薈萃甜物

营业中

休息中

即叫即炒意粉🍝最近去了位於火炭工廠區既一間即叫即炒意粉餐廳，點了他們個卡邦尼蟹柳意粉，雖然賣相一般，但係味道確係唔錯麵條非常有彈性，醬汁和意粉的比例也非常適中，讓每一口都能夠品嚐到完美的口感和風味。唯一美中不足嘅係兩條蟹柳嘅質素唔夠高。不過餐廳嘅服務非常好，職員服務一級棒，如果大家離開火炭，又想搵個快捷同即叫即炒既餐廳食嘢，就試吓呢間啦。

【沙田區】【薈萃甜物】又嚟到火炭工業區做嘢，做嘢事小，食嘢事大呀。我唔係每一次過嚟呢頭做嘢都有機會喺呢邊食埋嘢，因此每次都會格外珍惜。話雖如此，我都為咗要寫多少少嘢而食咗佢哋兩次。唔係想吹到有幾偉大，都牽涉策略問題嘅。因為我呢度同其他 foodie 嘅 food blog 比較，我文字同圖片都未夠完善，擺到明係相形見絀，唯有破格啲做啲人哋未必做嘅嘢，二訪只係其中一樣，長遠嚟講都係要改善自己嘅 post 嚟取悅更多讀者，不停變更又創新吖嘛。不過嘢食都係要講嘅，第一次去呢間喺火炭工商業區嘅地舖係食咗個 $55 嘅「意式全餐」，有黑松露炒嫩蛋、牛仔腸、煙火腿、粟米蘑菇、茄汁焗豆同英式鬆餅配芝士及荷蘭汁，咁樣數吓數吓都幾多嘢幾豐富吓，唔係講笑。主力嗰隻炒蛋都可以，其他嘢除咗茄汁焗豆我本身唔太中意之外，其他嘢都唔差，尤其個英式鬆餅，佢配咗芝士同荷蘭汁，又香又軟熟。加埋「凍檸茶」走甜之後成個餐都幾好，喺工商業區唔止碟頭飯嘅選擇，促成咗二訪。呢次係食 $68 嘅「帶子鮮蝦黑松露卡邦尼燴長通粉」，飲「凍咖啡」，嘢食係合理水準，不過不失。不過間嘢本身下晝都靜，但聽到老細同侍應喺度嘈交，由開始食鬧到我走之

一對手套收錢，拿食物，拿芝士。。你敢食就去啦。。。佢帶果對手套，只係保護店員自己對手，唔係講求衛生嘅同一對手套：收完錢，馬上““拿意粉”””去煮之後再““”拿芝士”””放上意粉面去焗完全冇用任何工具污糟到爆燈，洗唔洗怕麻煩成咁食物。。試過食海鮮意粉，得剪碎到冇得再碎嘅蟹柳粒。。幾只雪藏細蝦仁，青。。。賣60，70蚊食唔食，自己衡量

今朝要入火炭倉，先來個豐富早餐先。餐牌上的名字就好吸引。🍴我點了一客$30白汁碎蛋多士，多士是穀麥多士感覺飽肚健康，白汁碎蛋加入沙律醬，大大塊鮮茄仲有生菜墊底清爽可口。🤣☕️即磨咖啡都不錯香濃有啡香。👍

本身想試這條街前少少另一間海南雞外賣店，不過一入去見到落單職員個樣好串，於是即刻轉身，求其找了這間，隨便點個餐外賣。廚房見到幾名女子在辛勤工作，印象分都算不錯。吉列豬扒拼雞腿肉，原來都算幾大盒，入邊的是日本米，因此日本米配合起咖喱汁，不算太辣，咖哩配合日本米就特別好吃。吉列豬扒原來非常大塊，雖然肉質未必有那些吉豚屋的著名日式吉列店那麼好吃，但至少夠厚身，豬扒實的的，不算脂肪很多，但也不會極為痴牙。吉列豬扒，外皮不算太厚，炸完都沒有什麼油益，非常大塊的吉列豬扒，沒有將它切開，因此中間其實都會保留溫度以及肉汁在辦公室沒有人看見，整塊吉着來吃，大快朵頤，相當快慰。熱咖啡味道也不錯，不是標榜什麼即磨咖啡，但味道都挺為香濃。

餐廳需先付款後取食物，午餐除咗有大約6個set,每日仲有三個限定嘅主食。收銀姐姐會為有選擇困難嘅人推介每日限定嘅野食，仲好好咁因應朋友唔想食蒜味而提出可以走蒜限定嘅牛肉炒意粉好香，牛肉都好足料。蟹棒蜆肉忌廉寛條麵有兩條長蟹棒，忌廉汁亦夠濃Set lunch包一杯熱飲，收銀姐姐推介咖啡，未有驚艷程度好飲，set lunch嚟講質素算係咁啦餐廳選用高枱，有少少chill嘅感覺，不過枱下面嘅置物架配上高凳會頂腳...餐廳堂食用即棄餐具，唔太環保

蘑菇煙肉卡邦尼意粉 $59 凍檸茶🍋跟餐加$3 意粉嘅份量好多😍上面灑上芝士粉同香草🌿成碟意粉好濃味😚勁多蘑菇煙肉係入面😊仔細一睇 呢度既早餐同下午茶☕️幾吸引 價錢親民💕⚠️不過有個不足之處😢就係太多棄置既餐具🍴

