薈萃軒 (已搬遷) 新店位置

自成一角，愉快、美味的晚餐成個晚上慢慢坐慢慢食汽水任飲已經係我第二次幫襯再幫襯會考慮食438的海鮮餐份量絕對足夠，兩次都打包飯走😋😋😋😋😋😋😋😋

第一次幫襯呢一間私房菜，我哋一行18人被安排一間獨立房間，地方好寬敞，房間內有兩部電視機可以欣賞電視節目。今次我哋預定係套餐D，連埋生果一共11道菜。首先上咗個蟹肉海皇翅，翅不是很多，不要期望太高。之後再嚟過金銀粉絲蒸元貝，粉絲略為硬咗啲，接着就係冬菇花參燴鮑魚丶黃金大蝦，水準即刻返晒嚟。芝士焗龍蝦嘅芝士更更滿瀉，鍾意食芝士嘅人一定開心到跳起。去到呢一碟菜，已經飽到郁唔到，再嚟薑蔥炒蟹清蒸石斑一個好似大帽山咁高嘅炒飯，大家見到即刻舉手叫侍應＂唔該三個飯盒＂🤣，最後再嚟個椰子燕窩和哈密瓜，大家食到舔舔脷。總括呢間私房菜環境不錯，食物性價比高，美中不足是不可大聲喧嘩，畢竟樓上樓下是住宅，擔心會俾人投訴，所以大家講嘢都就住就住，下次會再嚟幫襯。

一行九人有大人有小朋友，要諗個地方食野真唔容易，今次朋友介紹，位於尖沙咀，位置方便唔難搵，一出𨋢其實已聞到餸菜的香味，朝住那個方向行就對。家庭式經營，可能星期六晚上的關係，客廳放了三圍大圓檯，所以顯得有點擠，另有兩間房間，入面應該是包房，座位和菜式都需先預訂吧，而我們揀了套餐B，每位$258。人齊了，很快便上了個蟹肉海皇翅，用料十足，啖啖魚翅，作為第一道菜可飽嘗到它的鮮味，不錯！然後是金銀蒜粉絲蒸元貝，大大隻，是蒸得有點過了時間，令元貝變得好un 不離殻，豉油較淡味。當紅炸子雞，皮不太脆，有酸甜醬調味花雕蛋白蒸蟹，蟹量十足又大大隻，蛋味偏淡，容易食出花雕酒的味道黃金大蝦，每隻蝦都啖啖肉，食蝦蟹難免用到雙手協助，留意返餐廳沒有濕紙巾提供。食完以上五道菜，到了中段時候，等了差不多45分鐘才有接著下來的餸菜，瑤柱扒西蘭花球，XO醬炒帶子。甘香炒飯，多到成座山咁高，粒粒飯，幾好味！總括這私房菜每道菜份量大，服務好，有住家味道，但上菜時間太長，入座到離座就差不多3小時，等到有點眼瞓，座位有點擠迫，可能油煙大，冷氣不足，空氣不流通，回家嗅到衣物帶點食物的味道，希望可改善。

第一次試吃很有驚喜，而且過了愉快的一晚。前2-3天訂枱，要先落$500訂金。留意只可Pay Me 及收現金。選擇套餐B , 11款菜式，個個人絕對可以捧著腹走。第一道蟹肉蟹皇翅，真心足料，雖然不是上好翅, 但也好味。金銀蒜粉絲蒸元貝好大件、粉絲吸哂精華，而且口感爽口彈牙。炸子雞外脆內嫩，仲要有雞味真係估唔到！黃金蝦係我至愛，隻隻蝦都成個手掌咁大，分量十足，好正啊！XO醬翡翠炒帶子, 帶子絕不癡牙！啖啖肉，花雕蛋白蒸蟹更加不得了，蛋白同花雕融為一體，蟹嘅精華同蛋白發揮得淋漓盡至。去到一半個肚已經好飽，對於呢個西蘭花我反而覺得一般而最好味嘅竟然係炒飯，香氣撲鼻，飽到上心口都想不停食，真心覺得正。炒飯就可以睇到師傅嘅功力有幾夠火喉清蒸游水海斑時間剛剛好，最喜歡香蔥加芫荽爆油味道，好食過出邊好多酒樓。最後有甜品同埋生果。整體感覺良好，環境寬敞，有足夠嘅私人空間。老闆親切，員工服務態度好好，個人認為比一般酒樓有更高嘅質素。下次如果有飯局，應該會再次光顧

第一次食私房菜，出乎意料之外嘅滿意！今次尾牙飯揀左套餐C，十二個人，每人298唔使加一。雖然環境唔係好闊落，但d送真係比酒樓好味好多，真材實料，又唔會好油同鹹，剛剛好，幾位長老都好欣賞，性價比高👍👍印象深刻嘅菜式係個瑤柱扒西蘭花，師父切完仲會堆砌返原狀上碟，心思之作；另外個花雕蛋白蒸蟹勁鮮甜，蛋白好滑又有蟹嘅鮮味；仲有個炒飯好好大碟，炒得好乾身，粒粒米分明，好味😋😋甜品同生果都值得讚！下次會再黎🤗

