜既醋汁真係好開胃，蒸蛋既味道最驚喜，加入菇、薯仔等食材，口感豐富，真係好好味 😋😋呢間餐廳真係好齊全，粥粉麵飯、中西式、湯、糖水、飲品，連雪糕都有，仲要d麵包係每日新鮮製造，好足料呀! 下次再黎試多d唔同款式先得😋

今日又有機會黎食港安醫院嘅素食餐廳😆上次食完之後，對素菜嘅印象 upupup！今日仲有機會卑我試到甜品tim！🥳飯菜價錢$46（餐跟糖水/湯水）（員工會再有半價優惠）馬蹄糕$8事不宜遲😆等我即刻介紹下今日我揀嘅菜式啦！1. 腐皮卷佢唔係炸身嘅腐皮卷，一份已經好大舊，入面有蘿蔔絲、菇絲等，口感豐富，唔會話好dry！🤩2. 蛋黃炸薯仔芋頭鹹蛋魚皮就聽得多，鹹蛋炸薯仔同埋芋頭就真係第一次試😋 口感唔會好軟，脆脆地鹹鹹地，好開胃口！3. 紅蘿蔔🥕素肉炒四季豆我個人好鐘意食四季豆😋呢款好啱我口味😋菜式甜甜地，又有素肉嘅味道😆4. 炸雞蛋sambal egg第一次試馬里阿西亞街頭小食！估唔到係呢到會試到！呢隻雞蛋經過油炸，外層比較脆，而且汁酸酸甜甜，好特別！5. 粟米唔係罐頭🥫粟米，每一粒都甜甜的🤩糖水：南瓜西米露🎃個人唔係好鍾意食南瓜😂但係呢款我完全可以接受到，南瓜味唔係特別重，椰汁味較重，而且非常滑身，唔會太甜😊甜品馬蹄糕今日有機會可以試到甜品，係馬蹄糕！大大舊，熱辣辣，甜度啱啱好，每一啖都有馬蹄！正啊！港安餐廳唔單止淨係做中式菜，不時都會有西式菜，馬來西亞菜等！值得一試！

自選菜式套餐 $10/100g 滿200g送餐湯/糖水推介菜式：蘋果薏仁湯🍎呢度啲姐姐超級好人😉，每次裝湯有一半都係料😚，成碗湯飲落去好清甜好潤🤤，飲得出完全冇味精，10/10推介！🤫咖喱椰菜花🥦🍛呢款咖喱係中東咖喱嘅口味，所以食落好香香料味，係小辣嘅程度🌶，而且一啲都唔油，送飯一流！🤩順帶一提，呢度嘅咖喱成日都有唔同配搭，除左椰菜花，仲會有紅腰豆、薯仔🥔、鷹嘴豆等等，不日上映！炆蘿蔔：呢度嘅蘿蔔不得了！雖然冇牛腩，但係蘿蔔炆得好腍好入味，係清湯腩入面嘅蘿蔔啊😍

自選菜式套餐 $10/100g 滿200g送餐湯/糖水推介菜式：冬瓜海帶薏仁湯/冰糖雪耳糖水其實素湯都可以好好飲！冬瓜嘅清甜配薏仁嘅米香味令成碗湯飲落去好舒服好解渴☺️💯蒸水蛋🥚🍳蒸水蛋一如既往咁滑溜🧏🏻‍♀️🥚，可惜今日入面冇餡料，平時會有粟米🌽/秋葵/皮蛋等菜脯京蔥炒萵筍🥦🥬🥒🫑辣菜脯加上炒香左嘅京蔥，食落香辣惹味🌶😍！萵筍香脆爽甜，下次見到一定會encore！其他菜式：勝瓜雲耳炒紫洋蔥韭黃炒蛋菜心