咦？個鋪頭名唔同咗嘅？之前好似唔係呢個名，但好似其他嘢都同以前一樣，包括裏面裝修同餐牌。入去試吓有無唔同先～我記得以前呢間鋪頭只有意粉、意大利包同沙律提供，依家有埋飯，咁就試吓佢啲飯得唔得啦～叫咗個香煎紐西蘭牛扒配雞鎚焗飯（黑椒汁），午餐送咖啡。個樣唔多似焗飯，牛扒夠大塊OK好味，雞鎚味道都唔錯，不過略嫌d汁多咗啲。咖啡唔夠濃亦唔夠香，普通水準。Overall嚟講，水準好似差咗，不過價錢就平左。我諗都會再幫襯嘅。

成日都會黎呢度食Lunch，今次就食肉醬意粉，肉醬意粉有溫泉蛋都比較少見，賣相唔錯，但成個意粉味道普普通通，肉醬既味道比較淡，冇乜蕃茄味，面既芝士都比較少，溫泉蛋只係打左隻生蛋然後拎去焗一焗，下次都係食返炒意粉好d

火炭屬於工業區，要搵好嘢食一啲都唔容易，因為附近都係茶餐廳居多，西餐廳真係好少有，平時食lunch如果想食意粉，首選都會係呢間，因為性價比高，今日意外發現Menu有少少改動，竟然有牛扒食，配埋意粉同埋飲品都只係$68，見到出餐嘅時候牛扒都好大塊，咁就梗係要試吓啦，今日店員仲送埋餐湯！可能由於在場嘅人十個有九個都係叫牛扒，因為呢度所有嘢都係即叫即整，所以等嘅時間比較耐牛扒的確幾大塊同厚身，但係應該係時間嘅關係，塊牛扒好似冇乜煎過，似係焗出嚟，咁樣就冇咗煎牛扒嘅香味，另外店員都冇問過我哋需要幾成熟，其中兩位朋友嘅牛扒就煮到大概6-7成熟，而我同另外一位朋友嘅就只得4-5成左右，牛扒冇乜點調過味，最後自己加咗鹽，咁就好食少少，加上呢間餐廳全部都係用即棄餐具，用膠刀黎切牛扒的確係幾吃力整體黎講塊牛扒質素唔係差嘅， 但係由於食飯時間實在太多人叫呢個餐，餐廳根本冇足夠嘅時間去應付，感覺上就有少少浪費左塊牛扒，同埋令人客等嘅時間耐左，但都明白餐廳用心良苦想客人有更多選擇，所以會繼續支持💪

沿住港鐵站出黎既拗背灣街一直行就會發現一間個門口裝修比較特別既舖頭因為周圍都係工業區, 係地舖既食肆通常都係茶餐廳居多呢間食意粉既舖頭用左落地玻璃趟門, 掛左植物係門口, 感覺好簡約清新而舖頭入面就BAR枱同高凳, D枱都比較細, 地方唔係好大所以坐起上黎都唔係好舒服, 人多既時候都會比較迫呢間餐廳係採用自助形式點餐, 門口有CASHIER同埋MENU，收銀既姐姐好nice..我企左係度話唔知食咩好，佢好親切咁介紹比我知有咩好食最後叫咗黑松露帆立貝炒意粉配熱即磨咖啡（餐湯或者飲品揀一樣），而同行既朋友都係揀左一樣既意粉...心諗，通常咁多人叫同一樣既炒意粉個廚師肯定咁多張單一齊煮，但最後發現廚師係堅持每一個餐煮，上餐既時候見到有一舊黑松露醬喺面，好香，仲配左塊蒜蓉包，如果配埋忌廉湯就非常好！意粉裡面大概有6-7粒急凍帆立貝，大概5蚊銀咁大左右啦，仲有切片罐頭磨菇，驚喜既係呢2樣野正常都會好淡冇味道，但係呢間餐廳炒到個帆立貝同蘑菇都好入味，帆立貝完全食唔到雪藏味👍🏻👍🏻👍🏻呢間餐廳係用比較幼身既意粉，煮出黎軟硬度適中，有口感！總括成個意粉係好食既，但係黑松露味就唔係太重，比黑椒味蓋過咗，

之前呢到叫意式關係，但好似近排改左名，所以lunch就黎試下啦。入到去睇，餐牌上嘅野同以前好似差唔多🤔叫左個黑椒雞扒焗飯，佢仲跟埋野飲，叫熱朱古力都唔駛另外加錢🤤呢個餐嘅份量好大，無論係啲飯定係塊雞扒😂唔駛50蚊嘅lunch，都ok👌🏻

每次來火炭，一定會嚟呢度食早餐。一入來，見倒啲員工唔同哂，估佢應該轉咗老闆，但好在美味依舊！所有食物仍然係即叫即做，熱辣辣。呢樣最得我歡心，因為我好怕食啲唔夠熱，或者放响個暖櫃但攤到凍哂嘅嘢。炒蛋嫩滑，多士又香又鬆脆，煙肉和火腿吃得出不是用下價貨。通粉配蘑菇粟米，好啱胃口，不過湯底略嫌鹹咗少少。呢個早餐份量超大，好飽好滿足：）佢廚房是開放式，看得出廚師即使忙到冇停手，都煮得好用心，讚！希望佢堂食可以唔用即棄餐具啦。食完之後掉咁多嘢，感覺好罪過。