臨近年尾與家人吃團年飯，呢日我地吃套餐D，我地9大1小，1個小朋友3歲，3歲沒有收費，都算合理，人齊就開始上菜，一開始就上個翅，鮮甜可口，之後就粉絲蒸元貝，好香蒜味，海參鮑魚花膠都幾入味，蒸星班大大條，我地連骨都吃埋，鮮甜美味😋😋芝士龍蝦每人半邊不用爭，我地另外加左一碟賴尿蝦，都大大隻，其它送都接著上，上菜都幾快，當晚都多人，我地9位坐廳，因為都知道節日周圍滿座，這間服務質素和食物質素都好好，當然你叫人做野時都要睇清楚人地是否得閒，如果你見到人地都趕住做野時或忙時人地當然5會理人la，做自己手頭上野，做人要將心比己，我地9大1小，1位小朋友沒有收費，我地已經偷笑，做人要知足，因為我去過其它私房菜吃，2歲已經開始收費，即使沒有收費小朋友都要位坐，霸住左個位，所以我覺得已經好好，沒有收費仲有位坐，我地都太肚餓，都吃得快，因為媽媽想吃龍蝦所以就選了這個餐😋呢餐都吃得滿意和開心

話說今次第一次到呢度食飯，食物ok，但不算突出，份量亦非常足夠。一坐底就每人有半杯紅酒。不過今次想講嘅唔係關於食物，係關於服務態度。事情發生响我地準備埋單走人，見到位侍應，同佢講我地埋單喇唔該，跟住佢竟然黑哂面咁話，等陣先，你地仲有甜品、生果！態度差到唔知想點。之後我娘親諗住去洗手間，侍應再講等陣先啦😡。我娘親就同佢講話想去洗手間，佢無聲出。。我知道你廳面好多客人，好忙，但係個態度可唔可以好返小小？想埋張單啫。。。其實一間餐廳，食物係緊要，但係服務亦都唔可以忽略。。

今次吃飯是幫公司末位博士👨‍💻👨‍💻退休飯,我們40人包了大廳3圍,好彩好早預訂和落訂,這次我們選擇了每位$518套餐,食物新鮮和份量超實足,其中每人有半邊龍蝦🦞🦞真係好正,另外我地有素食者都➕素菜和黃金大蝦🍤🍤🦐🦐真係連殼都吃得好好味😋😋花雕蛋白蒸蟹🦀🦀好似豆腐咁滑蒸得剛剛好，翅好鮮甜,聽同事講原來是放新鮮雞和新鮮豬骨煲的湯底來作翅湯,落足料👍👍真係好難找到有私房菜咁落足本，粉絲蒸元貝和清蒸龍𧄌都要熱吃，蒜蓉味好香😋😋一塊塊大大塊花膠吃落肚回味無窮，因為我地不想浪費鮑魚汁,所以冬菇鮑魚汁來撈瑤柱蛋白炒菜超正，瑤柱飯都炒得正一粒粒分明🍚🍚最令我驚喜大大隻賴尿蝦肉質鮮甜,外殼都好有味，因為我平時都有買開但都冇咁大隻,對於女士最愛當然是椰子燕窩，一隻大大隻椰皇打開蓋裏面白色椰肉🥥🥥都可以寡來吃好香,吃完椰子燕窩🥥🥥可以用少一塊面膜😉😉😂😂生果是哈密瓜🍈鮮甜可口,今餐飯我們真係吃得超滿足和好味道😋😋因為我地人多比較麻煩埋單額外給了$200小費,下次和家人吃圑年飯都可以預訂或者和朋友聚餐都會選擇的好地方😉😉

今次吃飯是幫公司末位博士👨‍💻👨‍💻退休飯,我們40人包了大廳3圍,好彩好早預訂和落訂,這次我們選擇了每位$518套餐,食物新鮮和份量超實足,其中每人有半邊龍蝦🦞🦞真係好正,另外我地有素食者都➕素菜和黃金大蝦🍤🍤🦐🦐真係連殼都吃得好好味😋😋花雕蛋白蒸蟹🦀🦀好似豆腐咁滑蒸得剛剛好，翅好鮮甜,聽同事講原來是放新鮮雞和新鮮豬骨煲的湯底來作翅湯,落足料👍👍真係好難找到有私房菜咁落足本，粉絲蒸元貝和清蒸龍𧄌都要熱吃，蒜蓉味好香😋😋一塊塊大大塊花膠吃落肚回味無窮，因為我地不想浪費鮑魚汁,所以冬菇鮑魚汁來撈瑤柱蛋白炒菜超正，瑤柱飯都炒得正一粒粒分明🍚🍚最令我驚喜大大隻賴尿蝦肉質鮮甜,外殼都好有味，因為我平時都有買開但都冇咁大隻,對於女士最愛當然是椰子燕窩，一隻大大隻椰皇打開蓋裏面白色椰肉🥥🥥都可以寡來吃好香,吃完椰子燕窩🥥🥥可以用少一塊面膜😉😉😂😂生果是哈密瓜🍈鮮甜可口,今餐飯我們真係吃得超滿足和好味道😋😋因為我地人多比較麻煩埋單額外給了$200小費,下次和家人吃圑年飯都可以預訂或者和朋友聚餐都會選擇的好地方😉😉