今日黎到荃景圍探朋友，聽佢地介紹左港安醫院嘅素食餐廳，🤔我都係第一次係醫院食素食😂，我本身比較抗拒食素，覺得d 菜式應該都係差不多，都係以蔬菜豆為主，估唔到試左一次之後會愛上左佢❤️😋價錢又抵 d 野好有水準！我有上網search 過呢間餐廳，發現佢地廚師都好勁😂都係由高級西餐嘅廚師主理，水平都好高！🤩餐廳嘅環境舒服乾淨，較為闊落，以傳統夾餸嘅方式揀餸，除左可以揀自己想食嘅野之外，仲可以揀埋份量！咁就唔驚浪費食物啦！🤣而每個飯都可以配湯/糖水！好抵！今日嘅菜式有：😼1. 粉絲炒蘿蔔金菇🍄粉絲唔會過腍，好少會加埋金針菇一齊炒🍄，但係加左一條條紅蘿蔔絲同埋金菇，更加有咬口😋，而且蘿蔔帶少少甜味，好特別！🤩2. 素威靈頓牛柳🍖最有驚喜係呢款！平時係出面食無$300都食唔到，聽廚房姐姐講呢款唔係成日有，😚我梗係即刻試左先啦！酥皮好脆，唔會好硬，入面有d 菠菜圍住塊牛柳，而牛肉係用薯蓉整成，再煎過，所以比較想口，真係有d 牛肉嘅感覺，而菠菜中和左酥皮嘅油膩，而且價錢好抵！值得一試！😍3. 薯仔球🥔用薯蓉整嘅炸球，入面好似加左少少忌廉，所以會有少少酸，唔會咁dry🤩🥳整體唔會好硬，比較軟身。4. 蒜

荃灣港安醫院係我試過最好食嘅素食餐廳之一！呢度有好多廚師都係做過酒店大廚㗎！中西式飯餸套餐（滿200g送糖水/湯）😋全部菜以重量計算價錢：$10/100g紅米飯：$10白飯：$8特別推介：🍅番茄醬燴意瓜茄子🍆🥒出面比較少有嘅意瓜Zucchini呢度竟然都食到！番茄味十分濃🍅🍅，可以見到有好多番茄粒撈左喺入面，絕對唔係淨係加罐番茄醬咁簡單！意瓜爽脆鮮甜，係一道可以係咁撈飯嘅送！🤭🤭🤭😋粟米蒸水蛋🌽🥚呢度嘅蒸水蛋特別之處在於每日個餡都唔同嘅🤔！今日嘅蒸水蛋有層粟米鋪左喺底，咬落更有口感😍！而且上面個層嘅蒸水蛋好滑好濃蛋味🤩其他蔬菜有：香菇炒脆肉瓜🥦烚菜心🥬甜品：南瓜西米露（免費）😱😍記得一定要試糖水/湯🙀！呢度嘅糖水仲好食過出面嘅糖水舖！🎃南瓜西米露好濃好足料！食埋碗糖水就完滿曬☺️

醫院餐廳，一般給人的印象都是吃頹飯，但這天來到「荃灣港安醫院餐廳」，卻叫我的固有思維完全逆轉！餐廳主廚在半島酒店及法國米芝蓮餐廳工作過，現在來到港安主理素食，不單著重味道和營養，擺盤更是精美得叫人驚嘆！$298四道菜午餐，附送個空中花園讓你打卡，絕對拍得住米芝蓮星級餐廳！(午餐需早一天預訂)港安醫院屬私營的教會醫院，以推廣素食為己任，所以今天走到六樓的餐廳，會發現這裡只提供素食，除今天介紹的四道菜午餐，還有Lunch Buffet和Dinner Buffer (以食物重量來計算金額，一般四十多元已可吃飽飽)，還有Tea Set和A La Carte等等，選擇多元化。牛油果 番茄 藜麥沙津塔開始吃午餐吧，先來個前菜。沙律塔共有三層，面層番茄，中間牛油果，底下藜麥，旁邊還伴以水牛芝士，單是顏值已拿滿分。味道也很好，番茄和牛油果酸酸甜甜，十分開胃；藜麥加入了合桃和三色椒，飽肚得來亦很有營養。義大利番茄濃湯這個「濃湯」真的很濃，濃得像茄醬，充滿新鮮番茄的香氣，味道清新怡人。意大利餃子、冬菇肉丸 伴南瓜椰奶醬主菜來了，美得像個盆景，有樹有石頭。「樹」是西蘭花，「石頭」是羊肚菌，旁邊還有炸得香脆的

