荔園﹒流金歲月 (已結業)

呢一晚㨂咗呢度，未食過，但被個名同裝修引咗黎，試一次都無壞嘅，唔好食咪唔再黎，easy 😁入到去，明明訂枱時話要窗口卡位，帶位時就帶咗去圓枱🙄 ok ... 當然發聲說想坐窗邊卡位，好彩仲有位。茶到，呢個茶包味都唔錯😌同個朋友都唔太餓，都係叫麵食，朋友要牛坑腩麵，我㨂炸醬撈麵 (因我睇人地嘅相，個樣好似幾得😛) 跟住叫多一個小吃，炸豆腐。麵到了⋯⋯賣相就一般般，我個炸醬麵就好少少，食落⋯⋯其實都預咗，唔美味🙈 食食下，炸豆腐都到，咁樣賣相都幾得意，但好可惜，都係唔美味🤨後記，地方好夠大，坐得舒服，但食物真係好麻麻😝🙈 所以⋯⋯應該唔會再來了👋🏼

D2 Place 嘅店舖多是有特色的，本地創作點多。嚟到行完唔係經常有的市集，就揾吓嘢食。記得朋友推介過呢間，就嚟試吓。店內裝修幾特別，特意裝修到有點懷舊feel, 座位設計除了一般的圓枱，有卡位車，有一個柸位。茶位每位$8(必收), 是袋裝炒米茶。食物方面都幾得意，可以睇得出每款點心都有花心思，味道亦唔錯。而流沙奶黃包好盞鬼，有三個唔同表情的王小虎！呢間食店仲有其他食物賣相都好吸引的，例如摩天輪，下次可以試！

今日來荔枝角潮聖，我們一行6人，所以要等位。在等位期間，我們可以到對面商店逛逛，也可以在店打卡拍照。食物有點心、小菜及粉麵。茶的種類只有玄米茶，沒有其他中式茶可以選擇。茶壺不大，這裏的侍應數量不多，六個人只有一個茶壺，所以不停叫翻水。說真的，食物不是很好吃，但是造型特別。

知道D2 Place又開番荔園餐廳，充滿住童年回憶，就好有期望地趁佢啱啱開就嚟朝下聖.....門口靚之餘，連等位嘅飛仔都好有特色....成間餐廳分咗民園麵家同賣點心嘅流金歲月兩邊，下午茶關係，我吔就只叫咗一杯凍柚子蜜同一客拼盤 - 荔園動物反斗城......餐具都有啲特色，每位有一個玄米茶茶包，自己再熱水沖泡。落完單等咗一陣.....嚟咗杯柚子蜜，但我吔叫嘅係凍，嚟到嘅係熱，即刻換啦。而更甚嘅係......等咗半個鐘都未見拼盤到，一問之下先知我吔叫嘅拼盤已賣哂，但一直完全冇人話我吔知，完全係白等咗至少半個鐘，如果我吔冇問就可能坐到晚市都冇得食!!!!仲要原來過咗4點半係冇得再order點心，要到晚市6點先再有供應，即係想改叫其他點心都冇!!!!我吔想問個究竟，但店員們一句話冇就冇。好多人嚟都係想食點心，但好多都係入座後先知過咗4點半冇點心供應，好多人都白行一趟。

睇到宣傳喺D2 place 開左荔園餐廳，特意過黎食晚飯環境空間大，周圍的裝潢都好有心思，有船仔、龍🐲舟、咖啡杯造型的座位，好似遊樂園，同時也帶點懷舊冰室的感覺。雲石杯杯碟碟😍😍食物種類有小菜，涼拌小食，點心等等⋯ 見到D點心係動物造型好盞鬼趣致，下次過黎試下先😊食物份量比預期大碟，青芥木耳真係有好多芥末！我最鐘意食魚架啦 銀鱈魚鐵板上熱辣辣，肉質軟滑至於拔絲生炒排骨，原以為有拔絲效果，其實係無既，哈哈😄 排骨沾滿酸酸甜甜的醬汁，特別醒胃，大家都專登叫左碗白飯，送飯岩曬！

諗住同老婆阿囡試吓懷舊餐廳，一入去餐廳完全冇人理，服務員望一望唔理，企喺入面一陣終於有人理，坐底坐一陣，諗住點野食又冇人理，一男一女行過，佢哋話係廚師唔關我哋事，另外見到有幾個個員工聽緊一個類似高層或者老闆嘅說話，但係都有擰轉面望我地發生咩事，但係都係冇人理我地，之後我哋一家人只可以慢慢行出門口走，行緊出去嘅時候嗰班員工同高層之後我哋一家人只可以慢慢行出門口走，行緊出去嘅時候我就話完全唔理客人咁樣做生意，佢哋全部人有聽到再望住我地，但係完全冇理我地，如果大家想受氣就去啦～

荔園係一個係香港紅極一時既樂園， 80年代或之前既人或多或少都有著童年既回憶。同事發現此店即回報要去 試。新。野 （可想而知佢係咩年代既人🤭店內裝修放置了多個荔園既靈魂 - 飛龍,木馬,轉轉杯,鈴鈴船，細心一看船仔及木馬應是真品，因看見有生綉痕跡。食品主要分2類:麵食茶樓食品牛坑腩面 $38 - 牛腩夠林，入味係愛呀 （五香芋絲餅) $18- 2件靚靚心型，口感味道可以烏龜菠蘿包（义燒包）$32 - 2件 ， 外型可愛有趣，味道正常， 略貴試1，2次還可以!