我半年冇去，以前服務野食乜都好！我唔知點解會變左咁，我訂佢地十位要房，房都應承唔到我有冇，就係咁叫人落訂，話到時睇下比唔比到你。態度仲要好強硬冇禮貌。（如果唔係我爸爸媽媽想去我會立即收線）幾多位先可以比房都唔講，要拍賣間房咁，到時有更多人就唔會比我，洗唔洗服務咁差咁貪錢呀？大陸人開所以咁？一定係你地太好生意喇，要用人頭去拍賣間房，阻唔到你咁做，我以已通知我所有黎過的朋友，你地態度係點。大家留意返，一定要比訂金，如你要房佢比唔到你，都一定收你$500先，到當日先會講比你知，當日如果冇房比你，你係冇得改人數同拎返錢。大家小心

20180115星期一, 朋 友 四人到呢閒,位於尖沙咀九龍公園影對面大廈(商廈)樓上的薈萃輯軒,(朋友 已定位B餐)我第一次呢度吃,   地方好丫,有房安排, 清幽, 光猛, 有電視,簡單講....小店用心制作..海皇翅, 蟹蛋白, 蒸元貝,黃金蝦, 炸子雞, 瑤柱西蘭花, 魚, 以至炒飯...及生果安排........好好.食, 質數好, 價錢吾貴,   由於已知無酒賣, 已自兩支紅酒, ,...吾會收會酒費用, .......家人,朋友,飯聚會好地方,交通方便一定會再黎

呢次已經係第五次吃薈萃軒,之前都係吃開C餐和D餐,呢次特別d因爲係同屋企人中秋做節,1/10國慶晚,10個人選左E餐,食物質素新鮮之餘又好味,由於太肚餓只影左幾張相,芝士龍蝦伊麵夠汁,每人有半邊吃落去鮮甜可口,2分鐘己經清洗賴尿蝦夠大隻,每人都有一隻,好多肉,我每次都期待椰汁燕窩,係成隻椰皇,燕窩都幾多,椰子入面嘅椰肉都可以吃,好香,呢個對於女人來講好補和養顏,飲多d對脾膚好,令我感到最開心難忘係一邊睇電視🎆,坐係度都feel到震,係🎆震動好大聲,望出窗外都睇到🎆尾,好似係現場,和家人開開心心吃餐飯,又可以睇到煙花,又5洗避,真係過左一個特別晚上,下次會再幫襯

7月9日晚，我第一次光顧，有13人，地方雖然不是很大，但清潔整齊，有幾分住家的感覺。我們訂了B餐，食物賣相相當討好，也十分美味，份量又足，真是大快朵頤。朋友們都感動很滿意，一定會再光顧。

第一次嚟食，同一大班朋友飯局，份量多又足，味道也很好，價錢優惠，開心了一晚，預約前跟老闆講有孕婦同有D菜式不能吃，老闆很好人並細心為我地改變，非常感謝！會再去幫襯的!這晚點了套餐B,連甜點同生果共11樣，不得不大讚花雕蛋白蒸蟹煮得非常出色，蛋白夠入味又不會過重酒味，蟹汁滲透蛋白中，一試難忘，其他菜式無論雞，魚，肉，菜等~都煮得恰到好處唯獨是份量太多怕食唔哂，下次預約時要特別注意落的份量，避免太過浪費

昨日已是第二次幫襯這私房菜，確實不能不讚。我們一行九人點了C套餐，水準和之前一樣，食物質素新鮮，分量亦相當充足。$288 能有此質素，亦都在九龍黃金地段（清真寺對面），實屬難得現在興少糖少咸，師傅所住的餸菜味道十足，但也不會太鹹或者太甜，恰到好處。朋友都大讚那黃金蝦，和鮮魚煮法一流。我們席間有對飲食要求很高的朋友都讚不絕口。特別提到，雖然裝修不算全新，但確簡潔明亮，也慶幸能安排到一房間，所以大家都問高談闊論沒有受到外間影響。最重要是服務員服務很好，未提出的要求也照顧到。非常滿意的一餐！