自從上次去港安餐廳吃到超驚喜的素食下午茶之後，一直心癢癢想再去吃，所以這天特別帶肉肉子去試，果然無令人失望，由沙律到主食到甜品都精緻又美味，仲有必須特別推介的招牌格仔餅！ 荃灣 | 港安餐廳：最意想不到的下午茶地點 醫院餐廳給你超難忘精緻美食體驗港安醫院是教會開辦的私家醫院，這個教會以推廣健康素食為宗旨，所以旗下所有醫院的餐廳都做素食，包括在香港的兩間醫院。餐廳位於新翼大樓六樓，最特別係有空中花園，有草地有微風非常寫意。Avovado, Tomato and Quinoa Salad Tower這個沙律塔由藜麥、牛油果和番茄組成，再加一些沙律菜和芝士伴碟。雖然看起來只是三種食材堆疊起來很簡單，實際吃下去卻發現調味很認真，唔係得個樣。底層紅藜麥混了切細碎的彩椒，吃起來還有些果汁之類的味道，整個酸酸甜甜很清新的感覺。不過沙律份量都幾多，食量細d食一碟都已經飽左。Tuscan Tomato Soup非常濃郁的一款番茄湯，可以看到吃到滿滿的番茄果肉，配上蒜油吃起來就像肉醬意粉個番茄醬。Tortellini, Mushroom Meat Ball with Light Pumpkin Cocon

因為我好久沒吃素食下午茶，所以今次要去一個你絕對諗唔到的地方食！好多人都唔知道港安醫院入面有素食餐廳，而且餐點製作超用心，每一個菜式都由營養師設計把關，確保你食得健康有營養，更厲害的當然是少油少鹽少糖都勁好食啦！今次來試的素食下午茶精緻度更嚇親人，你真係無諗過醫院有咁好環境咁靚的Tea嘆。我初初聽到要去醫院都遲疑左一下，不過常言道最危險的地方是最安全，而且來到門口已經覺得勁放心，乜間醫院好似高級酒店咁樣，聽聞入面仲係零確診個案，仲安全過出油麻地。港安醫院原來是教會旗下的非牟利私家醫院，新大樓靚到我覺得似五星級酒店或豪宅，門口有嚴格撿疫區，安全系數都幾高。醫院餐廳位於六樓，疫情之前都會有附近街坊和學生來用餐，現在主要是醫護人員和職員，入面都一人一檯好孤單咁樣。訪客來吃飯或下午茶的話要來到室外位置，空氣好流通又有花園景，環境非常寫意。竟然有空中花園咁正，這天天氣大好坐外面特別悠閒。餐廳其實都幾多野食，平日有午市套餐，另外亦有單點菜單。我見到仲有麵包賣添，全部餐廳廚房自家製作，全麥唔係空氣麵包，用料實在又無奇怪添加，食得健康最重要。素食自家烘培「Adventist Health」下午茶套餐下

今天去港安醫院探望朋友及看下baby，但太肚餓了所以先去6樓吃個午飯。第一次到港安醫院的canteen吃東西，環境好好，有陽光引入室內，光線充足，令整個人也精神起來。餐廳都有好多食物選擇，我叫了一個台式肉燥飯，這是一個素食 但賣相非常之好。台式肉燥飯 有素肉、白芝麻、滷水蛋、炸豆腐和雪菜，味道合起來也不錯，今日食咗一個健康的午飯。