飛龍過山車、咖啡杯、旋轉木馬及小船兒，這裡並不是主題公園，而是荔枝角區最近增添的新成員 - 滿載懷舊煮意的荔園主題餐廳，讓大朋友重拾童真樂趣的味覺體驗！餐廳裡佈滿多個經典打卡位，猶如迷你樂園，相信可滿足熱愛影相大過天的食客。一「馬」當先與食客迎頭相見的旋轉木馬，滿身時代風塵痕跡，退役後留在玻璃箱內展覽。只此一家的超巨型荔園咖啡杯餐座，滿載遊樂園色彩，可供大約4人用膳，於當日難得閒置任拍。兩架小船擺設，可會勾起一絲絲童遊印記？我們安坐於栩栩如生的飛龍過山車卡座享用下午茶，猶如坐上美食列車，毋須驚呼狂叫已令人充滿期待。餐廳以粵式中菜及港式麵食為主，提供小食、小菜、粉麵飯、湯及甜品為主，豐儉由人，另有茶位收費（每位hk$8）。淺嚐點了烏龜菠蘿叉燒包（一set 兩件，hk$32）及一碗雲吞牛腩麵 (hk$52)。菠蘿叉燒包的的骰骰，造型維肖維妙，惟麵包皮咬落未算脆口，以外型取勝為主。雲吞牛腩麵 湯底帶清，不會過鹹，麵質彈牙，雲吞及牛腩不過不失。 餐廳內更設有一幅由蒸籠及餐碟砌成的小型展牆廊，讓人回顧荔園的不同發展階段及趣事。另有一隅主打民園麵家，具有街頭懷舊色彩。早前荔園品牌曾在尖沙咀開設冰

老闆勁秋知道公司li頭開新野，話去試下。12到唔洗等，坐左係條龍入邊卡座，幾有趣。裝修似茶餐廳，但係食粉麵同點心飲茶咁。點心名改左d得意名稱，大家都估估下脆腸粉同豆苗唔錯好好食，脆腸粉似炸蝦網紋春卷再包腸粉，黎到時仲脆唔錯。豆苗算大碟，用高湯煮味道唔錯。天鵝芋同烏龜包唔得，個烏龜包凍既，包皮太甜又唔脆，加埋叉燒餡甜上加甜小龍包更加唔好食，三十幾數兩隻，擺盤盤靚，食落中哂伏，唔知咩涵黎，陣味太濃，d豬肉又好霉散修修咁，都唔知食緊乜唔係樣樣都好食，有d係有驚喜既，我諗d人都係至在得意下，應該接受到

荔園，曾經是香港人的童年回憶。最近，D2place 2期以荔園為主題的餐廳開業，趁中午放飯去試一下。餐廳環境以懷舊風及童趣風為主，相信會勾起大家兒時的開心往事。有幾張檯併合成一隻龍舟，小朋友應該會很喜歡，順道可以跟他們說說扒龍舟的傳統文化。還有小船可以玩。茶是炒米茶，很香，孕婦都可以飲. 😊餐牌的選擇很多，有特色點心，如菠蘿包烏龜。我點了個燉湯，好濃好足料。 有雞腳、腳髀、花膠、姖松茸、瑤柱、花菇等，真係好好味. 另外點了個撈河粉，配水餃和菜芯，味道較為清淡。水餃超級大隻，裡面有豬肉、荀絲、蝦仁。希望下次來臨試下點心。

聽朋友講荔園又開新店，所以一行三大三小去試吓有冇驚喜，結果真係喜出望外！由於有小朋友同行，所以另外叫咗啲小點心等小朋友可以有意欲食嘢！為小朋友叫嘅兩種點心，轉頭已經俾三個小朋友殲滅咗。其他菜式上枱嘅賣相都算唔錯，而每樣菜式因應唔同種類而溫度會有所唔同。咁多樣菜式最令人期待嘅就係個豬手麵。啲豬手入口非常彈口而個麵底咬落去亦都相當唔錯！以佢哋收嘅價錢，性價比絕對物有所值。如果行開D2，荔園流金歲月絕對係一個非常好嘅選擇！

石鍋楊洲炒飯 $78石鍋上枱好熱的，吱吱聲，好似鐵板咁．葱味重，不似一般叉燒和蛋味重．2種不同口味既楊洲炒飯．乾炒牛河 $78味道普普通通,獲氣欠D D ．份量適中．荔園碰碰車 $78超失望！因何似碰碰車呢？？不如叫蒸点心拼盤吧！2粒緣色燒賣，麻麻地！2粒魚形（不似魚）蝦餃2粒免形（少少似．要改進）蝦餃．2款蝦餃都係味麻麻．薑葱肉絲撈麵 $78薑葱味不重．好多汁水，不似撈麵,似濕炒．味偏淡．包有guts〰流沙奶皇包 $48 吾知似乜動物迷你型．味普通．turtle叉燒菠蘿包 $32終於有最似動物既一款食物．味ok.又係迷你型!服務k.灰色衫女士帶眼鏡長髮可能係經理有礼又帶歡樂．後感：加一後共$431. 比較貴．冇set lunch.選擇性比較少，又不吸引.menu得張紙，欠圖！11：30開門，本人12：15到已經冇晒過山車D 位，車杯得一張都比人坐左．有点失望．其他位置可以再設計多D 特式！打卡好地点