咁啱前幾日去完醫院探朋友之後，就一齊去左6樓食個lunch，一上到去先發覺餐廳環境都幾大下、幾開陽下😉食物方面，講真無諗過醫院餐廳有好多選擇，嗰日有7-8樣餸揀，有蒸水蛋、四季豆、蕃茄炒蛋、焗薯、小白菜等等☺ 仲要有紅米飯揀，食夠三十幾蚊 仲送埋湯水或者中湯，價錢都好經濟😌️雖然成間餐廳都淨係得素食，但對於餐餐都要食肉嘅本人泥講，間中食下都唔錯，可以當清下腸胃🤤夾餸嘅時候，見到個廚師係到整格仔餅，因為好耐無食過就買底試下😋 講真個價錢真係有些少貴，但係真係好足料、好厚身🤩 雖然食完飯先食 攤凍左少少，但真係好食 真係好推介👍🏻另外俾錢嗰陣，望到側邊有好多麵包、合桃酥、鬆餅賣，都有唔少人買。我買左一盒合桃酥試下，腰果好脆、幾香口😄整體泥講都幾好，無諗過醫院餐廳都幾好食，值得大家去試試👏🏻

探完bb👶🏻已經係下晝一點幾，同朋友都好肚餓，就去左位於6樓的餐廳食晏。一去餐廳都幾surprised，空間比想像中大，而且用自然採光，又有outdoor area，感覺好舒服。☺️原本以為只提供素食的醫院選擇會好少，點知呢度除左有7-8款菜式(自助形成，想食幾多攞幾多，按重量收錢)，仲有湯、糖水、粉麵、三文冶、自家製麵包、乳酪等等。🥪🥗🍞🥒🍅🍙我同朋友都選擇自己夾餸，攞野食嗰陣竟然見到有姐姐整緊格仔餅，超香😍忍唔住嗌左份同朋友share。花多眼亂之下，我每款餸都夾左少少試。overall 都幾好食，唔會太油太鹹，好似住家餸一樣。比較特別既係佢除左中式既菜式（蒸蛋，炒菜，麻婆豆腐，螞蟻上樹等），仲有比較西式既，好似芝士焗薯仔，焗蔬菜；而湯就係味噌湯，同朋友食既渣咋一樣咁足料。不得不提個格仔餅，雖然攤凍左少少先食，但依然好鬆軟，蛋味又重，配埋份量啱啱好既煉奶同花生醬真係不得了😋價錢合理又好食，難怪咁多人幫襯啦，我地食嗰陣除左有醫院的職員，仲有附近學校既學生，都唔少街外客😆推介！！

黎到港安醫院聽完診之後都中午附近都冇乜餐廳 就諗住去醫院餐廳試下啦🤔🤔點知去到6樓 canteen都幾大幾舒服 仲有室外既位可以坐原來呢到係以自助餐形式 可以先揀紅米飯或者白飯 $10之後再揀餸 (雖然有蛋 有奶類製品 但冇諗過全素😱Total $30 就送一碗湯 or 糖水 其實都幾抵下😂😂 仲有Greek yogurt 即場焗既麵包 同啲健康既餅乾 穀麥棒賣👍🏻我就揀咗1.中式湯(冬瓜湯) ：調味吾會太咸 好足料 會有冬瓜 蘿蔔 等等湯料2.紅米飯 ：自己中意食啲粒粒分明既飯 佢又ok喎 白飯就正常軟硬度 紅米硬少少 夾埋就啱啱好喇3.雜菜粒蒸蛋：蒸蛋都夠滑 雖然佢一早落咗豉油係面 但吾會過咸4.咖哩雞脾菇：呢個食得出係咖哩粉整 吾係日本既甜咖哩 辣辣地 但我吾食辣都食到😋雞脾菇大大舊 都好juicy5.蕃茄芝士薯蓉：呢個如果黎到有必食 ！！真係超好食 超濃蕃茄味同芝士 不過如果想食薯蓉味既就可能冇乜喇6.洋蔥紅蘿蔔炒翠玉瓜&上湯白菜：雜菜炒得啱啱好 夠爽同埋吾會過油 白菜都好新鮮 吾會話過淋 變黃7.雞蛋仔：最意想不到係雞蛋仔 點解係醫院可以食到雞蛋仔😂😂😱 當然梗係冇北角雞蛋仔